ياحكيمااات زوجي خيرني بين خيارين ردوا علي اليوم قبل صلاة العشاء

[ام احلى بنت]

السلام عليكم
بنات صار لي فتره تقدر تقولوا من يوم جبت بنتي
الى يومكم هذا وبنتي الحين كملت 8شهور واحنا مشاكل وزعل
واكثرها انا اذا تضايقت من بعض تصرفاته واقوله انت فيك كذا
وكذا طبعا بدون مااغلط عليه او اجرحه ويقوم ويغلط هو علي ويهدد ويزعل ويقاطع على اسبوع ولاعاد يجلس في البيت يروح عند اصحابه بس ينام في البيت واخر مره الجمعه الي راحت قلت
له بكل دلع وهدوء ودنا نطلع الجو حلو ورفض قلت له مومشكله
مع العلم انه من يوم حملت ببنتي الى يومكم هذا ماطلعني الا مره وحده للمطعم اما الزيارات واهلي اروح لهم
وبعدها كنا نتكلم واقوله ترا مارح ادلعك اذا مادلعتني ماحد يعطي
بدون مقابل المهم زعل وقاطعني واليوم بعد صلاة الظهر جا من الدوام ورجع وطلع وانا احسبه خرج من البيت اثاريه طلع بالغرفه الي بالسطح ينام
ويوم جات على 2 ارسلت له مسج وقلت له باتجي للغدا مارد
ارسلت له مره ثانيه مارد وقلت اكيد انه مثل امس بيتغدا مع اصحابه
وصارت 3 الا ربع وينزل وثوبه في يده انا خفت قلت شكله تضارب هو واحد لان عيونه كانت حمرا قلت له شفيك قالي سويتي غدا قلت لا قال الله ياخذك انشاءلله قلت له ماني عارفه انك نايم
المهم انا قلت له لايهمك نص ساعه ويكون جاهز وقال ماابغاشي منك المهم اناخرجت من الغرفه على اساس بسويله غدا واسمعه يقول الله يلعنك واللله ياخذك انشالله ورحت وسويت الغدا وقلت ترا
الغدا عالنار قالي من قال لاامك تسوي غدا المهم رحت لعنده وقلت له انا على بالي انك خرجت ماني عارفه انك بالبيت باتسبني وتلعني عشان غدا قال ماابي اسمع منك ولاكلمه قلت الله يسامحك قال الله لايسامحك عصبت منه وقلت حسبي الله ونعم الوكيل فيك
ورحت وجلست في الغرفه جا وقالي انت شكلك منتي طالبه خير
لفي اغراضك وبوديك بالليل عند اهلك قلت له خلاص
وراح ورجع علي مره ثانيه قال تراني هالفتره ماني زعلان منك
بس افكر في قرار وعندك خيارين يااتروحين عند اهلك وكل
واحد منا في طريق يا تسافرين وتجلسين عند اهلي((اهله باليمن واحنا ساكنين بالسعوديه وشلون يبغاني اجلس عند اهله وهو واهلي بالسعوديه))قال انت ماعاد في شي يملى عينك وصايره
تراددي على بالكلام قال ارسلي قرارك بعد صلاة العشاء
وتوه الحين الساعه 5 ارسلي رساله يقول شوفي هذا اخر كلام عندي
يابنات انا وش سويت عشان يعاملني بهالطريقه انا ماعمري تجاوزت حدودي عليه مومعقوله مايتحمل مني أي كلمه يعني خلاص لااتكلم انا موعصبيه ولاتحملني اجل لوكنت عصبيه وش بيسو ي انا بني آدم لي مشاعر ازعل واتضايق واذا قال على شي ارد عليه بس بحدود الادب مااسب او اجرح او العن او ارفع صوتي
شككني في نفسي ساعات اقول يمكن حبوب الحمل مااثره علي
وساعات اقول يمكن عندي اكتئاب مابعد الولاده بس انا مااكره بنتي عشان اقول عندي اكتئاب يناس انا تحملته كثير
اخر مره عند اهلي دقيت عليه كذا مره واقوله ليه ماتتصل او تسال فينا وهو جالس يتريق علي ويرد علي بستفزاز اخر شي قال
الله يلعنك ويلعن الي يرد على اتصالاتك وقفل بعدها ارسلت له رساله وقلت انا ماقلت هالكلام لك الا لاني مشتاقه لك بس اوعدك اني ماعاد اتصل او ارسل لك وبعدها بيوم قام يرسل لي رسايل ودق علي ولاااعتذر بس مشيت الموضوع وسامحته


الحين قولوا لي اجلس ببيتي ولااروح لااهلي واقولهم الي صار بينا وش السواة هل لوجلست ببيتي مارح يجي ويقولي اطلعي ولا روحي لااهلك والله حاسه اني انهنت وهان كرامتي :sad_1:

 

[ام احلى بنت]

