مشكلتي مع زوجي الخليجي

[ام احمدان]

:no: السلام عليكم ورحمة الله وبركاته ،،،

عزيزاتي عندي سؤال وياليت من الاستشاريات وذوات الخبره يجاوبوني
ماهو الافضل لواحده ظلت فتره بعيده عن زوجها بغرض الاصلاح وهي تعلم لا فائده منه وصعب عليه تغيير نفسه في امور كثيره
- هل الافضل تنفصل عنه بالطلاق
- يبقون لفتره أخرى بعاد عن بعض
- يتفاهمون ويكون الحل تعيش في وطنها اذا كان فعلا متمسك بزواجه !!!!!

 

[*شوكليت*]

غاليتي ..
سالفة انج بديرة وهو بديرة اعتقد انه عذاااااااب لكليكما ,,
الحل يا ابيض او اسود,,
يا انه يتعدل وتعيشي معاه او تتركينه وتروحين لهلج الله يوفقج ,,

بس قبل لا تقررين ,,اذا ممكن نعرف شنو مشكلة زوجج بالضبط لأنه بإذن الله كل مشكلة لها حل ,,
الله يوفقج ويسخرلج زوجج **

 

[فريدة من نوعي]

وضحي لنا اكثر ياقلبي

 

[المنقبة]

وضحي على اساس نساعدج

 

[هبـا]

سووووري موفاهمه عليك

 

[لك الورد]

اختي ما في شي مستحيل00
حاااااااولي وحااااااولي بشتى الطرق لاتياسي من رحمة الله00لاتفكري بالطلاق مهما بلغت المشاكل00فأخر العلاج الكي00
اجعلي املك بالله كبير فهو يغير من حال الى حال والهادي الى سواء السبيل00
اسال الله ان يمن عليك بفرجه00

 

[ام احمدان]

اشكركم على ردودكم عزيزاتي
المشكله مب وحده ، اكثر من مشكله ، سواء تصرفاته معاي وعدم المامه بمسئوليته كزوج وعليه واجبات يقوم فيها !!!
يكفينا الغربه بس ما عمره قدرلي التضحيات والتنازلات الي بدرت مني ، في امور كثيره متمسك فيها مثل حركات وامور وسوالف العزابيه ما يتنازل عنها ولا حاول يخففها ولا يغيرها!!! مع العلم اني صبرت كثير معاه وتناقشت ويلست وتحاورت وكان في وعود وحلف ، بس بعد اسبوع بالكثير اسبوعين ويرجع الحال على ما هو عليه!!!
سفر - ربع - سهر - معارف - ارقام - مسجات - بلوتوثات - صور - افلام وامور كثيره في الحياه اليوميه
ماقدر اوضح اكثر واكيد بتفهمون لان المشاكل ماليه المنتدى ماشاء الله !!!
كل شي على راس هالحرمه مسكينه الله يصبرها
اشكركم وتحياتي للجميع

 

[*شوكليت*]

حبيبتي , اقري (دورة اسرار العشيقات)للاستاذة ناعمة في قسم القصص والحكايات ,,دورة رائعة تعلمج الاستقلال العاطفي عن الزوج ,
اقريها واستفيدي من كل حرف فيها وعطيني رايج فيها ,,

 

[ام احمدان]

شوكليت اشكرج عزيزتي
بس وين الاقي هالدوره ، وهل استطيع قرائتها بدون اشتراك!!!

 

[ام احمدان]

عزيزتي انا كنت قاريه عن الاسرار السبعه ، هل اهي نفسها الدوره الي تقصدينها!!!
بس ياليت شوي حد يرأف فينا لان حاطين على الحريم حطه!!!
تراهم مساكين ، يسوون كل شي حق ازواجهم وبيتهم واهلهم بس للاسف رياييل احين ما منهم فايده !!!
ترا معظم البنات احين يعرفون يقومون بمسئولية بيتهم وزوجهم واهله وتهتم بنفسها وتعرف تلبس وتتكلم وتتزين وتكشخ ، كل شي ، بس في رياييل عينهم فارغه ما يمليها شي ، وتربى على طريقة عيشه معينه ولا راضي يتنازل عنها ويغيرها ويدور له اي عذر تااافه عشان يمسكه على زوجه ، والكامل الله يا عزيزاتي ، احنا نحاول ونحاول ، بس ياليت نلاقى الحمد والشكر والتقدير والتدليل والحب والاحترام والاهتمام والحنان والامور الي نتمناه ، تراها مب كثيره !!!
تحياتي ،،،

