ياحلوه تعالي هنا أي أنتي في أحد غيرك تعالي أدخلي ...

[جنون حلم]

موفقين ان شاء الله والله يسخر لكم ازواجكم .. امين يارب

 

[seeemoo]

الله يسخر الازواج لزوجاتهم

 

[أم الصغارية]

الله يوفق الجميع ويجعل حياتي وحياتكم الزوجية عسل في عسل بإذن الله ......

 

[هيل وقهوة]

بحط لكم رابط لموضوع وحدة من العضوات جزاها الله خير
استفيدوا منه


http://www.niswh.com/vb/showthread.php?t=255176

​

 

[الجده الصغيره]

إذا عزيتي اهلك عزك زوجك...وهذي نصيحة صديقتي الله يرحمها.....

فيه أمور تخصك بحياتك أكبر خطأ هو اللي يبتّ فيها....منعني من الدراسه ومنعني من الوظيفه....وهذا أكبر خطأ سويته اني استسلمت له...

قوة الشخصيه شيء والسيطره شيء ثاااني...

الطاعه شيء والضعف شيء ثاااني...

أهل زوجك لاتطبين فيهم عرض لييين تفهمين طبايعهم...وبعدين شوفي وش اللي يناسبك لأنك إذا طبيتي فيهم بدون مااااتعرفينهم زييييييين رحتي فيهاااااااااااا

 

[رفيف الهمس]

الله يوفقك وسيعدك وكل وحده متملكه ونصيحتي لك تكونين لبقه معاه وصوتك هادي وماتلصقين فيه يعني خليك ثقيله

 

[تايها اريد حل]

انا رجلي متعووووووووود ميانام الابحضني واذا مانام بحضني ماااااااااااينام ومن كثر ماهي هالعاده عنده اساسيه حتى عند هلي مايخليني اناااام يقووووووول انا من بينومني ههههههههههههههههه اقول لايكون ترضع حليب مني وانا مدري

 

[روعه الخيال]

الله يوفق الجميع

 

[جً‘ـُّّـرٍوٍحـ]

الله يوفق الجميع

 

[الزوجة العاقلة]

أختي الحبيبة أسعدك الله في الدارين أخيتي الرجل بالنسبة للمرأة سر كبير والعاقلة تفهم شخصيته وتتعامل معه وبالذات في بداية الزواج على المرأة أن تصبر وتفكر وتفكر قبل أي عمل تقوم به ولا تتسرع في إتخاذ القرار وقد تمر بك أيام فيها السعادة وأيام فيها بعض من المشاكل فالمرأة العاقلة لا تخطو بخطوة إلا بتمعن وتحل مشاكلها بتدبر وعقلانية ولا ننسى أن ليس هناك بيت يخلو من بعض المشاكل الزوجية ثم إذا فهمتي شخصية زوجك إنشاء الله بتعيشي بسعادة وأوصيك بما أخبر به نبينا عن صفات الزوجة الناجحة قال الرسول صلى الله عليه وسلم (الدنيا متاع وخير متاعها المرأة الصالحة،إذا نظرت إليها سرتك، وإذا أمرتها أطاعتك، وإذا غبت عنها حفظتك في نفسها ومالك)

 

[الناصحه الامينه]

بقولك يبنتى لانك زى بناتى بس مو تحسبيننى كبيره ترا باقى لى سنه على ما اوصل الاربعين بس اختك خبره فى الحياه الزوجيه علشان كذا اقولك مناول ليله تدخلين فيها على زوجك افتحى لك رصيد معاه ....لاتبققين عيونك .. رصيد بالتعامل والاحسان اليه والى اهله وخلئ دخلتك عليه لها اثر ايجابى فى حياته يلاحظه هو وكل من حوله حتىينتبه ان وجودك نعمه عليه يعنى اذا كان مهمل للصلاه اسعى لان يحافظ عليها واذا كان يدخن ساعديه لتركه وان كان مديون ساعديه لتنظئم دخله وتغطئه الديون الرجل عندما يشعر بالاستقرار النفسى مع زوجته يسلم لها كل اموره فكونى خير موتمن عليه وعلى ييته واسراره وحبيه بكل عيوبه اذا حطيتى فى مخك انةدا البيت بمثابه تابيده وهى احلى تابيده صدقينى ماراح تياسين وراح تنجحين فى كل اهدافك كل خطوه ايجابيه هى بمثابه طوبه فى حياتك تبنين بها قصر احلامك المراه العاقله ترفع الرجال وتكون جديره به وبثروته وكل خيره والحمقاء تضيعه ثم تضئع هى وعيالها المراه الطيبه زوجها ما يشفقون عليه الناس بل يحسذونه والنذله تخلى حتى عدوه يشفق عليه الورد اذا زرعتيه مايثمر الاورد والشوك يثمر شوكوالحب مايندم باذله اوصيك بقراءه وصايا الاخت راجيه الخير فى موضوعها خلاصه تجربتى فى حياتى الزوجيه فقد كفت ووفت مع نقطه اخرى احب ان اضيفها انتعيشى حياتك وكان الرجل مكسب جديد لك ولكنه ليس راس مالك وما فيه وحده تضيع مكسبها اوتخلى غ المواقف اللى ندمت عليها انى كم مره اشتكى لابوى امور كان ممكن اعالجها فوالدى لايملك علاجها الذى كان بيدى وحدى الان احس انى شوهت صوره ابو اولادى فى نظره رغم ان حكمه والدى جعلته يعطينى دروسلاتقدر بثمن والى الان اجنى ثمارها ,.ادرى غثيتك بس احد قالك تستشيرين فى منتدى فيه وحده زيى.

