هل اتزوجه ام لا ؟؟

[غمووووض]

بسم الله الرحمن الرحيم
احيي الجميع من ملكات واميرات في هذه المملكه الرائعه بكل مافيها
واشكرهن وادعو الله عزوجل ان يبارك لهن ويجزاهن خيرا على كل مايقومون به من مساعده لاخواتهن سواء بمشوره او راي او مساعده او حتى دعوه
اعجبني الحب الصادق بينكم واراءكم الحكيمه
ومن ثقتي بكم وبمشورتكن
اردت ان اطرح موضوعي بين ايديكن لعلي اجد الراي والمشواره التي تدلني للطريق الصحيح
فلا خاااب من استشار
اخواتي العزيزات
لا ادري هل هذا هو القسم المناسب لطرح موضوعي ام لا وللمشرفات الحق في نقله للقسم المناسب
انا فتاة ابلغ من العمر 28 عام ومتعلمه وفي وظيفه مرموقه سبق لي ان تزوجت برجل وتطلقت منه بعد اسبوعين من زواجي وانا لازلت عذراء فهو قال لايريد ان يظلمني معه لانه رجل عاجز
حمدت الله وشكرته واستخلفت الله فيه خيرا
وتقدم لي الان رجل شاب مقتدر ومتزن ولايعيبه شي ولكن عنده زوجه وثلاثه اولاد
وانا محتاره ومتردده لا اريد مضرت احد ولا مضرة نفسي ولكن العمر يجري والفرص الثمينه قليله فهو لايعيبه الا انه رجل متزوج وانا لست متاكده من قدراتي هل استطيع ان اتعامل مع رجل في حياته امراه اخرى وام ابناءه ام سافشل ومصيري الطلاق
والله تعبت من كثر التفكير​

خواتي اعطوني الراي الذي فيه مصلحتي ومتاكده باني ساجد قلوبكن تستقبلني قبل كلامكن
ولا تبخلو علي بدعوه في ظهر الغيب ان الله يسخر لي ويعوضني خيرا​

ومعذره على الاطاله
ولكم الشكر مقدما​

 

[المنقبة]

والله حبيبتي انتي استخري وشوفي الله يوفقج انشاء الله

 

[نونا98]

ياأختي إستخيري الله
والله يختار لك ال

 

[شوبارد قطر]

مشاالله عليج يبين عليج انسانه مثقفه و رزينه...
انتي قلبج شو يقولج هذا اول شي ..
لازم تسألين شو سبب زواجه " اعتقد هذا السؤال مهم "
بتقولين ليش انا مادري بصراحه بس لازم اتعرفين
واستخيري والله يوفقج يارب

 

[حبيبت رشيد1]

اهلين اختي الله ينور على قلبك الطريق الصحيح ويسرلك امووووووووررررررررك

 

[المعلمة]

اولا : استخيري
ثانيا : اذا حسيتي انك مرتاحة بعد الاستخارة توكلي على الله وتزوجي
ثالثا : هيئي نفسك انك لازم تتحملين وجود انسانة غيرك في حياته يعني ماراح تملكينه كله لج بروحج.
رابعا : فكري عدل وتخيلي حياتك معاه بعد مرور كم سنه لازم تنظرين لبعيييييييد
( ومن رايي اذا انتي حاسة ان الفرصة هذي ما راح تتكرر لا تفوتينها ولا تتشائمين خليج متفاءله والله يوفقج.)

 

[رموش نمله]

هلا حبيبتي أنا لي خوالي 5 كلهم بذمتهم أثنين

خالي أبو حمد 0تزوج علا زوجته بسبب انها دائما تدحداه وتقوله مستحيل أحد تقبلك كزوج دائما تعايره بوضعه فعلا تزوج عليها والحمد الله ماشي معاها أحسن مايكون بس الأولا طلبت طلاق وطلقها
خالي أبو ياسر0 تزوج علا زوجته لأنها مهمله في نفسها وبيتها وعيالها وتزوج عليها والحمد الله حط كل وحده في بيت لحالها بس سبحانه تعرفين من عياله من أمهم الأولا ماترتب عيالها وثانيه مرتبين علا الأخر
والباقين نفس الحكايه مشابه

