وش يبي باغراضي

[موبايل]

السلام عليكم اخواتي انا مشاركه في هذا المنتدى لكن من المقلين جدا في الكتابه فيه فقط اكتفي بالقراءه بس اليوم حبيت اكتب لكم فيه مشكلتي وارجوا منكم ابداء ارائكن واخذ العظه والعبره من قصتي الله يهنيكم مارح اطول عليكم قصتي هي ( انا تزوجت قبل 8 شهور وكان زوجي طاير من الفرحه في فتره الملكه والتجهيزات قبل الزواج لانه بناء له شقه خاصه فوق اهله على كيفه يعني خلاها مره فخمه من ناحيه التفصال والاثاث وحط فيها جزء خاص فيه مسبح وتكلف فيها مره يعني الرجال يحب الاشياء هذي الي انتم خابرين ومره رومانسي وكريم وهادي حتى والله وسيم ومن افضل الشباب عندنا ومدرس وتاجر ماشاء الله عليه يعني يشتغل في التجاره المهم يوم خطبني كنت فرحانه مره من يلقى مثله في هالوقت خاصه انه مايدخن ومحافظ على صلاته والله يابنات بدون مبالغه كامل والكامل وجه الله وما ان انتشر خبر خطبته الا قامت الدنيا وقعدت من الحسد قسم بالله ماابالغ هالعجايز الله حسيبي عليهم قريباته ماخلن شي ماقالنه (وش تبون فيها و ليش ياخذها المهم خاصه انه اصغر مني بسنتين بس هو داري واخذ دفتر العايله وشاف عمري ويقول ماابي غير هي المهم الرجال مااهتم فيهن وكمل شغله وانا كنت اسمع كلامهن عني في المجالس وعذاريبهن في قدام الحريم والرجال الي يسوى والي مايسوى القريب والبعيد الصاحب والعدو )وماكنت اعيرهن اهتمام ومطنشه الموضوع لانه مو هن بس الي حاسدات حتى قرايبي انا استغفر الله قاطعنا فجئه مدري ليش المهم مااهتميت فيهن الله يوفقني ويرزق بناتهن وبس قرب الزواج وكان زوجي طاير من الفرحه يدق على خواني يقول جيبوا اغراضكم يقصد الملابس حقاتي انا رفضت لاني صراحه خايفه من حارتهم حريم عمانه وخالته قلت لامي لاتودين اغراضي غير بعد العرس وفعلا ماوديتها - جاء يوم الزواج ودخل الرجال وانا فرحانه وهو اكثر قسم بالله يابنات انه شوي وياكلني طبعا هو دخل في بيت اهلي ولما راحوا اهلي كلهم للعرس بعد مادخل قعد معي في غرفتي وكان مثل اي عريس بس حسيته مره مندفع يبوس ويلمس يعني كنه مطرود خاصه اني اول مره يشوفني لاننا مو من النوع الي يطلعون قبل الزواج كذا العادات المهم ياطويلات العمر قالي امشي للبيت خلينا ناخذ راحتنا ونستانس كل شوي اصبره بدري بدري لين في النهايه ازعجني وشوي ويسيح على حسيته متشبث في مره قلت خلاص صاريركض معي ويشيل شنطة يدي الصغيره يعني من زود الحبابه فيه ويلبسني العبايه المهم يابنات الرجال حسيته جنسي بحت لانه بعد شمالي شرقي (بتقولون ليش هالكلام وش دخله اصبروا علي ) المهم رحنا للبيت كان جنه ماشاء الله فحم جدا وكان هو يفرجني عليه فيه كلام كثير بس مااقدر اذكره لكم خلاصته انه فرحان مره المهم انا لاحظت ان الرجال بدا يطفي صار ابرد من قبل من ناحيه التبويس والضم ووو --- مدري ليش قعدنا لين صلينا الفجر بس كان كل كلامه عن اشياء غير الحب يعني ماكان زي قبل في بيت اهلي طنشت الموضوع بعد انا صارت تعورني كلاي بقوه مره وتضغط على الارحام كاني ودي بالحمام بس مايطلع شي وبعد تضغط على الصدر ثمن مااقدر اتنفس بس قلت يمكن من الخوف وماودي ابين له اني فيني شي وتحملت وسكت .وصحينا بكره كان جدا بارد (يالله قومي ترى امي بتجي تسلم عليك --ومن هذا الكلام --يعني مو كلام عريس كني لي عنده 20 سنه ) قلت في نفسي يمكن هذا طبعه او يمكن ماتعود علي المهم بعد طنشت - سلمت على امه وقال بنروح للشرقيه قلت خلاص عادي المهم ركبنا السياره ومريت اهلي اسلم عليهم ثمن مشينا وكان نادر مايقول كلام رومانسي بس يالله قلت مع الوقت يتعلم( يمكن تقولون اني في بدايه حديثي قلت انه رومانسي وش دراني عنها وانا ماشفت منها شي معه باقولكم من الحركات الي مسويها في البيت كان حاط في غرفه النوم اضاءه حمراء من نفس اللمبات يعني ثابته وحاط شموع ومولعهن وراح وطفى اللمبات واشياء اخرى هو مجهزها قبل الزواج علشان تكون ثابته في حياتنا - ارجع للسياره وطريقنا للشرقيه واحنا في السياره قال يافلانه قلت نعم قال انا بقولك شي قلت: وشو قال : انا تجيني ضيقه في الصدر ومدري من وش . وقبل الزواج بعد المغرب كنت طايح على السرير ابكي 3 ساعات مدري ليش لين دقوا علي العيال يقولون وينك تعال صور . انا ضاقت بي الدنيا وانصدمت من كلامه قلت لا انشاء الله مافيك شي . قال اني دقيت على شيخ وقال طبيعي هذا الشيطان وده يبعد بينكم بدايه كل زواج يصير كذا بين اغلب الناس بس لاتخلون له فرصه وحاولوا تتقربون من بعض سكت ماعاد ادري وش اقول المهم صرنا بس ساكتين في السياره وكان الالام معي بس بعد ماعلمته وقالي انتي تحسين بشي مثلي قلت له لا مافيني شي

