♥شات الامهات الحوامل لسنة 2009 ♥

[هند بنت عتبة]

حبيبتي انه غيرت وايد اشيا فيني عشانه وعشان الحياه تمشي لانه انه وهو من عالمين مختلفين تماما فحاولت انه اسوي حل وسط يعني ما ادندمج كلش في عالمهم ولا اكون بس في عالمي
انه كنت قبل الزوتج دلوعة وبنت البابا وكل اوامري مجابة وعلى اقل شي اصيح بحكم اني كنت البكر واول حفيدة للعائلتين فتخيلوا الدلع بس بعد الزواج والله تغيرت تحملت الي مايتحمله بشر من ضرب واهانه وسكتت عمري مارحت بيت اهلي او شكيت لامي او لاي احد لانه الحياه الزوجية اسرار طبعا غير غيرة امه وخواته مني لانه مثل ماقلت لج انه غير عنهم حاولت وايد اندمج معاهم بس فشلت لانه تفكيرهم غير عني
زوجي مقدر الي اسويه بس مشكلته انه مايعرف يعبر ودايما كلامه قاسي معاي
انه ما احب الروتين وقعدة البيت اهو مايحب يطلع فتخيلو حالتنا اشلون فقمت اسوي لنا برامج في البيت وطبعا غير المناسبات دايما احتفل معاه فيها واسوي له مفاجات مايتوقعها بس اهو دايما ينسى مع اني ادكره وقبل ماانسى عمره ماقال لي كلمة حلوة او انتي حلوة مع دايما اغير من نفسي من كل النواحي من الشعر واللبس والمكياج ما ابي امدح نفسي بس تخيلي انه البنات في الدوام يقولون لي يابخت زوجج فيج ماشاء الله جمال واخلاق تخيلي غير انه مايبين على اني متزوجة وام للمرة الثالثة يعني الي بشوفني يعطيني اقل من عمري بوايد وكله عبالهم حامل اول مرة وقبل الحمل الكل عيالة اني للحين بنت بس اهو وينه انه ما ابي الناس اتقول ابيه اهو
ما اقول الا الشكوى لله

لاتضايقين نفسج حياتي
انا اهل زوجي نفس الشي يغيرون مني وياما صارت مشاكل وزوجي وقف بصفهم
وهو عارف ان الحق وياي بس حجته مايبي يزعل اهله وتخيلي حتى فحملتي هاذي كل شوي قالو روحي فحصي لايكون الجنين في عيب : يعايروني بمرض ولدي :
بس ماعرف شقولج غير انة الله يكون بعوننا ومع هذا حاولي انج تتجنبين المشاكل معاه واذا في شي بخاطرج فهميه بهدوء انة انا احب اسمعك تمدحني ومن هالكلام يمكن يبدا يفهم




‏

 

[مس بحرين]

مثل حالتي باضبط كله في صف اهله بس الله يعيننا
وعلى الكلام ياما قلت له بس ماكو فايدة
ان شاء الله الله يقومج بالسلامة والجنين مايكون فيه شي وكل شي بيد رب العالمين
ومو من حقهم او من حق اي احد انه يعايرج مرض ولدج وانتي الي فيج كافيج الله يكون في عونج ويقر عينج بشوفه جنينك ويشفي ولدج بحق هالايام المباركة

 

[~ ناريز ~]

ناااريز ..

اتذكر مرة مدحتي للاميرة الصغيرة (( الحلتيت)) بسألك

كيف طريقة استخدامها ؟؟ ومتى استخدمها ؟؟ وايش تسوي بالضبط ؟؟

ربي يسعدك

تصدقين كنت بقولك والله عنها
تحطيها فمويا دافيه وتخلينها فترة ساعتين اكثر او من الظهر تحطينها وبالليل اتغسلي فيها من تحت تمنع الشمم واذا فيك طلق تحميه وتفتح الرحم ..
بصراحه انا وخواتي وبنات خواتي على الله ثم عليها
بس الله يعييييييييييييينك ع ريحتها

 

[هند بنت عتبة]

