السلام عليكم ورحمة الله وبركاته ..
بصراحة شفت الموضوع وجذبني وحبيت ادخل وارد عليج ..
مشكلتج انا مريت فيها ، انا ما أؤيد هالشي اسأل مجرب ولا تسأل حكيم ! .. التفتيش خلاني اتحول من ايجابية الى سلبية ونسيت ربي ونسيت نفسي وصار كل اللي يشغل بالي زوجي وتلفونه والادلة اللي اجمع واطرح واقسم واضرب فيها وفوق هذا ما واجهته ابدا قلت اذا واجهته بيصير حذر جدا وكل شي عليه رقم سري يمكن حتى ملابسه .. وانا اللي كنت ابغيه اني افتش اكثر واراقب تحركاته وابا اعرف اسباب خيانته.. وتعبت نفسيا وتأثرت صحيا ودخلت المستشفى اكثر من مرة وكل ما فتشت اقسم بالله انهار وابكي واتألم واحس ان الروح بتنتزع من جسمي.. واللي اكثر من جي ابتعدت عن ربي صرت اشغل نفسي بزوجي وعلاقاته ونسيت اشغل وقتي ونفسي بالتقرب لربي.. وهذا اللي خلاني اتراجع نهائيا واشل فكرة اني اصير المحقق كونان..
وطبعا انا ما بديت افتش الا في الفترة اللي صار فيها خلل وتوتر بحياتنا الزوجية وبعدما اكتشفت بلاوي ومصايب وصارت شغلي الشاغل وصارت عندي ادلة قد شعر راسي ويمكن اكثر شوي .. والله اني انتبهت لنفسي وكأن حد نبهني ان اللي اسويه غلط × غلط وانه خلاني ابتعد عن ربي وان هذا الشي راح يسبب حزني ويزيد همي ويخلي الشيطان يلعب بي .. وصرت ما افتش فعلا مسكت نفسي نهائيا واتجاهل وجود التلفون واتناسى موضوع زوجي وكنت افكر بس بالسبب اللي خلاه يصير خاين .. اكيد انا فيني شي غلط مع اني مب مقصرة وياه.. يمكن بشكلي او اهتمامي باسلوبي .. وهذا السبب الثاني اللي خلاني اشغل نفسي بربي وبالعبادة اولا وثانيا افكر بنفسي واطور ذاتي واصلح عيوبي وسلبياتي ..
والحمدلله صرت اقوى .. ليل ونهار وانا ادعي " يارب اشغلني بحبك وبحب عبادتك وطاعتك ولا تجعل الدنيا و زوجي همي واجعل الآخرة همي" دعوة بسيطة كانت تخليني اصير اقوى .. وهالقوة فتحت عيني اكثر ويمكن خيانته تعلمني اكثر في الحياة وتنور عقلي على اشياء بس للحين تراني ما واجهته .. وهو اللي يحاول يواجهني لانه حاس اني ادري بسبب الرادار الخفي وحاس اني اقدر اسوي شي يزلزله بس انا في قمة الهدوء وماسكة اعصابي ومغمضة عيني..
انصحج تقولين stop قوليها لنفسج لمصلحتج لصحتج واهتمي باولوياتج ولا تنسين رب العالمين والصلاة والدعاء والنية الطيبة يالغالية ..
الله يفرج همج ويكتبلج اللي فيه الخير ويجعل كل همج رضاه سبحانه وحبه وحب نبيه وجنته يارب العالمين آمين ♡♡♡
بصراحة شفت الموضوع وجذبني وحبيت ادخل وارد عليج ..
مشكلتج انا مريت فيها ، انا ما أؤيد هالشي اسأل مجرب ولا تسأل حكيم ! .. التفتيش خلاني اتحول من ايجابية الى سلبية ونسيت ربي ونسيت نفسي وصار كل اللي يشغل بالي زوجي وتلفونه والادلة اللي اجمع واطرح واقسم واضرب فيها وفوق هذا ما واجهته ابدا قلت اذا واجهته بيصير حذر جدا وكل شي عليه رقم سري يمكن حتى ملابسه .. وانا اللي كنت ابغيه اني افتش اكثر واراقب تحركاته وابا اعرف اسباب خيانته.. وتعبت نفسيا وتأثرت صحيا ودخلت المستشفى اكثر من مرة وكل ما فتشت اقسم بالله انهار وابكي واتألم واحس ان الروح بتنتزع من جسمي.. واللي اكثر من جي ابتعدت عن ربي صرت اشغل نفسي بزوجي وعلاقاته ونسيت اشغل وقتي ونفسي بالتقرب لربي.. وهذا اللي خلاني اتراجع نهائيا واشل فكرة اني اصير المحقق كونان..
وطبعا انا ما بديت افتش الا في الفترة اللي صار فيها خلل وتوتر بحياتنا الزوجية وبعدما اكتشفت بلاوي ومصايب وصارت شغلي الشاغل وصارت عندي ادلة قد شعر راسي ويمكن اكثر شوي .. والله اني انتبهت لنفسي وكأن حد نبهني ان اللي اسويه غلط × غلط وانه خلاني ابتعد عن ربي وان هذا الشي راح يسبب حزني ويزيد همي ويخلي الشيطان يلعب بي .. وصرت ما افتش فعلا مسكت نفسي نهائيا واتجاهل وجود التلفون واتناسى موضوع زوجي وكنت افكر بس بالسبب اللي خلاه يصير خاين .. اكيد انا فيني شي غلط مع اني مب مقصرة وياه.. يمكن بشكلي او اهتمامي باسلوبي .. وهذا السبب الثاني اللي خلاني اشغل نفسي بربي وبالعبادة اولا وثانيا افكر بنفسي واطور ذاتي واصلح عيوبي وسلبياتي ..
والحمدلله صرت اقوى .. ليل ونهار وانا ادعي " يارب اشغلني بحبك وبحب عبادتك وطاعتك ولا تجعل الدنيا و زوجي همي واجعل الآخرة همي" دعوة بسيطة كانت تخليني اصير اقوى .. وهالقوة فتحت عيني اكثر ويمكن خيانته تعلمني اكثر في الحياة وتنور عقلي على اشياء بس للحين تراني ما واجهته .. وهو اللي يحاول يواجهني لانه حاس اني ادري بسبب الرادار الخفي وحاس اني اقدر اسوي شي يزلزله بس انا في قمة الهدوء وماسكة اعصابي ومغمضة عيني..
انصحج تقولين stop قوليها لنفسج لمصلحتج لصحتج واهتمي باولوياتج ولا تنسين رب العالمين والصلاة والدعاء والنية الطيبة يالغالية ..
الله يفرج همج ويكتبلج اللي فيه الخير ويجعل كل همج رضاه سبحانه وحبه وحب نبيه وجنته يارب العالمين آمين ♡♡♡
