وصلني على الخاص

[رازيا]

هلا صبايا هذي رسالة من احدى الاخوات وصلتني على الخاص وطالبة مساعدة وجزاكم الله كل خير اسئل الله كل وحدة تساعدها ربي يفرج عنها و يفرج هموم الجميع و يعطيكم الف عافية امين

ترددت كثير إني أكتب لأني بديت اتأكد مشكلتي مالها حل!
بس اللي شدني حصلت كمية هنا من العقول الحكيمة واللي ترد بإخلاص..
وإن شاءالله يارب الاقي رد يفك حيرتي ويريح قلبي ويفهمني وضعي لأني صرت ماعاد أفهم!
فكرة عن حياتي/
متزوجة من 20 سنة...
متزوجة وعمري 17
زوجي يكبرني بـ 12 سنة..
عندي اطفال
فكرة عن زوجي
بحكي عن مميزاته
كريم معي ومع الاولاد مايقصر مادياً
معطيني حريتي اطلع أروح اجي حتى من غير أذنه( طبعاً لمن يكون مو بالبيت مايحتاح استأذن)
محافظ على صلاته يخاف ربي لكنه غير ملتزم بشده
مركزه مرموق /إجتماعي بقوة
تهمه العادات والتقاليد بشده
سمعته وبرستيجه مهمه عنده لو على حساب نفسه..
عيوبه (سبب مشاكلي)
عصبي
حمقي
ناقد
ينصح كثير كثير ويحب يوجهني دايماً
نصح بنقد وذم شي ممل
مايبي حوار يبي يقول كلمته وخلاص قفلي الموضوع
مايبي يسمعني ولا يفهمني ولا يناقشني أبداً
مع إنه مستعد يتكلم ساعة بس مايبي أرد بكلمة!
لسانه لاذع مستعد يدعي علي 24 ساعة يذم ويسب وينتقص مني بكثرة
أنا
عيوبي/عصبية حساسة عاطفية مووووووت مزاجية عنيدة
ماراح أحكي عن مميزاتي بس جاية بالحكي
طبعاً حياتي مرت بمراحل وكان نتيجتها طلاق وماراح أدخل بتفاصيل أكثر
بس بوضح الطلاق صار بسبب كثر نقده شي يطفش
لمن أرد عليه أبرر أو أوضح يزيد غضبه ولمن أسكت مايرضى أو يهجد
يعني كأن فيه طاقة غضب لازم يفرغها وماهو حاس بتصرفاته اللي حتى الاولاد ملوا منها
يغضب على أي شي ينتقدني ويذمني وانا باذلة قصارى جهدي
مايفكر بالجنس معي يادوب بالشهر مره وبالدف
ويجي يطالبني بمثالية
لمن يضيع له شي على طول بوجهي يقول أنتِ مو مهتمه فيني مو مراعيتني مايهمك انا
لمن أنسى شي أو طلب شي وراعيته بس مانفذته لاي سبب يانسيان ياعدم إقتناع
أنتِ تتحديني تبين تطفشيني مو أنا اللي ببالك!
حياتي معه تدور بالدائرة هذي لدرجة كرهت قعده معه
سوالفنا ماتتعدى الترتيب والتنظيم وليش نا تراب وليش هنا مادري ايش
مع إني مرتبة ونظيفة وبيتي أتحدى أحد يدخله ويعيب فيه بس يدور أي زله علي كأنه يبي يسبب مشاكل
طبعاً زي ماقلت محرومة من الجنس الآن لي 6 شهور
اصلاً نومه معي في الفراش ماينام
بتقولون وش السبب بقول والله صار فجأة مايقدر يمارس يصير معه ضعف
وهالشي له سنين تقريباً 6 سنوات صبرت وتحملت وبينت إن هالشي مو مهم إذا علاقتنا متينة وفيه موده ورحمة
وإنه إشباعي العاطفي يكفيني عن الإشباع الجنسي مع إنه عارف إني ميالة للشي هذا ومايحتاج أوضح أكثر
شهر مالمسني فيه مع إن علاقتنا كانت ماشية كويس
و3 شهور فترة طلاقي
وشهرين الآن بعد رجوعي أصلاً طوال هالاشهر ماينام معي بالفراش
اسايسه واحاول أرضيه واوفر حاجته والبي طلباته وأبعد عن مسببات المشاكل
بس كانه محلوف عليه يخاصم ويهاوش وينتقد

