زوج صديقتي ماله حل..؟؟

[نفرتاري]

انتوا اللحين كلكم طحتوا بالريال .. ونسيتوا ان هي السبب
اختي .. ترا انتي سبب كل معامله شينة من زوجج
انتي سمحتي له ان يملي اوامرة عليج .. وعطتيه كل شي
وكل طلب يبيه منج ان شاء الله وحاضر
ونسيتي نفسج بالمرة .. كيف تبينه يتذكرج؟!!!!!!
هو يشوف جدامه مرة من يامرها على شي تسويه حتى لو هي مريضة وبنفاس
هو شدراه انج تعانين
شدراه انج اتألمين
لا تقولين يدري ويعرف
ما يعرف إلا إذا بينتي له .. ووضحتي له
ورفضتي تقومين في تعبج
يعني قالج غسلي هدومي .. لا تغسلين
شبيصير .. بيذبحج مثلاً

اختي .. لا تقومين ولا تخدمين
واطلبي منه هو اللي يوفر لج العناية
ويشيل ويحط فيج .. لحد ما تقومين بالسلامة
محد راح يهتم فيج .. إذا انتي اهملتي نفسج

في مثل يقولونه عيايزنا قبل " من عد نفسه سبوس .. العبت به الدجاج "
هذا مو بس ريلج .. هذا حتى هله
لأنج انتي اللي عطيتيهم الضوء الأخضر​