 

[ملكة ببلقيس]

الله يعينك يارب
ويفرج همك

 

[تحيه للعلم]

عزيزتي انا كنت قاريه عن الاسرار السبعه ، هل اهي نفسها الدوره الي تقصدينها!!!
بس ياليت شوي حد يرأف فينا لان حاطين على الحريم حطه!!!
تراهم مساكين ، يسوون كل شي حق ازواجهم وبيتهم واهلهم بس للاسف رياييل احين ما منهم فايده !!!
ترا معظم البنات احين يعرفون يقومون بمسئولية بيتهم وزوجهم واهله وتهتم بنفسها وتعرف تلبس وتتكلم وتتزين وتكشخ ، كل شي ، بس في رياييل عينهم فارغه ما يمليها شي ، وتربى على طريقة عيشه معينه ولا راضي يتنازل عنها ويغيرها ويدور له اي عذر تااافه عشان يمسكه على زوجه ، والكامل الله يا عزيزاتي ، احنا نحاول ونحاول ، بس ياليت نلاقى الحمد والشكر والتقدير والتدليل والحب والاحترام والاهتمام والحنان والامور الي نتمناه ، تراها مب كثيره !!!
تحياتي ،،،

أم حمدان أعذب تحيه لج .....انتي انسانه رائعه وان شاءالله بتشوفين الخير اذا مو بالدنيا بالآخره

تمسكي في بيتج وزوجج لعل الله يكتب هدايته على ايدج وتظفرين ان شاءالله بالأجر الكبير

المشكله واضحه وضوح الشمس وهي ان المرأه صارت هي كل شي في نفس حياتها والرجل انعدم

ومالنا يا اختي الا ان نرفع أكف الضرااعه ونسأل الله ان يكشف عنا هالغمه ويعيد لنا شبابنا

رجااال نفتخر فيهم صدقيني يا اختي محتاجين فعلا نكثف الدعااء لان البلاء عم ومشكلتج مشكلة

كل وحده تدخل هالمنتدى لا تيأسين تذكري الله ومحبة ورحمته فينا الجئي له وماراح يقصر

تقبلي مروري​

 

[kareezma]

الله يكون في عونج حبيبتي

بس حاولي يكون آخر حل الطلاق

وحاولي تدخلين كذا شخص في الموضوع

إن شاء الله نسمع منج قريب خبر يفرحنا

 

[ام احمدان]

اشكر كل اخت شاركت وساهمت وردت على موضوعي
الله يخليكم ان شاء الله

عزيزتي الي قلتي اصبري ، تراني صبرت كذا سنه ، فعلا ماكانت عشر ولا عشرين ، بس الصبر ما ينقاس بالسنين!!! لان حريم يصبرون سنين طوال على نفس الوضع والنهايه مريره يا حرام!!

عزيزتي الي قلتي حط يدخل طرف في الموضوع ، صار ودخلو الاهل من الطرفين ، ماكان في حل
لان الرجال اذا كان سلبي لحياته الزوجيه والاسريه!! ولا عارف شنو هي المسئوليه!!! وماهو الزواج اصلا وماهي الحقوق والواجبات!!! كيف مع ا لمشاكل بعرف يحلها !! عشان تستمر الحياه! مافي تضحيات ولا تنازلات
ولا بعد كل هالفتره من الابتعاد حسيت انه صار فيه تغيير!!! مازالت الاهتمامات التافهه موجوده! وطبعا نسمع وعود ان شاء الله وبترك وبتغير !! بس الخوف لو ارجع يستمر نمط الحياه على ما هوعليه!
وانا ما عدت استحمل لان الصبر عندي نفد ووصل علآخر! مافيني اسمع او اجوف امور انا خلاص اشمئزت النفس منها! يعني ماتزوجت الا عشان استقر مو عشان احط لي مليون قلب يتحمل ما يمر علي في اليوم!! وكل يوم!