اسفه على الاطاله بس والله ودي اسردها مره وحده مااحب التقطيع بس ودي اصلي المغرب لي عوده الله يجيركم من الي مايخافون الله

 

[شهد البحراني]

الله يبعد عنكم العين والحسد ويهنيكم بحياااتكم يارب
ترى وربي الحسد مايجي الا من الاهل ...​

 

[دلوعهـ..]

لاحول ولا قوة الا بالله


كملي ياقلبي...

 

[[امة الله]]

الله يفرج همك
ويبعد عنكم الحساد

 

[my first love]

لا حول ولا قوه الا بالله كملي الله يسهلك ويعينك يارب ويوفقكم

 

[نجوم نص اليل]

الله يفرج همك كملي ننتضرك

 

[رحـى]

مساك خير و بركة و فل و ياسمين يا عروسة ,, و أحلى عروسة ,,
إستهدي بالله ,,و دوامي على قراءة المعوذات و الأذكار ,, حتى إذا أحسستي بالملل,,تشجعي و زيدي من الدعاء ,بكل الأوقات و داخل نفسك ,,و كوني متيقنة بإيجابية إنها فترة و حتعدي بسهولة بإذنه تعالى ,,
دلعي ذاتك , و أسعدي نفسك , ثم زوجك ,و بكل ما أوتيت من انوثة و دلع ,,
و ماشاء الله المنتدى ,به من الأفكار و الأساليب المتنوعة ,, و إبدعي بأسلوبك الخاص المميز ,,
و الناس اللي حواليكي و البعيدين عنك و الأقارب (تجــــــــــــــــــــــــــــــــــــــــــــاهليهم بأدب,, فأنت ملكة ذاتك , ثم زوجك,ثم مملكتك الجميلة)
وفقك الله,وحماكي من كل شر,و سخر لك خلقه بكل محبة , و يسر لك أمورك ,اللهم آمين يا رب,,

 

[smy]

الله يكفيك شرهم

 

[أم و جامعية]

كملي تحمست الله يشفيكم​

 

[أم نهيان*]

الله يحميج ،، عورني قلبي ،، الله يجمع بينكم بالحب و الالفة يااارب

 

[الدنياااا]

كملي متابعينك
الله يبعد عن الجميع العين والحسد

 

[سماره الحلوه]

متابعنج ... عليج بصوره البقره كل يوم

 

[سحآبة صيف]

حسبي الله ونعم الوكيل

 

[أم أياد]

الله يوفقكم ويهنيكم ويكفيكم شر خلقه
حبيبتي شعور اللي جاء زوجك والله نفس الشعور اللي جاني أنا وزوجي أول ما دخلنا شقتنا وكان يبكي كان متوفي له أحد،وأنا تجيني ضيقة موطبيعية ..
لكن الحمدلله جاب لنا ابوه شيخ يقراءو زيت مقري وماء مقري وصرت اشرب منه كل شوي ولما اظمى وشغل البقرة في البيت لين الحمدلله خفينا
بس حافظي ع الأذكار وشغل البقرة في البيت أوفي السيارة..

