وش قصد زوجي بهالحركة

[ام المياسة]

اسلوبك غلط في غلط
اسمحيلي في العجله الندامه

 

[زارمنيا]

الله يعينك

 

[طيف الروح]

الحين كلكم وقفتوا ضدهااا يوم سبته

ونسيتوا يوم قال والله لاقوم اكسر عظامك طلعتوه ملك

اول شي يقلبي كلكم غلطانين

هوه ارتبك يمكن كشفتي سرهم فارتبك

والله اعلم يمكن زوجك خاطب وهذي شنطه الهدايا ويورجي امو علشان ياخذ رايها

كان اخذتيها وسكتي وشوفتي وش السر بينهم

بس مالومك من الصدمه شهر وتوه يفتكرك

انزين هالمره صار الي صار

المرات الثانيه خليك اذكى واهضم

اوك يحلوه

يالتوفيق ان شاء الله ​

 

[دروب الشوك]

اذكي الله وصلى على الرسول

 

[حور الكويت]

تبين منا نصفق لج ونقولج برافوووووووووووووووووووووووووووو على اللي سويتيه. والا نأيد كلامج . لا حبيبتي لايغرنج البنات ويقولون لج زين ما سويتي. لا والله شين ما سويتي. وتقولين لا تلوموني اللي ايده بالنار مو نفس اللي ايده بالجنه. من قالج؟ كل اللي تدخل مملكة بلقيس ايدها بالنار بس على مستويات. انا وحده من اللي ايدهم في جهنم بس ما سويت نفسج. اسبه كل هالسب لا وبعد قدام امه اكملت باجر تروح ادور له مره وتأدبج. ياما انحاكت لنا مؤمرات وحروب نفسيه. بس ما توصل اننا نقل ادبنا مهما كان هذا زوجج. اذا ارتكب غلط احاول اصلحه وقبل هالشي اصلح نفسي ( ان الله لايغير ما بقوم حتى يغيروا ما بأنفسهم ). غيري اسلوبج مع زوجج احترميه قبل تحبينه. احترمي امه . ترى لو امه وحده ثانيه كان طردتج من بيتها يوم شافتج تسبين. احترمي المكان اللي انتي فيه. كان قلتي لهم الله وش هالبضاعه من وين جاتكم؟ كان ناديتوني اختار معاكم واشتري لنفسي. اخذي الامور بحكمه مو بتسرع. اكيد لو اسلوبج معاهم حلو كان عرفتي السالفه . بس انتي خربتي على نفسج الله يعينج.

 

[هادئة البال]

طولي بالك حبيبتي واستفسري عن الشنتة وشو حكايتها بطريقة لبقة وبهدوء
ولا تعاندي زوجك ولا تسبي
الله يهدي سرك ويسخرلك زوجك

 

[شموخ الاحزان]

اشكر الاخوات اللي ردوا لو بدعوة الله يوفقكم ويجزاكم خير وفيه اخوات تكلموا بكلام لوماقالوه يكون احسن لكن الايام دوارة
يااخت حور الكويت انا محترمة نفسي ومحترمتهم وهذا اللي خلاهم يتمادون علي ولعلمك انا ماسبيته قدام امه لانه على طول من شافني راح ركض على السيارة وكان تصرفه يخليك تتنرفزي غصب عنك وانا مابي منكم شي اللي ماعندها نصيحة تخفيف او دعوه صادقه لاتكتب شي اللي فيني مكفيني

 

[أم أمة الرحمن]

أختي كلنا عندنا مشاكل بس لازم تتمالكين نفسك

ما توصل تقولين لزوجك لو انت رجال !!!

ولسبب انتي مو متأكدة منه مجرد شكوك كيف أجل لو تأكدتي أنه متزوج يمكن ترتكبين جريمة قتل ..

صدقيني تصرفاتك تعكس صورتك قدام زوجك خصوصا في مثل هالمواقف

حطي نفسك مكانه وحد يهب بوجهك بهالشكل لمجرد شك

وش بيكون ردة فعلك !!!

 

[شموخ الاحزان]

اختي ام امة الرحمن والله اني تعبانه من اول وزادوني من زمان وهي تلمح انها بتزوجه انا مالي احد ياخذ حقي والله تعبت تصدقين وش ارسلي انه لويبغى يتزوج بيقولي لكن كل كلامه كذب احس اني منهارة وموقادرة اسوي شي

 

[اسيرة فكري]

الله يصبرك وينور بصيرتك وام زوجك اذا تسعى بزواج ولدها الدنيا دواره الزواج حلال لكن الله مايرضى على على عبيده القهر الله بيجيب لها القهر اشغلى نفسك بذكر الله بدل العصبيه وخلى بلسانك دايم حسبنا الله ونعم الوكيل ولاتخلى ذكر الله يطيح من لسانك ان جاك شي والله ماينفعونك وكلي امرك لربك وهو مايضيع عبيده

 

[سهم العشق]

ان شاء الله خير يا اختي انت سألتيه بعصبيه كان لا زم تسأليه بهدوء وفي وقت ما يكون متوتر فيه 00 ​

 

[نبع الأمل]

حبيبتي أنصحج تروحي تستسمحي من زوجك وتاخذي الأغراض ع الأساس انتي مصدقة انه لج حتى لو اكتشفتي انه مو مقاسك وتأكدتي انه مو لج لا تبيني له خليج غبية واستهبلي واستخدمي الأغراض لأنه قال انها لج جايبها هدية

حبيبتي الرجال لما يتزوج يريد شيئين من البنت لو ما يحصلها يدور غيرها
الإحترام ثم الإحترام ثم الإحترام ثم الجنس

خليه ملك يكون خادمك
وأقولها لكي عن تجربة والله احترميه هو وأهله وطنشي

الله يهديكي ويهدينا
كثري من الإستغفار

 

[دمعة الغيمه]

يالغاليه باامكانك ماتقبلي هذي الهديه من غير انك تنفعلي بسرعه وتسبي زوجك
قولي مااااابغيها وخلاص..
وبعد فتره راح تعرفين كل شي مع الرويه والصبر

 

[س ر]

ياعمري انتي زوجك علمك وش سالفت الشنطه والهديه الي جايب لك او بس كذا اعتذر ولاجاب طاري الشنطه