هو مطنش وانا مطنشه طيب وش النهايه....؟؟؟؟؟؟؟

[همس الخيال*]

الله يصبرنا عليهم وينصرنا والله اني احيآ احزن على حالي وحال عيالي والله تقصير لابعد الحدود وحرمان من متاع الدنيا بس ربي يعوضنا بالاخره انشاء الله

 

[همس الخيال*]

الله يفرج عليك اختي همس الخيال ..... طنشيه و لا تردين عليه ابدا ...

انا بالنسبة لي زوجي كذب علي و استغفلني ... قمت زعلت و حولت جوالي ع الموجود و صرت ماارد على

اتصالاته اذا اتصل و لا على مسجاته ..

الله يعيينا يارب و يكتب لنا الصالح ..

تحياتي

اصلا له 17 يوم ولا فكر يتصل وزوجي مو من النوع الي يتصل انا الهبلا الي راميه نفسي عليه دائما اتصل وادور وراه بس الحين قررت اني افوق من هبالتي واطنش واسوي زي مايسوي واشوف وش اخرتها معه

 

[ام ضيونه]

هلا حبيبتي ادعي ربي انه يهديه
وبعدين اذا عياله مشتاقين له خليهم يكلمونه وانتي لا تكلمينه

 

[همس الخيال*]

لا خليه ينحرم منهم زي هو حارمهم يستمتعون زي الاطفال لايخرجهم ولاسفرهم الله يعوضهم انشاء الله اصلا هو مافكر فيهم اهم شي وناسته

 

[NOLY]

مرحبااا خيتوووو

شوفي يا قلبي .. اتصلي .. بس لا تكلمينه

على طول الجوال عند عيالك .. خليه يرد على الاتصال يشوف عياله الي يكلمونه ويسكر وعياله بس الي كلموه

امم بقولك شي واستعدي نفسيا له ..

قد انه اذا شاف اتصالك ما راح يرد عليك ..
وبكذااااا انتي بتنقهرين لانه بيظن انك انتي الي متصلة ، وبتفشل خطة التطنيش

نقطة ثانية قد انك تتصلين ويرد ، ويكلم العيال .. وبعدهاا يسكر
وبما انك تقولين انه من النوع الي يطنش،، قد انه ما راح يسأل عنك !! وهالشي بيقهرك

اهم شي استعدي نفسيا للي قلت لك ..

طيب خليني اقولك نقطة .. ممكن ما تصير بس حطيها بالحسبان ..
قد انه بعد ما يكلم العيال .. يقول عطوني الماما .. اذا كلمتيه تكلمي بدللللع زعلاااان ..
اول ما تاخذين الجوال قولي : آآآآآلوو >> بهالطريقة ممدودة ، وبلا هلا ولا مرحبا ولا غيرة
سألك شخبارك؟ ردي: تمام الحمد لله .. واسكتي .. وردي على أسئلته كلمة ورد غطاها بسسسس

والله يسهلهااا عليييييييييييييييييييك يا رب

وشوفي .. عدل تصرفك بالتطنيش .. واقولهاا عن تجربة
واقولك شي بما ان هاذي اول مره تطنشين .. المشكلة توقعيهااا كبيييييييييييرة حييييييييل وبتكبر
لان اول مره طنشت زوجي .. انصدم من تصرفي .. قام يسوي كل شي يستفزني عشان يخليني اطارد وراه عشان يرضى
لكن انا ظليت مطنشة وخليته يسوي كل شي يبيه وما بينت له ان حركاته استفزتني .. بالرغم اني ذيك الفترة كان بيني وبين الجنون شعرة

الله يكون بعونك اختي .. ويهدي زوجك لك ويسخرة



-
-

ملاحظة : ان كنتي غلطانة وكان صدق رايح الرياض ... فـ يا كبرهااا عند الله

خيتووو خبرينااا شلون عرفتي بانه مو بالرياض .. حتى على الاقل نقدر نعرف هو زعل ليش
يعني قد انه يكون شرقي ، وما يحب الحرمة الي تترصد حركاته وتراقبه

-
-

 

[candle*]

اول شي انتي متأكدة انه مسافر أو مجرد شكوك؟
ثاني شي اذا متأكدة من سفره وعندك دليل لا تمرريها له بسهولة ..
حتى يفكر ألف مرة قبل يكررها ..
واستمري في تطنيشه ..
واذا جا من السفر لا تعطيه أي اهتمام أو ترحيب ..
وتناقشي معاه في الموضوع وفي أسباب سفره
اذا جا يراضيكي

 

[تماني المتفاني]

طنشي وسوي انك مو مهتمه وبعدين خليه يوعدك انه مايسافر لوحده للخارج

 

[أحلى مدام]

ازعلي وطنشيه ,,,الله يسخر لك زوجك ويحنن قلبه عليك ويحنن بعد قلوب أزواجنا أجمعين

 

[مهلبيه بلفستق]

الأستغفار الأستغفار الأستغفار ياقلبي ليلا ونهارا يوسل السماء عليكم مدرارا..... كوني واثقه من رب العالمين لاتنسي هو خجلان من كذبتو اتصلي عليه مره وحده بس بكل جمود كلميه وانك بتشوفي انه بخير بس ومصيرو يرجعللك بس خبريه انك تخرجي مع اهللك ومبسوطه زيماهو الأخ مبسوط يمكن يغير بالامبالاتك ويحس ويرجع

 

[مس الكندوشي]

يفضل يالغلا انج تطنشيه لا تتصلين له تصدقين حبوبه هذي مشكلتنا ان حنا نلاحق ازواجنا ومبين لهم كيف حنا ملهوفين عليهم

انا زوجي مسافر صار له اربع ايام مع امه واخته وتصدقون ما يتصل إلا مرة اشدعوه على الأقل يسأل عن زوجته وكنا قبل لا يسافر متزاعلين وتراضينا قبل سفرته بيوم ، بس هو طنش وقلت انا بعد بطنش وصار يتصل مرة وحدة في اليوم وانا مخليته على راحته ولا كانه الموضوع هامني بس والله قلبي محترق بس مش مبينه له وهذي حالتي راح تكون معاه من اليوم ورايح لاني حبوبه عودته اني اتصل عليه لو زعلان وراضيه وإذا سافر احرق تلفونه علشان بس اسمع صوته وصار يتمادى علشان جذيه خلج على موقفج ولا تتنازلين عن زعلج علشان يعرف قيمتج ولا تغلطين غلطاتنا حبوبه

 

[كاترين جوجو]

الله يسهل امرك ويصلح زوجك

 

[fifo0o]

بالنسبه لاولادك اتصلي وخليهم يكلموه من غير ما يسمع صوتك الاولاد مالهم ذنب

اما انتي لا تتكلمين معاه واذا جا اثبتي على موقفك عشان يحسب لك حساب

واذا كلمتيه قوليله الصراحه والصدق بينا افضل

الله يهديه ويهدي جميع المسلمين ويسخر له

 

[زهر الرمان]

وش اسوي وش رايكم بالتطنيش انا ماعمري جربته انا فارضه نفسي عليه بالقوه هو دائما مطنش وانا الي اجري وراه الحين قررت اسوي العكس بس ياررب يصير الي ببالي دعواتكم لي الله يسعدكم ويسخر لكم رجالكم

اااااااااااااه من هدول الرجال ااااه بس


نجري وراهم وما يعجبهم
نطنشهم ما يعجبهم
ايش نعمل معاهم بس يارب ايش؟؟؟

 

[dream.live]

أسأل الله أييسر لكِ أمرك ويسخره لكِ ويجعلكِ قرة عينه

امين امين امين
​

 

[abeer abdulmohs]

طيب ما سالت نفسك ليه كذب عليك؟ عفوا على التشبيه بس الرجال تماما مثل الاطفال ما يسوي شئ الا وراه اشياء. اولا شوفي وش سبب كذبه عليك, يمكن ما يبيك تقولين سفرنا حنا بعد, او كان حارمكم من شئ ماديا وما يبيك تطالبينه باشياء ماديه مرهقه, او يمكن ما يبيك تعرفين هو مسافر مع مين, او ليش, او فين. حنا للاسف نشوف الموضوع بنوع من العاطفه السطحيه ونحل المشكله حل وقتي" مخدر" وما نقتل المشكله من الجذور. شوفي السبب اللي خلاه يكذب وصدقيني ما راح تتفاجئن من فعلته. الحين تعلمي من هالدرس اذا عيالك يبون يكلمونه, خليهم يكلمونه لانه بيسالهم ليش ما كلمتوني ويبون يقولون "ماماعيت" ويقلب السالفه عليك,ارسلي له رساله بلسان العيل يقولون كلمنا يا بابا. اذا رجع خليك عادي ولا ولهانه ولا حتى وين رحت .والمرة الثانيه اذا كذب عليك, لاتعلمينه انك عرفت وهو هناك, كلميه عادي, اطلبي فلوس وانك محتاجه والعيال بعد,استغلي الموقف لصالحك واذا جاء وارتاح وبعد كم يوم من المقابله البارده وبعد ما تحرقين اعصابه قولي له وفجاه " صحيح كنت بالرياض" ومن ردت فعله يبان كل شئ.

 

[همس الخيال*]

الله يجزاكم خير انشاء الله بالنسبه لكيف عرفت انه مسافر برى لانه مقفل جواله ولما سئلته ليش مقفله قال واحد مأذيني وقفلته ومو من عادة زوجي يقفل الجوال الا لما يسافر برى

 

[همس الخيال*]

وين افكاركم ومسساعدتكم ابي الكل يشاركني بمشكلتي ويساعدني ويدعي لي

 

[رمرامة]

اولا حبيبتي افرضي حسن النية وفكري بعقل اذا طلع فعلا مسافر برى الرياض ماكذب الا للسباب اللي قالتها الاخت عبير فاسمعي النصيحة ولاتدورين المشاكل ووجع الراس خلي عيالك يدقون عليه واذا رجع دق خليهم هم يردون عليه انت لاتكلمينة واذا رجع طنشية مو زعلانة وبس وكلام مايجيب فايدة لا لاتنسين انة لوكان صادق ماسافر انه خلاكم وحدكم بدون مايحس لاتكلمية قومي بكل واجباتة بس على الصامت حتى لو اعتذر وحب رجلك لا تسامحية قولي انا اذا هنت عليك بالطقاق لكن عيالك اذا هانوا عليك وش نبغى فيك ولاتكثرين كلام معاه لانه عنده انك تهاوشين احسن من انك تطنشين

 

[منتضرة فرج ربي]

الله يكون في عونك والله اختي انا مثلك زوجي سافر له شهر ولا يسال عني وانا كنت اتصل واسال ولما شفت انه مطنش انا طنشت لي اسبوع وهو ولا علي باله دعواتك ربي يسخر لي وزوجي ولكي يارب

 

[دلوعتك28]

اول شي انتي نكدتي عليه سفرته وواجهتيه وهذا غلط المفروض انتظرتيه الين يجي وووويريح وتالي واجهيه بكذبته ثانيا اذا على عيالك دقي وخليهم همممم يكلمونه ولاخلصو قفلي عادي ان ماربطتيه بعياله بشنو ممكن تربطينه ونتي لاتتكلمين وتعلمي لاجو يخلصون سوي نفسك جايه من مكان يعني مو عندهم وقولي خلصتو وضحكي وقفلي الخط سمعيه انك مو مهتمه واذا جاااااء تًىنقي وتكشخي ورتبي اولادك وزيني البيت وجهزي كل شي الي متعوده منك عادي جدا واضحكي وسولفي وبنفس الوقت خليك متحفظه ولاتجين ناحيته كزوووووج فهمتي وحتا لو بدا هو بلمبادره طمعيه بلاول تالي اسحبي عليه قومي وضحي له انك متضايقه من موضوع السفره بدون مبالغه وقولي الكلمتين الي بصدرك وتوكلي على الله ههههههه يعني لامكان ولازمان مناسب تتهاوشين وتزعلين معاه ربي يهداك تسرعتي وكيذا خليتيه يقتنع اك تستاهلين الي يكذب عليك اول ممكن كان عنده شعور يءنبه بس انتي طمستي هشعور عشان كيذا اقولك خلك ريلااااااكس ياقميل وطمنينا شو يصير معك