شوفوا حبيباتي
انا اول زواجي كنت فرحانة اخذت ولد العيلة اللي احبهم من صغري احب امه وابوه حب مو طبيعي كنا جيران وانا واخته كنا صديقات
فرحت يوم ابوي يقول لي عمك فلان جاي يخطبك لولدهم قلت يااااه اكيد باقبل واهلي قبلوا على طول تخيلوا اتيسرت كل الامور مع انه كان طالب سبحان الله كانت اشوفة وتاني يوم الملكة
بس الزواج اتاخر الى ان قدر ياخذ بيت في سكن الجامعة
من هنا بدات قلوب اهله تشيل علي
ايام المكلة قلت له ياريت مانعمل فرحنا في مكان اختاره والده لانه مكان مرة قديم ومهربد قلت له خلاص مو لازم هذا الصيف فرحنا وهم اساسا مو كانوا ناوين انه يكون هذا الصيف اللي هو بعد الملكة لانه املكنا في رمضان
المهم يروح حضرة جنابه يحكي لامه
الام ايش تقول له : ما تبغاها نشوف لك وحدة غيرها
الافندي يجي يحكي لي يقول انا قلت لامي وامي قالت .
وقتها ما تعرفوا كنت هبلة ماحطيت في بالي انه الاخ كل شي يحكيه لهم هو .
تزوجنا , والله صرت اقول هذه الايام ياريتني جلست في بيت ابوي ارحم من معاملتكم لي.
المهم تعرفوا كنت انا ماجزة يوم الزواج يعني علي الدورة , بعد ما انتهيت حاول يدخل ماقدر يومها وتبع وصار يبكي
تاني يوم يروح يحكي لامه انه حاول يدخل وماقدر , تقوم امه تقول له انتوا عيلتكم باردة ابوك مادخل علي الا بعد شهر .
وجا يحكي لي انه حكى لامه ورد امه له برضه انا هبلة مافهمت ايش الحكاية
بعدها صار كل ما جينا نزور اهلي واهله انااجلس عند اهلي وهو عند اهله لانه هذه مبداهم لما تجوا على مدينتنا مالك شغل في ولدنا خلاص حدك بيتكم كانه مو متزوجين
فكان يحكي لها من طقطق للسلام عليكم
وفي يوم اتصل وقال انا مو جاي ابات معاك وقتها انصدمت ايش صاير
واتصل تاني يوم يكلم امي يقول لها انا وابيو جايين العصر نزور عمي قال عاملين مجلس رجال
انا وقتها اتعميت خفت ايش الحكاية
اتصلت عليه
ايش فيه ايش صاير جايين من بيتنا مبسوطين ايش صار لك
اتاري الاخ انا وقتها كنت حامل ووحامي جا عليه كرهته وكرهت ريحته
امه بدل ماتفهمه تقول له ماتبغاها نشوف لك وحدة غيرها
الناس صارت شايلة علي بسبب لسان ولدهم اللي ماكان يقدر يمسك لسانه ولا على شي
كنت دائما اقول له يا ابن الناس لا تعمل شي يخلي امك واخواتك يتغيروا علي وانا اتغير من جهتهم
وفعلا ما كان يفهم
وكل ما رجعنا من اجازة اكتشف انه اهله شايلين علي وعلى اهلي والاخ مستمر في توصيل كل صغيرة وكبيرة اي كلمة امي تقولها يروح يوصلها
ومرة واجهني ابويا معاه وكنا في رمضان وكنت حامل في شهري الرابع في ابني البكر
ابوي الله يهديه ماحب انه يوقف قدامه في صفي قام خاصمني وامي نفس الشي وطلعوني انا الغلطانة قدامه
الاخ ماقصر وصل لاهله تصرف اهلي معي
المهم ولدت وايام الولادة لم قشه من بيت اهلي مع انه كان توه واصل من السفر ومن شهرين ماشفته وكل نهاية اسبوع يجي يزورني زيارة وكاني مو محتاجته انا انسانة
تركت اهلي وصاحباتي وقلت هذا زوجك جنتك ونارك اهلي نفس الشي طول النهار هذه زوجك نحن مالك علاقة فينا رضاه اهم فقلت خلاص هو وبس في دنيتك
وهو صدمني يوم تجي الاجازة يقول ابغى اروق عند اهلي
طيب وانا روحي عند اهلك اهلي في الاجازة يسافروا لاهليتنا
ومو مستعدين ياخذوني لانه ابوي عنده مبدا الزوجة مع زوجها
لكن كم عيد رحت معاهم وعيدت معاهم وهو مو سائل اهم شي اهله
لا ومرة قلت له طيب خذني عاك عندهم فقال : امي ماتحب احد غريب بينا .
ولما واجهتها قالت بالعكس عمري ماقتل كدة بالله مين اصدق الرجال ولا امه
امه فعلا تحب عيالها حب جنون واي احد يمسهم بكلمة تاكله اكل
حتى لو الاخوان في ما بينهم ماترضى على بناتها شي.
اه اكمل لكم الحكاية بعدين بس خليني اريح تعبت .