المشكلة اللي تقهرني يحور الأمور على كيفه
- الجنس مو اساس الحياة الزوجية!
- الجمال مو كل شي أنتِ مغترة بجمالك!
والله ماقد أغتريت انا شرق والغرور غرب
وانا بصراحة مافيني عيب أبداً وملفته بس سبحانه اللي يدور حتى ع المميزات ويعيب فيها!
آخر مره قهرني لمن قال شوفي الحريم كيف يعاملون رجالهم
ممكن شينات بس ريقهم حلو
بكيت من أعماق قلبي
لأني أدري إني مظلومة
من وين ريقي حلو مع واحد ملامحه مختلطة من العبوس!
رجال مالمسني وجسمي برد أتقلب ع الفراش بروحي
كيف يكون ريقي معه حلو!
المصيبة كلامي معه ذرب ومؤدب بس ماعدت أقول يابعد هالدنيا
ماعدت اقول نظر عيني
ماعدت أقول حبيبي
كسرني بطلاقي صرت أشوفه غريب
حسيت مالي قدر عنده كيف اماديه حبيبي وهو يبي فرقاي!
معروفه بدلعي وغنجي ولساني يقطر عسل
بس هو مايشوف هالشي
قايمة ببيتي وبعيالي وماشية زي الالف ويقول عني فاشلة
كيف وحده تسمع مثل هالحكي وتكون هادية مستكينة مطمئنة!
اصلاً لمن أضحك ويا العيال يتحمد ويتشكر يقول كل شي يضحكم!
وش يبي بالله من الحياة!
اصلاً غسلت يديني منه لمن مره مسك اللاب حقي يتصفح
وجيت أنا وقمت أدور على صفحة كنت فاتحتها وشيكت على المحفوظات ولقيته فاتح صفحة الوفيات
وربي طارت عيوني شيئ لايصدق!
علاقتي مع عيالي يارب لك الحمد
فاهمين بعض وجوي من جوهم هبال ووناسة ومزح
موب مدرسة ليلية نهارية سهرانية قصدي حتى الساعة 2 ممكن يلقي علينا كم كلمة ياصبر الأرض بس
شخصيتي قوية ظاهرياً وصايرة هشة داخلياً بسبب زوجي المصون
تغيرت شخصيتي
صح مدلعه روحي
بس أحس ماعدت أنا الرايقة المتواصلة مع الناس
صرت أحسد اي زوجين رايقين مع بعض
وش ينقصني عن الحريم بالعكس دلع وأناقة وهبال وسعة صدر ولا يغركم وقت الجد عن الف رجال
وماخذه طبع الحريم الأولات اللي همها رضى زوجها ولا يشوف منها عيب
صح ماني مالك واكيد مني تقصير بس ما أستاهل الفتور والبعد الروحي اللي عايشته
معطيته حريته ولا اسأل ولا أعاتب ولا أطالب بشي
وفجآة يقول ناشبة لي
أجل وش يسمي روحه!

صرت اشك إن زوجي يبي يعيش دور الضحية
الزوج المتنكد
اللي زوجتها تهز وسطها وتقول قاتك الآرف إنت وكرشتك ماتيقي توكل العيال وتلبسهم وتنيمهم وأنا حروح لصحبتي أصل قوزها منيل عيشتها حطبطب عليها ساعتين وراقعه
وربي إني مظلومة
وحده في عمري
متهنية مرتاحة مطمئنة حياتها هادية
موب تردد اللهم اكفنيه بما شئت ولمين لزوجها!!

عندي سؤال حارق قلبي
يمكن ماعندكم جواب يلامس وضعي
بس أقل شي أبي أحد يحس بوضعي ويفهمني المعنى!

