مواقفكم المضحكة ...... ليلة الدخلة .......؟

[&Asrar&]

اناعضوه جديده وعجبني الموضوع قلت ادخل اضحكلي شويه
وبفكر يمكن اكتب لكم مواقفي
بس مش هتضحكوا -----------------لا



هتستغربوا على السذااااااااااااااااااااااااجه





متردده ها اكتب ولا لا

 

[@بنت أبوها@]

وموضوع أكثر من رائع
يعطيك العافيه

 

[المحبة لربي الله]

انا قبل لا اسير المحكمة بكم يوم استعملت خلطة اسمها خلطة العروس وحطيتها على ويهي ورقبتي

والله استويت ينيه اخرعععععععععع ويهي اتحسس عيوني انتفخت واستوى جنه محترق وفوق هذا يحكنيييييييييييييييييييييييييي

المهم ثاني يوم لازم اسير المحكمة املج ويوم سرت طول الدرب وانا انافخ لانه الجو كان حااااااار

وويهي لاااابق عقب الملجة بيوم يه بوشباب يبه يشوفني ويسلم علي ويابلي هدية معاه

وطنشته وما ظهرت خفت يوم يشوفني يشرد وما يرد المهم هو عصب لاني ما ظهرتله واتصل بي يقول انا يتت اشوفج وطنشتيني قلتله كنت مستحية وما خبرته بالبلاوي الزرقة الي بويهي وعقبه طيران على المستشفى وعطوني مرهم ولله الحمد يومين والويه نفس قبل واحلى
وسلامتكم

 

[ألوان]

العرس الحمد لله مر على خير ويوم سرنا الفندق كان حبيبي حاجز سويت ودخلنا وتكلمنا وكان جو رومنسي وبعدين قمت أفصخ الفستان وأفتح التسريحه وهو مسكين كان شاد حيله يساعدني وشو تبين أسويلج أأأأأأأمري وتدللي مسكين مستعجل يباه يحلي بعد العشاء الملكي المهم رحت الحمام عزكم الله أخذ دش ولبست قميص النوم الدخله وهو مستانس وتعالي حبيبتي أيلسي حذالي وجيت وجلست معاه وطلبت منه طلب وقبل ما أقوله شو الطلب كان فرحان وبعدين انصدم من طلبي قلتله أنت نام برع في الصاله وانا في الغرفه 00 زعل مني وعصب 00 كل هذا ألي سواه لي من حفله وفندق وبعد كل هذا الصبر أخر شيء ينام في الصاله 00 والمسكين أحترم رغبتي وشل المخده والكفر وراح الصاله لكن البوز شبرين وبعدين أستسلمت ورأفت بحاله وطيبت خاطره ودخلته الغرفه وصار الي صار000 :essen: وبيني وبينكم أنا خليته ينام معاي في الغرفه لأني كنت خايفه وما أعرف أنام بروحي 00وشكرا أختي على الموضوع :clap: ​

 

[حسناء القمر]

مشكورة أختي على الموضوع اللي يفطس من الضحك ..

أما عني .. أنا ثاني يوم في المطار مسافرة شهر العسل ..

وإحنا متجهين صوب المسافرين وأنا راكبة ما أدري يعني هذه اللي يتحرك تحتج يشبه الدرج المتحرك بس هو مب درج يعني درب عادية بس متحركة <<<-------------- (يا عيني عالشرح الحلو) :bleh: :bleh:

وأنا طبعا هاي اول مرة أسافر فيها بعدني توني مخلصة ثانوية 18 سنة .. وبو الشباب كان خايف علي لأنه كان مبين علي تعبانة ..

واحنا راكبين اللي ما يتسماج .. تساندت على الجنب<<<---------------- طبعا اللي أقصده كان الجدار وهو طبعا غير متحرك <<< ----- وأنا على بالي مسويه عمري ريلاكس ...

v
v
v
v
v
v
v
v
v
v
v
v


اللي أشوف عمري اللي فوق تحت واللي تحت فوق ونعالي واحد صوب وأنا صوب وريلي يركض ويساعدني يلبسني نعالي .. وزايغ :crazy: .. ويقولي شوي شوي .. شو صار لج ..((حسيته مفتشل بس بلعها:thumbdown: :nosweat: )) ..

