ندااااااااااء ونقاش لكل زوجه اولى

[مايستاهل نظرتي]

ارجعي بيتك
ولا تتنازلي عن حقوقك

ولا تخليهم يفرحوا بعض

ولا توريها ضعفك ابدن

اقعدي له
ياسلام
لاتتركي الجمل بما حمل

 

[دلع الليالي]

زحمة كلام جربي حبيبتي ما راح تخسرين شيء

 

[دلع الليالي]

واو ماتولدين كمان قطي البيبي عليه

 

[دلع الليالي]

أنت لما تروحي عند أهلك وشلت عيالك راح يفرح زوجك لأنك هيأتي له الاجواء مع الثانية
لو أنا منك والله لأخليه ياخذ عياله علشان يتأدب جربي ما راح يضرك

 

[زحمة كلام]

مااقدر يادلع الليالي قلبي يعورني لمجرد اني بس افكر
انا افكر اني مارجع له الا بعد الولاده والاربعين يعني شهر 5 و6 بعدها ارجع خليه يشوفها ويشبع منها ويعرف عيوبها والا وش رايكم

 

[محبة الابتسام]

ليش الفلة للعروس وانتي شقة وين العدل وبعدين انتي ليكي منه عيال وصابرة علية المفروض الفلة لكي انتي الاولى والثانية يحطها في شقة وبعدين يبنيلها على راحتة هذا الي كان ناقص

 

[فروع الياسمينه]

الله يفرج همك
لكن أختي الفله من حقك انتي ليه تسمحين له يعطيها الثانيه

وحقوقك لا تتنازلين عنها

 

[المــهــا]

الله المستعان
ربي يفرجها علي وعليك وعلى المسلمين ياحي ياقيوم
يارب يارب يارب رد لي زوجي وزوجك عاجلا غير آجل واجعلنا اجمل النساء في أعينهم واقربهم لقلوبهم إنه على كل شيء قدير​

 

[زحمة كلام]

اشكر كل من رد علي لكن انا فكرت بيني وبين نفسي اذا انارجعت لنفس الفله اللي جنبهم راح تجي امه عندي لانها تحبني وزوجت الصغير وارجع مثل اول استقبل حريم اخوانه من العصر الى 9,30 وعيال اخوه يودوني ويجيبوني ماراح يتحمل مسؤليتنا وترجع حياتي مثل اول وخاصة ان كل حريم اخوانه رافضين يجون عند امه وراح تتدبس فيني مااقدر اقول له مابي امك وهم بدو مايستحون
وهو العروس عايشي في الهنا لكن اذا حطها في الفله ماراح يجيب امه عندها بحكم انها تدرس

 

[زحمة كلام]

وين تفاعلكم ليش نايمات

 

[ياطول الصبر]

ماشاء الله عليك انت بجلوسك عند اهلك خليتيه يستعد لثانيه صح
وهيأتي له الجو
صدقيني الرجال يفرحون بزعل الحرمه وروحتها عند اهلها كم شهر عشان يشبع من الثانيه بدون مضايقات
الله يهديك ارجعي لبيتك ولاتنتظرين انه يرجعك
ارفعي راسك وانتبهي لنفسك وعيالك ولاتنسين الدعاء وخليك عظم بحلقه ويكون باله مشغول عليكم
اسمعي شوري وخربي عليه فرحته الله يسخره لك

 

[أم البيان]

ارجعي بيتك وخلي اولادك قربين منك ومن ابوهم ولاتحسيسيهم بشي
وعاملي زوجك بالمعروف وانسي انه متزوج غيرك
والله صدقيني راح تكبري في عينه وراح يحترمك ويحسب لك الف حساب
بس المسأله يبغالها شوية صبروحكمه
ومايمنع انك تطلبي حقوقك كامله بس انصحك اتجنبي الظلم والكيدلزوجته
وعيشي حياتك ولاكانها موجوده
واصلح من نفسك وتقربي الى الله بالطاعات وقيام الليل مع الالحاح والتضرع لله بان يربط على قلبك ويجعلك قرة عين لزوجك ويجعله قرة عين لك
ولاتنسي الاستغفار فان مفعوله عجيب
وكرري دعاء اللهم اني عبدتك ابنت عبدك ابنت امتك ماضي فيه حكمك عدل
فيه قضائك اسألك بكل اسماهولك سميت به نفسك أوانزلته في كتابك اوعلمته احدامن خلقك أواستاثرت به في علم الغيب عنك ان تجعل القران الكريم ربيع قلبي وشفاء صدري وذهاب همي وغمي اللهم علمني منه ماجهلت وذكرني منه مانسيت وارزقني تلاوته اناء الليل واطرف النهارعلى الوجه الذي ترضى

 

[أم البيان]

تصحيح الدعاء في علم الغيب عندك

 

[كوثر75]

أنا نصيحتي لك ياأختاه

أرجعي بيتك مع عيالك ويتربون في حضن أبوهم

وتعوذي من الشيطان لايلعب عليك

دايما فوضي أمرك الى الله

وصيري أحسن وأوفى من زوجك تكبري في عيونه زوجك ماعمل الحرام خروجك من بيتك هو الحرام لأنك تركتي بيت الزوجية

