نقصت مياه الجنين عندي

[***فوفة***]

بسم الله الرحمن الرحيم

مساء الخير يالغوالي،،،،،،،،كيفكم جميعا إن شاء الله تكونون بأحسن صحة وحال

حبيت أستشيركم وآخذ رأيكم في شغلة مهمممممممممممه جدا جدا جدا،،،،،،،زرت دكتورتي قبل يومين

وأنا لسة دوبي دخلت الثامن لي يومين ،،،،، شكيت لها ان الحركة تألمني مررررة قالت ألحين نشوف بالسونار
فلما شافت قالت لي الموية ناقصة يعني السائل الأمينوزي قليل حول الجنين بس قالت لا تخافي مو

قليل مرة يعني هذا النقص لازال ضمن الحدود الطبيعية وليس مدعاة للقلق طبعا طلبت مني أشعة بس الموعد
الثاني بعد أسبوعين وأنا مررررررررررررررة خااااااايفة وقلقانه أول مرة أسمع عن نقص المياه

كمان قالت الدكتورة لهذا السبب بطني صغير!!!!!!!!!

وأنا مرة محتارة هي تقول انه عادي بس أنا قرأت في النت لقيت أشياء تخوف فياليت اللي مجربة أو

سبق وحصل معاها نفس الشيء هذا ياليت تفيدني ولها جزيل الشكر

الدكتورة تقول مايحتاج لا أدوية ولا شيء هذا نقص عادي بس أنا ماني مرتاحة

 

[ياليت اني]

كثري شرب المويه والله يهون عليك ويفرح نظرتك يارب

 

[محرومه من زوجي]

ياليت تروحي لطبيبه غيرها وتطمني

 

[***فوفة***]

الغاليات/////ياليت إني .. والمحرومة من زوجهـــــــــــــا

ألف شكر على ردودكم وإن شاء الله ربي يحقق اللي في بال كل وحدة يارب

بس بالنسبة لشرب الماء ماله أي علاقة بماء الجنين أما بالنسبة لتغيير الطبيبة ماأعتقد انه له فايدة لأنها ممتازة

ووثقت فيها وصعب ذحين وانا في الثامن أدور دكتورة ثانية


أنتظر تجارب الأخوات وتفاعلهـــــــــــــم .....................

 

[sosoooo]

الله يسهلك حملك يارب وفعلا شرب الماء ماله علاقه في زيادة ماءالجنين
بس انصحك تراجعين المستشفى على طول اذا ماتحرك الجنين لاسمح الله عشان لايختنق

 

[ام حصوص]

أسأليني انا ام الخبره

هلا اختيه الله يسهل عليج ويطمنج على اللي في بطنج واتربين بالسلامه يارب
حبيبتي شوفي انا مرتين تعرضت لمثل حالتج ونصيحه منى سيري عند الدكتوره وقوليلها ابا اظرب الابره لي تخلي رئة الجنين تكتمل
انا بقولج ليش رئة الجنين تكتمل في نص الشهر الثامن واذا انتي متاكده بتعدينه لاتاخذينها واذا انتي شاكه في ولادتج قبل نص الثامن سيري خذيها نصيحه مني لج
انا ف بنتي قالولي الماي ينقص وانا 24 ساعه تصوير ومعاناه ومستشفيات المهم اخر شي قالولي بسرعه بنعطيج ابرة الرئه وبنولدج قيصريه وانا كنت في اخر السابع تخيلوا ولا قطرة ماي في الرحم مع انه الماي مانزل عليه المهم ظربت الابره الاولي وبعد 24 ساعه ظربت الابره الثانيه وبعد 24 ساعه من الابره الثانيه ولدوني في اول يوم في الثامن وبنتي تعبت وايد وحطوها في العنايه المركزه لمدة شهر وشي والحمدالله على كل حال وطلعت بالسلامه
وفي بنتي الثانيه نقص عندي الماي مره ثانيه بس الحمدالله من الشهر الخامس خذت ابرة الرئه وسويت احتياط وعقب معاناه كملت 25 يوم من الثامن وولدوني قيصريه

اتلاحقي عمرج وسيري عند دكتورتين لاتاخذين على كلام دكتوره وحده وما اباج تعانين معاناتي في حملي الاولي والله يسهل عليج

 

[ميموريز]

لا مب عادي حبيبتي ..

روحي للطبيبه على طوول ..

والله يسهل عليك............

 

[ام الحلو تين]

سمعت ومن تجاارب شرب ماء زمزم وهو لما شرب له
ماتشوفين شر ...

 

[قمر وعسل]

حبيبتي حتى انا بابني الاول قالت لي الدكتورة ان الماي به نقص بسيط ما يحتاج اي علاج والحمدالله ولدت ابني بصحة تامة عقبالج انشالله لكن ما نزل مني ماي وقت الولادة ما انفجر يعني ولا حسيت سوائل كثيرة شي بسييييط وولدت ابني بنص التاسع تقريبا

 

[عذبة الروح 2]

أنا مع أم حصوص ...

الله يقومك بالسلامه ..
ويقر عينك في مولودك

 

[***فوفة***]

أشكر للأخوات ردودكم جميعا.............

مادري لازلت محتارة خاصة ان الدكتورة قالت أن نقص الماء اللي عندي لازال ضمن الحدود الطبيعية كما انه لازال

يوجد ماء حول الجنين .........

عموما انا لسة عندي أشعة وموعد عند الدكتورة في خلال اسبوع وسأوافيكم بالأخبار........