بنات نسيت مااقولكم انه يوم زعل مني يوم قلت له دلعني وبدعلك وماحد يعطي بودن مقابل
اني رجعت وقلت له لاتاخذ على كلامي مو شرط انه من القلب بس فضفضه موانت تقول كلام بعض الاحيان شين بس مو من قلبك انا نفس الشي واسفه اذا كلامي زعلك المهم هو قال وخري عني لاتكلميني وخليته وثاني يوم جيت بكلمه وقال ارجعي مكانك لاتكلميني وثالث يوم هو اليوم يعني اعتذرت له شسوي

 

[بنت الكـــويت ~]

اقعدي في بيتج مالك دعوه فيه وزيني الغرفه وسويله جو رومانسي واسكتي عنه ولاتفتحين الماضي
يمكن مضغوط من احد الدوام او من ربعه ماراح يطلعج غصب ولاتقوليله شي واذا طرش رساله يبي يعرف قرارج
قوليله بس بيتي في قلبك مالي غناة عنك ولاتقوليله انت غلطت وتماديت

 

[ام احلى بنت]

مشكورة بنت الكويت على ردك
اخاف يقول غصب قرري او باخذك واوديك عند اهلك واانا مهما كان بني آدم
عندي كرامه يطردني من البيت واسكت

 

[سميت نفسي]

الله يفرج لك

ويفك كربك

ويهديه لنفسه ويرده لك ردا جميلا

 

[رجوت ربي]

أخيتي إلزمي /
- الدعاء
- الإستغفار
- لا حول ولا فوة إلا بالله
- حسبي الله لا إله إلا هو عليه توكلت ةهو رب العرش العظيم .
فرج الله همك وأصلح شأنك . ​

 

[الأميرةالنائمة]

لا حبيبتي لا تطلعين من بيتك واذا اجبرك قوليله هذا بيتي ما اطلع منه لكن لازم تكوني قوية وانتي تقولي كذا واذا عدا الموقف على خير اهتمي بنفسك وببنتك ولا تكوني نكدية معه يعني خليه يشوفك باحلى صورة دايما لكن تحسسيه انه مو كثير مهتمة بيه.بس طبعا ما تحرميه من حقوقه. شوفي اختبار البوصلة وطلعي شخصية زوجك وحاولي تتعاملي معاه على هالاساس.

 

[nonasoma]

اختي الله يفرج همك
اولاً: انصحك بكثرة الدعاء والاستغفار
ثانياً: اذا انت ملاحظه انه تغير بعد ولادتك راجعي نفسك وشوفي ايش تغير فيك (يمكن توسعتي مع الولادة) او قل اهتمامك به او قل اهتمامك بنفسك
ثالثاً: نصيحة لا تسيبي بيتك وقولي له هذا بيتي انا ما دخلته عشان اخرج منه كل شويه والثانية واقرأي عليه من سورة الطلاق (لاتخرجوهن من بيوتهن ولا يخرجن إلا أن يأتين بفاحشة مبينه وتلك حدود الله) قولي له هذه الآية نزلت في من يخرج زوجته او تخرج من بيتها بعد الطلقة الأولى أو الثانية فما بالك بمن يخرج زوجته من بيتها بدون سبب
الله يسهل لك امرك ويفرج همك.. طمنينا عن اخبارك

 

[ام احلى بنت]

رجوت ربي
الحمدالله انا ادعي واستغفر ربي وجالسه الحين اقرا سورة البقره

 

[ام احلى بنت]

لا حبيبتي لا تطلعين من بيتك واذا اجبرك قوليله هذا بيتي ما اطلع منه لكن لازم تكوني قوية وانتي تقولي كذا واذا عدا الموقف على خير اهتمي بنفسك وببنتك ولا تكوني نكدية معه يعني خليه يشوفك باحلى صورة دايما لكن تحسسيه انه مو كثير مهتمة بيه.بس طبعا ما تحرميه من حقوقه. شوفي اختبار البوصلة وطلعي شخصية زوجك وحاولي تتعاملي معاه على هالاساس.

شخصيته شمالي شرقي وقريت كثير بالمنتدى وطبقت كثير بس هو محلك سر ماتغير

 

[بحرينية وافتخر]

والله ما ادري شقول لج يا اختي
انتي قرري اي هو افضل لج تجلسين بالبيت او عند اهلج او عند اهله انتي فكري

واذا حابه تجلسين بالبيت قولي له والله انا مو ناوويه عالمشاااكل واذا شفت مني شي يزعلك قول لي وبسوي اللي تبيه بس ما ابي ابتعد عنك كلميه بهدوووء



الله يهديه ويوفقكم

 

[ran4]

ليش كل كلامه تلعين؟

يعني يبغى يطلقك؟

 

[عشيبه]

السلام عليكم ---ام حلى ليه قال تروحي عند اهلي في اليمن انتي يمنيه وهو يمني ؟

 

[ام احلى بنت]