وأنا ماألومك لأني زوجة أولى وأعاني من ألام وجروح لايعلمها الا الله

لكن ماتركت البيت ولا بينت الى أولادي همومي

كنت أضغط على نفسي

ماأقولك أني ماتأثرت بالعكس أحسست بالموت في البداية

ولكن الحمدلله على كل حال

أختاه طالبي زوجك بحقوقك وبالعدل وقومي بواجبك

وصيري قوية

مهما يكن الحب والعشق الى الأولى

ويكذب الزوج المعدد اذا قال أنه مرتاح من الزواج الثاني

الله يصبرك ويفرج همك

مرحلة جدا صعبة ولكن سترين كيف الله مابينساك ويصبرك
من كان مع الله كان الله معه

وصبري عشان نفسك وعييالك

أسمحي لي أختي أن أقول لك

ليس من صالح المرأة اذا تزوج عليها زوجها تترك بيتها وبيت عيالها

دعواتي لك بتيسير أمرك وكشف همك

وأسفة اذا طولت عليك

 

[ست هانم]

اختي الغالية فرج الله همك وربط على قلبك انت نفس نمطي ونفس شخصيتي تقريبا الحبوبه الطيوبة الي ما ترتاح ام زوجها الا عندها ولو كنت جنبهم كان الكل عندي بس ربي راحمني وساكنة بديرة ثانيه وكمان نمط زوجي نفس زوجك عشان كذا راح انصحك نصيحة
مجرب قبل 5 شهور قرر يتزوج وفعلا سواها اما انا مت وعشت من الالم والقهر والحزن وكتبت ماساتي هنا من زمان وقت الصدمة وقتها الوحده متلخبطة زي الغريق الي يبحث عن قشة والحين الحمد لله وضعي مستقر
عزيزتي عشان ترتاحين عليك اولا بتقوى الله والجوء الية ادعي باستمرار وما تدرين وين الخير يمكن يكون زواجة خير عليك بكره يعرف قيمتك وتظهر له اشياء كانت غايبه عنه عشان كذا ادعى اذا لكم خير في هذا الزواج ربي يتمة ويربط على قلبك ويبرد غيرتك ويجعلها بردا وسلاما على قلبك كما جعل النار بردا وسلاما على ابراهيم عليه السلام وان كان لكم فيه شر ربي يصرفه عنه ويكتب لكم الخير وين ما كان ويرضيكم به
حبيبتي لا تعبين قلبك وعقلك بالتفكير ترى ما راح ينفعك احد لو مرضتي ولا تنسين انك حامل والله انا سويت كل شي بكى وزعل ونكد ومشاكل الوان واشكال ما نفع الا لمن تعوذت من ابليس وسويت الشي الي يريحني وهو القرب من الله ثم التودد الى زوجي والبحث عن رضاه وشلت من راسي موضوع زواجه ولا اسال عنها مررره ولا حتى اعرف اسمها اعاملة احسن معاملة وبكل احترام هذا شي مكتوب مالنا الا الرضا بما كتب الله علينا
اهم شي الحين لوضعك اذا انت نفسك تعيشي في الفلة اطلبي منه وقولي بيتي وما راح اتنازل عنه واتحملي باقي الغثى حق الاهل واذا وضعك في شقة منفصله بعيده يريحك روحي وعيشي حياتك وخليك مبسوطه اهم شي لا تبينين انك ضعيفة ومنهزمه بالعكس بيني انك وصلتي للي تبغين وهو البعد عن غثى اهله وحريمهم ابدا لا تبقين عند اهلك ارجعي فورا وسوي الي تبغين استغلي الموقف لصالحك بالحيله والدهاء مو بالزعل والبكاء اضحي فرفشي خليه هو الي يشيل الهم لوحده وانتي ياغافل لك الله بكره يمل بس اهم شي الصبر ثم الصبر ثم الصبر صدقيني ما بعد الضيق الا الفرج بس قولي يارب .​

 

[قدوري]

نصيحه ولاشرط تتنازلي عنه وعيشي حياتك واللي باعك رخيص بيعيه مايستاهلك موطلاق خليكي على قلبه لاتخليه وخليكي معاه طبيعيه واكترمن طبيعيه هذول الرجال قانونهم الحرمه مايربيها الا حرمه زيها

 

[ماماالحبوبة]

سبحان الله وبحمده سبحان الله العظيم

 

[دلع الليالي]

والله يازحمة كلام لو تحرمينه من اولاده ماراح يفكر فيهم

اقرئي قصة ام الوليد ....

 

[دلع الليالي]

لازم تفكرين بنفسك قبل اولادك بكره اولادك يكبرون ويتزوجون وكل واحد عند زوجته محد بينفعك

 

[كوثر75]

أنا مثلك يأخت ست هانم

صح كلام الأخت وعين العقل

أسمعي كلامها يازحمة

ماترتاح الوحدة الا أذا شالت الثانية من تفكيرها بالمره

وواصلت حياتها مع الزوج من غير حتى تذكر الأخرى بشيء

أستغفري الله وأرجعي بيتك

وكل انسان في هذه الدنيا ماياخذ الا رزقه اللي الله كاتبه



دايما رددي وأفوض أمري الى الله ان الله بصير بالعباد