دلوعه ممنوعه
New member
- إنضم
- 29 أكتوبر 2007
- المشاركات
- 2,273
بسم الله الرحمن الرحيم
السلام عليكم ورحمة الله وبركاته ..
اليوم انا راح اقترح عليكم افكار محببه عند الشرقيين من خلال واقعي وعالمي بما اني شرقيه
وتقبلوا طريقتي البسيطه فالشرح وممكن يكون فيه بعض الاختلافات البسيطه سامحوني لو اخطيت..
حاجات مهمه لازم تسوينها يوميا حتى تكسبي رضا الشرقي وبما انه دقيق جدا راح اذكر التفاصيل..
- العنايه بنظافة الفم والاسنان لو لقى منك ريحه كريهه راح تعلق في مخه ويتزوج غيرك طوالي ...
- الاستحمام والعنايه برائحة الجسم وخصوصا استخدام الليفه لانه يحب يشم ريحتك كثير ويحب ريحة الجسم تكون هاديه ومعطره ..
- بالنسبه للشعر عادي يحب كل الاشكال فالبيت اقصد تجعدينه او تسشورينه كلهم حلوين بس يميل للتجعيد مع بجامات وسايح وقت الليالي الخاصه وممكن تبدلين بينهم ويفضل مع السايح حركه بسيطه مثل بف او اكسسوار تعجبه هالحركه اكثر من المسيح بدون شئ بالعكس يكره المسيح الساده وممكن بعد تلفينه بالفير بعد حلو ..
- راعي ان ملابسك الداخليه دائما تكون منسقه يعني الستيان نفس الكلسون نفس القماش مثلا او نفس اللون او الوانهم تكون متناسقه لانه دقيق ..
- يحب الملابس بالبيت تميل للساده المرتبه اكثر من الملابس المره منقوشه او مشوشه لان دقته تخليه يدوخ اذا شاف نقش كثيرانا ماأقول امتنعي بس خليه هو مثلا يختار لك وهو على فكره يفضل الجلابيات على البجامات وحاولي تدخلي في لبسك حاجات طفوليه مثل بجامات بنوتيه رسمة دبدوب وغيره بس ناعمه تراها تعجبه بعد بس لاتكثرينها مررررره ..
- يميل للروائح الهاديه فالعطورات والروائح القريبه للبودره مايحب الفاقعه مره تزعجه وراح يهرب منك على طول ويحب ريحة العود البخور ويعجبه دهن العود بس لاتستخدمين دهن العود الا نادر ولازم تتنقينه بعنايه ومايهتم كثير للعطورات الفرنسيه الا العطورات اللي ماتدخل فيها ريحة فواكه او زهور هي اللي تعجبه لان ريحة الزهور والفواكه على طول تقلب كبده ..
- اذا عندكم اسئله اسألوا لاني ما ادري ايش تبون بالضبط ..
اولا اذا كنتي حابه تجذبي زوجك الشرقي وتسوين له مفاجئه رومنسيه وفاتنه ..
اعملي بالاتي ..
نظفي بشرتك تنظيف مظبوط وتأكدي من انك مرتبه حواجبك يعني صابغتهم ومرتبتهم بعنايه فائقه لانه جدا دقيق وراح يلاحظ هالشي ويستانس عليه ..الزبده وجه براق وحواجب مرتبه وبشره نظيفه جدا تستهويه هالحاجات خصوصا للي بشرتها دهنيه لازم تعتني فيها ..
وزعي كريم الاساس بدرجه تندمج مع لون بشرتك ويصعب اكتشافها بعدين رتبي حواجبك وارسمي عيونك بكحل بس ومسكره وتوابعها انتي ادرى بس بدون ظلال ممكن تستخدمين ظلال ذات الوان خفيفه مثلا لؤلؤي ابيض بيج عاجي وردي هادي وهكذا..
اهملي حمرة الخدود اذا كنت متعوده عليها او وزعيها اذا مساحة وجهك كبيره بس خفيف مره ..