وحيانا الرجال يحب تعدد


بس أختي في الله مثل ماقالت أخيتي لازم تسألينه شو سبب انه يتزوج علا مرته لازم تعرفي ضروري
طبعا يكون عندك علم بلفرق بين شخص بذمته وحده بشخص لا
رجل مايعيبه شيء من نضري توافقين والحمد الله

بس أشرطي عليه أنه يعدل بينكم أذا جاء يومك لايجيب عياله عندك يمكن من فتره لفتره ممكن لاتعطينه مجال
ضروري ونصيحه مني لاتشوفينه ولاتشوفك زوجته الأوله لاتدخلين بيتها ولاهي تدخل بيتك
حتا مايشب فيك الغيره
نصيحه

الله يوفقك

 

[بريق القلب]

حبيبتي انا اوافق الاخت المعلمة في رايها واضيف انك لازم انج تحطين في بالك ان بعد يحب زوجته ويقدرة ويحترمه فلازم اتقدرين هذا الشي وتحطينه في بالك وتكونين متهيئه للامور البتصير يعني مثل الغيره والانانيه والتسلط هذه لازم تحطينه في بالك وان يمكن يعطي لزوجته الاولى اكثر منك لانك انت الزوجه الثانيه ولازم تحطين في بالك انك الزوجه الثانيه حطي في بالك انك راح تظحين في وايد اشياء ولازم انج ما تزعلين من هشي لانك رضيتي بان تكوني زوجه ثانيه والله يوفقك ويسرلك امورك

 

[نبع الحنين]

الله يكتب لك اللي فيه الخير​

 

[غمووووض]

حبيباتتي شكرا لكم من كل قلبي على وقفتكم الغير مستغربه معي وتفكيركم معي والدعاء لي
الله لايحرمكن اجره

 

[غمووووض]

شوبارد قطر
اولا اشكرك على ذوقك يالغاليه
وانا فعلا سالت عن سبب زواجه قال انه رجل مقتدر ماديا ونفسيا ويريد الزواج
الف شكر لك

 

[غمووووض]

المعلمه
اسم على مسمى مشكوره على نصايحك اللي من ذهب والله يجزاك خير
انا في فترة استخاره وما اخبي عليك انا مرتااحه نوعا ماء لانه بيحفظ لي كامل حقوقي واحترمته لانه لا ذم ولاعاب في زوجته وهذا يدل على ان فيه خير و لكن مازلت متخوفه من تصادمات المستقبل لاني انساانه مسالمه ولا احب اظلم احد

 

[غمووووض]

رموش نمله
مشكوره ياقلبي على نصايحك اللي طالعه من قلب صادق الله يوفقك
انا طبعا بحط شروطي وعارفه مافيه انسان كامل لكن اهم شي الحقوق تنحفظ

جزاك الله خير

 

[أم فهد 123]

عزيزتي انتي قلتي انج مرتاحه من الاستخارة ويبين كأنج موافقه مبدئيا
حبيبتي هالموضوع يبي له تفكير عميق لانه موضوع حياه جديده لج من كل النواحي ولو في مجال تتفاهمين معاه قبل الملكه يكون احسن
شنو موقف زوجته الاولى تدري والا ما تدري
شنو رأي اهلج بالموضوع
لاتفكرين بالعمر لانج لسه صغيرة ونصيبج بيجي معاه والا مع غيره
اختي شنو سبب التردد هل تخافين انج تهدين اسره وهل تحسين بالذنب
بما انه مقتدر ماديا تعتقدين ما راح يفكر في الزوجه الثالثه
ولازم ترفين حياتج اشلو بتكون بعد الزواج
اختي لا تزعلين بس هذي كلها اسئله لازم تقكرين فيها بينج وبين نفسج والله يسوي اللي فيه الخير

 

[غمووووض]

حبيبتي انا اوافق الاخت المعلمة في رايها واضيف انك لازم انج تحطين في بالك ان بعد يحب زوجته ويقدرة ويحترمه فلازم اتقدرين هذا الشي وتحطينه في بالك وتكونين متهيئه للامور البتصير يعني مثل الغيره والانانيه والتسلط هذه لازم تحطينه في بالك وان يمكن يعطي لزوجته الاولى اكثر منك لانك انت الزوجه الثانيه ولازم تحطين في بالك انك الزوجه الثانيه حطي في بالك انك راح تظحين في وايد اشياء ولازم انج ما تزعلين من هشي لانك رضيتي بان تكوني زوجه ثانيه والله يوفقك ويسرلك امورك

اختي بريق القلب والله خوفتيني ههههههههههههههههههههههه يعني ممكن هالامور تصير منه ومن زوجته صراحه هذا هو الشي اللي حاطته في بالي ومخليني متردده لان هالاشياء ماتبين الا بالعشره مهما سالنا وانمدح لنا الزوج..
لكن اهم شي عندي العدل في المعامله لانه اساس كل شي
والله حيرتيني يابريق القلب

الف شكر لك على صراحتك ودعوتك الحلوه

 

[مجروحه واكابر]

ماعرف شقول لج اختيه.. الله يكتب لج اللي فيه الخير ^_^

 

[غمووووض]

ام فهد
كلامك فعلا في الصميم وحطيتي يدك على الجرح فعلا حياة جديده وما ابيها تفشل مثل الاوله وانا من كثر تفكيري بعمق حبيت اهل الخبره والمعرفه في الحياة مثلكم يشاركوني في التفكير لاني احس اني مشتته
انا مبدئيا موافقه لان بالمنطق والظاهر لي مافيه شي يخليني ارفضه
صراحه انا مع كلامك لو اتفاهم معه احسن لكن صعب وجها لوجه في الشوفه الشرعيه
وراي اهلي مايشوفون شي يعيبه مادام بيحفظ حقوقي ويرضا بشروطي
راي زوجته والله ما ادري لكن مافيه زوجه في الدنيا ترضى يتزوج عليها لكن اتوقع انها على الاقل حاسه انه بيتزوج لانه مجهز فله جديده للزوجه الثانيه
وسبب ترددي خوف على مستقبلي اسرته ما راح اهدها ولايرضيني الظلم لكن هو محافظ عليهم وعلى حقوقهم وبيتزوج يامني او من غيري
وبالنسبه لزواجه بالثالثه لاتستبعدين على الرجال شي
اما حياتي بعد الزواج وشلون بتكون هذا في علم الغيب
يا ام فهد كلامك مايزعل بالعكس هذا هو الكلام اللي انا احتااجه فتحتي عيوني على اشياء انا اجهلها
الله لايحرمك اجر نصحك ويخلي لك فهد وابو فهد ومايتزوووج عليك احد ويشوفك احلا نساااااء العالم امين

 

[أم فهد 123]

آميييييين يا عزيزتي وانتي اختي الصغيرة وابي مصلحتج والله يوفقج طول العمر

 

[غمووووض]

مجروحه واكابر
يكفيني دعواتك الحلوه يالغلا
الله يوفقك

 

[بريق القلب]

اختي بريق القلب والله خوفتيني ههههههههههههههههههههههه يعني ممكن هالامور تصير منه ومن زوجته صراحه هذا هو الشي اللي حاطته في بالي ومخليني متردده لان هالاشياء ماتبين الا بالعشره مهما سالنا وانمدح لنا الزوج..
لكن اهم شي عندي العدل في المعامله لانه اساس كل شي
والله حيرتيني يابريق القلب

الف شكر لك على صراحتك ودعوتك الحلو
حبيبتي انتي لا والله مو الغرض اني اخوفج بس ابي انبهج على اشياء لازم تكون في بالج وتحطينه من الامور المهمه يعني اذا الله كتبلك نصيب وتزوجتي الرجل المتقدملج راح تلاحظين مثلا تأخره عند زوجته او خروجه معاها او دفع المبالغ الكثيره لها اكثر منج او السفر او انها تتسلط عليكي وتنكد عيشتج ويمكن في احيان يوقف معاها ضدك لا تستغربين مهما يكون هذه زوجته وام عياله الحابه اوصله انج تكونين متهيئه وعامله حساب الاشياء البتصير وتكونين صبوره وحاولي انج طنشين بعض الامور الماتستاهل عشان لا تصير المشاكل تكبر بينكم على اشياء تافهه بس ارد واقول استخيري وحاولي انج تحطين شروطج من البدايه على قولتهم( الاوله شرط اخره نور ) واهم شي ان يعدل بينكم وحاولي ان ما يكون في احتكاك بينج وبينه واهم شي النيه تكون صادقه وخالصه لوجه الله تعالى ما ابي اطول عليج بس صدقيني ما ودي انج تنظرين من هذا الزواج من جذي قاعده اكلمج بكل صراااااااااااااحة وهذا لانج مثل اختي الله يسهل امورك ويكتب الفيه الخير