 

[موبايل]

السلام عليكم جميعا واشكر كل الاخوات الي ردوا علي والله اني استانست من ردوركم وفي نفس الوقت تضايقت ودمعت عيني ليش ماابي اسبق الاحداث بس والله اني جاني حزن شديد من بعض الردود وفي نفس الوقت فرح شديد لانه فيه ناس للحين طيبه وتتمنى الخير لغيرها جزاكم الله الف خير وهناكم في حياتكم وابعد عنكم من لايخافه .ارجع لقصتي يابنات لما كنا في السياره كنا بس ساكتين او هو يكلم ربعه الي يباركون له بالعرس واذا خلص شغل قران وانا ساكته وموجوعه من الالم الي فيني ولا وهاوشني بعد قال شكل هديتي مااعجبتك قلت لا من قال قال واضح لانك كنتي ساكته وانا فعلا كنت ساكته لما عطاني هديه الصباح مدري هو حياء او فتور في جسمي والله مدري للحين مدري يجيني احساس اكون اسمعه بس زي السرحانه المهم هو قام يقول مافيه عروس تسوي كذا انا قمت اصيح بشويش وامسح دموعي من تحت الغطاء وهو درى اني اصيح وسكت ثمن بعدين قال تصدقين انك دلوعه وزعول قلت لا ليش قال ليش تصيحين اذا قلت لك كلام كذا بتقعدين كل شوي تصيحين والله يابنات اني ماارد عليه هو يهاوش ثمن يسكت من نفسه وانا مدري وش اسوي ماتكلمت ولا كلمه . وصلنا للفندق وقلت خلاص ابي اكون طبيعيه ماابي ازعل وازيد الطين بله دخلنا هو قعد في الصاله وانا رحت ابدل وطلعت له لقيت الرجال على نار تغير 180 درجه ماكانه الي في السياره كان متعلق فيني ويمدح فيني من جميع النواحي بس البلاء طلع فيني انا زاد الالم وودي ابكي وغير كذا ودي اناااااااااااااااااااااااام نعاس فضيع مااني معه حاول يحصل شي بس ماقدر مااني رايقه تعبانه ونعسانه بعدين قال امشي نطلع قلت ماودي تعبانه حاول فيني واقنعني بالطلعه رحنا لمطعم هو حسيت انه طبيعي نوعا ما من ناحيه الكلام معي يعني مايهاوش بس من ناحيه حب وغيره لالالالالالا كأنه يكلم واحد من الربع وانا في عالم ثاني اهز الراس وبس . رجعنا للفندق وحاول بس بعد ماحصل شي زعل وراح للتلفزيون وانا رحت للسرير . صحيت لقيته جنبي مدري متى جاء المهم الالام شديده معي قمت وصليت الفجر قريت سوره البقره ثمن لما صحى هو كان يومنا كله برود بشكل فضيع يناديني وانا في الغرفه اكون مشتاقه له ولابسه وكاشخه وودي اوريه واسولف معه ماادخل الصاله الا النعاس مخيم علي وماودي اتكلم ولا كلمه والاكل مادخل ماعدتي لاني مااشتهيه حاول يوكلني واقول ماابي قال خلاص الاكل وفهمنا ماتشتهين طيب السوالف بعد ممنوعه ليش مدري وش اقوله بس ابتسم وانا ساكته مع اني شخصيتي قويه ومن النوع الواثق من نفسه ولله الحمد وماينمل من جلستي بس مدري وش جاني يالله والله عذاب حتى جسمي فيه فتور في جميع اطرافي وصار هو الي يطلب الاكل ويزين السفره ويشيلها ويسوي القهوه والشاهي لان معه عزبه حقت الطلعات وانا ولا شي عادقام يلمح ويقول تراني ابي الحرمه السنعه الي تشتغل مو الي بس قاعده شكل اهلك مدلعينك ماقط دخلتي المطبخ وانا فعلا مااطبخ في بيت اهلي بس اعرف اطبخ لو دخلت المطبخ اصلح طبخات خيال خاصه في رمضان اسوي لاخواني اطباق يطلبونها مني لاني اضبطها بس في الايام العاديه والله ماادخل المطبخ وسبب عدم شغلي عنده مو اني مااعرف لا بسبب الهبال الي جاني والله تقولين بزر مدري ماعاد افطن لشي هو الي يصلح كل شي وبعد علاقتنا كل شوي ونبعد عن بعض هو ماينام الليل من الالام في صدره وراسه وانا الالام الي في الارحام والكلى والاحظ اني اذا خفيت يكون هو تعبان مرررره واذا خف هو اكون انا الي تعبانه هو مانام ذاك الليله بسبب التعب وانا بس جسد على السرير مااقدر اشيل نفسي لما جاء بكره اخذت القران وقريت سوره البقره ونفس الشي علاقتنا بارده جدا ياساكتين او عند التلفزيون او في الاسواق ونمشي وحنا ساكتين بس نطالع في الناس وهو قام يشك ويقول اني مغصوبه علي قلت لا قال طيب تحبين احد قلت لاوربي لا قال ها وش فيك يمكن تبين احد من الي خطبوك قبل قلت لاوالله لو ابيهم كان اخذتهم قال هو وش فيك وانا حتى غلطت اني ماعلمته بالي في كنت اقوله مافيني شي وهو تجيه الحاله وتخف عنه يعني مو مستمر .
من بكره والله العظيم يابنات يمكن ماتصدقون بس هذا الصحيح نزل معي دم اسوووووووووود من تحت وانا بغيت انهبل قلت ليش مو وقتها توقعتها الدوره بس الدوره انا مغسله منها قبل العرس بـ 3 ايام بس وشو هذا كان الدم قوي مره بس مافيه الالام دوره يعني ماحسيت باي الالام يعني مو دم دوره لان الدوره عندي تعورني مره ولما درى الرجال عنه انجن جنونه قام يهاوش قال انتي الي باغيته هالوقت وموقته له بس والله لاوريك وقام يسب ويهاوش وانا اقول والله مدري وشو استمر معي 7 ايام ومن بعده والله العظيم وانا ماعاد احس بشي صرت طبيعيه جدا ولله الحمد والمنه بس البلاء كله انتقل لزوجي فصار يبكي مثل الطفل وكنت اقرى عليه ودهنه بس مافيه تحسن نهائي كان هو الي ينفر مني ولا يبيني اتقرب منه ويقول روحي عني وش فيك ماتفهمين صار ماعلى لسانه غير الهواش وكانت الحاله تجيه على فترات وبعدين يصير حبيب مرررره ويحبني ويعتذر عن كلامه ثمن فجئه يهاوش ويتصيد لاخطائي اااااااااه بس والله العظيم عذاب مو زواج انا لله وانا اليه راجعون