اهم شي الانف اهمتي في انه يكون سلة سيف على قولتهم ممكن تحددينه من الجوانب بلون غامق خفيف بس لمسات هاااااديه
الحين جاء دور الشفه لازم قبل المكياج تسوين لها تقشير وممكن تستخدمين زيت زيتون معه سكر وتفركين فيه شفتك لين تتقشر الجلد الميت نظفيها بصابونه وجففيها ..
بعدين استخدمي روج لونه قوي لانه جذاااااااااب جدا للشرقي اختاري لون على كيفك بس ابعدي عن الفواتح لاننا نبي شفه محدده ومكتنزه وبارزه وعيون مكحله وحلوه ورموش جذابه وخشم سلة سيف كل هذي تدوخ الشرقي وممكن تلبسين عدسات اذا عيونك محتاجه او انتي حابه استخدمي ..
طبعا جسمك هيئتيه زي ماقلت نظافه وريحه هاديه وفواحه برقه ولبستي ملابس داخليه متناسقه وتبرز حجم الصدر والمؤخره الحين عندك اختيارات مفتوحه فاللبس ..
ممكن تلبسين ملابس تميل للذوق الهندي واحذري من لبس ملابس هنديه بحته ..
المقصود هنا ستايل هنديه بس متطوره يعني بلوزه تكون واسعه الصدر واكمامها نص بس راعي انها تكون فوق السر يعني قصيره ..
بعدين البسي شورت لابق تحت المؤخره بشوي مع بوت وخلي ساقك يبين مع بطنك وسرك ويديك وصدرك ..هذي حركة هنديات ..
XXXXXX
الحركة الثانيه ممكن تلبسين فستان ساده لااااابق على جسمك استريتش مثل العراقيات تماما وتكون فتحة الصدر واسعه ومفتوح على احد الجوانب لحد الفخذ واللون حسب ذوقك ..
الحركة الثالثه لبس مصري يكون قريب للبس الرقاصات اهم شي يخصر الجسم ويكون لابق عليه لان الشرقي يحب اللبس المخصر ..
الحركه الرابعه مثل لبس شهرزاد قبعه بس مو مثلثه خليها تكون دائريه ومشبوك فيها قماش شيفون حسب اللون اللي تحبينه وخليه يوصل لحد رجولك ممكن تشبكينه بأصابعك البسي ملابس داخليه مغريه حسب ذوقك المهم اذا حابه تغيرين في شي غيري حسب ذوقك بس عموما الشرقي يحب الستايلات الشرقيه..
بعد كذا جهزي الحاجات اللي يحبها واللي تحبينها ممكن فواكه او مكسرات او كيك او قطع شوكولا او شيبس ومسليات مع العصائر او مشروبات غازيه حسب اذواقكم جهزي غرفه معطره وزيوت مساااااج اهم شي تهيئين المكان حسب رغبتك ..
طبعا لاتنسين الشموع والترتيب كوني دقيقه يفضل انك تتعلمين ترتيب الفنادق في غرفتك واشياءك يكون احلا واحلا لانه راح يسعد كثيييييير فيك وممكن ترتبين الحاجات بشكل بارز.. لان منظر الاشياء قدامه مرتبه بتخليه يهيم فيك عشقا .ممكن تحطين زهور مرتبه كتب مرتبه على طاوله قريبه او شموع مرتبه اي شئ بس يكون مرتب بطريقه مناسبه للاجواء .
وانعمي بأجواء مميزه لكم معا عاد اترك عليكم الباقي ..
طبعا الشرقي ذكي وتحليلي و...و...و...ويحب الاناقه لكن الصور اللي نزلتها مو هي اللي اقصد انك تسوينها هي بس علشان تقرب لكم الفكره وتعرفون بيئته او ذوقه ....الخ افهموها زي ماتحبون
اي سؤال تفضلوا
طبعا ما احلل اي وحده تنقل الموضوع بدون ماتذكر اسمي او تنسبه لي لاني كرفت فيه ..
التعديل الأخير بواسطة المشرف: