وش اسوي مع اهلي الله يفرج هم من تجاوبني باخلاص

[دمعة مشاعر]

عزيزتي
اجلسي مع نفسك جلسة مصارحة
ابحثي عن عيوبك انت لاعيوب الاخرين
لاتقارني حياتك بحياة احد ابدا
تعرفي على نمطك ونمط زوجك لتجدي فرص للتواصل معه
لتعيشي بسلام
انت من يستطيع اصلاح الامر
اذا ابدى زوجك مبادرة للاصلاح فلا تترددي
وحين العودة الى بيت الزوجية اعيدي بناء الهيكل الاساسي لحياتك مع زوجك
اعانك الله وفرج همك

صح لسانك

 

[نور زوجها]

الله يعيك

 

[الزهر الجوري]

حبيبتي
حاولي تفرغي وقت وانت رايقة وتكوني لحالك امسكي ورقة وقلم واكتبي الاشياء التي تضايقك وفكر واكتبي كل فكرة تحلها وبعدها اختاري وحدة وطبعا الي راح تسعدك طبعا عند عدة حلول الاخوات ما قصرن فانت اخذي من منطلق الاية (حاسبو انفسكم قبل ان تحاسبوا ) بما انك عندك افكار سلبية اقنعي نفسك انك انت الغلطانة قبل الاخرين فعندما توشري لهم انتم باصبعك السبابة تتجه لك ثلاث اتهامات وهم وحدة فحاولي ان تجدي الثغرة في نفسك قبل ان تتبحري في حياتهم هم اخوانك واكيد مهما كان ما يريدوك تكوني غير سعيدة ارسلي لنفسك رسائل ايجابية دائما بانك ستتغيرين وتكافحين من اجل بيتك وزوجك وسعادتك من كل الجوانب سوى من اهلة او اهلك ...اكسبي الطرفين وارفعي الراية لا تغاري واحمدي ربك ع النعمة..
الاسئلة التي ممكن تتطرحيها لنفسك وتكافحي من اجل تصليحها؟؟
1-هل اقارن نفسي بزوجات اخواني وماذا ساستفيد؟؟
(لا للمقارنة )اهم شيء فالحياة لتعيشي بهناء
2- ما الشي الذي يجعلني غير سعيدة بحياتي ؟؟
(الغيه بتاتا بطريقتك الصارمه وجاهدي لتعيشي اجمل ايامك) مثلا لا تحسسي زوجات اخوانك انك تعبانه من الحياة بالعكس هنا تبعثي للاخرين ولنفسك انك فعلا سعيدة وستجاهدي للتحقيقها
3-زوجي ما الشي الذي يضايقة ويعاملني بشدة بسببه ؟؟؟

حاولي جاهدة ان تخبريه بالسعادة مع اهله عامليهم مثل مايريد وتحملي وقدمي من اجلهم الهدايا والزيارات مع اكلة ...سيفرح بكل تاكيد وتكوني قد كسبتيه


4- اعرفي نمطه ؟؟؟
حاولي جاهدة ان تتعاملي معه بما يحب وما يكره تجنبيه ولو بصعوبة ..
ومشيئة الله ستصبح حياتك اجمل من السابق

الغي الافكار السابقة وانسيها..وابدئي من جديد واحزمي العزيمة ....انطـــــــــــــــلقي وفقك الله ويسر امرك ​

 

[جلاكسي نون]

اختي اتركي المقارنه زوجت اخويه تطلقت ما قدرت تعيش مع زوجها بسبب المقارنه ولعناد (شوفي اختي او ل شي ءتعرفي على شخصيت زوجك ولواضح انه شمالي غربي متطرف والله واعلم لاكن تعرفي ) ثاتي شيء اجلسي مع نفسك وفكري في حياتك وفي تصرفاتك وفي افعالك وتعرقي على شخصيتك وعلى سلبياتها واجابيتها وكوني صادقه مع نفسك وصدقي مع الله يصدق معك وابدئي باصلاح نفسك الواضح من كلامك انك مشتته افكارك عنيده تنظرين الا ماعند الناس (واهمس في اذنك بكلمه واحفظيها يقولون الهديه على قد الخطيئه يمكن زوجات اخوانك ماسكين عليهم شيء وش دراك )والواضح من كلامك انك سطحيه ما تفكرين بعمق )واما زوجك وليش ما يهتمون اخوانك بك زي ما هو يهتم بخواته وباقي العائله قولي ما تزوجت الاانت ولامسئول عني الاانت ولمفروض تهتم ببيتك وزوجتك واولادك ولاتتدخل في خصوصيات الاخرين (واقرئي عن شخصيته كثير وبتعرفين اشياء كثيره (وكل مشكله لها حل استغرب من كثير من الاخوات من اول مشكله بينها وبين زوجها قالت اطلب الطلاق او تقول لزوجها طلقني وش هذا الغباء وليه هذه السلبيه والانانيه ولكسل على شان ما تتعبون انفسكم وتدورون حل الواحده اذا ارادت تشتري فستان جلست تحوس وتسال وتخسر فلوس بلهبل حتى تحصل على الفستان الي تبيه واي مشكله في حياتها تستكثر اي شيء اتقو الله في انفسكم وفي اولادكم انتن عشتنه مع امهتكم وابائكم وهم تريدونهم يعيشون مشتتين



0

 

[حنيـــن الشــوق]

البنات ماقصروا قالوا اللي كنت ناويه اقوله,,,
اسال الله العلي القدير ان يجمعك مع زوجك على خير حال
ويصلح حالك مع زوجك واهلك...آآآآمين ياااااااارب

 

[ام سلطانه]

يسلمووووووووووووووووو على الردود

الاخت جلاكسي نون كلامك عين العقل

 

[المهرة السوداء]

الله يعينج حبيبتي

 

[سآرآ]

ربي كون بعونك وسخرلك اقوئ منك وصبرك

 

[دنياالشوق]

ياعمري لاتفكرين بخوانك ابدا وعيشي حياتك للأولادك وبس وزوجك ادعي دايم إن ربي يسخره لك
مشكلتك إن كل ما صار شي راجعتي وحطيتي اللوم على اخوانك صح هم غلطانين لاكن انت خلاص اتزوجتي وانتهى الموضوع "طلعي اخوااااااااااانك من حياتك "وخلي العلاقه فيهم سلام وبس صدقيني بترتاحي.

 

[اتعبني هواك]

شوفي حبيبتي انتي شكيتي أول من أخوانك وبعدين زوجك
بالاول أخوانك..صحيح ان الاخوان عزوه بس احيانا والله ماينشد فيهم الظهر فإنتي غلطتي لمن تشتكين كل مره لهم المفروض انك ماتشكين دامك عارفه ردة فعلهم بأنهم يبونك ترجعين لزوجك وهذا موبس انتي لاء أغلب الاخوان كذا يوقفون مع الرجال ضد أخته لو إن الحق معها بكلامهم هذا زوجك وأصبري عليه وحتى الام والابو هذا كلامهم اصبري ومع السنين بتتفرج ويتغير والله ماأقولها لك كذا ..انا احياناً اتشكى لامي
وتقولي نفس الكلام أول ابوك كان شديد وماتغير الابعد ماجبتكم وكبرتوا
وماعمري شكيت لأخواني لاني عارفتهم بس فلسفه ع الفاضي والله صارت لي مشاكل من وإلى بس ساكته وحليت الامور من نفسي ولااشكي لاخواني وحتى أبوي موناقص ولاابي اقوله شي..ان شكيت شكيت لامي وامي تصبرني ولامالي الاالصبر ..أخوانك انصحك لايدخلون بحياتك الااذاصارت مشكله تحسين انها بصفك وضد زوجك
غير كذا لاتقولين لهم اي شي لانهم ياقلبي بيوقفون معه وكل مره بيزيد حقدك عليهم وتقارنين حياتك بهم وتوسوسين وليه انا كذا واهم كذا..
فمن قاصرها حلي امورك بنفسك ولاتتكلمين محد حاس بالضيقه غيرك أهم بدال مايهونون عليك بيزيدونا هم..ولاتشوفين حالك وحالهم لان اخوانك
مهما تغلط زوجته يبقى الحق معها وأهي الصح وداااايم انتي الغلط وانا عايشه هالشي موانتي لحالك ..علشان كذا صرت انشغل ببيتي وبنتي وزوجي انشغل بحياتي الخاصه واقول ربي يفرجها علي واكون احسن منهم
لاني راح اتعب إذا قارنت بحياتي وحياتهم والمعامله الافضل والاسوء
أما بالنسبه لزوجك معليش ياقلبي إنتي عرفتي طبع زوجك وعرفتي ان مايرضى لابالزينه ولابالشيه عن خواته..فخلاص حلها عندك اذارحتي لهم شغلي اللواقه سلمي عليهم قبل لاتشيلين العبايه علشان تفتكين وإذا زوجك معكم وكان أحد مصلح حلى اوكيك على القهوه امدحيها قدامه علشان يدري انك تحبينهم كثره وان احترامك لهم من احترامك له
وإذا رحتي للبيت إرضيه على قد ماتقدرين لادورين عيوبه وتحطين فبالك انك انغصبتي عليه من قبل اخوانك لاء خلاص ياقلبي هذا بتعيشين معه عمر موفتره وتتركينه شيلي هالاوهام من راسك ولاتفكرين لابخوانك ولازوجاتهم فكري بنفسك إذا أمك عايشه الله يطول بعمرها شوفي شلون تصرفات اخوانك وزوجاتهم معك عقب عمرطويل إن شالله وصار بينكم خلاف انتي وزوجك ورحتي لبيت أهلك ماراح تسلمين الابيزيدون الكيله كيلتين بالكلام اللي يغث ويجرح ..شوفي نفسك انتي
وعيشي حياتك وانسيهم مره روحي لهم وانتي بس تبين جمعتهم وتستانسين موتبينهم يحلون مشاكلك والله الدنيا ماتنضمن ياروحي
وماراح ينفعك الاابو عيالك ولاتقولين انه فيه كذا وكذا اقولك إياها محد كامل ماالكامل الاوجه سبحانه وكل بيت فيه مشكله ومحد مرتاح بحياته
بس الواحد يداري الامور الين يتعدل الحال ..عليك بالدعاااء والاستغفار والله يفرجها علي وعليك وعلى كل مسلم

 

[غاليه ياناعمه]

الله يعينك ويفرج همك

 

[الـنـون]

أنا اتوقع سبب تعاستك الان مع زوجك .. كلمتك هذي له

وروح لأخوي قوله اني انا مابي بنتكم

هذي اكبر غلطه زل لسانك فيها .. المفروض مهما كان حتى لو ماتبينه

ماتقولين له بهالطريقه .. ولكن اللي راح راح وانتي قلتيها له وهذي نتيجتها ..

زوجك كبريائه وكرامته هزيتهم بكلمتك هذي وبكلمتتك هذي بينتي له انك ماتبينه وانه اهلك خدعوا

زوجك لانهم غاصبينك عليه .. وبرضو بكلمتك هذي بينتي له انه اهلك معذبينك او كانوا يقسووون عليك

وخوفك منهم

عشان كذا هو متساهل من هالناحيه ويقسى عليك

لآن أنتي زوجته وعندك عيال ..

أولا ً : ان الله لايغير ما بقوم حتى يغيروا ما بانفسهم

غيري فكرتك عن زوجك حاولي تبحثين عن ايجابياته مستحيل زوجك ماله ايجابيات

انا بعطيك وحده من ايجابياته ( قلبه طيب ) والدليل كلامك عن معاملته لخواته واهله

اخذي ورقه وحطي فيها خط طويل من المنتصف على اليمين اكتبي السلبيات واليسار اكتبي الايجابيات

ركزي على ايجابياته .. وتقبلي زوجك وحسسيه انك راغبه فيه ومتقبلته ..



ثانيا ً : لاتتشكين عند اهلك منه .. ودايما حطي في بالك زوجك احسن من غيره

غيره تلاقينه سكير / مدمن مخدرات / مدمن بنات الليل / عنده قضايا / عاطل عن العمل والمشاكل تركض وراه / ضايع ومضيع عياله وزوجته ولا يدري عن هوى دارهم يعني بلاوي اللي يكفينا شرها

لذالك تحمدي ربك على اللي انتي فيه .. ودايما قولي بينك وبين نفسك

زوجي مو اسوء واحد ولكن احسنهم

زوجي احسن من غيره

حسسيه انك متقبلته وراضيه فيه اصبري عليه ترى كلمتك له قبل العرس كانت قويه


غيري من نفسك اولا امدحيه اذا سو حاجه لكم او صلح حاجه فالبيت

اذا جاب حاجه لاولادكم اشكريه وقوليله الله يخليك لنا

اذا جاب حاجه لك او للبيت حتى لو كانت بسيطه جدا اشكريه اثني عليه قدري اي شي يسويه لكم

بعد العلاقه الحميميه مثلا قوليله هنيالي فيك

يعني انتي بس غيري فكرتك عنه وتأكدي هو ماصار كذا الا لانك رفضتيه

الحين انتي زي ماقلت لك ..

1: سجلي سلبياته وايجابياته .. ركيزي على الايجابيات وتغاضي عن السلبيات .. لانه حتى انتي بشر ومو كامله فيك سلبيات وايجابيات


2: قدريه / أشكريه / اثني على مايقوم به / امدحي افعاله


3: اهتمي بأنوثتك ومظهرك ومعروف كلما قلت انوثة المرأه قل حب الرجل لها ولاتنسين الابتسامه تأسر قلب الرجل

4: ادخليه معك بالبيت لاتلغين وجوده خليه يسوي مسؤولياته واشكريه عليها وقدريه

5: تجنبي :

