تميمية(1),الغروب,موجة~,( ريانة العود ),لمى الحسناء,أم فجر81,مساء الحب,بنت المجد
شكرا لكن عزيزاتي على الرد و المتابعة
باين اني طولت في السالفة
هدارة :blushing: يمكن تعتقدون جدي
لكن هذا مو من طبعي
انا هادئة و قليلة الكلام
لكن اهني في المنتدى احب افضفض
يمكن هذا المكان هو المتنفس الوحيد لي
عشت حياتي معاه في كبت و صمت
هو ما يتكلم
و انا بدوري اذا صار شي ما اقول اكبت و اخلي في قلبي
كنت دايما اقول كل طفل يجي يجي الرزق وياه
في كل حمله وولادة لي كان يجي معاها خير و رزق من الله
و الحمد لله
مع طفلي الاول اترقى زوجي في عمله و حصل على شغل جديد هو كان مقدم عليه من زمان
دايما يقدم الاختبارات و المقابلات لما يكون في شواغر لنفس الشغلة لكن هالمرة الحمد لله
اشتغل شغله تناسب دراسته
فرحنه كثير و سمينه بنتي اسم معناه الخير الكثير - الشاطرة في اللغة العربية ممكن تعرف الاسم لوحدها -:shiny:
مع طفلي الثاني صار يشتغل عمل اضافيovertime في نفس مقر عمله
في الصبح يشتغل شغلته و في العصر شغلة ثانية في نفس المكان
مع طفلي الثالث تغير مسماه الوظيفي و انضاف إليه اسم العمل الاضافي و بالتالي صار من حقة يشتغل ساعات اضافية مثل اصحاب الشغلة و هكذا صار شغله الاضافي بين ثلاث اماكن او مكانين حسب الجدول و حسب طلبه
الحمد لله
اللي كان يعجبني في الامر ان معاشه يزيد حتى وصل الى معاشي و هذا شيء زين لينه يحسن من مستوانه المعيشي
لكن ما كنت احس بهذا
ما كنت اشوف ان الزيادة هذي تفيدنه في شي
كنت انا الي اشتري كل اغراض للاطفال
الثياب الالعاب اغراض للروضة كل مستلزمات و طلبات الاولاد للمناسبات المختلفة و غالبا ما ادفع رسوم الروضة
كان احيانا ياخذني حتى نشتري للاطفال بعد الحاح ووعود تنكث غالبا
في المحل يطلع يتركني و يقول انه ما يحب يقعد و يدور بيطلع شوي
يتركني لوحدي متحيرة شو اختار في النهاية اختار و ادفع
احيانا اشوفه بره المحل أأشر له تعال و هو يأشر لا واصلي
و جدي كان ما يدفع شي
يمكن تقولون المفروض اخليه يدفع او آخذ منه فلوس
لكن ساعته ما كانت تجينه الفكرة (غباء و عبط) و هذا الي خلاه يستغلني
يمكن لاني كنت اخاف انه ما يوديني مرة ثانية او يرجعني بدون ما اخذ شي
كان وقت الطلعة محسوب
اول ما نركب السيارة يقول عبارة المشهورة :
الحين الساعة كذا
الساعة كذا نكون في البيت
!!!!!
و غالبا يكون الوقت قصير ما يمدي كفاية الطريق (رايح جاي ) ياخذ نص الوقت
طبعا ما كان يعجبني :schmoll: لكن ما اتكلم
يمكن تقولون اني غبية و قاص عليه زوجها و ما عندها شخصية
لكن اقول لا انا مو جدي بس وياه
انا ذكية كنت متفوقة في دراستي و انا الان متميزة في عملي
اخواتي دايما يقولون لي اني قوية محد يقدر عليش حتى امي تخاف منش و تنفذ لش كل طلباتك إلا زوجك ما تقدرين عليه
-امي ما تخاف مني امي تحبني و ما ترفض لي طلب بس اخواتي غيورات -
وزوجي ما اقدر اقول له شي يزعل بسرعة و ما يتكلم معاي ممكن اسابيع يخاصمني
دايما اذا يخطأ و اتكلم معاه يعصب ما يصارخ او يضرب
لكن يسكت يصمت و ما يتكلم معي يقضي معظم و قته تحت مع اهله
ما اعرف كيف يستحمل جدي
لكن انا ما اقدر
و ارجع و اعتذر رغم انه هو الغلطان
عزيزتي اعانك الله
بصراحه وسمحيلي انتي غلطانه في حق نفسك
عشان كذا هو متمادي في افعاله ضروري تغيرين شخصيتك المهزووزه
لا تعتذرين اذا كان هو الغلطان مهما صار طنشيه وخليه فتره وشوفي ردة فعله
والدعاء ثم الدعاء
بنتظارك