مثل حالتي باضبط كله في صف اهله بس الله يعيننا
وعلى الكلام ياما قلت له بس ماكو فايدة
ان شاء الله الله يقومج بالسلامة والجنين مايكون فيه شي وكل شي بيد رب العالمين
ومو من حقهم او من حق اي احد انه يعايرج مرض ولدج وانتي الي فيج كافيج الله يكون في عونج ويقر عينج بشوفه جنينك ويشفي ولدج بحق هالايام المباركة

الله يكون بعونا يختج والله ياجرنا ويعوضنا خير

 

[~ ناريز ~]

مس البحرين ياحياتي انتي ذكرتيني بأول أيام زواجي :tears:
والله كنت زيك بس وش كان العيب اني ساكنه فوق اهله
يعني لو يجي احد ضيوف شئ العين علي انا اطبخ واسوي وافعل مدري ليه انا المسؤله عن بيت الحموله هذي
وكل شوي انزلي ساعدي امي ومدري ايش واذا طلعنا وين رايحين بجي وياكم تخيلي ماخذت حريتي ابد واذا دخلنا ومعنا شئ وش معكم واش اشتريتم يعني مررررره صراحه طفشت
وجبت بنتي ولا عندي شغاله ولا شئ
وفوق كل هذا كنت ادرس لاني انا تزوجت بدري مررررره
وهو قدامي يكون ضد اهله ومعاي بس اذا نزلهم اسمعه يكون معهم ضدي
ولمى دخلت الكليه قلت جيب شغاله ومن راتب الكليه انا ادفع راتبها
وكل يوم الشغاله عندهم تنظف وع حسابي وجبت ولدي والحمدلله تخرجت وآصريت اني اطلع بيت وحدي حتى كلمت اخوي امام مسجد وكذا متفهم وكلمه والحمدلله طلعت واررررتحت كثير ياربي لك الحمد ولك الشكر لكن بعد 8 سنوات دامت والحين صح يجيني كلام يمين ويسار لكن اطنش اهم شئ فبيتي ورجلي ووظيفتي وماسلمت :thumbdown:

بالنسبه لراتبك اذا عندك اخت تمونين عليها وعندها رقم حساب حطي عندها اللي تبين
وربي يفرج لك ياكريم ويهنيك بحياتك

 

[~ ناريز ~]

هنوده كيفك الحين شخبارك ..
انا من امس العصر اذا تحرك بعض الاحيان حركته تعورني شوي مدري ليه
يمكن كبر ؟
عاد بكرى ان شاء الله موعدي الله يسهل ياكريم

 

[هند بنت عتبة]

اهلين ناريز انا حركته مثل قبل تزيد اوقات وتخف اوقات

وطمنينا لي رحتي الموعد
انا موعدي يوم الاثنين

 

[~ ناريز ~]

مدري خفت والله يمكن عشان بطني ماكبر حيل مع اني احسه ثقيل بس خواتي وامي يقولون بولدك بطنك اكبر من كذا
وبنفس الوقت قولتهم كل بطن يختلف عن الثاني والله احترت

 

[مس بحرين]

اي والله يااخت هند الله يكون بعوننا لاني الصراحة طفشت خلاص

 

[مس بحرين]

ناريز
الله يكون بعوننا جميعا
انه من اول ماتزوجت سكنت بروحي بس ماسلمت منه ومن امه تخيلي اني من اول اسبوع تزوجت امه قالت لي شكلك مافيكي عيال والله يعين ولدي عليكي وسكتت ماقلت لها شي وطبعا كانت دايما تقلبه علي وهو يسمع كلامها ودايما اتقول له طلقها وانه بزوجك الي احسن واحلى منها المهم تزوجنا حنه واخته مع بعض يعني فرق شهرين تقريبا بيننا ومن اول شهر حملت وخبرت امه ماتتخيلين ويهها كيف تغير حتى كلمت مبروك ماقالت لي وبنتها عقب 5 سنوات حملت يعني لما انه صار عندي ولدين اهي يابت واحد والحين انه حامل في الثالث للاسف زوجي للحين لما يروح لهم يرجع غير ومايرضى يوديني معاه بيت اهله حتى شغالتي الي ادفع لها من راتبي لازم اتروح بيتهم بحجة اني في الدوام للساعة 4 واليهال راح ايجون من المدرسة على بيت امه مع انه ماله داعي لروحتهم اهناك
خليها على الله وخلي الي في القلب في القلب مدام صار لي 8 سنوات تقريبا متزوجة وجربت كل شي يعني خلاص هاي حياتي معاه ماراح يكون فيها اي تحسن والله يقدرني واقدر اربي عيالي