* كثرت اللوم والعتب
*الشطوى والتذمر
* الحساسيه المفرطه


6: تذكري انك دنياه ولكن هو دنياك وآخرتك ..
وتذكري قول الرسول صلي الله عليه وسلم ( اذا صلت فرضها وحصنت فرجها واطاعت بعلها دخلت من اي ابواب الجنه شاءت ) وتأكدي الجنه غاليه ومو بهالسهوله نحصل عليها تحتاج لتعب وصبر

7: اعتني بزوجك ولكن بأعتدال .. اهتمي في نفسك وبيتك وعيالك .. تقربي من امه وحاولي تكسبينها
اخواته خلي علاقتك فيهم وديه مع وجود حدوووووود يجب عدم تجاوزها


8: أحسني النيه ( انما الاعمال بالنيات ) في كل حاجه تسوينها سواء له او لأهله


9: تعرفي على نمط زوجك بحيث تسهل عليك معرفته والتعامل معه


10 :في كثير من الزوجات يتجملون ويكشخون ويهتمون بمظهرهم دايما بالمقابل تقول انا ماقصرت معه بشي وبالنهايه يتجاهلني او يخوني او او او .. هنا المسكينه ماتدري ان فيها مشكله
واحيانا نشوف زوجه مافيها حلا لكن زوجها متمسك فيها ويحبها بجنون وبالمقابل زوجه تقول للقمر قوم وانا اجلس مكانك وزوجها مو مهتم فيها او مايحبها مثل الاولى
السبب لانها تكون جاهله وماتدري انه فيها ( خــــــــــــــــــــــــــــــــــــــــــــراب ) عشان تتجنبين هالخراب
وقت الدوره اعتني بنفسك وتدفي وفي طريقه انا مسجلتها بدفتر ح أرسلها لك بأذن الله ع الخاص اليوم بالليل ع اساس ماتضيع بين الردود .. ( والبنات اللي يبونها يقولون لي ع الخاص )


11: حاولي تكسبينه .. بطرق حلو .. مثلا سوي له عشا فاخر لاصحابه الخ ...



وآخيرا ً .. عشان تملكين قلبه اول شي غيري فكرتك عنه وثاني شي قدريه واشكريه وابتسمي له

وتذكري انه زوجك أفضل من غيرهـ .. أستغلي ايجابياته وطيبة قلبه

ولاتذكرين اهلك الا بكل خير عنده او تجنبي الحديث عنهم وكذالك زوجك اذكريه بالخير عند اهلك او لاتجيبين سيرته


والله يسعدك ويوفقك دنيا وآخره

 

[الـنـون]

زوجك غير واخوانك غير

أنتي غير وحريم اخوانك غير


انا لاحظة عليك انك تقارين كثير


لاتقارنين نفسك بأحد ولاتقارنين زوجك بأحد

انتي لط طبعك وشخصيتك وبرضو زوجك له طبعه وشخصيته

وبالنسسبه لزوجك وعدم تكفله بالمسؤوليات ورميها عليك

الحــــــــل : انتي سوي الامور اللي البيت صعب يمشي من دونها

واجلسي مع زوجك واختاري وقتك مناسب وتفاهمي معه بكل هدوء وامسكي اعصابك

تفاهمي معه على المسؤوليات وقسموها بينكم ولو قالك اخوانك يتكفلون

قوليله بدلع الله لا يحدني لأحد وراسك يشم الهوا :22:

انتبهي لأسلوبك أحتويه بكلمات الحلوه .. واصبري عليه وان شاء الله راح تشوفين نتيجه تسرك

بس أصبري وأصبري وأصبري ​

 

[بـدويـه مـودرن]

ومع ذالك عايشين بدلع سفريات وخدم وحشم وماراكات
وانا اذا طردني عشاني بس تاخرت
ما سلمت على امه حطو الوم علي
وانت غلطانه وانت فيك وفيك وفيك!!!!!!!!!!!!!!

حبيبتي الله يعوضك خيرا من حياتك وخيرا من زوجك
ويسخر لك خلقه
بس يالغاليه لاتضرين حريم اخوانك قول ماشاء الله
حرام مالهم ذنب بحياتك وانهم مبسوطين مرتاحين هذي قسمة ربي
وخلي قلبك نضيف عليهم وربي بيرزقك احسن منهم باذن الله

 

[سلطانه نت]

الله يعينك ويوفقك

 

[بت ابوها]

حبيبتي الله يسههههلك امرك ويسخره لكي استغفري كثييير
ويالنون ياريت ترسليلي على الخاااص

 

[قلبـي كبـير]

كلن على همه سرى

 

[الدنيا صبر]

النووووووووون
كفيت ووفيت صج حكيمه(ومن يؤتي الحكمه فقد اوتي خيرا كثيرا)