هل التأكد من موافقة الزوجه الاولى ضروريه؟؟؟

[الشتاء الدافئ]

فيه اشياء اهم من موافقة الزوجه الاولى
التي ان وافقت فمعنى ذلك ان زوجها عله ولايطاق وتبي الفكه منه
لانه منطقيا مافيه زوجه توافق احد يشاركها في زوجها ..
المهم اسبابه ماهي ؟ وهل هي نزوه او تأديب لزوجته الاولى
لان معنى ذلك طلاقك لا قدر الله ؟
هل هو مقتدر ماديا وسيعوض تشتته بين بيتين بتدليلك واسعادك ماديا ؟
ام تتزوجين بفقير مديون مضغوط نفسيا فيضغط عليك وعليها ؟
وهل انتي مضطره للزواج من متزوج ام ان امامك فرصه للزواج من رجل لك وحدك
متفرغ لمسئولياته تجاهك وتجاه اطفاله ..
الزواج من متزوج سلبياته طبعا اكثر من ايجابياته والكل يعلم ذلك
حتى لو وجدت من تكابر وتقول انها سعيده من زواجها بمتزوج ...
هي لن تدعي عليك الا اذا ظلمتيها وجعلتي زوجها مقصر في حقها وحق عيالها ...
اما سالفة السكن في بيت واحد فهذا الشئ اندثر من ايام الهجر والقرى من ايام زمان
مايسكن زوجتين في بيت الا شخص بخيل اناني عديم المشاعر
شخص يظن نفسه عايش في العصر العباسي
ومتخيل كل وحده في زوجاته ماسكه مهفه من ريش النعام وواقفه على راسه تهف عليه ..
شكلك يالغاليه ماتفقهين شئ في الحياه الزوجيه وماتعرفين مدى الخصوصيه بين الزوجين
كيف بترضين على نفسك تطلعين من بيت اهلك عشان تسكنين عند واحد وزوجته
ماتحسين مكانك بينهم غلط ؟ وين بيتك واستقلاليتك وحريتك انتي واطفالك ؟
كل هذا تضحين فيه عشان مين ؟هل هذا الرجل شخص نادر لا يتكرر؟
ترى اخرته قطعة رجال عاااااادي
وفي مجتمعنا الرجال يااما معقدين ومتسلطين ندرس دراسات عشان نتفاهم معهم ونعلمهم الرومانسيه والحنان
او خونه ومنحرفين ندعوهم للهدايه ونمشي الحياه معهم على امل يتوب ويرجع ...
..استخيري واذا كان رجل نااااادر في المجتمع تمسكي فيه والله يوفقك..

 

[اسيرة فكري]

اذا انتى مضطره للزواج بمتزوج اهم شي السكن المستقل اذا ماتبين ترجعي بيت اهلك لا وبعد شرطيه بالعقد لان الرجال عادة يضحي بالثانيه اذا استصعب التعدد

 

[الخط الفاصل]

السلبيات أكثر
اصبري وربي يرزقك واحد فاضي

 

[عزتي بحجابي2]

حبيبتي أولا الله يكتب لك الي فيه الخير والصالح ثانيا لازم تعرف زوجته الأولى أبتعاد عن المشاكل مستقبلا ولازم تكوني حازمه معه من ناحيةالعدل ودايماحرصيه على زوجته الأولى وأولاده وبإذن الله تتيسرأمورك بنيتك الزينه ربي يوفقك

 

[مـــاربيل]

ياختي الافضل تشرطين بيت مستقل
تريحينها وترتاحين ​

 

[aso.vip]

بعض الزوجات الثانيات تبني سعادتها على تعاسة غيرها .. تكون غالبا خربت بيت الاولى .. عشان كذا تدعي عليها .. اما غير كذا اتوقع بتدعي عليه خخخخخ
اما بالنسبه للزواج من متزوج اهم شي تكون عندك قدرة تحمل لانو مو سهل احسه مشاكل وغيره وممكن تكون في تفرقه وممكن يميل لوحده اكتر من التانيه ..
البيت طبعاا البيت لازم مستقل ,,
بس لو انتي صغنونه ومو ناقصك شي لاتستعجلي بالزواج من متزوج .. هذا رأيي
لان الزوجه الاولى ماحد يسير بمكانها ابداا

 

[لمن يجرؤ]

الشتاء الدافئ كلامها بعد مره حلو

حبيبتي والله ما انصحك تسكنين معاها بنفس البيت تعرفين ليش

حطي نفسك مكانها والله تراها وايد صعبه يعني كفايه اشاركها زوجها بعد اشاركها بيتها انا لا ارضاها على ضرتي ولا ارضاها لنفسي
ولا تنسين الخصوصيات
وكيف بتاخذين راحتك

يعني انا والله العظيم على قد طيبتي واهتمامي بالعدل وزوجته الاولى عارفه اني عمري ما ضريتها او غيرته عليها

خل بس تشوفني والله انواع النغزات والكلام التافه اللي يستفز وانا اقول يا بنت اللي عند ربك ما يضيع فمابالك تعيشين عندها فالبيت

ترى البنات خبروك الزواج من متزوج مو تعال ويالله

ومو كل ريال ممكن يعدل يمكن وحده ريلها يعدل و10 لا

وصهم ظالمين الاولى ونصهم ظالمين الثانيه
واخر بهدله

استخيري الله

وربي ماراح يسوي الا المكتوب والشئ المقدر مافي شي فالدنيا مش محسوب ولا عبث
​

 

