♥شات الامهات الحوامل لسنة 2009 ♥

[مشاعـر]

هلابك ساره
ان شاء الله ربي يسهل عليك وتولدين بالسلامه
والضيوف اول مره واخر مرة وربي احس مررره تعبت
حياك صعبه نورتي

ياقلبي عليك :sadwalk:

ربي يعينك ..

خلقة شغل البيت يتعب كيف بضيوف وفطور :tears: على اجر ان شاءالله

 

[سـارة]

هلا مشاعر

شخبارك وكيف الكروشة

متى راجعتي آخر مرة عند الدكتورة ؟

 

[مشاعـر]

هلا حبيبتي ...

اخر مرة كانت الاثنين اللي فات ...

وانت طمنيني عنك ....؟؟ لاوصيك بالمشي لاتصيري كسولة مثلي

 

[مس بحرين]

مساء الخير

انا سويت خلية النحل وكيكه اوريو >> يمي يمي يعت زياده يوم شفت الاكل

صباح الورد
عليج بالعافية شكلها حلوة

 

[مس بحرين]

السلام عليكم​

كيفكم يالحوامل وكيف رمضان والصيام معكم ​

أنا بخير بس كسل وصداع الله يعين ​

سلامي لكم :cupidarrow:​

عليكم السلام
رمضان والصيام اوكي بس الصداع والتعب دابحييني
الله يعيننا ويعيينج

 

[مس بحرين]

هلااا كرووووشات ...

شخباااركم ... !!

ذبحني الصدااااع ماعررف شو اسوي ...

هلا بيج احنه بخير انتي شخبارج
انه بعد مثج الصداع دابحني ليش ما ادري
الي عندها فكرة اتخبرنا
وماتشوفين شر

 

[ياسمين الاردنية]

صباح الخير مس بحرين

 

[مس بحرين]

اهلييييييييييين ياحلوين ..
ومشكورين الاخوات الي ردو على بس من جد محتارة والله يكتب الي فية الخير ...
وش اخباركم مع الصيام والطبخ يالحوامل ماتحسون بتعب

هلا فيج
تمام بس الصداع والعطش دابحني الصراحة لحد الحين ماسويت غير الحلويات لاني اخلص الدوام الساعة 3 وعمتي ام زوجي الله يعطيها الصحة هي الي تسوي لنا الفطور يعني انه ماعلي غير الشربت والحلويات بس بعد تعب

 

[مشاعـر]

صباح الفل ياسمينة ومس بحرين ...

 

[مشاعـر]

هلا فيج
تمام بس الصداع والعطش دابحني الصراحة لحد الحين ماسويت غير الحلويات لاني اخلص الدوام الساعة 3 وعمتي ام زوجي الله يعطيها الصحة هي الي تسوي لنا الفطور يعني انه ماعلي غير الشربت والحلويات بس بعد تعب

ياعمري :sadwalk: الله يعينك ع الدوام ,,

وبالنسبة للعطش كولي سلطة او طماطم قبل الاذان وكثري موية وبإذن الله يخف :icon26:

 

[مس بحرين]

حبيباتي الخبيرات ايش الطريقة الصحيحة في النوم ؟؟؟؟
ابي افادة الله يعافيكم .

الصراحة انه انام على جنب بس ما ادري ادا هي نومة صحيحة او لا اتمنى البنات يفيدونج

 

[مس بحرين]

شلونكم اليوم
بس تصدقون حيييييييييل اتعب في الصيام تجيني دوخه والم في المعده وماقدر اتكلم ولااقدر اركز

هلا
بخير انتي شخبارج
ماتشوفين شر شكله هاي ضريبة الامومة :bigsmile:

 

[مس بحرين]

اهليييييييييييييين كروشات كيفكم
وكيف الصيام .. وربي تعبانه اليوم عندي ام زوجي واخوه وربي تعب مو قادره اوقف احس رجولي كبيييره حيل
الله يآجرنا يارب

هلا بيج بخير الله يسلمج
الله يعينج ان شاء الله ويجعله في ميزان حسناتج

 

[مشاعـر]

الصراحة انه انام على جنب بس ما ادري ادا هي نومة صحيحة او لا اتمنى البنات يفيدونج

هذي النومة الصحيحة حبيبتي ..

لان النومة ع البطن ينكتم البيبي وع الظهر ينكتم وخطر يلتف عليه الحبل السري :sadwalk:

 

[مس بحرين]

سمعو قصتي
كان عندي اورام حميديه بصدري وقرر الدكتور يستاصلهم للاطمئنان وقبل العمليه بليله وانا في المستشفى قلت بنام على بطني قبل لايسوون العمليه وامتنع من نومة البطن نومة البطن حيل مريحه

ماتشوفين شر ان شاء الله ترى عن جد نومة البطن رووووووووووووووووعة بس حاولي اتخلين مخدة بين ريولج مثل ماقالوا البنات انه اسوي جدي

 

[مس بحرين]

السلام عليكم ورحمة الله وبركاته
كيفكم يالغوالي كلكم وكيف الحمل معاكم ان شاء الله اموركم كلها تمام
وكيف الصيام وشغل المطبخ والفطور معاكم؟؟؟؟ هههههههههههه
تتفننون بالاكل ولا تكفي القهوه والتمر
وحشتوني حبايبي والله يتمم لكم بخير

هلا انتي شخبارج
الحمل تمام بدا الترفس او بالاصح الرفرفة مع اني في السادس
بالنسبة للصيام شيئين بس الي متعبيني الصداع و العطش لا نه شغلي كله كلام تخيلو 6 ساعات كلام
شغل المطبخ الصراحة بس اسوي الشربت والحلويات وطبعا كل يوم اغير سواء بالنسبة للشربت اسوي نوعين نوع مايتغير ابد والثاني اغيره والحلويات كل يوم غير
امين يارب

 

[مس بحرين]

السلام عليكم ورحمة الله

وعليكم السلام
كيفك وكيف الحمل ورمضان معاج
مبارك عليج الشهر

 

[مس بحرين]

هلا والله ..

الله يعينكم اللي رجولكم منفخة << انا ماجاني كذا بس هل هذا هو الزلال ؟؟

و احس بطني فوق والنونو مانزل الحوض وانا الحين الاسبوع 36

متى يقرروا قيصري ؟ يعني يصبرون علي وللا على طول يقررو ؟

<< الله يعينك ناريز تقولين عندك ام زوجك واخوه

لو انا يجيني احد لو قهوة ممكن اصيح بالراحة

مااااافييييني ضيوف ابدااااا ..

الله يقومنا بالسلامة ..

اي والله الله يكون في عوننا
بالنسبة للبطن فوق انه للولادة على بنتي بطني مانزل حتى الدكاترة خافوا وسوا لي التراساوند حزة الولادة بس لانه بنتي ماشاء الله جبتها متختخة
انتي قايلين لك بيسوون قيصيرة ؟

 

[سـارة]

هلا حبيبتي ...

اخر مرة كانت الاثنين اللي فات ...

وانت طمنيني عنك ....؟؟ لاوصيك بالمشي لاتصيري كسولة مثلي

انا طيبة الحمدلله عندي موعد السبت بس شكلي بسحب عليه لاني ما احس باي اعراض ولا آلام

اخاف اروح ويبهذلوني ..

ولسا مابدات امشي النونو مانزل للحوض وشكله مب ناوي كرشتي لسا ناطة فوق

 

[سـارة]

هلا مس بحرين

لا ماقالو لسا الحمدلله ..

انتي بنتك جبتيها طبيعي ؟