هل أقبل به زوج رغم مشكلته ؟

[المنقبة]

استخيري و توكلي على الله كل شئ ممكن و ان الله اادا اراد شيئا فانه يقول كن فيكون ما تدري حبيبتي احنا ما نعلم الغيب انا لو منج اتزوجه اقل شئ صارحج و الف مبروك حبيبتي بارك الله لك و عليك وجمع بينكما بالخير

 

[حبيبت رشيد1]

الله يكتب لك الي فيه الخير

 

[أسرار زوجها]

جزاكم الله خير جميعا

وأسأل الله أن ييسر لي الخير

 

[سارونه 33]

حبيبتي
اولا الف مبروك
انت استخيري حبيبتي والله يكتبلك اي فيه الخير
وبعدين هاذي مو مشكله الا طباء لاتاخذين في كلامهم
انا اختي قالولها ماتحملين والحمدلله استمرت على سورة البقره شهر وحملت بفضل الله
حملت والحين عندها بنتين وحده تفوت الله يرحمها
يعني لاطباء ماعندهم سالفه
وبقولك قصه كمان قريتها في النت وصحيحه ميه بالميه لانو الي قالهااعتقد انه شيخ
بقوله
كانت في بنوته في عمر الزواج
تقدم لها شاب
وافقت بس قالو لشاب انو البنت عندها مشكله
ونها ماجاتها الدوره الشهريه ابدا يعني عندها مشكله كبيره ويمكن يكون ماعندها رحم
المهم الشاب يحب البنت ويمووووت فيها وافق عليها رغم مشكلتها
وتزوجو وفي يوم من الايام كان الزوج يمشي في الطريق
وفي عجوز مادري اعمى او نضره ضعيف مادري المهم مايشوف
كان يمشي راح له الشاب وصله الى الاخر الطريق
قاله الشاب انه ماينجب والاطباء قالوله هالكلام
قاله عليك بالاستغفار واتفق اهو وزوجته انهم يحافضون على الاستغفار
واستمرو على الاستغفار ثلاثه اشهر وبعدين حست الزوجه الام في بطنها
واخذها زوجها على الدكتور وحللت وطلعت حامل
وانتهت القصه
والي الله كاتبه لك بيصير
لو الله كاتبلك الانجاب رح تنجبين
ولو الله مو كاتبلك مارح تنجبين لو اتزوجتي واحد منجب عشره
وفي الاخير القرار قرارك

 

[ملاك العرب]

والله بصراحة هو المفروض يعترف لج قبل الملكه بهالشي هذا. لكن هو انسان ذكي وعارف انج منفصلة من قبل واكيد هالشي راح يأثر عليج فقرر يقولج بعد الملكه عشان تتراجعين وماتتخذين قرار سريع بالانفصال عنه لأنك من قبل مريتي بهالتجربة.. الرجال أذكياء جدا ويحسبون حساب لكل شي...لكن ماقول الا انشالله يطلع انسان زين ويعوضج ويكتب لج السعاده معاه..والله يرزقج انشالله على قد نيتج الطيبة..

 

[غايتي الجنه]

مدري احس الاطفال واذريه اهم شي بالنسبه للمرأه!!!!!! ومايفيد الوحده غير عيالها لكن استخيري والله يكتب لك الخير لكن رائي ان الاطفال هم جنه الدنيا والحياه بدون اطفال تكون ناقصه مالها طعم مهما كنتي سعيده لكن الله قادر على كل شي وان تطلقتي للمره الثانيه مانتي اول وحده ولا اخر وحده لكن اعيد واقول استخيري 00000000ربي يوفقك للخير وشاوري اهل الحكمه من المشايخ والعقلاء

 

[أخلاق]

والله إني أجاوبك كما لو كنت مكانك
غاليتي يامن استشرتينا والمستشار مؤتمن
أقول لك :
نصيحتي ألا تتزوجيه
واسألي المحرومات من الذرية
ماهي الحياة بدون أبناء ؟ لأجل زوج طباعه اليوم بتقدير امتياز وغدا يتغير عليك لأنك أصبحت زوجته وهكذا هم الأزواج وعندها لا ينفع الندم
استخيري ويرزقك الله خيرا منه
هذا أفضل من أن تتزوجيه اليوم وبعد سنوات تطلبين الطلاق لأجل الأولاد فتتزوجين معددا

