موضوع الدورة الشهرية...وخطيبك او زوجك... كيف فهمتيه او هو فاهمها؟!!! محتارة

[janoo]

حبيباتي
:shiny:

اخواتي الكبيرات

:surrender:
الفاهمات

:fish:
المجربات

:tears:
لانواع الاحراجات
:blush-anim-cl:

في حياة الزوجات

:icon31:
من الزوجات والمملكات

:bigsmile:
هههه اعرف اكتب قصايد.........:harhar1:


السلام عليكم ورحمة الله وبركاته
:cupidarrow:



المنتدى هذا والله والله والله اني استفدت بفضل الله ثم بفضله في اشياء كثير
والعضوات ساعدتوني في استفسارات كثيرررررررررة

وانا دعيت لكل من ساعدتني وربي يتقبل:shiny::shiny::shiny:


اخاواتي


موضوع الدورة الشهرية (الحيض)........ ومااليه:blush-anim-cl:

خطيبك........ زوجك..... ايام الملكة او ايام بداية اللزواج؟؟


:sad_1:
كيف فتحتوا هالموضوع وكيف فهمتيه السالفة؟؟!!!!!!!!!!!



او هو فاهم وعارف وهو اللي فاتحك فيه

ووقت الامها اللي البعض ياخذون فيها وقت وكم يوم


وكيف تقبل الفكرة؟؟!!:santa_1:.....

نسمع قصص مضحكة عن هالخطوة ...... مثلا سمعت وحدة كانت بطريق سفر مع اهل زوجها زوجها :santa_1:اللي يسوق ووقفوا عند مسجد بيصلون نزلوا كلهم من السيارة ماعدا هي ويوم سال اهله قالوا خلها بالسيارة لانها ماتصلي!!!!
هو مسكين شكله بريءءءء مافهم السالفة وقال ليش ماتصلي مو مسلمة:detective2: ووو ههههههه مسكين والله يعينها بجد


انا الحين ماشاء الله بفترة الملكة..... ولي 3 شهور من ملكت على زوجي

جدا خجولين
وهذا طبع الاغلبية

مرتين مرضت منها ويوم يسالني مااعرف شقوله ويسال بتركيز ايش اللي جاك وش تحسين؟؟

تنحت مااعرف اجاوب ومرة قلتله شي دايما يجيني متعودة عليه

بنفس الوقت كثير نصحوني انو لازم يعرف الوضع وانو هرموناتي تتلخبط وان مزاجي يحتاج راحة وعدم تصادم عشان المستقبل مايستنكر الوضع ويتعود يحن علي وقتها (هذي نصيحة وحدة هنا الله يسعدها)

وانا الحين هالايام بدات بفضل الله اصوم القضاء عشان ابي الحق واصوم 6 ايام من شوال باذن الله

وزوجي يقربلي كثير ومااقدر اغطي موضوع صومي عنه
بدانا سوا من كم يوم وهو يحسب لي معه

على انها 6 شوال

بس لو خلصنا السته وجيت بكمل مشواري الله يعينني ويتقبل مني ومنكم

شو اقول له...... شلون ابرر له.....:blush-anim-cl:

. بشكل مرتب وذوق ومايكسر خجلي لاني مرة مجمده معه بالخجل
وماقد اخذت عليه

مااقدر اغطي عليه لاننا زي ماذكرت قرايب ومرتبطين ونتزاور الاهل كثير اما هو لا بمدينة ثانية ياحليلي ههه


افكاركم

تجاربكم

قصصكم

مغامراتكم

:tears::tears::tears:
ساعدوني

وفكوا حيرتي

ولكم دعوتي:cupidarrow:

وربي يشهد


احبـــــــــــــــــــــــــــــــــــكم





​

 

[حرب الأحساس]

فاهمين وفاهمين وفاهمين
قوليله الدورة متعبتني وخلاص بيعرفها
من جدك؟ هو وده تكلمينه عن كل شي فيك وانت مستحية
عااااااااااااادي خلاص زوجك
قربي المسااااااااااااااااااافة بينكم من الأن عشان ترتاحين
وموفقة

 

[قيسيه بنت قيس]

وشلون غابت عنك الرسائل مافيه احد ما يعرف ان المرأه تحيض بس غفلة الشباب والرساله بتعلمه كل شئ

 

[janoo]

قصدك رسالة جوال؟؟

مو قوية يعني تخيلوا وضعي

خجولة مرة ومجمدة معه اجي فجاة اقوله عندي الدورة!!!