 

[الحنونة 1]

الله يوفقكم يارب عندي تجارب كثيرة بس ماتحضرني الآن لكن الرجال يكره المطارده طنشيه وهو راح يركض وراك

 

[أم ألأحرار]

انا ندمت اني كنت اتكلم عن اهلي لانه قام يعيرني ويضحك بهم

 

[ذوق وأخلاق]

غنوة يا عسولة ......
اولا الله يتمم لك على خير ..ويجعلك قرة عين لزوجك ويجعله قرة عين لك ........
ثانيا انا اكبر منك كثير يعني مر على زواجي 16سنة تقريبا ....بس والله انها مليئة بالمواقف والتجارب والحماقات والنجاحات.....
ثالثا وهذي نقطة مهمة انا نمطي شمالي شرقي وزوجي جنوبي جنوبي .........يعني يمكن اللي اكتبه ما يناسبك حسب نمطك .....
على بركة الله ابدأحشى درس صار)ابقسم حياتي مرحلتين:
مرحلة الاضطراب ومرحلة الهدوء والاستقرار(ما شاء الله)
الاولى وبحكم اني تزوجت صغيرة محرومة للاسف من الحنان والعاطفة اجهل حتى ابجديات الحياة الزوجية طبيعي ان تكون حياتي مضطربة وتصرفاتي حمقاء متهورة ..........
مثلا ولاني كنت محرومة من القبلات وكلمات المديح لجمالي والتي امطرني بها زوجي في بداية حياتنا هذا جعلني اتعلق به بشدة ولا اطيق البعد عنه ابدا وتطور الامر الى انني اردت ان امتلكه كله لي وحدي طوال الوقت وهذا الامر ضايقه جدا فهو لديه اصدقاء وسهرات وسفرات خاصة لايريد تركها على الاقل حتى لايصفه اصدقاءه بالضعف خاصة ان اغلبهم عزابيه
فكنت كثيرة البكاء والتذمر بالمختصر نكدية جدا
مع الوقت بدا يهرب مني ولا يلقي لزعلي بال ويفعل ما يريد وكان يقولي (انت زعلانة زعلانة رحنا ولا جينا كله واحد)وكنت اسكن بيت مستقل عن اهله وحتى يتخلص من الزن ضغط علي لين سكنت مع اهله اللي كان بيتهم متروس عيال وبنات ما شاء الله وامه الله يغفر لها لوحدها حكاية واختكم جاهلة ومتهورة وش تتوقعون صار؟!!!!!!!!!!!
اكيد انواع الصدامات والزلات الله يغفر لنا جميعا يارب ...........اللي يفشل صدق اننا قرايب يعني انا اسئت لسمعة اهلي كثير .........الله لايعيدها من ايام وجعلها ما تمر على مسلمة يارب.....