 

[~ ناريز ~]

الله يكون بعونك
تذكري مع الزمن بيتغير بس انتي اهم شئ رفهي نفسك وعيالك ودلعي نفسك وعيالك بلبس وروحه وجيه وكل شئ
وعيشي حياتك واضحكي وسولفي بوجهه وان شفتي انه متغير ومعصب اسكتي وطنشي تلهي فبيتك وعيالك وخليه وان شفتي انه مروق خلك طبيعيه ودلعيه صدقيني بيحس بنفسه .. ولاتاخذين بالحكي قالت فلانه وامك فعلت وانا فعلت اذا وافق توحين اهله ارجعي سوي نفسك مبسوطه حيل ولاتتغيرين وكوني رسمي معاهم شوي عشان مايلقون عليك شئ ..
والله يهنيك يارب

 

[مس بحرين]

حبيبيتي انه كلش مااروح لهم لانه مايرضى بس في المناسبات اتصل وابارك لهم وادز لهم مسجات
طبعا انه مدلعة روحي على الاخر لبس اخر موضة انه وعيالي وطلعات ما اقصر معاهم كل مكان اوديهم وانه هم اطلع مع ربعي
بس ساعات الوحدة تبي زوج يهتم فيها ويحبها ويحسسها بانوثتها مهما يكون انه في النهاية مراة واحب اسمع الكلام الحلو

 

[~ ناريز ~]

صدقتي انا معاك
بس الشكوى لله عليك بالدعاء وكثرة الاستغفار بنيه زوجك
دزي له انتي مسجات غراميه بين وبين لو مارد بس خليه يحس شوي تسببي انتي وشوي شوي ان شاء الله تتسهل الامور

 

[مس بحرين]

ناريز
والله سويت كل شي مسجات واتصل له من الدوام بس اقوله وحشتني واحبك تخيلي شنو يرد على صج انتي انسانه فاضية شكلك ماعندج شغل روحي اشتغلي احسن لج واحاول افهمه اني مشغولة بس وحشني وقلت اكلمه والمسجات على طول ولا عمره طرش لي مع انه يطرش حق ربعه حتى بطايق على طريق الايميل اطرش له ولا حياه لمن تنادي انه خلاص شلت يدي منه مازلت اسوي له كل شي بس مو ناطرة منه شي اجري عند رب العالمين

 

[مس بحرين]

بنات شخبار تجهيزاتكم وهل اتفكرون توسوون شي حق الاستقبال ؟

 

[~ ناريز ~]

الله يسهلك ان شاء الله
الحمدلله انا تقريبا خلصت تجهيز بس الاستقبال محتاره للحين احط والا لا .؟
بس الاكيد بسوي حق زميلاتي بالدوام حاجه حلوة للتوزيع اذا رديت اخذها معاي

 

[مس بحرين]

انه للحين ماسويت شي
بالنسبة للمستشفى او ختى للبيت بتسوين عادي او ثيم معين ؟

 

[~ ناريز ~]

بما اني فبيتي بالصاله بقدم ضيوفي لاني مصلحتها مرة حلوة وانا اطلع لهم
يعني مو ع سرير وكذا ..
وعندي ركنه بالصاله زاويه بحط فيها بالونات وكذا سماوي بأبيض وحركات وعلى جنب يحطون استاند فيها صورة البيبي وكلام حلو عندنا محل يسويها
يكون فيها قفص البيبي وانا حاطه فيها آريكه حلوة احتمال يكون بمفرش حلو ع الاريكه وانا عادي اجلس مع الضيوف وآخذت لي كذا قميص نعومين للاستقبال
مع الضيافه ربنا يسهل

 

[مس بحرين]

حلو
بس للمستشفى مابتسوين شي ؟

 

[~ ناريز ~]

لا بصراحه لان ان كان طبيعي باذن الله
يوم واطلع ولايجيني احد الا زوجي وامي وبعض خواتي
احس مايستاهل بخليها في البيت