الغزال العنيد..
New member
- إنضم
- 14 أكتوبر 2007
- المشاركات
- 52
بسم الله الرحمن الرحيم
السلام عليكم ورحمة الله وبركاته
والله ماعرف كيف أبتدي مشكلتي
مشكلتي مع زوجي هي عدم المبلاة عدم الإستماع مايحس بمشاعري
في البداية كان مانعني أزور ربيعاتي وصديقاتي وجيراني بس المسموح أزورهم أهله وبس لو كل يوم وأنا ضحيت وإنقطعت بس كان بيننا إتصال إلين اليوم والحمدلله ، أنا معرسة صارلي أربع سنوات وأربع شهور عندي طفلين بنت وولد عمري 21 سنة وعمره هو 35 سنة ، كان عنده مشكلة في الشرب من قبل العرس وقبل فترة قصيرة تخلى عنه بسبب حادث إستوى له وسكران والله فضحه لأني يوم كنت أشتكي حق أهله ماحد يصدقني ويكذبوني وهم يعرفون بس يقولون لي ماعندج دليل فكنت أسكت ماأتكلم خياناته لين يومكم آخر مرة كانت من يومين زخيته وانفضح أمره في البداية أنكر كل شي وكذبني وقال عني كلام إنتي كذابة وأكيد تخونيني مع الشباب من الدوام يحاول يقنع أبوي إني أنا السبب
أسلوبه تغير معاي وإستوى جاف من توظفت بدأ يشك وهوالي يخوني ودايما يذلني ويحرجني عند الناس والعالم فمثلا من أسبوع رحنا دبي نغير جو كنت في المول أشتري كتاب وولدي كان يصيح لأنه يبى ينزل من العربانة لأنه يبى يلعب بالكتب وفجأة يدخل المحل ويصارخ علي ويحرجني ويهددني وياخد عيالي ويخليني بروحي في المحل وأنا من الساعة 3 لين الساعة 7 وأنا أدور عليهم لا عندي تلفون أتصل حق حد والشنطة في العربانة عند ولدي ماعندي لا فلوس ولا شيات تايهة بروحي في المول وقعدت في المسيد لين ماأذن المغرب وصليت ودعيت الله ولقيتهم ، طيب شو السبب يقولي تتشرين مجلات وولدج يصيح شو من أم إنتي ماعندج أحساس ولا ضمير، في حالة ثانية أشتريت سيارة عن طريق البنك قبل لا آخذ الليسن ووكلت ريلي الحين بين الروحة واليية كل شوي يدق حقي السيارة وين وعند منو ليش تعطينهم السيارة والسيارة مايحركونها وليش وليش وإذا إستوت مشكلة يههدني ببيعها وباخذ السيارة منج وأتحداج .. وحالة أخيرة كنت رايحة الدوام عندي دورة تخص الدوام كنت متأخرة اليوم نش من الرقاد معصب بدون سبب وقالي وبوصلج وهو معصب نزلت وراه عسب اركب السيارة الي هي سيارتي وأول ماحطيت إيدي عسب أفتح الباب وقبل لأركب حرك السيارة وراح وخلاني بروحي في الشارع...