بس عندي سؤال للأخوات اللي مروا بنفس الحالة (( هل كانت حركة البيبي مؤلمة؟؟))

 

[قمر وعسل]

لا حبيبتي ما كانت مؤلمة

 

[فرحةالكادي]

انا الحين مثلك وبطني على اني في الثامن كاني في الخامس وماادري وش اسوي

 

[ام حصوص]

رد

لا الغاليه الحركه كانت معدووومه عندي يوم نشف الماي تخيلي يمكن لمدة اسبوع ماتحركت في بطني لانها كانت مخنوقه من الحبل السري وماشي ماي الين ماصار ضعف في دقات القلب
والله العظيم نقلوني بالاسعاف على المستشفى وعلى طول على القيصريه
اسمعي رمستيه وكل يومين سوي سونار وتخطيط قلب للياهل لي في بطنج
الله عطاج اياه امانه ولا تستهينين اب اي شي بسيط

 

[براءة طفوليه***]

انا مثللك ونقصت المويه عندي في الشهر الثامن وقالت الدركتورة بسرعه للمستشفى طلق صناعي واخذت طلق صناعي كل 12 ساعه والحمدالله ولادة طبيعه

 

[انا*]

حبيبتي لاتقولين واثقه بالدكتوره انا وثقت باستشاري ورئس الاستشاريين لما نقص عندي المويه وقال طبيعي وع الموعد اللي بعده جيت وقال الطفل توفي وربي مانفعتني الثقه وفقدت ولدي اللي طول حملي منتظرته وحاولت قدر مااقدر احافظ عليه رغم النزيف والمثبتات والحال اللي مايعلم فيه غير الله روحي لدكتور او 2 او 3 المهم تطمني ذي روح بوسط بطنك انتي مسؤؤل امام الله عنها اذا اهملتيها وان شاء الله تبشرينا بولادتك وانتي وطفلك بااتم الصحه والعافيه ومكمل مدة حمله يارررررررررررررررررب

 

[***فوفة***]

أخواتي الغاليات ......... أشكر لكم هذا التفاعل الجميييييل والصادق كصدق قلوبكن الرائعة

بالنسبة لآخر الأخبار ذهبت لطبيبة متخصصة بالأشعة وسويت عندها سونار والحمدلله تقول الوضع عادي صحيح انه

مافي موية زايدة بس في نفس الوقت الموية مش قليلة جدا على البيبي يعني بإذن الله تكفي للثامن يعني طمنتني نوعاما

بالنسبة للبطن الصغير قالت الدكتورة يمكن عشان ولادتي الأولى قيصري فالبطن فيه خياطة تمنع التمدد.....

أما عن الحركة فهي شديدة ومؤلمة وأحس حتى بأطراف البيبي




في انتظار تفاعلكم وردودكم..............

 

[جنة أمل]

مدام هي طمنتك خلاص توكلي على الله.

 

[زماني ماصفالي]

نفس قصتي لكن أنابنص السابع وبطني صغيره وعندي نقص بالماء بس قالت لي الدكتوره راقبي الحركه كل 12ساعه إحسبي 10 حركات لوأقل على طول للطوارى يارب يتمم حملي وحملك ونولد طبيعي بالموعد المحدد ياااااااااااااااارب وجميع المسلمين

 

[غلا تميم]

صااار لي نفس الحالة كان بطني وااايد صغير وانا بكر فمان شي طبيعي ويااهل ماعرف 17 سنة لما دخلت السابع دكتورتي حولتني الطوارى ان البيبي صغير فتابعت عندهم وكان كل شي اوكي وقبل لا ادخل التاسع سويت تصوير عند احسن دكتورة في قطر قالت لي >> الياااهل ناشف <<
شنو يعنـــــــي ؟؟
المــــاااي قليل وماحس بحركة قلييييلة جدااا وصغييير عمره فالسابع وانا بدخل التاسع تخيلي ناقص شهرييين امي قالت لها عادي عيالي كلهم اجيبهم صغااارقالتلي الدكتورة هاي مب مسؤليتي الياااهل نااااشف والتغذية ماتوصل
حولتني طوارى الولادة الليل وكتبت في ملفي طااارى وانا ماعرف شوالسالفة رحت البيت ريحت والصبح خذت امي
ورحنا هني بدا الاكشن والله عذااااب كل شوي تخطيط وكشف وكل شوي يدخل علي دكتور يقولون لي موعد دورتج غلط البيبي صغير اقولهم بغلط بس مش في شهر او شهرييين ورقدوووني وانا مشغلة الونااان صياااح في صياااح وقالي الدكتور بكرة بنجولج عند الاستشارية تعيد التصوير واذا طلع كلام مريم سلمان صح بنحولج الولادة هني انصدمممت وصحت والنرسات والكتورة وامي وخواتي يلموووني خلاااص وصورت البيبي والماي كان قليل بس لااازم ماتحرك وطلعت وكان كل شي اوكي وتابعت عند الاستشارية فالولادة وكل شي تمااام ومرة رحت لدكتورة مريم تسويلي تصوير عشاان اتطمن قالت لي نفس الكلام وحولتني طوارى والياهل ناشف وليش ماولدوووج رحت الطوارى ونفس الكلام رقدوني قلت لهم مااابي ورجعت البيت وتابعت عند الولادة تخطيط وتصويير والاستشارية تبيني اولد طبييعي مب راضية تحولني ولاادة وعدييت شهري وانا في تعب وعذاااب مايعلمه الا الله لااازم ماطلع ماتحرك وعطتني موعد تولدني لكن الله ماراد ولدت قبل الموعد بلييلة وقعدت اطلق من الصبح ليييين اللليل لان بنتي ماكان فيها حيييل وضعيييفة وزنها 2.5ك وانا لي اسبوووع فالعاشر تخووووف فديييتها والله يحفظكم