حبيبتي اسمعي مني
انا مب متزوجة بس عاجنة هالحركات وخابزتنها
أقسم لج بالله لو اتبعتي اللي أقولك أياه أوعدج وعد بتقولي في بالج بعد ماتطلعي من هالعلاقة الحمد لله اني ماورطت نفسي في هالسالفة وعشت في جحيم أنا وعيالي،، هذا وعد من اعلامية لج وماتوفيقي إلا بالله
حبي بفصص لج هالعلاقة تفصيص لو تبي وببين لج انه كذاااااااااااااااااااااااااااااااااااااااااااااااااااااااااااااااااااب عووووووووووووووووووووووووووووووووووووووووووووووووووووود
مب مبالغة والله والله مع الوقت بتعرفي
انا ما أقول ان نيته شينة هذي الله اعلم بها .. لكن كلامة كذب في كذب
1- أي رجل خليجي محترم مب مرتاح مع زوجته لأي سبب كان مب مضطر انه يكذب على بنت علشان يتزوج عليها
2- الرجل بطبيعته بيحشر البقعه وبيخبر أهله وأهلها ان زوجته مقصرة في واجباتها
3- أي رجل خليجي هذا اللي بيمشي ياكل في المساجد مع (الهنود) علشان زوجته مب طابخة
4- هذا ياعمري كلمك وخبى عنك زواجه لأنه كان هدفه أنه يلعب << لاتقولي لا يحبني ترا شفنا الهوايل من كلمة يحبني لاتقولي أنا غير
5- لما زوجته أكتشفت أنه يخونها أو لسبب خلافاتهم خلته يطلع ياكل برا مثل الكلب وهو لأنه عارف انه غلطان راضي .. ولا في الوضع الطبيعي هي اللي بتروح بيت أهلها ،، ولا تظني انه ماسوى كذا لأنه طيب لأن الطيب مابيقدر من أساس يخونها فهمتي المعادلة البشرية المؤلمة!!!
6- ولا على بالج ان انتي المنقذ اللي بينقذه من هالتشرد!!!!! غلطانه حبي بتفكيرج
7- انا اكتشفت اكتشاف .. كل رجل يبا يظل بنت ويخليها تصدج كذبه يغريها بشي فطري فيها مثال :
دوري في النت عن قصص التعدد وعن قصص الحب الفاشل مع متزوج وبتحصلي كثير .. أمسكي كوب شاي وبسكويت ومخمخي عليهم بتحصلي نفس نقاط التقاطع بينهم .. كل رجل يبا يتزوج يذم في زوجته علشان يحرك في حبيبته مشاعر ان هي احسن من زوجته ,, ويخليها تعتقد ان اذا دشيت البيت الكل بيلاحظ الفرق بيني وبينها ، وأن أنا بحرها بكون أحلا منها ،، يعني يحسسك ان لو صرتي الثانية بتكوني في قلبه الأفضل
طبعا كثير من الرجال يعرفوا هالشي لذلك يقولك الحجج التالية :
زوجتي مب حلوة علشان يشعر البنت انها ملكة جمال
زوجتي ماتهتم بنظافتها الشخصية وأنا مب مرتاح معاها جنسيا علشان يحسس البنت أن هي قمة الأنوثة
زوجتي ماتجيب عيال وكبيرة في السن وأنا أبا الولد علشان يحسس البنت انها هي أم الولد وهي الأساس والأهم واللي جابت عيال وصبرت معاها كل العمر خلاص صارت رقم 2 لانها ماتقدر تجيب المزيد.
وكثير من الأعذار المضحك أن النساء يصدقن هالأعذار ويتزوجن متزوجين على أساس انها ضحت وبتنقذه من الواقع المرير (وعلى أساس هالتضحية بتصير هي الكل في الكل)
لكن اللي يضحك أكثر أنها تكتشف أن زوجته الأولى أمرأة عادية جدا حالها من حالها ، يمكن تكون معاها أخطاء هنا وهناك ومشاكل بينها وبين زوجها شكل فراغ مع زوجها ، وأول ماتشرفي أنتي وتحلي هذا الفراغ ، خلاص يطيح الحطب وتصير علاقتهم زينة
ومب بعيد مثل ماهو معروف أن الزوجة الأولى إذا تزوج زوجها تعدل من وضعها وتصلح أخطائها وتصير تمام التمام ساعتها أنتي مايصير لك لازمة وتصيري أنتي مجرد رقم 2 لا أكثر وهي تكون أم العيال وبيتها أولى من بيتج
أنا مب ضد التعدد .. أنا ضد لبضحك على بنات الناس بهذي الطريقة
هذا يريد يضحك عليك على باله أن بيمشي هذي المسرحية عليج انتبهي انتبهي انتبهي