الله يجعلكم بالفردوس وينولكم كل مناكم ويوريكم كل سعادة دنيا واخره


انتظر قصصكم وتجاربكم

 

[قيسيه بنت قيس]

اكيد رسالة جوال وهو بيستحي وما راح يكلمك بالموضوع

 

[الجواااان]

من جدكم انتم حبيبتي افتحي كتاب الصف الخامس مدري السادس ابتدائي بتلاقينهم كاتبين عن الدوره وان المراه اذا جتها ماتصلي الخ اتحدى رجال مايعرف وش الدوره حبيبتي انتي في عالم النت مايخفى عليهم شي وبعدين تعالي انتي لسهه مملكه عليه وش بيعرفه انك صايمه لازم تعلمينه انك صايمه وبعدين لازم تقولين له تعبانه مو لازم
قولي راسي مصدع او شي ؟؟؟؟؟؟؟

 

[حبيبة سيف]

حياتي قوليله تعبانه وكل شهر كذا
باختصار وكل البنوتات زي وهو بيفهم
الله يسخركم لبعض ويسعدكم

 

[بقلاوة]

اكيد انويعرفها بس ممكن حاب انك تصارحيه وتكسري جدار الخجل معاه

 

[توتة عبودها]

عزيزتي

انا ايام كنت ممكله كنت اخجل اتكلم في هذا الموضوع واكيد كل بنت تخجل في الملكه

وتجربتي ((قلت لزوجي ايام الملكه بطني يعورني كل شهر اقولها ماكان يسال بس يقول روحي الدكتوره خذي دواء كنت اقله لا هي يومين وتروح شي من الله غصب عني وماله علاج الا المسكنات

وهذه الالام يكون لها مقدمات النفسيه وتغيرات في الجسم من دون ماقلت الدوره او اي شي وهو حسيته فهم لان كل الرجال يعرفون انتي تكلمي بشكل عام وهو بيفهم

واذا قالك ليش راح تصومين وانتي خلصتي الست عادي قوليله لاني فطرت في رمضان لان بطني كان يعورني وهو بيفهمك

واسفه على الاطااااااااااااله

 

[janoo]

يسعد قلوبكم

وينور دروبكم

ربي

امين


توتة عبودها

رايك اقنعني بحاول وربي يسعدنا كلنا

 

[إنسانة لاأكثر]

ههههههههههههههههههههههههههههههههههههههه ياحليلك فاهمين وعارفين كل شئ
حتى بعضهم يعرف اشياء دقيقة ماتعرفيتها انتي عن نفسك .. جيل هالحييييييييين متفتح بزيادة
لمحي عن وجع البطن والنفسية وهو بيفهمها على طوووووووووووول

 

[yoffi]

اذا سالك ليه تصومين قولي لاني فطرت كم يوم بسبب عذر شرعي
واذا جتك الدورة وتبين توصلين له المعلومة قولي بطني يعورني وقتها ترى نفسيتي والهرمونات تكون ملخبطه
وبس بعدين اخر دورة تجيك قبل الزواج قولي له وش الاجراءات اللي انتي تستخدمينها
مثلا اذا كنتي تشربين شي معين او تحبين جو معين قولي له عشان يصير يساعدك بعد الزواج مثلا بشهر العسل
اذاجتك الدورة قولي تذكر اللي قلت لك انا احتاج مثلا الكمادة اللي فيها مويه حاره ممكن تسويها لي
او احتاج اشرب شي دافي عشان بطني وزي كذا
ولو حكى معاك او سالك عن اي شي بخصوص الدورة جاوبيه بدون ما تتعمقين مثلا سالك تتالمين
قولي ايه اتالم واحتاج يومين لين اخف بس لا تتعمقين بالاسباب او كيف الالم يعني زي كذا بس جاوبي على قد السؤال
موفقه

 

[أم حميدة]

بالنسبة لصيام لست من شوال إذا بدأت بصيامها لازم تستأذينه على هذا وتقولين ىلآن أبدأ بصيام الست بعد أن انتهيت من القضاء ، لأنك متزوجة فالصيام النافلة لازم فيه إذن الزوج ،

 

[سنوات الضياع]

خخخخخخخخخخخخ

اختي قالها خطيبها جيبي معاك مرمية علشان لو جتك اسويها لك >>مدري ايش دخل المرامية شكله فاهم غلط
ههههههههههههههههههههه


