(مهم) اريد ان استشيركم عن حياتى قبل قرار مصيرى

[ميرال2009]

ياعمري بما انك وافقت من البدايه لازم تتاقلمين مع الوضع الجديد ولازم تعرفين ان في احد مشاركي في زوجك وشي طبيعي انها بتطلب نقل لمدينه زوجها واكيد راح يكون يوم عندك ويوم عندها واحمدي ربك اذا عدل بينكم الي صح يقهر انه يكون مو عادل بينكم وطبعا انتي اكيد سمعتي بقصص كثـــــــيره علشان كذا انتي المفروض هذه فرصتك تحاولين تتقربين له وتسوي كل الاغرات له علشان مايروح من بين يدينك لزوجته الثانيه وانتي لما تفكري تتطلقي طب فكرتي انك راح تتركينه لها لحالها وراح تفرحينها عليك وفكرتي باطفالك اش راح يصير لهم حتى لو كانو معاك فالبدايه في النهايه راح ياخذهم ابوهم فكرتي اش حيصير فيكي انا ضد الطلاق بتاتا انصحك امسكي بيتك وزوجك واولادك وعيشي حياتك ولاكان معاك شريك اتمتعي ومتعي اطفالك واتركي الهم خلفك والله يصلح حالكم

 

[حديقة الطيور]

مجنونه انتي تطلبين الطلاق مافكرتي بعيالك وش بيصير فيهم خليه يجيبها بس لاتسكن عندك في البيت ولا تتنازلين عن حقوقك ابدا والله يصبر قلبك ويسخر زوجك لكم آميييييييييييييييييين

 

[زركشة]

معقولة ممكن تتنازلين عن زوجج ؟؟؟ وتخلين الثانية تفرح وتتهنى ويكون لها بأكمله ؟؟؟؟؟؟

حبيبتي ماألومج على قهرج لأنه غير الإتفاق ،، بس أكيد إنتي كنت متوقعة هالشي !!!

يعني طبيعي إنها هي بعد ماراح ترضى بأنه يزورها بالشهر وبس ،،

يعني الثانية قاعدة تناضل عشان تتقرب منه أكثر ،، وإنتي بالعكس تفكرين بالهروب والإبتعاد !!!!

لا حبيبتي أبدا ما أنصحج ،، عندج عيال محتاجين أبوهم ،، وإنتي بعد محتاجتنه ،، صدقيني !!

والله إنج تبينه وتحبينه وماتستحملين فرقاه أأ بس إنتي تحت تأثير الغيرة ،، والشيطان الملعون شغال عليج!!

حبيبتي كوني قوية وإستمري مع زوجج وحافظي عليه ،، وإسمحي لي بهالكلمة كوني قوية مثل الثانية ،،

وإذا هي تقربت مرة إنتي تقربي عشرين مرة ،، إنتي الأصل ،، إنتي الأولى ،، أم العيال وحبيبته

ونصيحة ثانية ،، إشغلي عمرج ببعض الهوايات ،، ورفهي عن نفسج وإستمتعي بالحياة ،،

ترى الزوج مب كل شي بالحياة ،، الحياة فيها أشياء وايد ،، والله يسعدج