[لمن يجرؤ]

بعدين لو حصل وتزوجتي الله يباركلك

عمرك لا تخلينه يتكلم في حقها ولا حقك انتي ليك حياتك هي ليها حياتها

وترى بعض الرجال ما يتزوجون لان في عيب فالاولى بالعكس

انا زوجي زوجته الاولى ممتازه (( امور الغيره ما تدخل فالشخصيه او الاخلاق ))

وعلى فكره انا ماجبت عيال

وانا الثانيه

يعني لا تحطين فبالك تسالينه كل شوي ليه تزوجت عليها ودك يطلب اي عيب قدامك

انا والله ما اخاف اللي من الرجال اللي يتكلم على زوجته لان التقدير متسلسل مثل ماهانت عليه ام عياله والله راح اهون عليه وراح يحكي عني كمان
​

 

[الجده الصغيره]

هههههههه والا فيه حرمه بتوافق؟؟؟؟؟

لااا موضروري موافقة الزوجه الاولى.... وربي يسعدك ويهدّي سركم ويوفقكم لطاعة الرحمن..

 

[دلوعةزوجي]

لا لا لا ليه تجيبين لنفسك الهم اذا تقدرين تصبرين وتنتظرين غيره فهذا افضل
تقبلي ردي وودي

 

[صبرة]

نصيحة اذا كنتي بتتزوجين واحد متزوج لازم تتأكدين ان حرمته موافقة بخبرج سالفة مب قصدي اخوفج بس لتحذير فقط وحده اخذت واحد متزوج والاخ سوالها عرس في احد الفنادق وفي دخلتها للقاعة (العروس) هجمت عليها حرمته الاولى وتولتها ضرب جدام المعازيم وكانت حرمته الاولى يايه قبل المعازيم و قبل ما تي العروس المهم ماقصرت الاولى سوتله اكبر فضيحة جدام الحاضرين في العرس ولا اللي في الفندق عسب جذي اتمنى ان تصرين على ان حرمته الاولى تكون موافقة على زواجكم ولا لا أو تي هي بنفسها تخطبج لريلها اذا كانت متفاهمة مع ريلها ان يتزوج عليها لا تنخدعين بكلامه وايد على مثالية زوجته الاولى والله يوفقج فيما يختاره الله لج ان شاء الله

 

[هادية الطبع]

يعطيكم العافيه على الردود

 

[*أطيب قلب*]

والله ياأختي انتبهي ترى الزمن يعيد نفسه ....شوفي هو ليش سيب زوجته الأولى ولا هي ليش شارده ...طبعا انا ناسيه قصتك ...لكن هذا زواج مو لعب ...من غير اذا جبتيلك ذريه ..كيف راح يكون حالهم مع اخوانهم غير الأشقاء ..اذا انتم الحريم ماتصافيتن وحبيتن بعض ..راح ينشىء جيل يتربى على الحقد والحسد هذا اذا ماوصل الى القتال....وخذي العبرة في غيرك ...روحي المحاكم وشوفي كيف الأخوان يتقاتلون مع بعض ويسجنون بعض لوجود الحقد وعدم الحب في قلوبهم من البداية........انتبهي لنفسك هذا زواج مولعب

 

[المجروحــــة]

تقول أمي كان يحب زوجته الأولى أنتبهي يمكن ماتوفقين
وكان مايحبها الله يوفقكم
هذا ألي صار والي نشوفه كذا بنت خالتي تزوجت متزوج ولا يحب زوجته الاولى ماشاء الله الحين بنت خالتي يحبها
وحدة أخذها ويحب الاولى وطلق الثانيه على طول وهي أنا
عااااااد أمي خبرة عقب الي صار لي
وستخيري ربك وماودي يصيرلك مثل الي صارلي

 

[هادية الطبع]

هو قال انه مافي سبب بس حاب يعدد ويريد يعدل بينا وموافق على كل الشروط

وسئلنا عن اخلاقه وطلع الكل يمدح فيه وهو ملتزم

 

[(ام فروسي)]

لاتبني سعادتك علي سعادة غيرك

 

[تناهيد عاطلة]

شووفي .. اسألي نفسك هل اذا ماكانت موافقه راح ترجعي في الزواج ؟؟؟؟؟؟؟؟

اذا كنتي بتسوي كذا وقادره .. كلميها واتأكدي ..

وحطي نفسك مكانها .. بس شرعا مانقدر نقول شي .. بشرط يعدل .. وبرضو يكون فيها عيوب لاننسى هالنقطه ..!!

من جهه ثانيه اذا كانت مو موافقة وانتي ماتقدري ترجعي في القرار وبتتزوجيه بتتزوجيه فخلاص بلاش تنبشي جروحها وتسأليها .. بس السسسسكن مهم جدا جدا .. واريح لراسك

خلي لك سكن لحااالك ( حتى مو انتي دور وهي دور ) لان بيصير مشاكل ..

احسن انتي بجهه وهي بجهه ..

 

[(ام فروسي)]

انصحك نصيحه لوجه لله ماتتزوجي متزوج

 

[حلى قهوة]

انتي مو مجبوره تاخذين واحد من زوجتها وعيالها

 

[perfume]

قولي لزوجج أنا أبغي أتأكد من موافقة زوجتك
حتى لو اجيبها البيت لج عشان تشوفيها وتكلميها يكون أحسن