وأنا أقولك قول قوليه العذر الشرعي وهو راح يفهمها

لانه واضح من كلامه انه فاهمك بس يبيك تتكلمين انتي ومايبي يحرج

والله يوفك يارب

وادعي لي بالتوفيق

 

[سنوات الضياع]

<P>خخخخخخخخخخخخ</P>
<P> </P>
<P>اختي قالها خطيبها جيبي معاك مرمية علشان لو جتك اسويها لك >>مدري ايش دخل المرامية شكله فاهم غلط </P>
<P>ههههههههههههههههههههه</P>
<P> </P>
<P> </P>
<P>وأنا أقولك قول قوليه العذر الشرعي وهو راح يفهمهb

 

[كل دنيتي زوجي]

بنسبه لي اناتكلمت فيهابعدالزواج
بس انتي عادي قبل بطني يوجعني راح يسئلك ليش تكلمي احسن الحين بجوال بكره قدامه تنحرجين
تقبلي مروري

 

[عيون عزيز]

ليش مسويتها قضية ...؟؟؟
بالعكس خليه يعرف انج حزة الدورة تتعبين وتبين اهتمامه فيج ويراعيج ويراعي نفسيتج فهالفترة ...
يعني لا جاتج الدورة تدلعي عليه فالتلفون وتنهدي وقولي ((أأأأأأااه حبيبي ..ظهري يعورني وبطني يمغصني ...حبيبتك مسكينة تتألم )) ونعمي صوتج وتكلمي بدلع مااااااااااصخ ...بيقول لج عنتر ((شفيج ياروحي ؟؟ فيني ولا فيج )) ردي قولي (( ينزل علي دم وايد ..بصراحة حييل يعورني أأأأأه )) مع كم دمعة عيارة .((طبعا لا تعلمينه بسرعة ..تمططي فالسالفة))...بتحصلينه يسألج من وين ينزل؟؟؟ مسوي روحه غبي خخخخخ...
بالعربي تدلعي عليه هالفترة وعلميه انج شهريا تحتاجين فترة نقاهة لأنج تكونين مرهقة من الدورة وهو لاااااااازم يدلعج ويهتم فيج ..عوديه حبيبتي ,,حتى لو جاكم عيال فالمستقبل بتحصلينه يشلهم عنج ويجيبلج أشيا دافية تشربينها ويلمج ويحضنج لأنه يحسج تتألمين وهو البلسم الشافي هههههه....

 

[janoo]

الله يسعدكم شكرا وجزاكم ربي رضاه وجنته

 

[ماريحوني بحبك]

من نصيحتي لا تقولي له بطريقه مبااشره عنها
اذا خلصتي الست قول اللحين ابدء بالقضااء اذا ساالك ليه
قوولي كنت تعباانه وقت رمضاان شوووي وافطرت كم يووم
واكييد هو فااهم ورااح يسالك واذا مسلك فهو ماكسر حاجز الخجل بينكم لاتكسريه انتي
شووي شووي راح يعرف وقت دورتك حااولي انك تتالم وتغير مزاجك معااه عشاان يعرف بهالشي بس
مو ضروري تصرحي بالامرر
وانا تجربتي بعد ملكتي بشهرر لما جتني كان وقت صلاه وطبعا توقيتهم قبل توقيتنا
انا قفلت منه عشاان يصلي ورجع جلس معاي شوي قال انتي رووحي صلي وارجع اكلمك بعدين ماارضيت اقفل
بعدها قال اكيد ماعندك سكت قال لا ايش قالو لك وحن علي لما عرف وكاان فاهم الوضع
تقبلي مروري واسفه عالاطاله بس حبيت اوضح لك موقفي

 

[أنثى لاتتكرر]

عادي قولي له بطني يعورني ومزاجي متغير

واذا استفسر أكثر قولي كل شهر يجيني هالشيء متعوده

بس أهم شيء وانتبهي لهالنقطه

أنك ماتوصفين له الدم ولاغزارته ولا ريحه ولا شيء

لان الرجال قرافين

فخلي كلامك كله على الالم والمزاج

واذا سألك رحتي الطبيب ولاشيء قولي لا يحتاج مسكنات بس وقولي له الشيء اللي تستخدمينه عشان بعد الزواج لو جتك وكنتي تعبانه وخجلانه هو من نفسه بيتذكر