وصلني على الخاص

[واثقة]

بداية مشكلتك كانت لأنك لم تفهمي نمطه الشمالي

ولم تفهمي هو لماذا يتصرف هكذا


بقية المشاكل جاءت كتبعات للمشكلة الأساس ..


وزاد الأمر سوء ضعفه الجنسي



ربما الضعف مرضي يحتاج لعلاج طبي

وربما نفسي




اجعلي بدايتك بالجزم على إعادة السعادة لبيتك

وحرب الشيطان الذي يثير قلبك ضد زوجك ليكمل مشروعه معك بإفساد حياتكم والتفريق بينكم


ثم بالدعاء والتوسل إلى الله أن يهب لك من أمرك رشدا

وأن يجعلك قرة عين زوجك ويجعله قرة عينك

ويرزقك أسباب إصلاح حياتكم


ثم بالبدء في الإصلاح ومعرفة مواطن الخلل

تأكدي من نمط زوجك من خلال موضوع هذا رأيي المثبت في الزوج والزواج "يبدو لي شمالي"

و استعيني بالأراء الحكيمة هنا وبالقراءة فيما يخص نمطه حتى تفهميه وتعرفي كيغف يمكنك التعامل معه وفهم أسباب تصرفاته



أعانك ربي ويسر أمرك

 

[مجنونه زعلاته]

عليك بالاستغفار وقراءة البقره وتحصين زوجك مرتين باليوم وحصني نفسك وبيتك وعيالك وفي صلواتك الخمس ادعي في سجودك كثير كثير واستودعيه الله اذا راح واذا رجع استقبليه بكل حب ماعليك خليك قويه واصبري قد ماتقدرين لايهزك الشيطان بكلمه والا شي وتطيعينه وخلي القران شغال بالبيت وبعدين اش نمط زوجك ؟؟؟؟
على اساسه على الاقل شوفي بس الجنس اش يحب من بجايم او قمصان او حركات وتسريحه الشعر واذا يحب الميك اب وخليك متفائله ومبتسمه وان شاءالله يجيك ويلمك وتنبسطون باذن الله بس جهزي حركات في بالك ابن امه اذا ماجا نام معاك مره ثانيه ..............
اهم شي لاتضعفين ولاتيأسين ...........
​

 

[Dr.e7sass]

والله يااختي مادري ايش اقول ماحبيت اطلع من غير رد لكن لك دعوه من قلبي اللهم اسخرلهازوجه واجعلها قرة عينه وحببه الى قلبه امين يارب العلمين

 

[شاي بالحبك]

وصلت في الردود لحد هنا وكل اللي ببالي قالوه البنات الله يجزاهم خير
باقي العمره ماقالوها
خليها تاخذعمره ان تيسر لها ذلك وتجلس في حجر اسماعيل
وتدعي الله ان يفرج ماهي فيه
قال الشيخ صالح بن عواد المغامسي
عن تجربه أن الانسان إذا كان مبتلى بسحر أو عين أو مرض عضال وأتى الحجر وإستقبل الكعبه

قال اللهم إنك قلت وقولك الحق {جعل الله الكعبه البيت الحرام قياماً للناس }

اللهم أقمني مما أنا فيه

يُرجى أن يرفع عنه برحمه الله الضر يُرجى ولا يُجزم .. لكن جاءنا بعض أهل البلاء مما لهم سنون فأراد الله أن نرشدهم إلى هذا الصنيع

فرفع الله برحمته وفضله وإحسانه ما بهم من بلاء لأن الله يقول

{ جعل الله الكعبه البيت الحرام قياماً للناس}

قياماً لهم في أمر دينهم

وقياماً لهم في أمر دنياهم

ولايشترط دعاء بعينه لكن ذكر صدر الايه لكان اولى

ولوقال اللهم أقمني مما أنا فيه من كذا وكذا يدعوا بما شاء لكان حري به ) إنتهى كلام الشيخ

اسأل الله العلي العظيم أن يفرج همها
​

 

[همس الفيافي]

