هل اتزوجه ام لا ؟؟

[المعلمة]

حبيبتي مدام مرتاحه بعد الاستخارة خليج متفاءلة وقوية وابدي حياة جديدة وانتي مبين عليج انج انسانه راقية وعقلج كبير وفاهمة ماشاءالله - بس اهم شي ابدي حياتج بنية صافية ولا تزرعين في قلبج ذرة كره او غيرة من زوجته الاولى لانك لو بتفكرين فيها بتتعبين وتنهزمين من البداية - يعني عيشي حياتج لنفسج وزوجج وبس والوقت اللي يروح لها فيه اشغلي نفسك فيه مثلا مع اهلج او رفيجاتج او النت او هتمي بجسمج وشعرج وبشرتج لان فيه خلطات ما تنحط والزوج موجود- والله يوفقج ويهنيج

 

[وهاجة]

أنا برد عليك قبل ما اكمل قراءة الردود لاني تقريبا نفس وضعك
مطلقة بدون أطفال وتعرفين وضع المطلقة في مجتمعنا ما يتقدم الا رجل متزوج وعلى حسب عاد انتي ونصيبك عنده اطفال كثير او قليل لكن انا عني تقدم لي أكثر من واحد واول شي اسويه استخير بعدين ابدأ اتخيل حياتي الجدية شلون بتصير ؟؟
صحيح كل اللي حولي قولون لي تزوجي ولا تضيعين الفرصة لكن اانا اقيس الامور حسب نفسيتي
اتخيل كل شي اذا جاني اذا قعد وياي اذا جاه اتصال منها وهو عندي اذا مرضت وانشغل باله عليه اذا كان يوم عيد واذا واذا واذا في الاول طبعا الغيت فكرة رجل متزوج وله اطفال لان مالي ثقة فيه وفي دوافعه الزواج ممكن تكون تجربة وفي النهاية بيحافظ على زوجته وأم عياله
واذا تقدم لي رجل بدون أطفال لقيت نفسيتي ما تتحمل وبتعب كثير وما حبيت تفشل تجربتي الثانيه او تستمر في مشاكل وكدر
الغيت فكرة رجل متزوج من راسي وصرت ادعي الله يرزقني الزوج الصالح الذي تقر به عيني ويعوضني عما مضى ويرزقني منه الذرية الطيبة
ونصيحتي لك تخيلي حياتك تامستقبليه مع هذا الرجل في كل موقف واكرر في كل موقف وشوفي هل اعصابك تتحمل ذلك ام لا وعلى هذا الاساس وبعد الاستخارة قرري
الله يشرح صدرك ويبعد عنك الحيرة ويكتب لك ما فيه الخير

 

[ريح الشمال]

ما أدري والله وما أقدر اشور علييييج بس استخيري واستشيييري ولازم تسألين السبب وليش وهل الاولى عادي عندها ولا لا وشي ثاني انا ما اقولج انها فرصه ما تتفوت بس احسبي الف حساب للخطوه اليايه

 

[غمووووض]

ام فهد
بريق القلب
الف شكر لكم حبيباتي وانا ماخذه كلامكم على محمل الجد واعرف صدقكم في الكلام وفعلا هذي الحقيقه مع الزوج المعدد
والله يكتب لنا التوفيق جميعا

 

[غمووووض]

حبيبتي مدام مرتاحه بعد الاستخارة خليج متفاءلة وقوية وابدي حياة جديدة وانتي مبين عليج انج انسانه راقية وعقلج كبير وفاهمة ماشاءالله - بس اهم شي ابدي حياتج بنية صافية ولا تزرعين في قلبج ذرة كره او غيرة من زوجته الاولى لانك لو بتفكرين فيها بتتعبين وتنهزمين من البداية - يعني عيشي حياتج لنفسج وزوجج وبس والوقت اللي يروح لها فيه اشغلي نفسك فيه مثلا مع اهلج او رفيجاتج او النت او هتمي بجسمج وشعرج وبشرتج لان فيه خلطات ما تنحط والزوج موجود- والله يوفقج ويهنيج