اخواتي لي عوده

 

[بنوته كيوووووته]

اول شي تسوينه تتأكدين وشوسبب الامك يعني تحللين في المستشفى
اذا اللي حواليك حاسدينك ودايم يحكون فيك انك ماتستاهلينه ومن هالكلام وعندهم بنات كبرك واصغر واكبر منك ماتزوجو والالم ماجاك الاوقت حكيهم
يعني تتأكدين هل هو عين وحسد ولا لأ
روحي توضي واقري البقره يوميا ترى موطويله في ساعه ونص تخلصين وانفثي في مويه واشربي منها والباقي
رشيه على جسمك وصدرك ومكان الالم
لوحسيتي براحه والالم خف اعرفي ان اللي فيك حسد
وانتبهي عالجي نفسك ولاتراك اذا اهملتي تزيد عليك الضيقه والالام
وروحي للعطار واشتري سدر وتحممي فيه من راسك لرجولك
وجيبي زيت زيتون اصلي وديه عند شيخ يقرا عليه او انتي باستمرارك ع البقره يوميا والرقيه الشرعيه انفثي فيه
وبعدها ادهني فيه كلللللل جسمك
نصيييحه لاتهملين نفسك ووضعك تراه موطبيعي
يعني شوفي شو هو الخلل ووين
الله يسعدك وينور طريقك ويفرج همك

 

[أم ريمااااني]

لاحول ولا قوة الا بالله,,
اسال الله لكم اختي الغاليه الفرج العااجل والسعاده فالدارين,,

 

[الجروح]

أختي اصبري على زوجك .. أنتوا مو طبيعيين ..

واللي نزل منك هذا دليل حسد أو سحر ...

واللي يسويه زوجك هذا مو منه .. أكيد عين حاسد .. أو سحر

شوفوا لكم شيخ معروف وروحوا له يقرا عليكم

ولا تتركي قراية سورة البقرة ..