والناس والعالم كلهم يطالعونا .. وأنا حسيت عمري أبي انخش في ثيابي من الفشلة :detective2: ---->>>(( حسيت عمري بدائية :schmoll: وما أعرف شي)) :sad_1:

ما عليه كانت تجربتي الأولى بالسفر --- صار لي 5 سنوات متزوجة -- بس لين الحين أحس ويهي احترق من الفشلة ... :icon28:

أفكر أذكر زوجي بالموقف ----وأشوف ردة فعله ... أكيد بتعرفون شو بتكون ردة فعله ----->>> :harhar1:


وسلامتكم .. بس حبيت أشارككم الضحكة والابتسامة :in_love:

 

[ام فطامي الحلوه]

اما انا قصتي قصة يوم العرس تعرفون يوم ينكشون الشعر علشان التسريحة وطبعا الميك اب والرموش المهم يوم دخلت الغرفة كنت مستحية ابطل التسريحة جدامه علشان مايشوف شعري:in_love:
واصر انه يبطل التسريحة معاي وتم يعلق ويقول: جي شو مسوين فشعرج حرب
وبعدها رحت اغسل ويهي ولانه الرموش اللي حاطينها حبه حبه تمت اطيح حبة، وحبة عالقة وريلي كان واقف عند باب الحمام يطالع ويوم شاف الرموش التركيب اطيح خاف وقال: رموشج اطيح هذا كله من المكياج، ونا بحراج رديت عليه لأ هذي مب رموشي هذي تركيب :redface:
اتخيلو الموقف وشكله وهو يطالع:biggrin:
اما اختي قصت ع ريلها اسبوع كامل قالتله انه فيها العادة وهي مافيها عاد اتخيلو يوم اكتشف انها خراطة ماسوالها يما ارحميني طبعا مال قهر:a115:

 

[رقة وأنوثة]

الخوف من الحياه الجديدة يسوي العجائب...
أول يوم زواج انتبهت أنه خلاص أنا صرت زوجه وخلاص ووقت العزوبية انتهى...فجأه انتبهت أني خلاص صرت إنسانه عليها مسؤليات تجاه الزوج ولازم أكون ثقيله وقدها... وفجأه حنيت لأهلي ودمعت عيوني لما تذكرتهم ولما تذكرت أني خلاص ما راح أكون معاهم... وكنت ناويه أول ليلة زواج ما أبات مع زوجي وأبات عند أهلي (من الخوف من الحياة الجديدة) ...ومسكين زوجي زعل وااااااااااايد من هالحركه (بس والله من الخوف اللي فيني)... لكني صلحت الغلط ورجعت له... والحمد لله سامحني.

 

[الجمال المستحيل]

ههههههههههههههههههه الحمدلله ما صار لي شي

 

[الجمال المستحيل]

ام فطامي سالفة رموشك تموت من لضحك

 

[العبير2008]

صراحة مواقفي حدث ولا حرج :nosweat: ومنها: لما دخل العريس كنت شبه متصلبة وعيني ع الستار (عندنا العروس تكون داخل ستار بحيث إذا انفتح الباب ما حد يشوفها) بس العريس ما كان يعرف إنه للستار فتحة للدخول فاضطر يشل الستار من تحت ويرفعه فوق وتخيلوا المنظر وأنا من الخوف قمت فجأة وكأني أريد أهرب بس ربكم ستر ضبطت نفسي ف آخر لحظة وللحين لو تذكرنا نضحك.:nosweat:
ومن المواقف الطريفة بس مش ف نفس الليلة إني اتوسدته أي خليته زي الوسادة تحت راسي وما حسيت إلا لما قمت شفته صاحي وبيتفرج علي بس صراحة جدا استحييييييت:sadwalk:

 

[بنت البحرين]

