السلام عليكم
كيفك اختي حوريه
يعطيك الف عافيه على الملف وعلى جهودك ووقتك اللي تفضلتي به علينا
انا زوجي شمالي غربي وانا ايضا
بس مشكلتي ممكن تختلف مع باقي البنات
لي متزوجه 3شهور وامشي بالرابع بس من دخل علي زوجي وهو كل ماعاشرني يتعب كثير ومايتحمل يناظرني بعدهاويقولي انا تعبان ابي انام مااعرف انام وانتي معي كرهت نفسي وحياتي
والامر كل ماله ويزيد سوء الى ان تدخل حد من اهله وراحو لشيخ وقرا عليه واتضح انو الامر فيه عرض اما عين وحسد ومس او سحر التفريق ولاكن بعدها صار يكره اي حد يقوله روح لشيخ او ان حلته مو طبيعيه
<<للعلم عمل المستحيل عشان يتزوجني
وبالرغم جمالي وانوثتي ومقوت الانوثه اللي يرغب اي رجل فيها عندي الا انه مايرى ذا الشي فيني
بدا يحاول يبعدني عنه بحجة انو مانحتك ببعض الى ان وصل انو يتركني بيت اهلي ويغيب عني با3 او 4 ايام ثم يشتاق ويرجع ياخذني وبمجرد ماشرتي يرجع يتعب
انا كنت متفهمه لوضعه ومراعيه اللي هو فيه وحاولت اقنعه نتعالج بالقران وهو رافض مسأله انو فيه شي
وصرت اتعامل ع ذا الاساس معه
بس صار يتمدى في سبي وشتمي وقفل الجوال بوجهي وافتعال المشاكل
لدرجه صار مايبالي بوجود اهله قدامي ويجرحني جنبهم
كأنه يحملني انا سبب اللي هو فيه ويرا الخلاص بالطلاق :كثييييير فتح معي موضوع عدم راحته وانه يبي يطلق واذا سألته انتي داخلك تحس انك ماتبيني لذاتي ومتحبني ؟؟مايرد اقوله اذ مستعد تخسرني سوي اللي تشوفه صالح لك
االاسبوع اللي فات خلاني عند اهلي وكل مره يتركني فيها تكون من غير رغبه لي بالجلوس يعني اجلس مغصوبه وارسل لاخوي انا تعبان مره ماانام ولاا داوم مثل الناس مابي اظلم اختك ولا ابي اظلم نفسي دخلنا بالمعروف نطلع بالمعروف
بس بحكم انو اهلي عارفين انو الامر مو طبيعي مااخذ على رسالته ولا على كلامه
ودق علي بنص الاسبوع قالي تبين تجين؟؟قلت له انا ماجلست من نفسي انت اللي اجبرتني وحاول معي الى ان وافقت بس بشرط مايخليني ويركني ويمشي عني كثر ماسواه قبل
بس ماتكلم ووعدني
وفعلا جا اخذني اليوم اللي بعده بالفجر الساعه 4 ومشوار بين بيت اهلي وشقتي ساعه و20 دقيقه
وحسيته فعلا مشتاق ورحت معه بمجرد مانام معي تعب
ونزلت يوم الربوع عند اهلي ومشى الجمعه واكلمه اقوله متى بتمرني قام يصارخ انقلعي وانا كرهت نفسي وكرهتك ووووووووو و مراح امرك خليك بيت اهلك وقفل بوجهي بدوووون اي سبب للخلاف
حاولت افهمه انو انا مابي اجلس ومطلبت لا حقي بس مكن رده لي الا ا ن ق ل عي
وبعد ساعه رسل رساله يقولي فيها ماني بمرتاح بحياتي معك احس صدري من الضيقه بيتفجر
وانا مارديت عليه ولا دقيت
وامس السبت اتصل فيني وانا كنت ناويه احد حد للمهزله اللي انا عايشتها عشان كذا قررت ماارد عليه قطع جوالي ودق ع اخته يقولها شوفيها ليه ماترد
وبعدها رديت
وكل اللي سويته <<صاااااامته وسألني ليه ماتردين قلت آآآمر بغيت شي ؟؟
قالي سلامتك رديت عليه اوكي انا اخليك قالي وين قلت له انا تعبانه اتركني بحالي يكفيني مافيني قال اوكي سلام
وقفل وبعد ساعه دق وصار يدق تقريبا7 مكالمات في ساعتين ونص ولا رديت
الان انا تعبت كثيييييير مو عارفه اي اسلوب استخدم معه احس اني سمحت له يهيني كثيييير وكل مره صار يتمااادى بالغلط ويزيد وكنت اسامح واقول لازم اوقف جنبه بس تعبت والله
لازم ابين لها انا مو رخيصه والوقت اللي تبيني تلاقيني وابي ابين له لا تهددني بالطلاق تراه مايهمني كثر ماتهمني راحتنا وسعادتنا وابي اقنعه بالعلاج بس مو عااارفه كيف
اتمنى الاقي ظاااااالتي عندكم
وابشرو بدعوه بظهر الغيب
اختكم / اوتـــــــــــآر