هذا رأيي لو كنت مكانك​

 

[زمان الصبا]

نفس رأي الأخوات الاستخارة ثم الرضا بالقدر والاولاد بيد رب العالمين وتأكدي هل هو مافي أمل ولا ممكن بالعلاج
ويابنت الحلال الله اللي يعوض ويمكنك تربي طفل وتكسبي اجر

 

[محتاجة ضمت غلاك]

اختي توكلي على الله

 

[لتوفي]

لالاحرام عليك يروح عمرك بدون اطفال خليه يسوي كشف وهل فيه علاجه امل الله يعينك ويرزقكم الذريه الصالحه

 

[فاطمه محمد]

والله بصراحة هو المفروض يعترف لج قبل الملكه بهالشي هذا. لكن هو انسان ذكي وعارف انج منفصلة من قبل واكيد هالشي راح يأثر عليج فقرر يقولج بعد الملكه عشان تتراجعين وماتتخذين قرار سريع بالانفصال عنه لأنك من قبل مريتي بهالتجربة.. الرجال أذكياء جدا ويحسبون حساب لكل شي...لكن ماقول الا انشالله يطلع انسان زين ويعوضج ويكتب لج السعاده معاه..والله يرزقج انشالله على قد نيتج الطيبة..

كــــــــان المفروض يعترف لج بهالشي قبل الملجــــه و انا حقيقه اتمنى لج الساعاده يا اختي صحبه الاستشااره بس كااان لازم تعرفين هالشي قبل الملجه لانه حقـــك والله يهنييييج اذا راضيه بهالشي ....

 

[هواها شرقي]

والله بصراحة هو المفروض يعترف لج قبل الملكه بهالشي هذا. لكن هو انسان ذكي وعارف انج منفصلة من قبل واكيد هالشي راح يأثر عليج فقرر يقولج بعد الملكه عشان تتراجعين وماتتخذين قرار سريع بالانفصال عنه لأنك من قبل مريتي بهالتجربة.. الرجال أذكياء جدا ويحسبون حساب لكل شي...لكن ماقول الا انشالله يطلع انسان زين ويعوضج ويكتب لج السعاده معاه..والله يرزقج انشالله على قد نيتج الطيبة..

والله كنت بقول نفس الشئ ..هذا امر خطير والمفروض كان يقولك قبل الملكه بس هو يبغى يحطك بالامر الواقع عشان تترددي في اتخاذالقرار ..انا شخصيا تصرفه هذا اشوفه غلط وما يريح .اتمنى ان يكون قرارك صحيح ولا تفكري بكلام الناس اذا اردت الانفصال منه اهم شي تفكرين بتمعن وتستخيرين وعليك بالدعاء وقيام الليل.تمنياتي لك بالتوفيق والسعاده.

 

[me~4~you]

((((((((((((((((((((((((((((((((((((لفته)))))))))))))))))))))))))))))))))))))))))))))))
اختي (سوااها قلبي)
انتي قلتي لللاخت :بعون الله وبعون الاطباء)
هذا شرررررررررررررررررررررررررررررررررررررررررك خفي..لانك اشركتي الله مع الاطباء..
المفترض..تقولي (بعون الله ثم عون الاطباء)
وشكرا

شكرا فتاة الخير على التوضيح ويعله في ميزان حسناتج مشكوره يالغاليه

 

[شوشو.]

مبورك حبيبيتي

 

[شوشو.]

اشوف انك توافقين .. بس استخيري .. الله يوفقك

 

[ا روان]

ليه توه يقول!! ليه ماقالك قبل الملكة
هذا غش وخداع
مهما كانت صفات الرجل فالمرأة لاتستغنى عن الأطفال
هم جنتنا ودنيتنا وحبايبنا
​

 

[أم عمـــــوري]

عليك بالاستخارة
هو ماقالج عن النسبة كم عنده
يمكن في امل ان ربي يرزقكم
توكلي على الله
"اخاب من استخار وما ندم من استشار "

 

[أم عمـــــوري]

اسمحوا لي خطأ بعدله
" ما خاب من اسنخار ولا ندم من استشار "

 

[ملكة الرووح]

استخيري ولاندم من استخار