أقريها كل يوم وانفثي في ماء وخليه يشرب منه

وخذي 7 ورقات سدر نظيفات ودقيهم وحطيهم في ماء مقري

وخليه يغتسل منه ويشرب

والله يشفيكم ويسعدكم يا رب

وإن شاء الله قريب أسمع خبر سعيد منك

دعواتي القلبية لرب البرية بشفاءكم وسعادتكم وصد الحساد عنكم

 

[بنوته كيوووووته]

ياعمري اصبري وطولي بالك عليه واستمري ع القرايه وادعي في اخر الليل اوقبل لاتنامين لو ركعه وحده
وادعي وانتي ساجده ان الله يدلك ع طريقة علاجكم ويكفيك شر الناس
امورك يبي لها صبر اصبري وتمسكي بزوجك وحسسيه بتعبك عشانه ولا تخبين
لما تفرج اموركم ان شاء الله راح يقدر هالشي لك ولا راح ينساه
وخليك ساكته قدام الناس لا تعلمينهم ولاشي عن حياتك
وارجع اقولك دوري حلللل وانتي الوحيده اللي تقدرين تحلين الموضوع لانك ادرى بظروف زوجك

 

[موبايل]

ارجع لعذابي يابنات والله ودي اكتب لكم الي عندي مره وحده بدون تقطيع المهم الحاله كل مالها تزيد فيه هو ولا انا الحمد لله بخير رجعنا لبيتنا كان معظم وقته براء علشان الضيقه الي تجيه مني ومن البيت يقول اذا طلعت ارتاح صار مايهتم فيني بارد لابعد حد لو اجيه الظاهر بدون ملابس ماكانه يشوفني واستمرينا كذا وجانا رمضان كنت مااشوفه الاالساعه 7 الصباح وحنا صايمين تخف حالته ويرجع شبه طبيعي ويسمعني كلام حلوويعتذر عن افعاله ومعاملته لي ويقول تكفين لاتخليني اصبري علي ووده بشي بس ماااانقدر صايمين والله مايخف الا اذا كان فيه مانع واذا افطرنا رجعت له الحاله ماابي اطول عليكم بنات الاحداث تسم البدن وتزيد الهم راح لكذا شيخ قالوا له الي فيك سحر لقى مجموعه اسحار في البيت ووداهن للشيخ قال هذا سحر تفرقه بين زوجين وغيره 4 اسحار اخرى كذا مكتوب فيه حاول يقرى عند مشايخ بس يزيد تعبه او يقولون الشايخ مانقرى هالايام المهم الامور تتعقد من كل صوب . المهم قعدنا على هالحاله 3 شهور وكل مالنا في اردى هو في غرفه وانا في غرفه اذا طلع براء البيت ودقيت عليه لو يموت مارد علي مثل بعد الثلاث شهور قالوا روحي لاهلك وانا ابي اتعالج وجي اخذك شهر شهرين وبااجيك ,رحت لاهلي وقعدت عندهم وانا مدري وش سوى مايرد علي واهله يدقون على اهلي ويقولون ماعليش تراه تعبان واصبروا علينا حاولوا اخوانه يعالجونه وصار يصيح ويقول انا ماني مجنون وخروا عني قعدت عند اهلي مو شهر ولا اثنين 5 شهور وبعدها مادريت الا المحكمه يدقون على اهلي يقولون تعالوا اخذوا ورقه بنتكم .............. (وش بيصير احساسي في هاللحظه مدري وش اقول انا في حلم ولا علم 3 شهور بس ياربي ليش طلاق انا وش سويت والله ماقط زعلته ولا سبيته ولا عاندته ولا سبيت اهله وانا ولله الحمد مستقيمه في جميع اموري في ديني وستري يارب تعين وش بتقول الناس عني ليش خلاها اكيد فيها بلاء لانه 3شهور قليله مره وش بيصير موقف العجايز حسبي الله عليهن ياشماتتهن في والله العظيم يابنات اني ماقط ضريت احد لاانا ولا امي ولا خواتي ومالنا دخل في الناس وجمعات الحريم يعني مانطلع واجد طيب ليش يكرهونا وحنا ماضريناهم يعني خلاص اصبحت الان مطلقه ) بعد يومين من هالكلام ارسل لي رساله تقطع القلب يتاسف فيها ويطلب مني اسامحه وانه هذا الشي غصب عنه ويدعي لي بالتوفيق ويكرر على انه غصب غصب وقالي ترى اغراضك جاهزه جمعتها لك هو عقبها سافر مدري وين راح طلع من الديره كلها .