نقصت مياه الجنين عندي

[ست البيت]

الله يكون بعونك ويسهل عليك انا سمعت ان شرب الحلبه كل يوم كاس تزيد المويه بالرحم تطبخين الحلبه مع مويه وتشربين كل يوم كاس انا جربته والحمد لله جابت نتيجه

 

[الناعمة النعومة]

في ولدي الاول كان الماي ناقص بس كنت في بداية التاسع والدكتورة اهتمت بالموضوع وصارت اتسوي لي تصوير بشكل مستمر ولما نقص الماي وااايد نيمتني في المستشفى وبشكل مستمر بدأت تسوي تخطيط على البطن لمتابعة نبض الجنين ولما قل نبض الجنين وكان راسه فوق ولدتني قيصري وكنت في اليوم العاشر من الشهر التاسع والحمدلله ولدت بالسلامة :bye1:

 

[***فوفة***]

غالياتي أشكر لكم هذا التفاعل الجمييييييييييل بس عندي كم سؤال

الأخت الناعممة النعومة// كم كان وزن البيبي لما ولدتيه؟؟

 

[***فوفة***]

الغالية براءة طفولية /////

كم كان وزن البيبيي عن الولادة؟؟

 

[***فوفة***]

آخر اأخباري في هذا الموضوع

رحت قبل يومين للدكتورة وباقيلي يومين عالتاسع فقالت:: انه لسة الموية ناقصة وكمان البيبيي حجمه صغير وزنه

1900غرام(أنا أشوفه عادي) وكمان في شوية طلق طبعا هذا نتيجة التخطيط اللي سوته لي وعادي طلعتني ماقالت تنويم
وطبعا عندي مراجعة بعد أسبوع بس أنا مرة متنكددددددددة أول مرة يجيني زي كذا لأن حملي الأول ماشاء الله

دخلت العاشر وانا ماعندي طلق وجبت بنتي اسم الله عليها 3كيلو ونص وبقيصري يعني كان وضعي مستقر

وذحين الحمدلله على كل حال خايفة إني أولد ويجي البيبي صغير ويحتاج حضانة خاصة والله يعين بس ويعدي الأسبوعين
هذي على خير لأن لو ولدت بعد أسبوعين بيكون البيبي كبر شوية


بالله يابنات ساعدوني بخبراتكم ودعواتكم

أنتظر ردودكم و تفاعلكم الجميل كما عودتموني

 

[الناعمة النعومة]

كان وزن ولدي كيلوين و600 جرام الحمدلله الحين عمره اربع سنوات بس مازال ضعيف وزنه 13

 

[الأسطـــــورة]

الله يقومك انتي والبيبي بالسلامة امين

 

[***فوفة***]

مشكورة يالأسطورة عالدعوة الحلوة،،،،،،آمين يارب


بانتظار مزيد من الردود والتفاعل

 

[هكـ متاتا ـونا]

فوفه طمنيني عليك انا نفس حالتك الحين ان شاء الله ولدتي بالسلامه بس انا بالشهر السادس

 

[المنــــى]

اشربي موية زمزم حيل حلوة

والله يقومك بالسلامة توكلي على ربك على تخافين

 

[هكـ متاتا ـونا]

ماقصرتي المنى على النصيحه الله يكتبه بموازين حسناتك بحاول اشتريلي ان شاء الله

 

[أعيش بشكل صحيح]

من تجربة اختي

كلي البطيخ كثيرا يزيد من ماء الجنين

الله معك

 

[هكـ متاتا ـونا]

تسلمين ياختي اعيش ان شاء الله باكل حتى ولدي يحبها باكل معه هههههههههههههه

 

[هند بنت عتبة]

انا رايي انج تستشيرين دكتوره ثانية لاتهملين نفسج

 

[Zezo3000]

الله يقومك بسلامه

 

[ريماس الحب]

الله يتمم حملك ويقر عيونك بشوفة طفلك يارب ما يضيع لك تعب

 

[eDubai]

انا نفس حالتج في حملي ببنتي الأولى .. من دشيت الثامن و هم يقولون الماي قليل بس بعده في الحد الطبيعي , و انا ما كنت احس انه موضوع حساس ( من جهلي) , و تم يقل بس ع قولة الدكتوره بعده في الحد الطبيعي, في الاسبوع 39 قالوا مااااااشي ماء نهائيا و مستحيل طلق صناعي لأن البنت ماراح تتحمل الولاده الطبيعيه, و رحت عند 3 دكتورات كلهن قالن قيصريه... صليت استخاره و كانت نفسيتي تعبااااانه اليوم اللي بعده 7:30 الصبح ولدوني قيصريه , الحمدلله الله نجا بنتي , كان وزنها 2.7 و وايد صغيره و الحبل السري ملتف على رقبتها 3 لفات و ها كان من الاسباب اللي ماخلتها تنزل في الحوض نهائيا....الحمدلله الذي لا يحمد على مكروه سواه.... الحين عمرها 3 سنين و وزتها 11 بس الحمدلله صحتها زينه ربي لك الحمد و الشكر ... طبعا انا ما كان ينزل مني ماء ابدا و محد عرف شو سبب قلة الماء,,, بس اذكر اني واااااايد تنفخت من أول الثامن


الحين هذا حملي الثاني الحمدلله و انا متابعه حجم ماء البيبي من البدايه, و كل سونار أأكد عليهم و اخليهم يقيسونه تمام التمام... انا في آخر الثامن الحين,كل شئ الحمدلله زين,و يا رب اولد طبيعي هالمره ( دعواتكم خواااتي)...

مره سمعت انه ماي زمزم تركيبته مشابه لماي الجنين, بس مب متأكده , لكن الأكيد انه مفيد ان شاء الله, و سيري استشيري دكتوره ثانيه نصيحه... الله يتمم علينا حمالنا و يرزقنا اطفال سليمين

 

[هكـ متاتا ـونا]

فوفه صاحبه الموضوع من زما كاتبه الموضوع يعني شكلها ولدت بس انا رفعته بشوف وشلون صحتها الحين لاني نفس حالتها اله يسهل الامور بس انا مويه قليله من الشهر الرابع او الثالث

 

[انت رجائي]

ام حصوص ليش كان ينقص عندك ماء الجنين هل كان فيه سبب ولا كذا .....وهل كانت قليله جدا موية الجنين عندك من الشهور الاولي ....بلييبييييييز ردي