طبعاً حياتي سلسلة مشاكل
لاتسألوني وش مشاكلك
لأن اللي يخلقها زوجي من أمور تافهه المهم إنه يبي يحسسني بالتقصير وإنه غير مرتاح مني
وخلق جفوة كبيرة بينا
لدرجة أنا يافلانة ماكنت أتوقع بيجي يوم اكون منبوذة من زوجي
وغير راغب فيني نهائياً لأسباب الله أعلم فيها
اللي بفهمه
وش اللي يمنع رغبة الزوج لزوجته لدرجة تصل لـ 8-9 شهور
مالمسها ولا نام معها!!
هل ممكن لو قلنا وفرضنا الرجال عاشق لوحده ثانية
أو راعي سكس فون مثلاً
هل هالشي يخليه يكتفي من زوجته
ولا عاد يلمسها حتى اللمس؟؟؟
( طبعاً أنا أتوقع يعني مدري لو زوجي له علاقات لكن هذا شي وارد هالزمن!!)
أبي سبب للوضع اللي أنا فيه
ليش زوجي ماعاد يرغب الممارسة معي
معقول شي نفسي بعد هالعمر!
معقول مثلاُ ممكن يكون الملل
يفقد غريزته عشانه مل مني!!
اللي بوضح إختصار لأي سؤال ممكن يجي ببالكم
أنا مافيني عيب أبد لابشكل ولا بأي صفة
وكنت بنظرة ممتعته بقووة بالفراش
وش اللي تغير؟؟
المووضوع محرج بس والله محروق قلبي
ماتوقعت بتوصل حياتي للحضيض
ونصير مسمى زوجين
وفوق هذا
فوق حرماني
يطلع عيوب فيني يبي يحسسني إني ولا شي
اقلها
أبي تفكيره منصف
هالآدمية مو معطيها حقها الشرعي
وساكته
ماعاتبت
هذا دليل إنها محترمة علاقتنا ومو حابة تهيني
فليش يزيدني طعون في جسمي لحد الهلاك
قسم بالله مافيه شي ماسويته
رحت لإستشاريين
عدلت من طبعي
تغيرت
وفي كل مره أتبع أسلوب ممكن يناسب معه
مافاد شي مع هالآدمي
بالعكس
صرت احس إني مهزوزة من جواتي
فقدت ثقتي بنفسي
وشكلي وأنوثتي
حتى لمن أمر من عنده
ودي مايشوفني
أحس صرت كني كلي عيوب من كثر ماهو منصرف عاطفياً وجسدياً عني

 

[رازيا]

اللهم كل من ساعدت هذه الاخت و كما سخرت الريح لسليمان وكما سخرت البحر لموسى وكما سخرت جبريل لسيدنا محمد سخر لها زوجها تسخير
العبد لسيده اللهم كما صرفت نساء العالمين عن يوسف اصرف نساء الكون عن زوجها اللهم جملها في عينه واجعله سكنا لها واجعلها سكن له واجعل بينهما مودة ورحمة انك على كل شيء قدير .

يا حنان يا منان يا ذا الجلال والاكرام
يا بديع السماوات والارض يا حي يا قيوم حنن قلب زوجها عليها
اللهم بحولك وقوتك تضع مودتها في قلبه انت ولي ذلك والقادر عليه
برحمتك يا ارحم الراحمين اللهم الف بين قلبيهما
اللهم ارزقها وده وحبه وارزقه ودها وحبها
اللهم اجعل زوجها حبيبا حليما كريما هيناً لينًا معها يا أرحم الراحمين..يا ذا الجلال والإكرام..اللهم آمين
​

 

[boom]

آمين
ماحبيت امر بدون ما ادعيلك الله يبرد علي قلبك ويرده لك ردا جميلا

 

[البنت الدلوعه20]

اللهم اجعل زوجها حبيبا حليما كريما هيناً لينًا معها يا أرحم الراحمين..يا ذا الجلال والإكرام..اللهم آمين

 

[رازيا]

بنات تخيلو انه انتو مكانها كيف راح تتصرفوا مع هذا الزوج

 

[خجل يفوق الوصف]

الله يفرج همها وكربها والله طبعه هذا جاي من ضعفه الجنسي
كذا الرجل اذا ماصار يقدر يرضي زوحته في الفراش يوووو
ينكدها وينقلب وحش شرير والله الله يسخره لها

 

[دلع نادر!!]

معقد قهررني مررره حبيبي لاتنقهري مافيك شي وهو ينتقدك عشان يحطمك..
واضح انه وصل لمراده لاتتحطمي ولاشي وطنشيه تاكدي انه تعبان نفسيا ويطلع حرته فيك..
كذا رجال سبحان الله يحطمون لاشافوك واثقه من عمرك...

الله يعينك ويصبرك ابتلاء من ربي احتسبي الاجر...

 

[بامبى]

نصيحتى لكى اكثرى من الدعاء.....ربى اكفنى بحلالك عن حرامك و اغننى بفضلك عن من سواء ..........اللهم اصلح ذات بيننا و الفى بين قلوبنا.......اللهم الف بين قلبى و قلب زووجى ووسع رزقى منه (الرزق فى كل شئ حب- معامله-كلمه طيبه........) وبارك لنا فيما اعطيتنا من نعم و احفظها من الزوال

عيشى حياتك و اسعدى نفسك بنفسك مع اولادك و اصدقائك و اهلك و اكثرى القرأه والتزمى الهدوء وامتنعى عن المجادله و اذا انتقضك اكتفى برد خفيف يبرر موقفك و اخبريه انك ستضعى رأيه فى الاعتبار فى المره القادمه وفعلا فكرى جيدا فى نقده فقد يكون عنده الحق و لو بقدر بسيط

 

[المتفائله 1]

الله يفرج همها ويفرح قلبها ويسخر زوجها لها

 

[حفصة]

هلا اختي احيانا الرجال الي يتصرف هيك تصرف يكون عندو شيء وزوجك اعتقد انو عندو او صار له عجز جنسي وعشان مايبين لك امو ماعاد يقدر يقرب لك صار ينتقدك انتي عشان يحطمك ويخلي الامر انو هو مافيه شيء بس انتي الي فيك يعني ماتطيعيه ووو والكلام الي يقوله اعرف وحدة نفس الشيء تماما متزوجة من 4سنين اول سنة كان عادي بس يقربها بالاسبوع بعدها صار اهمال 4شهور كان يهينها انتي سمينة انتي ماتعجبيني انتي وانتي ويظل يحكي مع البنات بالنت ولما يحس حاله انو عندو رغبة يجي بسرعة يفرغ فيها بدون مقدمات اكتشفت انو هادا عجز والبنات والنت يحاول يصحي نفسه المهم اخر شيء اكتشفت انو يشرب حبوب لتقوية الجنسية يعني العيب فيه مو بزوجته بس والله لوتشوفي الاهانات والظرب وانتي وانتي ماتصلحي للزواج وهيك كلام كثير مع انو عندو بس بنت وكان مدخن بعدها قطع التدخين من بين اسباب عجز جنسي التدخين الي مدمن عليه كثير انتي زوجك عشان لاتتهميه بتقصيره بالفراش يحاول هو يهجم عليك قبل لاانتي تهجمي عليه بالفراش يعني مثلا لو اجيتي تقولي انت ماتنام وو راح يقول السببب منك انتي ماتهمي فيني وو مع انو كلامه كلو كدب بس نقصه برجولته استني لو تدرين زوجك شمالي مايرضى على نفسه شيء يعني تشوفي فيه شيء ناقص ومسوي حاله عالم كل شيء ويقول انا اعرف كل شيء وانتي لا عقلك صغير ماتعرفي شيء ومايبي حوار معك ولا كلام حتا لو اجيتي تحكي فيه يسمعك دقيقة بعدها هاتي انتقاات انتي على بالك كان يسمع لك وهو بس كان يجهز للكلام النوع هادا يبي بس الواجبات وابتعدي عنو خليك دايما مبتسمة في وجهه بيني انك واثقة بنفسك لو يقول شيسء عنك غلط قولي انا عارفة حالي مااحتاج نصايحك خليك واثقة امامه كل كلامه لما يحكي ردي عليه بدلع وكلامك يكون كلام ثقة اي كلمة مثلا قال انتي سمينة ماتعجبني وهيك كلام قولي عادي حبيبي انا جسمي وعاجبني مااحتاج رئيك فيه لانو لو كان رئيك يهمني كان اهتميت فيه من كل شيء هاي الكلام حتحسسيه بعدم الاهتمامه فيك وانتي لاتردي بعصبية ولا صراخ خلي كلامك كلو انتقاد له بس بدلع وظحك مثل ترمي عليه سهام سالمه لا تخلي ثقتك بنفسك تهتز بسبب واحد مايعرف حتا يحكي لا كوني واثقة كثير في نفسك ولا تسمعي لكلامه والله يوفقك

 

[درة من درة]

شمالي شين وقوي عين الله يصبرها ويعينها

اتوقع والله اعلم هو يريد يكسر مجاديفها ويهز شخصيتها (تخصص الشمالي ) لان عنده الضعف الجنسي ويريدها تكرهه وتعاف نفسها وتصير هي مثل ما قالت الظالمة وما تريده ويكون هو الموفر كل المال والبيت وهي البطرانة اللي عافته

 

[يـ<3ـارب]

المشكلة الأساسية وراء هالمشاكل عند الزوج بسبب ضعفه يحس انه مو رجال عشان كذا يعمل مشكلة يبي يثبت رجولته بشئ ثاني قد يكون السبب نفسي وقد يكون العمر هو السبب وقد يكون أكتئاب ةقد يكون وسواس قهري
الحل انك تقنعيه يتعالج

 

[رازيا]

ربي يفرج همومكم هذا اليوم الجمعه
اللهم اجعل لهم من كل هما فرجا ومن
كل ضيق مخرجا ومن كل بلاء عافية وارزقهم
من حيث لا يحتسبون
اللهم امين

 

[احساس صعب]

