هذي قصةلصديقة لي عندها أربع بنات وولدين عمر ولدها 10 أيام بس يعني نفاس ومن يوم طلعت من المستشفى تقول مابعد حطت ولدها بالغرفة إلا وزوجها رمى عليها ثيابه وقال قومي غسليهم واكويهم.. هي عايشة مع أهل زوجها ببيت واحد ولاأحد مهتم فيها لدرجة إنها طلبت من جارتها ترسلها شي تاكله مو قادرة تسوي بنفسها غير إن لها يوم ولأخت زوجها يوم لنظافة البيت والطبخ طبعا ماعندهم هذي نفاس والا طيبة والناس رايحين جايين عليه يباركون وهي تتورط بالبيت هذا غير عندها بنتين بالمدرسة تقول زوجها أبد ماحن عليها ولا فكر فيها ومايمديها تطلع من نفاس إلا ويخليها تحمل ... المهم اللي استجد أخت زوجها متزوجه واحد متزوج وعنده بنت عمرها 14 سنه ودايم تجي عندهم وتقول البنت حلوة وجسمها حلو كنها حرمة وتضحك وترفع صوتها لين الرجال يسمعون.. وزوجها صار يسوي نفسه يدخل بالغلط وآخرها أمس حاطه مكياج كامل وتواجهوا عند الباب على أساس إنه بالغلط غير إنها مرة ترفع صوتها بالأغاني ومرة تقول للبنات ليه تنادون أبوكم باسمه ليه ماتقولون بابا... نصحتها بعض النصايح تقول إذا أنا وبناتي محشورين بغرفه وحدة ومحد رحمني وانا نفاس كيف تبيني أسوي اللي تقولينه ... المهم هو معيشها بقلق مطلقها مرتين ويهددها يقول ترى ماباقيلك غير وحدة لين صار كل شي حاضر وابشر وسم وتم .... اللي يهمها الحين كيف تتخلص من هذي البنت تخاف تسوي شي يتعلق زوجها فيها أكثر ويكون مو بباله وكمان البنت مراهقة مايصير تتعرضله لأنها بتعاند... للعلم زوجها بخيل ويجمع فلوس ومو راضي يسكنها لحالها أو يجيب بيت أكبر ومايجيب طلباتها لين تدفعله حق المشوار وتخيلوا يجيب لولده علبة حليب بالشهر ويقول لو غلقت قبل شهر ماني جايب... معليش طولت عليكم وباقي أشياء مامداني أكتبها... الل يسعدكم أبي حلول تريحها وضعها سئ وتقول أبي أرجع زوجي ماأبغى أخسره عشان عيالي وين أوديهم ...:no: