والله ادميتي قلبي
انت مافيك شئ حبيبتي كل الغلط من نقل الكلام
لازم كل بيت يسكر على نفسه ولاتطلع اسراره برى بيته
وكما قال رسولنا عليه افضل الصلاة والتسليم (اقضوا حاجاتكم بالكتمان)
حبيبتي انت مالك شغل باهل زوجك وردة فعلهم
كذا انت تمرضي بسببهم وتهري عيونك وعقلك على ناس مو مستاهله
خليك في نفسك واولادك وبيتك
اشتغلي على بناء نفسك من جديديرها
قوي ثقة زوجك بنفسه حتى لايحتاج لاحد ولو كانت امه
هو الان اب ويجب ان يهتم بابنائه
اللي يدخل من اذنك اليمين خليه يطلع من اذنك الشمال ولا تعبريهم
وعن قصة الفنجال انا مكانك اكبه في وجهها قليلة التهذيب ولا افكر فيها
ولا اندم وخلي اللي مايشتري يتفرج
وابن ابوه اللي يتكلم علي بعدها وقابل الصوت بالصوت تسلم
والله يسعدك ويوفقك ويخلي لك زوجك ابو عيالك
ويسخر لك عباده الصالحين من خلقه ويشغل اهل زوجك عنك يا أخيه والله قطعتي قلبي
تسلمي لي اختي المهاجرة
نورتيني
والله
تعرفي انا باحاول اطلعهم من بالي
بس مو هاينة على عشرة السنين اللي بيننا
من يوم وعيت على الدينا ونحن نعرفهم ويوم خطبوني لولدهم قلت بس هم
المناسبين من غير ما افكر حتى في الموضوع
لكن اكتشفت انه مع العشرة طلعت مساوئهم
واستغربت كثير من تفكيرهم
تعرفي الكل فعلا مغرور فيهم والله
حتى زوجي يقول عن نفسه اني انغريت باهلي
مع اني ما احب اشوف زوجي يبكي على حظه مع اهله
بس ايش اعمل وانا فعلا شفت منهم اللي شفته
حولوا حياتي لجحيم
لا اعرف ااكل ولا انام
احس انس مو مرتاحة
فكرت بالطلاق اكثر من مرة
زوجي مقتنع انه الطلاق صح حيفرحهم بس حيخرب بيتنا
مع انه في اول زواجنا لما كان يسمع كلام امه فكر بالطلاق اكثر مني
لانه في كل مرة امه تقو لله ما تبيها نشوف لك وحدة غيرها وكان الزواج فقط للتسلية
الله يسمع منك غاليتي .
ويبعد عن الجميع شياطين الانس والجن
والله الشياطين همها بس خراب البيوت
حسبي الله ونعم الوكيل .
جزيت خيرا اختي.
