الله يعينج حبيبتي


انا ما اعرف احسن شي اتبعي اسلوب التطنيش

اول شي حاولي تطنشينه

لاني لاحظت ان اسلوبها وياه جي


و يوم انج بتلبسين ع الموضة قولي اليوم شفت حريم ووحدة كانت لابسة جلابية ويلسنا نضحك عليها هاي وين عايشة .. وارمسي ان جسمج حلو والكل يقول جي وان الكل يمدحج



وحاولي تبينين انج عايشة حياتج
ولاتطرشين له مسجات ولا شي

حسسيه ان في شي لاهية عنه فيه ومو مفتكرة فيه


خلي يحس بالفضول اتجاهج .. لا تخبريه كل شي حاسة فيه

و راويه ان هي ما اتهمج لان ما في مقارنة بينكم

لانج بطريقتج تبينين له اهميتها وهي ظفرج ما تسوا


حبيبتي الله يعينج ادري صعب هالشي بس حاااااااااااااااااااولي فديتج

واكثري من الاستغفار
قلبي معاج

اسمح لي اللي مايخاف الله خاف منه
زوجك يصلي اصلا اشك اذا يركعها
قبل الخيانه وقبل كل شي الدين اهم شي
يعني انتي اللي حطيتي نفسك بهذا
ودليل انه زوجك مفوووت ومنتهي تزوج وحده كذا
يابنت الناس ارحمي عيالك من ابو زي كذا وابعديهم عنه
والرجال على قفى من يشيل

الله يكون بعونك ماحبيت اطلع من دون مادعيلك الله يجبر خاطرك بعيالك ويعوضك ببرهم وصلاحهم0000مصير الايام تكشف المستور ومصيره يرجع للطاهره العفيفه وحقك تتاخذينه ان ماخذتيه بدنيتك تاخذينه بالاخره بس حبيبتي لاتدعين على زوجك ادعي ان ربي يبصره الصح من الخطا وادعي انه يرجعلك000 الله يجبر بخاطرك0

والله مب عارفة شو اقولج وانا اقرا الحسرة قبضتني الله يكون في عونج حبيبتي اهم شي طنشي صدقيني من اطنشين الريل يركض وراج لانج مسوتله سالفة وادعي الله في الثلث الاخير من الليل وردي علاقتج بربج بتنصلح حياتج كلها وانتي غلطتي فالبداية ما وقفتي عند حده
الله يسعدج ويرد ريلج ردا جميلا

لا حول ولا قوة إلا بالله ....الله يربط ع قلبك ويصبرك ويرد لك زوجك ردا جميلا كريما ويحنن قلبه عليك ويسخره لك ولأولادك يارب ويهديه ويصلحه ويتوب عليه ويصرف قلبه عن الحرام وأهل الحرام،،،،،مالك حبيبتي إلا الصبر والدعااااااء هذي مصيبة كل الزوجات ف هالزمان إلا من رحم الله.

الله يفرج همك ويهون عليكي والبنات ما راح يقصروا

لاتسألينه عنها ولاتهتمين فيها ابد .. وتعاملي على ان مافي في حياته غيرك .. اذبحي الغيره الي داخلك .. اهتمي في نفسك ونفسك ونفسك بس .. اشغلي وقتك في نفسك حسسيه انك تحبين نفسك وانك مابتضيعين عمرك في الغيره ..
الي مخليها كسبانه انها متجاهله وجودك ومنشغله بنفسها ..
ترى كل ماقلتيله هي وهي وهي بيزيد يبعد عنك .. تجاهلي وجودهااا تماما
خليكي قويه ..
الله ينصرك

الشكوى لله يابنت الحلال
ولا تحرقين نفسك ويجيك مرض

وادري موب شيء بسيط الجاره
الله يكون بالعون يالغاليه

ترى دامه بدا وياها بالحرام .. تأكدي بيجي يوم ويفوق ويتركها .. لانها زي ماسوت معاه بتسوي مع غيره يالطيف ..
على الرجال يبي الي يتعزز عليه ويبي وحده يجري وراها مو هي تجري وراه

