يجماعه الخير انا سارلي متزوجه من تلات اسابيع يعني اعتبر عروسه والله ياناس زوجي قدام الناس طيب وابن حلال ومو حق بنات يعني ابد الكل يقللي يابختك في زوجك باين عليه طيب والله ياناس اول صدمه اخدتها منو يوم الصباحيه انو ((( مايصلي )) لا ومو كده بس يكره انو يسمع اي خبطه او حديث او قصه عن الصلاه وعقوبه تاركها والله ماخليت ولا بقيت طريقه بالتعصيب وبالزعل وبالدلع والمنطق وبالضحك وبكل الطرق اللا اعرفها وفقدرتي حتى مره طلعتلو قصه عن سوء خاتمه تارك الصلاه قام قللي سكتني وقاللي لو كملتي والله حاكسر اللاب توب فوق راسك وشي تاني تخيلو يجماعه عندو اصحابو هم نور عيونه الاتنين امس سمعت اصحابو بيدقو عليه طول الوقت قام وراح يكلمهم في الحمام يقوم يقول لصاحبو خليني ارسل الحرمه لاهلها اسبوع زمان ( لاني ساكنه في مدينه في غير مدينه اهلي ) والله يجماعه قلبي قرصني وخايفه مره ومررررررررررررررررره شاكه فيه وقبل شويه جلس قدامي وقعد يسألني اشبك وجهك غريب عندك شي لاحظو انا اللا عندي مو هوا سبحان الله قمت قعدت ابكي وقلتله انا سمعتك وانتا تقول لصاحبك تبغى ترسلني المدينه اسبوع زمان عشان تاخد راحتك معاه قام طل فيا ولما خلصت كلام قام رمى في وجهي ساعتو واتغير وجهو وراح نام يجماعه قولولي ايش فيه ايش الشي اللا مخبيه جوزي عليا ياترى هو يشرب واللا حبوب والللا مخدرات واللا ايش بالزبط وهرجه انو مايصلي دي ايش اعمل فيها