همي مو زوجي ينكد عليا ولا ام زوجي همي اكبر بكثير....

[لمسة شقاوووه]

الســــــــــــــــلام عليكم ورحمته الله وبركاته

مشكلتي اكبر من زوجي ينكد حياتي او حتى ام زوج وحركاتها مشكلتي أبـــــــــــوي
تتخيلوا وحده تشتكي من ابوها ...
أقسم بالله أني أموت بالارض اللي يمشي عليها وبعد وفاة أمي الله يرحمها صرت احسه كل شي بحياتي بس مشكلته شوي صعب التفاهم معه يعني مستحيل تقنعيه برأيك مهم كان رأيك صح..
وبعد وفاة أمي تعرف ع رجال وصار دايم معه وداخل خارج علينا وعازيم وحركات الموووهم هذا الرجل من قريه وعنده أخت ودايم طايح يمدح في أخته أنها حافظة القرآن وملتزمه ونفسها تربي أيتامومن هالكلام أنا في البدايه تقبلت الموضوع وقلت يالله اصلا أبوي تعبان من بعد أمي يمكن يرتاح وتغير حياته وحياتنا بس لما عرفت عمرها أنصدمت تخيلوا عمرها 19 سنه بس يعني أصغر مني ب3 سنوات وأبوي عمره 55 سنه يناس شوفو الفرق بينهم أنا قلت يمكن مجبوره بس طلعت هي الي تبي تخيلوا كل يوم تتصل ع أبوي وتسولف معي وتحط حجه أنها تتطمن ع أخواني اااااااااااااااااااااااه ياقلبي المشكله ناري ع امي ماطفت والله اني مقهوره ..
يناس ماراح تقدر ع اخواني بالذات اختي الصغيره لانها لين الحين تسأل عن أمي وتبكي أمانه حسو فيني انا حتى ماعندي عمات وخوالي بينهم وبين ابوي مشكله مو راضي يسامحهم وشخصية ابوي صعبه واخاف اخسره انا مالي في هالدنيا غيره وخايفه ع أخواني منها لاني حاسه دخلتها طماع لان ابوي الحمدلله عنده خيررررر وهم ناس بسطين جدا وزوجهم اخر هذا الشهر وش اسوي انصحوني كيف اعملها الناس يقولوي طلعي عينها عشان تشرد بس انا اخاف ربنا امانه وش اسوي

 

[الحجاب2]

والله اختي لا اعرف ما ذا اقول لك بس ماحبيت اطلع من دون رد وحتى ولو بالدعاي الله يصلح الحال وربي يوفق بينكم

 

[لمسة شقاوووه]

ياقلبي انتي ربي يخليكي يكفي انك دعتي لنا والله اننا نحتاج احد يدعي لنا لان انا واخواني عايشين بهم ربنا عالم فيه.

 

[فازل]

ابوك ماينلام من بعد ماكبر لقى وحد صغيره بس انتي مالك الا الدعاء وتوكلي ع رب العباد وهو قادر ع كل شي بس دايم حاولي تذكري ابوك باخوانك الصغار وتحسيسيه انه هو المسوال عنهم لاتشيلي الهم وحدك دايم خليه في الصوره وان شاء الله مادام انها حافظه القران يجي فيها خير

 

[&دانتيلا&]

حبيبتي عامليها بما يرضي الله..
لعلها خير لكم..
اكسبوا والدكم بالمعامله الحلوه..لو قدر الله وحدثت مشكله يكون بصفكم..
والحمدلله انتي كبيرة تقدري تنتبهي على اخوانك .

 

[لمسة شقاوووه]

يسلمـــــــــــــــــو حبيبتي فازل ع الرد وجزاكي الله كل خيـــــــــر بس انا خايفه انها كذبه بس عشان تتزوجه وتعيش بعز بدل الفقر ..
وأكثر شي قاهرني بهالسرعه نسي امي والله انها ماتت في حضنه

 

[لمسة شقاوووه]

ياعمري دانتيلا مشكوره بس انا متزوجه اذا اليوم عندهم بكرا مو عندهم والله خايفه ع اخواني المشكلة بتعيش بنفس البيت..

 

[رازيا]

الله يهديه ويصلح حاله امين جاي يتزوج وحدة في عمر بناته وبعدين يلي بدو يتزوج يتزوج وحدة مطلقة او ارملة ما يتزوج طفلة صغيرة قد بنته او على الاقل عمرها 30 مقاربه من عمره هو شكله فلوسه زايدة وحابب يجدد شبابه المهم اسمعي مني كل يوم ادعي بدعاء الاستخارة وقولي يارب اذا كنت تعلم انه زواجه منها خيرا لي في ديني يسره واذا كنت تعلم زواجه منها شرا ابعده واصرفه الخ وان شاء الله خير توكلي على الله الحياة قصيرة لا تنكدي على حالك موفقة باذن الله ودائما ادعي اللهم اكفينيها بما شئت

 

[تشكرات]

حبيبتي لا تزعلي من كلامي ..بس المشكله مو منها المشكله من أبوكي كيف بيتزوج وحده من عمر بناته ..المفروض يراعي فارق السن بينهم ..واذا على الزواج محد بيمنعه هذا شرع الله ومن حقه يعف نفسه عن الحرام .بس لازم يختار شريكه من عمره تكمل معاه مشوار الحياة وتساعده بتربية عياله ..بس الظاهر ابوكي ما يفكر الا بنفسه وبس ..المهم انتي انصحي ابوكي بالزواج من زوجه بعمره ومن تفكيره حتى لا يفشل الزواج واذا لم يفهم خلاص انتي اللي عليكي سويتيه ..انتبهي لنفسك ولاخوانك ولا تحتكي فيها كثير ولا تعطيها أهميه ..وربنا يساعدك ويوقف معاكي .

 

[جميلة وجذابة]

اختي الحبيبة

بالنسبة لفارق السن

تذكري حبيبنا سيد الخلق عليه صلوات الله وسلامه وفارق السن الذي كان بينه وبين عائشة

اما بالنسبة لزواجه فهذا حبيبتي من حقه خصوصا بعد وفاة الوالدة رحمة الله عليها

ادري انها صعبة عليكم تتقبلونها سواء كانت هي او وحدة ثانية

لكن تعرفون ان الله بيبتليكم ويبغى يختبر ايمانكم انتبهوا

ترى هالدنيا زائلة وما رح ناخذ الا اعمالنا

تصبري وادعي لامك يرزقها الله خيرا من زوجها واهلا خيرا من اهلها ودارا خيرا من دارها

وادعي لابوك ان هالبنت تبر بيه خصوصا ان كانت مؤمنة

استخيري الله وتوكلي عليه

قال تعالى: وعسى ان تكرهوا شيئا ويجعل الله فيه خيرا كثيرا

تفاءلي بالخير رب اخ لم تلده امك يمكن الله يحط فيها الخير لكم وتكون مثل اختكم

البنات المؤمنات اليوم صاروا يدورون بس على الستر والعفاف

فانظري اليها بعين الرحمة اختي

ولك عظيم الاجر

ورددي دائما اللهم اجرني في مصيبتي واخلف لي خيرا منها ورح تشوفين النتايج الرهيبة باذن العلي القدير

 

[جورية بيتي]

ربي ان شاء الله معاكم وما يخلي حدا انت بس ارمي حمولك علي الجبار واطمني. بس ابوك لازم تدخليه في كل صغيرة وكبيرة .يعني تشغليه في مشاكلكم عشان يحس بالمسؤلية مو تعملي فيها انتي الكبيرة وتشيلي الحمل لوحدك لا لازم تدخليه في مشاكلكم وانت ادعي الله انها تطلع بنت حلال ان شاء الله

 

[ألحان نازفة]

ياالله كيف ابوك يرضى يأخد وحدة قد بناته!!! وكمان هي!! والله بنات هالزمن يسوون عجايب!!
أختي انتي تقولي خلاص زواجهم تحدد يعني ما بيدك شئ..
بس انتي و أخوانك إجلسي مع أبوكم جلسة مصارحة وعقد مواثيق وعهود وشروط..
بأن يحفظكم ويرعاكم ونبهوه انه ما يجي يوم ويكون واقف ضدكم مهما صار وقولوا له انكم راح تعاملونها احسن معاملة وكل طرف توصله حقوقه
ثانيا: انتي تقولي انها ملتزمة يعني ان شاء الله تراعيكم وتخاف الله فيكم
وانا والله حاسة فيك شعور صعب بس تجري الرياح بما لاتشتهي السفن

والله يجبر بخواطركم ويصلح احوالكم

 

[دمعه بلمعه]

الله يكون بعونك

 

[احاسيس المشاعر]

الله يفرج كربكم وهمكم_ويعوظكم خير

 

[اعشق اسرتي]

الله يعينكم

 

[ألحان نازفة]

افتكرت شئ انا اعرف وحدة امها توفت قبل 6 شهور
وبعد وفاة امها باسبوعين تزوج !!ما احد صدق انه فلان يتزوج بالسرعة هدي!!
وأخد وحدة صغيرة وجلست معه شهر وما قدر يتحملها يقول وين هدي وين ام فلان الله يرحمها فرق في التفكير والنضج تقريبا عمر53سنة وهي لسى صغيرة وبنت
وبعدين رجعها لأهلها وتقريبا قبل شهرين طلقها

 

[رازيا]

يا جماعة لازم تعرفوا انه الرجال ما يقدروا يجلسوا بدون نسوان ولو ليوم واحد عكسنا احنا الحريم ممكن نصبر عادي هذي طبيعتهم يعني شي طبيعي يلي راح يعمله بس يلي مو طبيعي زواجة من بنت صغيرة الله يهديه

 

[فازل]

حبيتي الرجال مو زي الحرمه قلبه يشيل اربعه وبعدين اخوانك صغار وانتي متزوجه يعني يبغى احد يرعاهم معه بس دايم ادعي واذا فيه خير لكم وله الله ييسر الزواج واذا فيها شر الله يصرف الزواج دايم وانتي ساجدة وفرصه معاك شهر تدعي بس دايم اذا دعيتي تيقني بالاجابه يعني ان الله بيستجيب دعواتك ولاتقلقي مادام انك مع الله

 

[اه من برد الشتا]

صج شي مو طبيعي يتزوج وحده صغيره وفرق في التفكير الله يفرج كربكم

 

[ليان1]

الله يصلح الاحوال