انا في اول شي كتبت ثلاث قرارات!! وفعلا انا محتاره في اي قرار اتخذ!! الرجوع والغربه مره اخرى والخوف من العواقب !! ام الابتعاد لفتره اخرى!! ام العيش في بلدي واستمرار الزواج بالاسم وحتى لا يضيع مستقبل الابناء !! (ترا انا خليجيه) وهو خليجي

اتمنى تتواصلون معاي لاني فعلا محتاجه النصيحه والراي السديد

 

[ام احمدان]

مافي حد رد علي !!
واشكر العزيزات الي ردو عليي قبل جزير الشكر 000

 

[*شوكليت*]

http://www.niswh.com/vb/showthread.php
حبيبتي الدورة تلاقينها في قسم قصصوحكايات ,,وما مادري ان كنت قريتي قصة ام بسمة ولا لأ؟
قصص الاستاذة راااائعة لانها تعلمج ترجعين زوجج لج من غير ما تقولج سوي وسوي ,,,
انما تعلمج امور تسوينها انتييييي المستفيدة منها اولا واخيرا من غير تنازلات وتضحيات تافهة مالها اي معنى ,,
الاستاذة تعلمنا نحب نفسنا ونعيشونعمل من اجل نفسنا ,اشلون نمتع ونونس انفسسسسسسسسسنا وبعدين نفكر بالزوج ,,
لان مستحيل نطالب الزوج ان يحبنا ويحترمنا ونحن بالاصل ما قدرنا انفسنا!!
الكلام كثييير بس مااقول الا انج اقري كلل قصص ومقالات الاستاذة واستفيدي منها ,,
الله يوفقج غاليتي ويسعدج *

 

[روعة مشاعر]

الله يفرج علييييييييييييييج ياااااااااارب

 

[حرير عنابي]

انا بعدي مب فاهمه الموضوع عدل بس انصحج انسي امور البيت شوي كم يوم يعني واهتمي في نفسج دللي نفسج بالعدال والكشخه اكثر عن قبل ..... اكيد انتي ماقصرتي في هالناحيه بس الحين تفرغي لنفسج وله ..اكيد بيتغير للاحسن وحطي في بالج ترا التغيير مايحدث في يوم وليله.

 

[umnouf]

حبيبتي ام احمدان ابدا ابدا ابدا لا تتريي من الريال انه يقدر التضحيات والتنازلات
هم راح يعتبرون ان الي سويتيه من واجبج انج تسوينه او راح يعتبره ضعف اوبيقول انا ما جبرتج على الي سويتيه انتي عطيتي من نفسج ونادر ما يقدرون الا من رحمهم ربي
حبيبتي حبي نفسج اول ولا تتنازلي عن حقوقج بس بالعقل يعني بالطريقه الي تتناسب مع ريلج
لا تحسسينه بضعفج خليه يحس بقيمتج
وخلي الحوار والإستماع هو الغالب حتى تضعوا النقط على الحروف
والله يعينج على ريلج
بقولج وبصراحه اصبح من النادر ان تجدي بيت يخلو من المشاكل التي ذكرتيها لان شباب ورجال هالوقت صاروا ما يطالعون ولا يفكرون والا يسولفون الا عن انفسهم وعن البنات والسفرات والسيارات صارت هذي هي حياتهم حتى الي زين ومؤدب وخلوق بس يختلط فيهم يضيع...
إلا من رحمه ربي وهداه ما اقول ان ما فيه ريايل زينه بالعكس فيه ريايل والنعم فيهم والله دين وأخلاق وادب وحس سيره ومعشر بس نادر ما تشوفينهم يعني قليلين فالاغلبيه السائده هم الي ذكرتهم في بادء الامر والله يعينا ويعين كل زوجه مبتليه فالصبر يا نساء المسلمين الصبر
فلتجعلوا الطلاق آخر الحلول
وتقبلوا مروري0000000000000

 

[لك الورد]

يااختي الحياة تحتاج صبر وكفاح00خلقنا في كبد
عليك بسعة البال والابتعاد عن اتخاذ اي قرار من غير استخاره وتاني00
اشعر بمرارة شكواك وعمق جرحك لاكن نظل بشر لانستطيع عونك الا بنصيحه عل ان تستفيدي منها 00
فالمرأه تصبر على فقر زوجها 00وقبحه 00وانشغاله00لاكنها لاتصبر على سوء خلقه 00
ارفعي اكف الضراعه الى ربك اشكي له ضعفك فهو ارحم بنا من امهاتنا فأنت في محنة وابتلاء000 لاتياسي ولو طااااال الانتظااااااار000