[you] اذا انتي موظفه ومتزوجه محتاجينك هنا

[Lulita]

مرحبا بالغاليات

انا موظفه وراتبي اكثر من راتب زوجي ولله الحمد ...
قبل الزواج كان عندي قسط سيارة وبعد الزواج اخذت سيارة ثانية لان سيارت زوجي بدت تتعطل وصرفنا عليها كثير ف اتفقنا ندفع قسط سيارة بدل لاندفع للتصليح .... طبعا راتب زوجي كان ضعيف خاصه بعد الديون ... المهم سجلت السيارة بإسمه .... بعدها اخذت قرض من البنك ع اساس ادفع السيارتين كاش وادفع قسط البنك فقط بدل لا ادفع لجهتين والمصاريف تكثر ... لكن سيارتي الاولى اللي بإسمي عطيتها اخوي وخذنا من عنده سيارة مستعمله فصارت السيارتين بإسم زوجي وسيارتي اللي عند اخوي بإسم وطالب تنازل .... يعني الحلوه صفت بدون سيارة ... كلمته مرة بعد ما انتهت السيارة ان يجددها بإسمي عشان ماحد يتكلم عليه ويقول ماخذ سيارة زوجته .... ورفض وقال خلي الناس تتكلم لان ماعندهم سالفه .........
ومن البداية كنا نحط رواتبنا مع بعض ونوزع المصاريف كونا ساكنين عند اهله ندفع مبلغ بسيط وماكو ماي وكهربا......... لكن دخلت جمعيه كبيره عشان مانلعب بالفلوس وحتى اضمن اني اسدد قرضي من الجمعية.... والامور لحد اللحين ماشيه تمام واي شي خاطري فيه آخذه .... احيانا يلمح اني اسرفت هالشهر او خيطت ملابس غاليه بس اطنش واقول ف خاطر ان اللي خذته استاهله لان من تعبي وشقاي بس طبعا ما احسسه بهالشي .......... وقبل فترة مرينا ف ازمه ماليه وقالي بيعي ذهبك قلتله مستحيل دبر مبلغ تسلف من اي احد لكن آخر شي افكر ابيع ذهبي ... بالعكس اذا حصلت مبلغ بشتري ذهب .... الحمدلله امورنا طيبه لكن اريد طريقه اقنعه ان يسجل السيارة بإسمي

 

[ارق العبارات]

انا لست موظفة ولكن متزوجة والحمدلله زوجي يصرف علي وكان اول مايعطيني مصروف خاص لكن مع الاقناع صار يعطيني الله لايحرمني منه

 

[حصه المهيري]

انا موظفه بس ما احب اطلب منه شي على الرغم انه ظروفه الماليه اوكيه
على الرغم انه كلهم يقولون خليه يصرف عليج لو بجزء بسط بس انا ما ارضى ويقولون تراج بتندمين بعدين
ويمكن الحين بديت احس بشوية ندم

الحقي نفسك بالتدريج

 

[ام شوكلاته]

لو اني موظفة كان ساعدت زوجي بلمصروف

 

[روزلينا2]

للاسف اكثر الرجال يبغى زوجته تصرف على كل شي ويطمع في راتبها

 

[موهبه]

انا موظفه ومتزوجه وراتبي اكثر من راتبه

لكن لااعلم عن راتبي ولا اصرف منه بل هو المتصرف فيه ولا استطيع ان اقول ( راتبي )
لا عندي سكن سنع ولا اكل سنع ولا لبس سنع ولاسفريات سنعه . زوجي بخييييييييييييل وهذا عيبه الاكبر .​

 

[بروكي]

اناموظفةزوجي ابدامايتدخل براتبي بس انااصرف على نفسي واهلي

 

[أم سمية]

أنا مني موظفه بس اسمع عن معاناة الموظفات والسبب هو البخل والأتكاليه وممكن خوف الزوجه أعرف وحدةزوجها يطلب منها حق البنزين اذا كان بيوصلها و حق السفر اذا بيسفرها .. و الله المستعان

 

[امـ الورد ـيرة]

السلام عليكم ورحمة الله وبركاته

كيف حالكم أخواتي

الاتفاق على المصروف بينكم من غير بخل منك ومنه

 

[تفاءل]

شوفي خلي المصاريف الأساسيه الخاصه فيكي عليه مثل مصاريف الأعياد وزواجات الأقارب لكم

والأشياء الكماليه عليكي ,,,(مثل احتياجاتك الخااصه (الكريمات -العطور -انتي دللي نفسك بنفسك)

وطبعا مصروف البيت والعيال والفواتير عليه,,,

هذي بصراحه كانت طريقتي لما كنت موظفه

بصراحه الوظيفه عز حسيت بهالشي بعد ماتركت وظيفتي رغم انه راتبها كان قليل ..

