**هدية لزوجي من ابتكاري ( مسابقة خاصة بالحملة )**

[حضي المنسدح]

موضوع رائع
الله يعطيج العافيه​

 

[ريميشي]

انا مره كنت مسويه حفله بمناسبة خروجي من الاربعينيه كنت مجهزه له باقة وردطبيعي وبينهم ورده صناعيه وكتبت له في البطاقه سأظل احبك حتى تذبل اخر ورده.
وثاني هديه جبت علبه حقت هديه على شكل قلب فاضيه حطيت ورد مجفف ومعطر وقمت كتبت في بطاقه اردت ان اشتري لك ساعه لكن مالقييت افضل من الساعه الي شفتك فيها.

 

[احبك بجنون]

ماشاء الله افكار مرررررررررره حلوه
بصراحه استفدت كثير وراح اطبق اللي يناسبني باذن الله
انا يوم ذكرى زواجي اشتريت مفرش رومانسي فيه قلوبورتبت الغرفه من شموع وفواحات وريحه حلوه
حتى الحمام ظبطته
والحركه الحلوه اللي سويتها جبت علبة هديه اهداني اياها زوجي قبل وحطيت فيها قميص النوم حقي ولبس خاص لزوجي وعلبه فيها اغراض المساج من زيت مساج وزيت لوز وبودرة جسم بنكهه وكتبت له عباره حلوه واني مستعده اسويلك مساج
بصراحه انبسط من هالحركه مره:32:
اتمنى انها تعجبكم
تحياتي

 

[روح النسيم]

قاعدة عم ارسمله لوحة..

صارلي زمان ما رست وان شاء الله تضبط معاي..

يعني كن كويسة بالرسم لكن بعدها تركت..

اتمنولي التوفيق..

 

[بريق الحب]

جزاك الله خير

 

[دبدوبه شيك]

امممممممم شجعتوني ارجع لمواهبي الكتابه وتصميم الهدايا
بروح اخترعلي كم حاجه
ولي عوده بالهدايا السابقه والمبتكره
احبكم بلقيسيات

 

[مسعده بخاري]

الله يديكم العافية اخدت منكم افكار عشان عيد زواجي بعد كم يوم مشكورين ياناس ياعسل لانكم عرضتم افاركم

 

[لغة الحب]

اشكرك حبيبتي على هذا الابداع في طريقة الاهداء كثير منا تحب تهدي بس في بالها لو ماكانت الهدية مكلفة يعني ماتاصل قلب زوجها والعكس صحيح.
دائما الازواج يحبون الرومنسيه مع البساطه والذوق اساس كل شي.

 

[اميره8]

انا عملت لزوجي شهر مميز ....

فبداية الشهر ارسلت له رساله وفيها خدمات مجانيه واختار ارقام عشوائيه ...

كان من ظمن الخيارات .. ليلة مساج .. فطو اسبيشل .. غداء خارج نطاق العمل اللي هو البيت طبعا ..هديه مميزه .. وغيره من الافكار اللي جتني اختار هو اربع خدمات وخصصت لكل اسبوع خدمه ومره انبسطنا بذاك الشهر كان من احلى ايامنا بصراحه والفكره عجبته مررررررررررره ... واتمنى نكررها ان شاءالله

 

[نونه الحنونة]

لفيت في السيد قوقل و جبت لكم فكرة عجبتني ..



جيبي حصالة فلوس <- تكون من خشب و غالية و فخمة مو أي كلآم ..

و روحي لمحلات الذهب عندهم زي القرش بس انه من ذهب قيمته القرش الواحد = 100ريال ..

خوذي لك 5 قروش = 500 ريال ..

حطيهم وسط الحصالة ..

و جيبي شيك ..

اكتبي بمكان التاريخ من عرفتك / الين اموت / اغليك حتى نلتقي بالجنة ..

ثم الاسم ...............

ثم المبلغ نقدا 100 . كتابة / اعطيك مية غلا عربون .. و الباقي عند رب البرية في الجنة الابدية ..

ثم تحت فيه خط اكتبي .........تم تحويل المبلغ من بنك قلبي لبنك قلبكِ ..

التوقيع ...........





عجبتكم و لاا ؟؟!!
:32: :32: :32:

وذ لووووف ..


​

 

[يديدة^^]

انا خذت له مجموعه هدايا ووديتهن لمحل الورد يضبطهن وقلت لراعي المحل بعد ما تخلص تدق ع هالرقم

رقم ريلي) وتقوله لك هديا عندنا من شخص مجهول..طبعا انا حاطه بطاقه

ثاني مره خذتله فون وطلبت من راعي المحل يقوله ربحت فون عندنا..ونفس الشي في بطاقه

ويروح وهو مستانس .....واحب اسويها يوم اكون عند اهلي

 

[sun2moon]

ممكن تحطين الهديه في بالون كبير
وتتفرقع الهديه علشان ياخذ الهديه
دوروا في جوجول هديه بطريقه مبتكره في بالون

 

[sarah flh]

مآشآءآلله عليكم آفكآركم تجنن

آلله يوفقني ويوفقكم ويسخر رجلي لي ويسخر رجآلكم لكم

وآلله يرزقني ويآكم بآلذريه آلصآلحه

عندي آفكآر بسيطه بس بآرتبهآ وبعدين آجيبهآ لكم



آشكر كل وحده آجتهدت وكتبت لنآ فكرتهآ .,​

 

[مجموعة احساس]

انا زوجي كتب رساايل الملكه كلها في دفتر وبالتااريخ والوقت((راايق))وكانت هدية زوااجي وبصرااحه لها مفعول لمى نكون زعلانين ومره اهديته بجاامه حرير واستانس عليها بس احرقتها ههههههه ومره طرزت حروف اسماءنا على طرف الخدادات ومره استانس عليها وياارب التوفيق والتسخير للجميع

 

[ثلاثه في واحد]

ساااااااااااااااعدووووووووووني ذكرى زواجي بعد اسبوع وودي اسوي حفله او اي شي بس المشكله اني موظفه بمنطقه نائيه مافيها اي خدماااات :8:



اوووووووف قهررررررررررر

 

[همسة غلا**]

موضوع رائع وافكار جميله انشاء الله اذا جتني فرصه انزل لكم بعض هدايي لزوجي

 

[تومي 2]

يعطيك الف عافيه ياقلبي

 

[Im unique]

انا بعد ذكرى زواجي قريب ومو عارفه شسوي
بليز مساعده عطوني افكار سريعه

 

[فراوله 70]

السلام عليكم
انا اهديت زوجي اول ما تزوجنا هديه عباره عن تبرع يعني صدقه انا دفعتها وسجلتها باسمه وكانوا يعطونا شيك بمبلغ الصدقه وعليه الاسم فتصدقت بمبلغ 25دينار وحطيت كرت وكتبت عليه والله يضاعف لمن يشاء
حبيت احسسه ان قيمة هديتي مالها حدود حتى لو كانت بمبلغ بسيط

 

[سمو إنسانة]

مسابقة رائعة وأفكار أروع

الفكره عباره عن إذا عندك مثلا إشاعه لصدرك أخذيها وجيبي صوره لزوجك ودبلجيها داخل الإشاعه بمكان القلب كأن الصوره تبين أن صورة زوجك مطبوعه داخل قلبك

ما فهمت هنا ، كيف يعني ندبلج الصورة بالاشعة ؟وكيف ؟