مشكوره اختي المعلمه على كلامك اللي يفتح النفس ويريح البال
لكن بيني وبينك والله خفت كنت مرتاحه نوعا ماء بعد الاستخااره لكن اليوم موعد النظره الشرعيه وخاااايفه ومو مرتااحه واتمنى من داخلي ان الموضوع يتفركش وارتااح من هم التفكير !! صراااحه الزواج همم
دعواتكم لي خوااتي بتفريج همي والله محتااجه لدعوه صاادقه من قلب مؤمن

 

[أم الأقمـــــار]

انا ودي ماتاخذينه علشان حرام زوجته الاولى لاتكسبين ذنبها

اعرفي وش علتها ؟؟

اذا هو مزاجه كذا ومافيها عيب وقايمه بواجباته فلا تفكرين فيه

انا اسفه بس اتضايق اذا احد تزوج على زوجته واذا بنت وافقت على اخذه من عياله

صدقيني بيعوضك الله اذا تركتيه بقصد انك ماتبين تخربين بيتها

حاولي توافقين على واحد ماعنده اولاد او مطلق او يمكن شاب يجيك ان شا الله لانك بعدك شابه ومو عيب لما تطلقتي

.
.


فكري بالسنين الجايه لانك اذا من النوع العصبي واللي يغير ماراح ترتاحين واحد مشاركك فيه

خصوصا ان بعض الازواج يكونوا طايرين الاشهر الاولى بزواجهم الجديد وبعدين يندمون ويرجعون لزوجاتهم


.
.


الله يكتب لك اللي فيه خير

 

[غمووووض]

وهاااجه
حبيبة قلبي والله اسلوبك نفس اسلوبي وطريقتي في التفكير
لكن فيه اشياء حوليك تخلي الواحد مو مركز في التفكير ضغط نفسي من كل اللي حولك
نااس تقول تزوجي فرصه حتى لو عنده زوجه اهم شي يجي لك عيال
او عمرك رااح
او مارح يجي للمطلقه الا واحد متزوج
ويالله اخذي من هالكلام اللي كله احبااط
الله يكتب لي ولك ولبنات المسلمين الازواج الذين فيهم كل الصفات اللي نتمناها ويكون فيهم عوضنا وخير الدارين امين

 

[غمووووض]

ام هاادف
مشكوره ياقلبي على مشاركتك لي همي
الله يخلي لك هادف ويسخر لك ابو هاادف

 

[نهد الوجنتين]

اختي طمنيني عن النظرة الشرعية

يا رب تتوفقين للي فيه الخير

 

[غمووووض]

ام الاقماار
والله ما ادري هل في زوجته عيب دفعه للزواج او لا
لكن اتوقع انه مزاجه يبي كذا يجدد لانه على قولته مقتدر وبيحفظ حقوق كل زوجااته
لكن انا بتااكد اكثر ماراح اعتمد على كلامه
والله مايرضيني اهدم بيت احد
وشلون ارجو من ربي التوفيق ونيتي تخريب بيوت لا والله
مشكوره مره ثانيه
والله يخلي لك اقمارك وابوهم

 

[غمووووض]

نهد الوجنتين
ان شاء الله اختي بعد النظره الشرعيه
بشارككم احساسي وردة فعلي
دعواتكم يالغالياات ان كان فيه خير يكتبه الله لي وان كان مافيه خير يصرفه ربي عني
مشكوره

 

[نهد الوجنتين]

النظرة الشرعية بتحدد لج كل شي بإذن الله

بالتوفيق ..وطمنينا

 

[غمووووض]

الى اخواتي الغاليات الاتي شاركوني ووقفو معي
اولا اعتذر عن تاخيري لظروف طارئه
وقبله اشكركن من اعماق قلبي وادعو الله ان يوفقكن لما يحبه ويرضااه
وانا وعدتكم اخبركم بعد النظره الشرعيه شو قررت
انا بعد النظره الشرعيه ما ارتحت وانقبض قلبي صرااحه
وقررت رفض هذا الزواج
اسال الله ان يغني كلا من فضله
وان يكتب لي ولكم الخير
ولاتنسوني من صالح دعاءكم

وشكرا لكم مره اخرى


اختكم غموووض