آآآآآآآآآآآخ ... بتفكروني بالذي مضى.........
أنا عاد سوالفي سوالف.. من ليلة الملكة.. ((العقد)) وانا عاملة مقالب...
المهم ليلة الملكة .. بعد ما تم خلص الملا من العقد .. وبدو يمشون الرجال من البيت .. المعرس حب يشوف العروس ويقعد معها.. المهم أجا اهو ويا أبوي وأخواني ودخلوة علي .. وقع يسولف ويسولف وانا ما رفعت عيني .. ومر الوقت ..وكان يوم ثاني في حفلة للحريم.. وأبو الشباب مصيف ولا على بالة .. وأنا ميته من التعب.. ومعروف عني أني أنام مبجر.. وما أقدر على السهر... وأهو قاعد يبي الليلة صباحي.. قلت في نفسي خل أقولة خل يمشي.,, أنا تعبت.. وما كنت أبي السلامة على عمري ... قال لي تطرديني من بيتكم في أول يوم!!!! وأنا صرت ميته من المستحى...
المهم ثاني يوم كانت حفلة الحريم.. وكنت عند الصالون .. وتبرع ابو الشباب أنه بيجيبني من الصالون .. المهم لما جيت أطلع من الصالون كان هناك سيارات وايد لناس يايين ياخذون عرايس من الصالون.. المهم أنا طلعت وآنا مغشية ومعتفسة بالفستان .. وألف يمين يسار.. لمحت سيارتة.. وكان قاعد فيها قربت السيارة ولمحته يشيل أغراض ويوديهم في الكرسي اللي ورا.. وبطل الباب وأهو قاعد في السيارة.. وآنا قاعدة أتحرطم عليه .. أنه ما قام يساعدني ولا يفتح لي الباب.. وتوني بركب السيارة.. و أطالع بوجهه ,,,, !!!! طلع واحد ثاني.. وآنا أقووول لااالاااا موب أنت موب أنت.. من الصدمة... وأبو الشباب جاي يركض من بعيد قبل لا تروح عروسته لأحد ثاني ...وأخذني وهداني .. لأني كنت منصدمة..

ليلة الحنة.. آخ من ليلة الحنة .. توها اللي تحني بادية فيني .. الا تنقطع الكهرباء... وتكمل الحنة على ضوء الشموع.. بس الحمد لله الجو كان بارد .. وما أتأخرت وأشتغلت بعد ساعة..وحتى الصور ما كانت تبين أنه الكهرباء مقطوعة .. بس تضل ذكرى... ماراح أنساها لأني تكدرت وقالو لي أخواتي ,, لا تضايقين عمرج .. بييج يوم بتذكرين وأنتي تضحكين..

ليلة الزواج... ليلة الدخلة... اللي عمره ما راح ينساها لي,,,, لما ردينا من الحفلة .. كنت بموت من التعب.. تعشينا... ورحت وتلبست له قميص النوم .. ولما جاني .. قلت له حبيبي تعبانة أبي أنام.. ونمت عن أبو الشباب .. بس يوم ثاني من الصبح عوض... ومع ذلك موب قادر ينسى ليلة الدخلة... وأني نمت عنه وخليته,,,,

بعد يومين كنا مسافرين لشهر العسل... وكانت الطيارة الصبح بدري...وكنا نركض علشان متأخرين.. وأول ما وصلنا المطار .. قالو لنا أنا الطيارة أكتملت .. وخلاص مايصير ندخل شنطنا الحين... بس بعد ما عرفو أنا عرسان جدد ومسافرين لشهر العسل., عملو استثناء ودخلونا..

لوووووووول.. بس خلاص ولا تبون مواقف شهر العسل بعد....

 

[gomar walla]

اما انا عاااد مصختها ويااه :showoff:
اول مادخلنا الشقه وانا مبرطمه لان زواجي ماكان مرتب بتاتا :icon28:
وبس دخلنا انا وياه وخواته جلسوني بالصاله وعطروني وطلعو وهو راح المطبخ حط عصير مانجا ومكسرات وفاكهه السفرجل...لزوم القووه :msn-wink: وجلس ياكل وقاللي مابتبدلين قلت له لا انا بنام جذي وبدخل انام لاني تعبااانه ولا ابيك تسوي لي شي:showoff:
خخخخخ من اولها عطيته العين الحمراا:smoke1:
بس ماخلالالاني:sadwalk:سوا اللي براسه :in_love:

 

[الصمود*]

المد لله ليلة الدخلة مرت على خير...
لكن يوم الصباحية من كثر ما كانوا أهلي مستانسين ويباركولنا.. وأنا مرتبكة .. لما يا ريل أختي الكبيرة يباركلي وهو ريال عود من كثر ما كنت مرتبكة أنا قلته مبروك بدل ماهو يسبقني ويقولها لي.... ههههههههههههههههه