اول شي احب اقوله الج الي مايخاف من الي خلقه هذا لا تنتظرين من عندة اي شي

ثاني شي اقولج انتي هلا كتبتي مشكلتك لانه تحتاجين مساعدة وراي حكيم يساعدج بس بسالج سؤال اكثر من وحدة راح تعطيكي نصيحه هنا بس انتي راح تطبقيها ؟؟

اختي مثل مانام وياها قبل الزواج راح فد يوم تحب واحد ثاني وتترك ريلج وبذاك الوقت لو يرجعلج مكسور لو بعد ميرجع ابد فالاحسن الك انتي اهتمي بنفسك واتركيها والله صدقيني يجي يوم ويحس انها نزوة خلص اتركيها ولا تتكلمين معاها ابد ولا تعتبريها موجدة هو ريلج اصلا عارفها على حقيقتها بس اتوقع هو شمالي مابدة احد يقول انته عملت غلط يعني انتي ليش توريها المسجات بتلفون زوجج يعني هيه وحدة صايعه وتلكم واحد غيرة تتصورين هيه تهتم انه يكلم لو مايكلم هيه تريدة يتزوجها عسب تطلع وتكلم براحتها وهاي زوجج تزوجها يعني اصلا زوجج لو يحبها من صحيح ماكان خانها كان قابلها خمس وعشرين ساعه باليوم ومافارقها ولا حتى اجه عندج ولا عند عيالج يحتي الرياجيل مايملي عينهم الا التراب واذا كان هو مشه معاها بطريق الغلط حتى لو بعدين صلحه وتزوجها بس بعد تعلم على الغلط وصار عندة سهل يعني توقعي يعيدها اكثر من مرة مو بشرط زواج لا .

نصيحتي الك اشتري روحك وصحتك ترة اهم شي في الحياة الصحه واهتمي بنفسك وطنشي ويجي يوم والله يخذلك حقك واذا كنتي ناويه تتطلقي فكري بنفسك وباولادك وشوفي انتي شنو بدك من الحياة واذا تقدرين تعيشين معا لو لا انا اعز صديقاتي مرت بنفس التجربه بس ماعندها اطفال والي كتبته فوق انه راح يصير مع زوجك كوله صار مع زوجها بعد ماخانها وتزوج الي خانها وياها بس صديقتي تطلقت وهلا زوجها( طليقها حاليا) يوميه مع بنات الحرام بكل انواعهم مايخلي مكان في بنات حرام مايروح اله ويعمل حرام بكل انواعه استغفر الله ولساته متزوج نفس البنت الي نام معاها قبل الزواج بس شكلها ماتعرف بخرابيطه او تعرف وماتحكي لانه غني جدا ومعيشها مرتاحه

اها وشي ثاني لا تطلبي من زوجج علاقه زوجيه انتي قلتي انه يتحجج خلص لاتطلبي من عندة اي شي بس اهتمي بنفسج وخلي لنفسج عزة نفس ترة يجي يوم وتتندمين انه انتي طلبتي وهو ردج خليج لين يجي هو ويطلبج واذا ماطلبج احسن يمكن لاسامح الله ينقلج امراض ز

من باعك عشان وحدة ساقطة زانية بيعيه ببلاش .
أهمليه لاتعطينه وجه ولو حصل لك لاتقابلينه نهائياً
إذا دخل البيت اتركيه وقومي لأشغالك واعتني بصحتك وعيالك وخليه مع القذرة حقته لين يجي يوم ويكتشفها على حقيقتها وساعتها تذلينه مثل ماهو ذالك وأنتِ تلاحقينه.
ياحبيبتي تصرفاتك غلط تلاحقينه وتسألينه تحبني أكثر ولا تحبها؟ وتتهاوشين مع وحدة المفروض مايجي لسانك على لسانها لأنها ساقطة وأنتِ شريفة .
الخلاصة: الرجل أهمليه وشوتيه يلحقك ويرجع لك ،ولو لحقتيه ولزقتي فيه بيقرف منك ويهرب منك ويتهمك بأنك
مملّة ومزعجة ومريضة.
الله يبرد قلبك ويسخّر لك رحمته وينزل عليك طمأنينة نفسية وراحةً قلبية بالقرب منه والتلذذ بعبادته.

لاتركضين وارة حاولي تشغلين نفسك ياقلبي طنششششششى قد ماتقددرين طنشيهم لاتراقبينهم اللة يكون بعوونك