والله تعبانة نفسيا وجسديا ودوامي هو الي يهون علي ينسيني شوي المشاكل
لعلمكم أنا أبد ما شكيت حق هلي بس هو الي يروح ويشتكي بنتك تشك في وماعندها دليل بنتك ماتبى تبدل حق ولدي( ويومها كنت مريضة لأني عقيت بدون لا أدري) وبنتك وبنتك في أي وقت وكل الأوقات مشالكنا متواصلة يوميا سواء كان موجود أو في الدوام
انا طلبت الطلاق وطلبت مهلة أسبوع عسب أصلي وأفضي ذهني وعقب أتفاهم مع أخوه لأنه راح يشتكي علي ويقول الحبيبة توظفت وتكبرت الحين أكيد عندها حبيب وتبى تتطلق عسب تاخذه وأنا بقولهم كل شي صغيرة وكبيرة والله كريم
والله أتمنى تساعدوني وتدعون لي الله يسهل ويهون علي
والسموحة طولت عليكم ماإختصرت بس هذا الي قدرت أختصره في وايد بس الييات أكثر
والله ماعرف كيف أبتدي مشكلتي
مشكلتي مع زوجي هي عدم المبلاة عدم الإستماع مايحس بمشاعري
في البداية كان مانعني أزور ربيعاتي وصديقاتي وجيراني بس المسموح أزورهم أهله وبس لو كل يوم وأنا ضحيت وإنقطعت بس كان بيننا إتصال إلين اليوم والحمدلله ، أنا معرسة صارلي أربع سنوات وأربع شهور عندي طفلين بنت وولد عمري 21 سنة وعمره هو 35 سنة ، كان عنده مشكلة في الشرب من قبل العرس وقبل فترة قصيرة تخلى عنه بسبب حادث إستوى له وسكران والله فضحه لأني يوم كنت أشتكي حق أهله ماحد يصدقني ويكذبوني وهم يعرفون بس يقولون لي ماعندج دليل فكنت أسكت ماأتكلم خياناته لين يومكم آخر مرة كانت من يومين زخيته وانفضح أمره في البداية أنكر كل شي وكذبني وقال عني كلام إنتي كذابة وأكيد تخونيني مع الشباب من الدوام يحاول يقنع أبوي إني أنا السبب
أسلوبه تغير معاي وإستوى جاف من توظفت بدأ يشك وهوالي يخوني ودايما يذلني ويحرجني عند الناس والعالم فمثلا من أسبوع رحنا دبي نغير جو كنت في المول أشتري كتاب وولدي كان يصيح لأنه يبى ينزل من العربانة لأنه يبى يلعب بالكتب وفجأة يدخل المحل ويصارخ علي ويحرجني ويهددني وياخد عيالي ويخليني بروحي في المحل وأنا من الساعة 3 لين الساعة 7 وأنا أدور عليهم لا عندي تلفون أتصل حق حد والشنطة في العربانة عند ولدي ماعندي لا فلوس ولا شيات تايهة بروحي في المول وقعدت في المسيد لين ماأذن المغرب وصليت ودعيت الله ولقيتهم ، طيب شو السبب يقولي تتشرين مجلات وولدج يصيح شو من أم إنتي ماعندج أحساس ولا ضمير، في حالة ثانية أشتريت سيارة عن طريق البنك قبل لا آخذ الليسن ووكلت ريلي الحين بين الروحة واليية كل شوي يدق حقي السيارة وين وعند منو ليش تعطينهم السيارة والسيارة مايحركونها وليش وليش وإذا إستوت مشكلة يههدني ببيعها وباخذ السيارة منج وأتحداج .. وحالة أخيرة كنت رايحة الدوام عندي دورة تخص الدوام كنت متأخرة اليوم نش من الرقاد معصب بدون سبب وقالي وبوصلج وهو معصب نزلت وراه عسب اركب السيارة الي هي سيارتي وأول ماحطيت إيدي عسب أفتح الباب وقبل لأركب حرك السيارة وراح وخلاني بروحي في الشارع...
والله تعبانة نفسيا وجسديا ودوامي هو الي يهون علي ينسيني شوي المشاكل
لعلمكم أنا أبد ما شكيت حق هلي بس هو الي يروح ويشتكي بنتك تشك في وماعندها دليل بنتك ماتبى تبدل حق ولدي( ويومها كنت مريضة لأني عقيت بدون لا أدري) وبنتك وبنتك في أي وقت وكل الأوقات مشالكنا متواصلة يوميا سواء كان موجود أو في الدوام
انا طلبت الطلاق وطلبت مهلة أسبوع عسب أصلي وأفضي ذهني وعقب أتفاهم مع أخوه لأنه راح يشتكي علي ويقول الحبيبة توظفت وتكبرت الحين أكيد عندها حبيب وتبى تتطلق عسب تاخذه وأنا بقولهم كل شي صغيرة وكبيرة والله كريم
والله أتمنى تساعدوني وتدعون لي الله يسهل ويهون علي
والسموحة طولت عليكم ماإختصرت بس هذا الي قدرت أختصره في وايد بس الييات أكثر
