عدت لكم
شاكرة لكم ردودكم عزيزاتي
الله يفرجها لي ولكم
لجأت للقرآن الكريم صرت بدل ما اقراه بس في شهر رمضان صرت اختم القرآن مرة او مرتين في الشهر
كلما تضايقت حملت كتاب ربي وقريت احس براحة نفسية عظيمة ولا تقولون ان الموسيقى الكلاسيكية نفس المفعول لالالالالالالالالالالالالالا
القرآن شي ثاني الا بذكر الله تطمئن القلوب
صرت احرص على صلاة الليل وادعي بقلب محروق ان الله يرده علي
على فكرة هي تتعامل بالسحر واكثر من مرة اكتشف هذا الشي على باب بيتي وفي هدومي مع انها في بيت غير مو معاي
وفي الشهور السبعة الأولى من زواجهم اكتشفها تكلم عشيقها بجوال خاص له لحاله خاشته في خزانة ملابسها
وضربها ويوم يومين وترجع المياه لمجاريها
ومرة رسايل على الأيميل كل مرة شخص غير تراسله رسايل غرامية
وكل اللي يقدر عليه يضربها ويوم ثاني يراضيها
وكل مرة يصير هذا يقول ويش لي كنت مرتاح انا اللي جبته لنفسي
على فكرة هو صاير يحب كلامها ويحترمها قدام الكل ويعطيها اهمية مع انه يشرك الكل في مشاكله بس يوم ثاني لازم الكل يسامحها والله هو اللي يزعل
وانا بالأسبوع لما ازعل مو مهم ودائما يحسسني اني ما افهم شي في الحياة
واني ما عندي خبرة ووووو
وعلى فكرة هو ما يحب نتكلم كثير او نتناقش من بداية زواجنا كان دائما يقول لي اكتبي في ورقة ولما افضى اقراها
ايش رايكم في تصرفاته؟
ليش يحب سوالفها وانا لا؟
بحكم خبرتكم في هالمنتدى الرائع ايش اسوي حتى اجذبه لحديثي؟
على فكرة انا اعتبرها حرب والبقاء للأقوى لكن في كثير من الأحيان تجيني انتكاسات لدرجة اني ما اتحرك من مكاني بالساعات ولا اسوي شي فيها
انصحوني فأنا محتاجة لكم