♥شات الامهات الحوامل لسنة 2009 ♥

[عهووووود]

هلا هلا عزيزتي اساس الغلا الله يعينج والله ,,, لا و فرمضان بعد ,,, حاولي تاكلين لو حبة موزه في اليوم سمعت انها تخفف الوحام ...
انا بخير يالغاليه والنونو بعد تمام بس مادري عنه من شهر ما شفته فدديته بس يوم الخميس ان شاء الله عندي موعد وبتطمن عليه ...

 

[اساس الغلا]

الله يطمنج عليه يارب
وحاولت اكل موز مااااااانفع وياي
بيطلع عيني من الحين هالولد
وامس اقول لابو الشباب مايصلح يطلعون معتدي وجبدي بس ادخل السادس يرجعونها؟؟
والله ودي بس الهوى ضدي
الله يسهلها يارب

 

[~ ناريز ~]

صباح الورد صبايا كيفكم :icon26:
كيفك هنوده وكيف ولدك طمنينا عن صحتك يالغلا
:surrender:مشاااااااااااااااااااااااااااااااعر:surrender:
سويتيها يعني يارب ان شاء الله ترجعين لنا بالسلامه والبيبي يكون طالع وتفرحين فين يارب :cupidarrow:
وعقبالنا ياكريم بالولاده السهله :tears:
اليوم رحت موعني والحمدلله كل شي كويس :sad_1:بس شفت مكان الولاده وحرمه فيها طلق قعدت :sad_1:
يارب تسهلها يارب

 

[اريد الرومانسيه]

كيفكم بنات شخباركم
شلونك ناريز وعهود انا في الخامس بس حركة البيبي ماحس فيها عدل يادوب ريشه تتوقعون طبيعي

 

[اريد الرومانسيه]

وينكم حوامل ماتردون

 

[سـارة]

هلا اميرته منورة بعد هالغيبة << الله يكون بعونك يارب على التعب ويطمنك بشوفة النونو

اهلين عهوووود ياعسل انا الحمدلله بخير ما لي غنى عن دعواتكم انت بشريني عنك

اساس فديتك الله يعينك على الوحام وربي خياس الله يكتب اجرنا ..

 

[سـارة]

وانت وش موديك مكان الولادة الله يهديك ناريز << ناقص روعة وخوف

الحمدلله انك تطمنتي دوم يارب ..

هلا اريد الرومنسية شخبارك وشلون النونو ؟؟

 

[ياسمين الاردنية]

مرحبا هنودة شو اخبارك
وشو اخبار ابنك ان شاء الله صار احسن
طمنينا عنك وعن ابنك
وديري بالك على حالك
وهذا كله قضاء الله وقدره

 

[المدينه حبي]

بنات انا توني حللت وطلعت حااامل الحمدلله والشكر ياااارب
بنات منو تسوي لي شريط حمل اخر دوره كانت 21 |8
بس للمعلوميه دورتي مو منتظمه وحسيت اعراض الحمل
من تقريبا17 يوم
يعني كم لي؟؟؟

 

[المدينه حبي]

بنات مو معقوله مافي حتى ترحيب او كلمة مبروك

 

[عهووووود]

اساس الغلا خخخخخخخخ الله يخس ابليسج ,,, يطلعون جبدج مره وحده
اللي ياجرج ان شاء الله خيتو على هالتعب بس ما قلتيي لي شو كان عندج قبل ينيه ولا ولد وشو فخاطرج هالحمل يكون ؟ والله يسهل عليج خيتوو يارب وتعدي الشهوور

 

[عهووووود]

اريد الرومانسيه هلا الغاليه شخباااج مع الصيام

والله اناا تقريبا نفسج بالضبط في الشهر الخامس بس احيانا احس بحركه النونو سريعه شوي ورى بعض ماشالله واحيانا ما يتحرك الا قبل ما انام واحيانا الحركه الخفيفه بس ما عندي فكره والله اذا كانت طبيعيه خيتو ولا لا ,,, والله يسهل علينا يااارب

 

[عهووووود]

حبي المدينه مبرووووووووك الف مبروك وتستاهلين والله يتمم حملج على خير يارب وتفرحين بشوفه ضناااج بين ايدج يااارب ,,, وحياااااااج الله امبينااا نورتي الشااات خيتووو ^_^
سانحيني ماعرف د الشريط

 

[المدينه حبي]

حبيبتي يفرح قلبك الهي ويبارك فيك ياااارب
بس تصدقين مو مصدقه اني حامل
امس سويت تحليل دم وطلع موجب الحمدلله
بغيت اسالك هل هو مضمون تحليل الدم
يعني كلامه صح 100 % ان شاللله اني حامل
وبعدين انا بكريه وبودي اسال شوية اسئله بس مستحيه
شوي:in_love:
اخاف تقولو عني ماستحي :in_love:
بس عذروني مو عارفه اسال مين لاني مو ناويه اعلم احد الا لما تبان بطني من نفسها:in_love:

 

[المدينه حبي]

باللله بنات ردو علي انتظركم
وينكم انتظركم

 

[عهووووود]

هلا المدينه حبي ,,, فحص الدم مضموووووون 100% واظمن عن التحليل المنزلي لان تحليل الدم يبان الحمل من اول يوم فالحمل ومبرووووك مره ثانيه ,,, نفسي انا يوم عرفت اني حامل ما كنت مستوعبه ابدا اسبوع خخخ ,,, الله يفرح قلبج ويسعدج ويهون عليج يارب ,,, افا عليج اسالي اي سؤال واكيد ما بنقصر معاج انا والكروشات باذن الله

 

[عهووووود]

اسمحيلي عزيزتي مارديت عليج بنفس الوقت لاني رحت اسوي الفطور ^_^ والحمدلله من شوي خلصت

 

[المدينه حبي]

يالغاليه حتى انا رحت انشغلت بالفطور
وه ياحلاتي لما زوجي خايف علي
مايبيني اشتغل مرره بسبب حملي
اللهم لك الحمد هالشي مررره يفرحني
وانا خلصت فطوري بس باقي اسوي السلطات والايدام
وذحين بروح اسويها
يالغاليه بسالك عن الجماع
انا سمعت انه خطر على اللي توها في بداية حملها
يعني بحدود كم يكون مو خطر وربي خايفه عالحمل مررره
وودي اروح اجلس عند امي الى يثبت ان شالله

 

[عهووووود]

هههه صح كلامج يالمدينه حبي احلى شي فتره الحمل يدلعونج اخر دلع ,,, الله يعطيج العافيه ويسعدكم يارب .... عن الجماع انا قالت لي الدكتوره لا تكثرون وايد ولازم يكون بالراحه مب بالقو ,, لاني انا اعرف ثنتين اجهضن والله والسبب الجماع في اول الشهور

 

[سـارة]

مساء الخيرات ..

شخبار الكروشات ..

الف مبرووووووك المدينة حبي الله يتمم حملك على خير يارب ..

هنودة << شخبارك طمنينا عنك وعن ولدك ربي يقومه بالسلامة يارب ,,

مشموشة والله لو بعد هالغيبة كلها ماتكونين والدة ياويلك ^_^