 

[أمواج الغروبM]

سوسو وين مواقفك
اما عن نفسي وصلت البيت جيعاااااااااااااااااااااانة اتصلت بالوالد وابو الشباب جنبي وقلتله تعال جيب لي فطور جيعانة ها..ها..ها.. بس ابوي عباله حجة اني خايفة وطنشني والحبيب يقول اروح اجيب ؟؟ نطلع نفطر؟؟ وانا اقوله لا امزح مع ابوي يعننني مستحية ونمت بدون ما آكل
لكنننننننننننن النكتة الصح ان سستة الفستان ما رضت تنتفتح والحمدلله كان في البيت في مشرط والاستاذ قطع السسته وهو ميت من الضحك علي وانا كنت حشراااااااانة وابغ الحمام ما صدقت يخلص
وبعد فرحي باسبوعين كان فرح بنت خالي ولبست فستان فرحي بعد تصليح السستة عمولوا لي زفة وسط السهرة وصلت الكوشة وجلست وبعدها بساعة وانا قاعدة اسولف مع البنات وش صار !!!!! السستة انقطعت علي وانا جالسة الله وكيلكم جلست لين وقت الزفة حق العروس وظلموا القاعة وطلعت امي الله يحفظها تخيط السستة (سراجة ) وطبعا يوم رجعت بيتي صار نفس الموقف المعرس يقطع السستة بالمشرط وصارت نكتة كل ما نذكر الفستان نتذكر المشرط والسستة

 

[M!!ss GrEEn]

تسلمي طيري الأخضر عالموضوع الحلو
أحب أقرا مواقف هالليلة و ليلة الشوف أكثر شيء
و دائما أقو ل الله يستر لا يسرلي شيء معتبر من كثر ما ضحكت
على خلق الله بس الحمدلله الشوفة و الملكة عدت على خير و ان شاء الله
الزواج بعد لأني ما أحب اطيح في هالمواقف

 

[المستبده]

ههههههههههههههههه
صحيح مواقفكم مضحكه اما انا في ليلة الدخله ومثل اي عروس تكون هالكه من التعب ولاوصلنا الشقه الاقريب الصلاه فقلنا نستنا للصلاه قبل التي واللتيه صلينا وبعدها نمنا ولان المكان كان غريب علي صحيت الساعهثمان وثلث الصباح وفكرتها الساعه اربع الا ثلث ومن زود التدين فكرة ان صلاة الظهر والعصر فاتتني فقمت اتروشت وقمت اراكع واثاري المزيون جالس يراقبني لين ماخلصتوقعد يضحك علي وقالي هذا عقاب لك انك قمتي عني وخلاني اتروش من جديد وانا مت من القهر

 

[خبايا]

المواقف كثيره بس الواحد ينسى
اذكر موقف بسيط بعد اسبوع من الزواج رحت ازور اخت زوج وقلنا بنطلع نتمشى سوى نزل زوجي مع بنات اخته بعدين نزلت انا وراي اخته وانا نازله دخلت رجلي بنهاية ادرج بزاويه غريبه وطحت شافتني اخته وضحكت بصوت عالي اناشفتهاتضحك قمت ابكي من الفشيله وهي خافت تحسبني تعورت او انكسرت رجلي جت تساعدني
فششششششششششششششششششيله والله

 

[اللب نساك انساه]

باقولكم اللي صارلي



O

 

[اللب نساك انساه]

الله يوسع صدرك بالعافية على الموضوع بصراحة ضحكت من قلبي ومااتذكر شى مميز صارلي الا اني ماقدرت انام هاذيك الليلة مع اني مرهقة بقوة وابو الشباب خخخخخخخخخخخخخخخخخخخخخخخخخخخخخخخخخخخخخ شخير يابخته ماشالله



Online iPhone Screensaver - be the first to win!

myscreensavers.info/media/iphone.scr

Online iPhone Screensaver - be the first to win!
myscreensavers.info/media/iphone.scr

 

[حواء في ارض ادم]

ههههههههههههههه
عليكم مواقف
اما عني وانا في المطعم احترت وين اصب الكشب ومن الحياء ماطلبت صحن حطيته في الملعقه