اختي الله يفرج همك
اولاً: انصحك بكثرة الدعاء والاستغفار
ثانياً: اذا انت ملاحظه انه تغير بعد ولادتك راجعي نفسك وشوفي ايش تغير فيك (يمكن توسعتي مع الولادة) او قل اهتمامك به او قل اهتمامك بنفسك
ثالثاً: نصيحة لا تسيبي بيتك وقولي له هذا بيتي انا ما دخلته عشان اخرج منه كل شويه والثانية واقرأي عليه من سورة الطلاق (لاتخرجوهن من بيوتهن ولا يخرجن إلا أن يأتين بفاحشة مبينه وتلك حدود الله) قولي له هذه الآية نزلت في من يخرج زوجته او تخرج من بيتها بعد الطلقة الأولى أو الثانية فما بالك بمن يخرج زوجته من بيتها بدون سبب
الله يسهل لك امرك ويفرج همك.. طمنينا عن اخبارك

الحمدالله ماتوسعت وهو يموت بالجنس لوانا تغيرت كان خف شوي لدرجة احس انه بس يحب جسدي وروحي ماتعني له شي
ايه بس هو مايبي يوديني عند اهلي الا عشان كل واحد يروح في طريقه يعني يااطلقك ياتسافرين وتجلسين عند اهلي على باله يبي يربيني وش رايك ارسله ال آيه في رساله؟

 

[يارحيم ارزقني]

الله يساعدك يارب ويسهل علييك......

 

[امن امز]

الله يكون في عونك اختي بس ليش ماتجلسين معه وتتكلون وتتفاهمون قولي له وش تبي باضبط يمكن يبي شي قولي انت تحبني ولا لا اذا قال ايه معناته مايصير تطلعين من بيتك وحلو مشاكلكم دام ان الحب موجود ولا تنسون ان الضحيه بنتكم والله العظيم هي الضحيه لأنكم لو انفصلتو كل واحد بيعيش حياته الا بنتكم راح تكون تايهه وضايعه

 

[حنون21]

اذكر مرة وهو زعلان حده الحرمة ما كثرت خبر اخذت تستغفر وكنت اسمع للشيح ناصر العمر وذكر مشكلة اسرية وان الزوج طلع من البيت بعد المشكلة الحرمة ما كثرت خبر قامت تستغفر وبعد فتره جا ووجهه بشوش ويقول وش سويتي فيني؟

 

[الثلجه المحترقه]

ادعي ربي واقول الله يفرج لك همك ويكشف لك كربتك ويهدي لك زوجك ياكريم
والله ماادري شقول لك لان سبب زعله مو واضح اهم شي انك ماتتركين بيتك
وحاولي تكوني هاديه علشان تقدرون تحلون اموركم
واجبك علينا الدعاء لك ودمتي

 

[المترفه]

يبغى ياخذ راحته ياحلوه في الطلعه والنزله ومسوي نفسه زعلان طول الوقت لان ماعنده حجه وقدره على المواجهه لان ماله عذر وانتي تزوجتيه هو ماتزوجتي اهله عشان تجلسين عند اهله كان ماتزوجك من البدايه وريحك وريح نفسه الرجال لابغوا شي يتلككو بأي شي يعني عمليه تطفيش فأنتي قابلي كل هذا بالطناش واحر ماعنده ابرد ماعندك عشان تطفرينه ويولع

 

[nonasoma]

ما ادري ايش اقول لك اختي أكيد انتي ادرى بزوجك وبالأسلوب اللي يمشي معاه أكثر سواء بالمواجهة أو بالرسائل.. هو كيف طبعه شمالي، جنوبي...؟ ايش الأسلوب اللي يأثر فيه أكثر الضعف أو القوة؟ من دحين للعشا وقت قصير جدا انكم تقرروا مصير حياتكم وخصوصاً ان بينكم طفلة..
انت حاولي تكسبي وقت معاه قولي له انت اعصابك تعبانه وانا اعصابي تعبانه خلينا ناخذ هدنه من بعض ونصفي تفكيرنا وتفاهمي معاه بعقلانية . اختي خروجك من البيت ماهو في صالحك ابدا سواء لأهله أو اهلك
انت اول مايجي من صلاة العشاء ادعي (اللهم انا نجعلك في نحورهم ونعوذ بك من شرورهم) وحاولي ما تفتحي معاه الموضوع وامزحي واضحكي عادي وسوي له اكله يحبها وتزيني وتعطري كأن مافي شي صار ولو فتح معاك الموضوع حاولي تكسبي وقت زي ما قلت لك وشوفي انت ايش الاسلوب اللي يمشي معاه اكثر انك تحسسيه بضعفك وحاجتك له او يمشي معاه الكلام الجاد الحازم وكأنك اخذتي قرارك انك ماحتخرجي وقولي له الآيه وانك اخذتي قرار الهدنه ..
اختي لا تاخذي الأمور على كرامتك هذا بيتك ومن حقك تدافعي عنه .. الله يسخر لك زوجك