الله يفرج لك ويسخرلك زوجك ويقرعينك برجوع حياتك لماسبق والاخوات ماشاء الله عليهن ولاحمهن الاجر والمثوبه منه سبحانه ما خلو لي شي اقوله لكن اخيه اعلمي ان الدنيا دار بلاء واختبار من الله سبحانه ليرى من يلجئ له ويصبر على مصايبها ويحتسب الاجر منه سبحانه ولم تصفو للأنبياء قبلانا وهم صفوة خلقه حتى تصفو لنا
فلجئ الى الله واكثري من الطاعات والاستغفار بستمرار خليها على لسانك دائمآ وابشري

 

[رندا كووول]

اعتقد زوجك حس بالتهميش بعد عشرة 20سنه وكبروا اولاده وانتي انشغلتي عنه بالجلسه معاهم وهو علشان يلفت الانتباه لازم ينتقد ويخلي كلمته ماشيه ف البيت زي الاول...
ومن كثر انتقاده شيئ طبيعي ردت فعلك حتكون تطنيشه
وتهميشه واولاده كمان مو قادرين يجلسوا معاه بسبب عصبيته على اي شيئ تافه...
زوجك فيه مميزات كثير حلوه ومنها انه مايقصر معاكم ف المصروف واخذه راحتك ف الخرجات والاهم محافظ ع صلاته ويخاف ربه..
حاولي تغيري اسلوبك معاه وتقربي منه اكثر
زوجك ف السن هذا بحاجه لقربك منه والاهتمام فيه بغض النظر عن سلبياته ..وضحيله انك لسى ف حاجته وما تقدري تستغني عنه....حاولي معاه ماراح تخسري ..
اقرأي عن النمط الشمالي هو كذا اذا عصب يقول كلام مايقصده..
الله يسخركم لبعض ويحسن اوضاعكم..

 

[كل همي دمعة امي]

دعاء لكل من لديها مشكلة مع زوجها


حبيباتي والله هدا الدعاء مستجاب ان دعيتيه من كل قلبك وان شاء الله سوف تحل كل المشاكل التي بينكما لانه من يتوكل على الله يجعل له مخرجا

اللهم يا مالك الملك ملكني قلب من احوجتني اليه فانت تقدر ولا اقدر وتعلم ولا اعلم وانت علام الغيوب اللهم اصلح بيننا ولا تجعل باسنا فيما بيننا واجعل باسك على عدوك وعدونا اللهم استرعنه عيوبي استر عني عيوبه اظهر له محاسني واظهر لي محاسنه وارضني بما رزقتني وبارك لي فيه اللهم الجم فاه بكلمة لا اله الا الله واسكن غضبه بلا حول ولا قوة

 

[منااااير99]

حاسه فيها والله انا مريت بفترة مثل حالها بس كان بعد سنه من زواجي!!!
وكان زوجي الله يسامحه يحط اللوم علي ويقول ما تهتمين بنفسك ويتهرب من البيت ودايم نايم ولايلمسي ابدا
لما انكشف طلع يستخدم دواء يسبب ضعف جنسي وما قالي الا بعد 6شهور
بعد ما تحطمت وشككني بنفسي
اعتقد اذا صارحو بعضهم بترتاح
بودي اساعدها لكن فاقد الشي لايعطيه
ما لنا الا الدعاااااااااااااااااااااااء
يا رب تسخر لها زوجها ويهديهم لبعض ويفرج همها وينزل على قلبها السكينه
آمييييييييييييييين

 

[سما المعالي]

الله يفرج همها ويصلح حالها
اللهم امين

 

[رازيا]

الله يعطيكم الف عافية ما قصرتو

 

[رازيا]

حفصة ربي يجزيكي كل خير انت والبنات

 

[مملكة الشهد]

الله يفك كربك يارب

 

[ياميمه مقهوره]

الله يفرج همك اكثري من الاستغفار وسورة البقره لمدة 40 يوم وروحوا لراقي

 

[ғ α η т ά s ч ♥]

الله يفررررررررج همك و يصبر قلــبــك

مو ممكن يكون مسحور !!!