 

[ذوق وأخلاق]

الله يعينكم علي يابلقيسيات سيرة وانفتحت بس والله ما اكتب الا حتى تستفيدون ولا تقعون بنفس اخطائي ........ الحمد لله ما طولت عند اهله طلعت في بيت مستقل مره ثانيه لكن ما زالت اخطائي هي هي .......والحياة بين مد وجزر .......الى ان ارشدتني احدى المصلحات الى هذا المنتدى الذي ابهرني جدا وحسيت اني ظالمة نفسي وزوجي كثير كثير وقررت ان ابدا من جديد وسبحان الله نتائج سريعة ومذهلة في مدة قصيرة نسبيا ......ما شاء الله لا قوة الا بالله ..........حتى زوجي انبهر بالتغيير وتجاوب معي بقوة لانه انبسط على الدلال والرومنسية اللي توه يذوقها حتى انه قال (الحمد لله انك ما طلعت كل هذا يوم انت عروس كان الحين حنا مفلسين)ههههههههههههههه شر البلية ما يضحك صح!!!!!!!
غنوة ترى كل هذا مقدمة ما بعد دخلنا في التوجيهات (يعني لا تفرحين تقولين قربت تخلص توي مطولة الله يعينك)
1-اياك ثم اياك والتعلق الزائد بزوجك خليك مستقلة عاطفيا حبيه نعم بس لا تعشقينه ترى قاعدة شرعية من تعلق بشئ عذب به واختك اكبر دليل
2- لا تلاحقين زوجك اذا انشغل عنك انشغلي عنه باي شي ان شاء الله تفتعلين الشغل المهم لا تلاحقينه واذا اقبل عليك الله الله بالتدليل والتدليع ترى اذا ارضيتيه ارضاك لو ايش ما تطلبين عن تجربه
3-اياك والصدام مع اهله مهما صار اذا ظلموك خذي حقك بالدهاء والحيلة والنفس الطويل واتركي عنك الهواش والقيل والقال واحذرررررررري تشكين اهله قدامه والله لو يشوف الظلم بعينه ماراح ينصفك ولا حتى يدافع عنك هذولا اهله لايمكن يقدمك عليهم مهما صار فخليك ذكية ولا تحرجين نفسك ........
اكمل بعد شوي (راعية طويلة)

 

[ذوق وأخلاق]

4-حقوقك لا تتنازلين عنها الا اذا كان عنده عذر قوي فالمسلم هين لين
5-عوديه يتحمل مسؤليتك كاملة وما يعتمد على احد في ها الامور قدر الاستطاعة
6-عوديه على اشياء لذيذة تسوينها ما احد يقدر يسويها له الا انت (فهمتي صح) حتى اذا زعلت عليه يفقدك ويجي يدور رضاك ............
ملاحظةالاشياء اللذيذة مثل الجنس الملهلب اللي يغيب مخه تماما ويخليه يمشي وراك مثل الخروف الاليف (عذرا على الصراحة بس هذا الواقع)
سلفتي تقول انها تسوي مساج لزوجها باستمرار فاذا كانت زعلانه وما سوت ما يقدر ينام ادمن الاخ فيضطر يراضيها لو هي الغلطانة (داهية ما شاء الله عليها9
من الاشياء اللذيذة بس لا تضحكون حكي له ظهره جربوها يا حريم خطييييييييييييره .......
7-نوعي بلبسك وقصات شعرك واكلك ولا تستخسرين فيه شي ترى انا زوجي كان بخيل الله لا يوريك بس لما شاف قد ايش ابذل عشانه صار يعطيني بدون حساب ما شاء الله لا قوة الا بالله والبنات هنا ما يقصرون كل شي يحكون فيه ويبذلون لك النصيحة متى ما طلبتيها ........
هذا اللي يحضرني الحين واذا تذكرت شي رجعت ...........:32:

 

[safe2]

بالتوفيق ان شاء الله

 

[صبيه شقيه]

الله يوفقك يااارب
انا كنت ازعل على طووول من اي كلمه يقولها او اي موقف وهذا غلط
بعدين لما يطلع ويسهر لاتزعلين وتقلبينها هوشه بالعكس اذا جاء بيني انك كنت مبسوطه
واذا قالك نروح لاهلى روحي معاه لو كل يوووم اصبري وتحملي في الاول على الاقل 6 الشهور الاولي لانه الرجال يحبون في البدايه يثبتون لاهلهم انهم رجال ويقدرون يمشون الحررمه على كيفهم نصيحه لاتعاندينه ابد في بدايه زواجك حاولي تكونين مرحه ولاتزعلين كثييرررررررررر

 

[غنوة البحار]

الله يجزااااااكم الجنــــــة يابعدي

الناصحة الأمينه آحلى منتدى والله

ذوق وأخـــــلاق فديتك والله .. لو انك جنبي كان ذبحتك من التبويس


الله يسعدكم جميعا ويسخر لكم أزواجكم يآااااااارب

 

[الفراق صعب]

الله يوفقك ويسعدك وجميع بنات المسلمين على العموم ترا كل رجال له طبيعته واللي ينفع مع غيرك موشرط ينفع معك الله يسهل على الجميع