 

[رجوت رحمتك]

مادري شفت اسمي وقلت يمكن انا اللي تقصدوني انا مو موضفه طالبه ومتزوجه لكن حتى المكافئه صارت علك بيني وبينه كل ماقول ابي وابي قال عندك فلووووس بس امي قالتها اذا عودتيه انك انتي اللي تصرفي على نفسك بياخذها عذر انه مايصرف عليك
اعرف وحده كانت عند اهلها ولا ريال يعطونها فيوم تزوجت اقنعت زوجها انها كانت المدللله وان اهلها مايقصرون معها فصار اخونا الل نفسها فيه يعطيها
اتمنى اني افدتكم
لكم ودي

 

[جيد المها]

مرحبا اخواتي الغاليات أنا غير موظفة واخاف اتوظف وزوجي يوقف المصروف عني وعن العيال الي يدوب يكفي لذلك ماابي اتوظف على الرغم ان تخصصي مطلوب كثير
وان اعرف شخص الله يخلية الامة وابوة ولعيالة زوجتة موظفة من اربع اسنين عمرة ماجالها كم رتبج ولا جالها رتبج عندج ايكفيج بلعكس يصرف عليها مثل اول ولا يجصر عليها بشي
الله يهدي ازوجنا ويسخرهم لنا

 

[لمسة حنين]

بصراحه انا اول كنت عميه لا اهتم كثيرا بموضوع الراتب يعني كله واحد صرف هو او انا لين ما صار موقف وفتحلي عيوني

والحين هو اخليه يصرف اي شي اريده واذا رفض وتحجج ما عنده ما اشتري اي شي وفي النهايه يطر هو يشريه واول الشهر اكتبله قائمه احتياجاتنا في ورقه واقوله يالله نروح السوق ونروح واشتري كل الذي محتاجينه

ولما يقول ما عنده اقوله دبر عمرك انت رجل البيت

 

[بنت قبايل]

عزييزاااتي البنيااااات :blushing:

انا بعد موضفه لكن زوجي غصبن عليه يصرف علي ولا يتدخل براتبي

اول مااشتغلت كاان يلمح الحبييب براتبي لكن انا وقفته عند حده قلت له والله انا مره وانته مالك حق براتبي لكن انا زوجتك وغصبن علييك تصرف عليي

طبعن كل رجاال وله كبريائه ... :santa_1: ومنها حلف انه ماله شغل براتبي

وحتى ماسالني يوم رقووني كم عطووني احس هالسؤال يدور في راسه لكن مايتجرأ والزوج اذا ماعطتييه العين الحمره والله انه بيلعب فييج لعب

صج احس اني جريئه بكلامي معاه لكن الله حق ومايفييد فيهم الا جذي

 

[نزف السنين]

الكثير من الموظفات عندها راتب وزعلانه ليش مايصرف علي

طيب هناك الكثير من ربات البيوت لا عندها راتب ولا شي ومع ذلك مايصرف عليها الا بالموت الموت وكمان اذا اعطى اعطى ملاليم ماتجيب لبسه كامله

تحمد ربها الموظفه على الأقل ماتحس نفسها زي الشحاته كل مابغت قرش تجي تتودد وتطلب ساعات بل ايام وشهور وفي الآخر اذا اعطى يعطي ملاليم
والله كثير من انحراف الحريم سببه قلت المال من الأهل او الزوج.......
ما نقول غير الهم اكفنى بحلالك عن حرامك واغنني بفضلك عمن سواك

 

[فاقد الشوق]

السام عليكم ورحمة الله. ياعزيزتي أنا موظفة وليس مملكه . لكن حسب معلوماتي وسمعي من الزميلات المفروض الزوج هو المسؤول عن طلبات الزوجة والأولاد والبيت سواً كانت موظفة ولا ربيت بيت. هذا حق من حقوقها في الإسلام. وممكن الزوجة إذا تبغا مساعدته من قرارة نفسها وبدون ضغوط تساهم في شي من البيت مثل تتحمل مصاريفها الخاصة أو تتكفل بمقاضي البيت من مواد غذائيه ونحو ذللك.إلي تبي تفزع بيه إنشالله أكون ساعتكم في حل من الحلول.

 

[ياربي استجب]

الحمد لله انا موظفه وراتبي ما ياخذ منه ريال الا اذا طلبني ما ابخل عليه

حتى اذا احتجت اي شي اقوله ابغ فلوس ملابسي قديمه شوي ولا كان عندي شي وهو
يدري ان عندي بس ما يقول ترى عندك لان الرجال يستحي بطبيعته ويحاول يصرف هو في اغلب الاحيان حتى لا تنجرح رجولته

بس صدقيني اذا تعود من جيبك يدمن

حسسيه انه هو المفروض يصرف مو انتي

وان فلوسك اذا حصل ضيق او شي بس لاتبخلي عليه لانه ينجرح بقوه اذا رفضتي ونفختي عليه


هذا بالنسبه للشمالي كريم ومعاون ومايبغ يحس بالذل ابدا
ومدري عن الانماط الثانيه



وباقولكم معلومة
الازواج يقولون لبعض لاتاخذ من فلوسها ابدا والله تذلك
هذي نصيحتهم لزوجي في البدايه
بس انا حسسته انه عادي جدا بس يعطيني خبر
اذا كان مضطر
والحمدلله والله انه يحرص على فلوسي اكثر مني..........


هذا الشمالي لاتنسوووووووون

 

[الحجر الصغير]

حبيبتي أنا زوجة وأم وقاعده في البيت مع العلم أني خريجة جامعة وكنت مدرسة ناجحه بكل المقاييس بس زوجي أصر على أستقالتي بحكم وظيفته (شفتات) بس في المقابل هو كريم معايه

 

[الحجر الصغير]

أنا غير موظفه ومتزوجة ولي ثلاثة اطفال ولكن أنا خريجة وكنت مدرسة :icon26:

 

[حسناء حمودي]

انا ربت بيت مو موضفه بس حبيت المرور