​

 

[حيااااتي]

السلام عليكم
كيفك حبيبتي ؟؟ دخلت موضوعك وانا في وقت ضيق لذلك لي رجعه على ردود البنات لاني ما قريتها وما ادري إذا احد قد قال لك اللي بخاطري او لا
بس وااااضح جدا ان اللي يحصل لزوجك من وضعه الجنسي لذلك ينقهر إذا شافك حلوه او كاشخه او مبسوووطه وهو ما يقدر يسوي شي او يشبعك فلذلك يقعد يعيب فيك عشان ما تشوفين نفسك عليه وتدورين غيره واكبر دليل لما لقيتيه يدور على الوفيات اللي مستحيل تتخلى عنه عشان الجنس
ذكرتيني بسالفه وحده تسأل شيخ عن اخلاق ولدها العشريني اللي تغيرت اخلاقه فجاءه مع الناس يكون احسن ما يكون ولما يرجع البيت يسير وحش كاسر يسب ويضرب اخوانه ويعيب بالكل فقال لها الشيخ هذا كله يسير بالرجل إذا كان معه ضعف جنسي فطلع فعلا ان ولدها فيه ضعف جنسي
اتمنى افدتك والله يوفقك ويسخر لك زوجك

 

[ملهمة النججوى]

أنا ماقريت الا ردود الصفحه الاولى بعد ماقريت موضوعك طبعا

معقوله توافقين ع الزوآج وعمرك 17 وفاااارق العمر الكبير بينكم ؟ أكيد بيكون اختلاف بطريقة التفكير ..

وحبيت أنبهك ع شغله اي حرمه تطلع من بيت زوجها بدون استأذان ملعوونه من الملائكه لييين ترجع البيت

ومستحيل يكون عصبي وناقد ويخليك تطلعين بدون ماتستأذنينه ,,

أنا أقول كل مافي المشكله انك ماعرفتي تملكينه كزوج لصغر سنك ,, الله يعوضك خير ويحفظ لك أطفالك

 

[سهم العشق]

ما في قدامها الا الصبر خليها تصير وربي حسبيها 00 وخليها تقوم الليل وتلتجأي الى الله سبحانه بالدعاء والاستغفار 00 وانا كنت اعاني من زوجي اللي طلقني من نفس الحال هو كان ما يقرب مني لانو كان مسحور سحر الصرف وكنت اتعذب من داخلي وكنت احس نفسي انثى ناقصه 00 والحمد لله على كل حال 000 وربنا يسخر لها زوجها وييسر لها في امرها ويفرج همها وغمها 00 ​

 

[love sense]

الله ييسر امرهااا ويسخر زوجها ويعافيهم وماقصرو البنات

 

[@أحلى من ألحلى@]

مع كلام الاخت حفصه يبي يحسسك انك انتي بعد ناقصه مو بس انا ترا الشي ذا صعب عند الرجال ماعليك الا انك تتحملي خليه ينتقد من هنا وانتي سولفي عليه واضكي معه من هنا يفشلك يهاوشك عادي هو مع الوقت لما يشوفك مرحه خلاص راح يلين اعتبري زوجك صديق سوالف ضحك وناسه اهتمي به ارجعي قولي له كلام حلو انتي تقولي صرت مااقوله لا غلطانه قولي له خليه يحس انك تحبينه ولما ينتقد على شي تافهه انتي قولي له فديت هالانتقاد صح كلامك بسوي كذا وكذا ولا يهمك يااختي ارخي الحبل شوي هو ينتقد وانتي مبوزه ومافي كلام حلو كيف راح تهدا الاوضاع بالله ارجعي مثل اول ايام زواجكم واولادك بعد خليهم يدارونه تقولي انتي انهم طفشوا يعني اكيد لما يشوفون ابوهم يروحون لغرفهم لا خليهم يجلسون معه ويسوون اللي يبيه ومايسمع منهم غير ان شاء الله ولبيه انتم اهله حسسوه ان مافي شي ناقصه ترا صعب على الرجال يحس انه مكسور قدام حرمه
موفقه يارب ​

 

[رازيا]

الله يعطيكم الف عافية ما قصرتو