أسأل الله العظيم رب العرش العظيم أن يرد إليها زوجها رداً حميداً وبصراحة ما شاء الله لا قوة إلا بالله على الصبر والتحمل وأقول لها أختي لربما أن زوجها عرض له عوارض من شياطين الجن او الأنس فهل جربتي الرقية الشرعية لربما كان مسحور أو ممسوس شغلي سورة البقرة في البيت وأقرأيها يومياً أكثري من قيام الليل وبالجانب الآخر عيشي حياتك كأنه لم يكن فيها اشتغلي بنفسك وأولادك كان الله في عونك
وأكثري من الدعاء فسهام الليل لاتخطيء ادعي له وادعي لنفسك وذريتك ​

 

[boom]

ان لو مكانها وهو مش مقصر علي البيت والاولاد وهي مش مقصره بحق من حقوقه تطنشه وتعيش حياتها ليش تنكد ع نفسها وهو عايش حياته ليش هو مايفكر فيها مثل ماهي تفكر فيه اعامله بحدود العلاقه الزوجيه واخلص لبيتي واولادي
لانه هو الي اختار هذي الطريقه مش انتي.
وليس لانه انتي ناقصه او فيك شي يعيبك لاسمح الله لا بالعكس هو عارف ومتاكد انه مافي مثلك يقدر يتحمله هو ومزاجه واولاده.
انا متاكده انو هو يغار من لحضات سعادتك مع اولادك والاوقات التي تقضينها معهم.
انا فقط اريدك الان ان تعيدي ثقتك الجميله الرائعه بنفسك وتعيدي بنائها واوجدي لك جو خاص بك في بيتك بعيد عن الحساسيات والعصبيات الزايده.ارجعي لقرآنك ورددي لاحول ولاقوة الابالله وان شاء الله ستفرج
سامحوني ع الاطاله

 

[ام الشبل]

السلام عليكم
الدعاء فبيد الله القلوب
ولاتجعليه جل اهتمامك
الجاي لله بصدق واسعدي نفسك بنفسك
دعواااااااااتي لك

 

[احلى سمايل]

كلام حفصة صح 100%
يعطيها العافية ماقصرت وأنت الله يصلح حالكم ويردكم لبعض يارب سمن على عسل

 

[دنيا كئيبه]

وحده من قريباتي زوجها كان عنده عجز جنسي كان يضربها ويعذبها
تعالج وصار طبيعي الحين مشاء الله عليهم عايشين بسلام

 

[هجره الدفىء]

اختي الله يصلح امورك زوجك متخبط اصلا ومايعرف هو نفسه ليش صاير كده
والمشكله انك انتي اللي عودتيه على هالتصرف .....كلنا نبي نتغييييير بس
مانقدر ادا اطول الوقت لاقييين هالشخصيه ضعيفه قدامنا ..يعني مثلا ادا عيالك
ضعاف ويخافون منك تتمادي في هوااشهم وعقوبتهم.....لاكن ادا لقيتي عيالك
اشقياء ومايفيد معهم الهواش بتمليين وزوجك معك مثل كده شايفك شخصيه ضعيفه
وهواشك معه يدل على ضعفك وانه قدر يسيطر عليك ...........
الحل في تجاهل عباراااته والانشغااااااال بامووووووور اخرى وعودي نفسك على هالشيء
اهتمي بنفسك بيتك واطفالك واذا يبي منك شيء لبيه غير كده من كلامه ارميه وراء ظهرك
مع الوقت يحس ان كلامه غير مهم .....وخليك هاديه جدا في البيت وردي عليه بهدوء
وادا انتقدك لاتردي عليه قولي انا عاجبني كده وعلى طول قووووولي هالجمله...وهلالاسوب
يرفع ثقتك بنفسك ...اختي ولاتهتمي بامر الفراش يعني افرضي لو انك كنت بنت وماتزوجتي
وين المشكله .....فكري في العانسااااااات شوفي كيف عايشييين حياتهم من دون رجل
وعايشين حياتهم بشكل طبيعي .......واستغفري الله اكثر واطلبي يسهل امورك ويصلح زوجك

 

[الأميره وبس]

الله يفررج همك بهالساعه المباركه ويحنن قلب زوجك عليك ياااااااارب
انصحك بالإستغفاااااااااار والدعاء وقيام الليل الله إلي بيده يغير حالك من حال إلى حال في طرفة عين خليك واثقه بالله تعالى وتقربي إلى الله بالطاعات وادعي إن الله يرضى عليك والله سبحانه إذا رضي عليك جعل الناس كلهم راضين عليك بما فيهم زوجك ..
الله ييسر امرك ويفرج همك ويرد لك زوجك ردا جميلا ولكل المسلمات ..