المشكله ان احنا نتساهل بتأثير الامور الصغيره
لو كان عندك مدرسه ماكان صحيتي بدري لو عيالك رايحين المدرسه ماكان صحيتي بدري لو كان عندك شغل ماكان صحيتي بدري لو كان عندك طلعه مع الصديقات ماكان صحيتي بدري طيب ليش ماتصحي عشان زوجك بدري تحسسيه انك موجوده جنبه لما يروح الشغل اللى يجيب منه متطلباتك ومتطلبات البيت والعيال وصليه للباب وادعيله ( الله يحميك ,اودعتك عندالله امانه , الله يسهل طريقك , وغيره من الأدعيه الحلوه ) صدقوني ربي يبارك في يومك ويومه لانك استهليتيه بالدعاء لو صدف وصارله شي حلو ذاك اليوم حيقول سبحان الله اليوم ام العيال دعتلي ( زيي الام لما تدعي لعيالها الصباح لما يروحو المدرسه والاختبار ) .
ولما يرجع نفس الشي استقبليه وانتى نظيفه كاشخه متعطره مبتسمه ( بحنيه بدلع ) خذى منه الجريده الشماغ ,الكوت , اللاب اي شي شايله ( اهلين حبيبي يعطيك العافيه ) واوصلى معاه للغرفه وحضريله اموره المعتاده اللى يسويها لما يرجع
ملاحظه ( لا تودعيه وتستقبليه بالاحضان والقبل والتفعيص الرجال مو ناقصك طالع طفشان شايل هم الزحمه والمدير العله وجاى قرفان من الشغل)
بس وسلامتكم