من سنوات أبي أراسلكم بس خايفه!!!!!!!

[إمبرس]

مثل ماتفضلو الاخوات
إبداي انتي بالخطوه الاولى وإضغطي عليه لين تجيبو سواق
هذا اول شيء
بعدها شوفي ليش مايقدر يسوق ؟؟ إذا ماصار عندي عيب خلقي او إعاقه جسديه
فالحمدلله الحل ممكن
لوعنده رهاب معين راح تقدري تساعديه إن شاء الله
خليكي هنا في المنتدى وإستفيدي من تجارب الاخوات
بس اول حاجه سواق عشان تستقلو وتعتمدو على انفسكم وماتحتاجو لأحد

بعدين حاولي تتنقلي للمدينه
إنتي ذكرتي إنو خواته يتامى ممكن تنتقلو كلكم
ترى راح تتغير نفسياتكم وجوكم بالمدينه للاحسن إن شاء الله :37:

 

[عرين اللبوة]

حبيبتي حل مشكلتك في ثلاثة أمور

إما إن زوجك يعالج نفسه من الخوف إلي فيه ويسوق زي غيره
وهذا يحتاج تشجيع منك وزرع ثقه
مع توضيح حاجتك له وانه السوبرمان حقك لوصار شي لا سمح الله

أو تنقلوا المدينه قريب من أهلك وراح تلقي من يتكفل بمشاويرك حتى لو ليموزين

أو تستقدمي سائق
ونصيحتي لك يكون من مالك الخاص دام ربي فاتحها عليك
حتى تسلمي من تدخل أخواته وسيطرتهم على السائق على حساب مشاويرك بحجة إنه سواق أخوهم
وتفهمين زوجك إنه مافي مجاملة لأحد في هذا الموضوع السواق لك وأنت حره
وقتها لو أحتاجوك وعرفو ان الموضوع بيدك ضربوا لك ألف حساب
ودققي حبيبتي على موضوع المحرم لأنو السواقين مالهم أمان وخاصت إن مشاويرك ممكن تكون بعيدة جدا لو زوجك ما رافقك
والله ييسرلك ما فيه الخير
‏
أما موضوع أخوات زوجك صدقيني يا أختي الموضوع مافيه أي مشكله الحريم كذا غيارات
استقلي بذاتك وخلي سعادتك في قلبك
وفي رد الأخت دانه حلول رائعه

موفقة يارب ونسمع عنك كل خير

 

[ضحكة حياتي]

الله يعينك

 

[سهم العشق]

انت ان شاء الله تقدري تجيبي سياره وسواق مادام زوجك ما عارض وريحي رأسك الله يرضى عليك 00 ​

 

[vdhq]

اخو زوجي كان عنده نفس مشكلة زوجك

وبتشجيع من زوجته بدأ يتعلم شوي شوي

والحين ما شاء الله عليه

يسافرون كل مكان

خليه يتدرب حول البيت

شوي شوي الى ان تنتهي مشكلة الخوف عنده

 

[استغفرالله@]

الله يعين

 

[rainprincess]

انا مع رأي الاخوات جيبي انت السواق وكوني صداقات في العمل واعزميهم وانبسطي
ولا تنتظري من خوات زوجك شي (خليك بعيد تبقى حبيب) ولا جات الاجازة سافري
ايش دعوة تنظري السعادة من الناس السعادة بايدك ولا يهمك احد
والحمد لله انك موظفه مو منتظرة احد

 

[مدام فلمبان]

اتوقع سالفه السواقه هذي عده في زوجك اتعرضلها في صغره
يمكن حاول السواقه وساله حادث
او انه حاول يسوق واتهزآ من ابوه
عرفتي كيف

يعني لو تبين تعالجين المشكله ممالك اللا دكتور نفساني
ممكن انك تطالبين زوجك بسواق خاص اذا كنت ظروفه ميسره
مااقلك اطلعي للمدينه بالسواق لحالك
لا اطلعي مع زوجك واولادك
بالنسبه لاهل زوجك
خليكي بعيده احسن
اخاف اقلك تقربي وتدخلين في مشاكل مالها اول ولا تالي
حاولي تتعرفين علا جيران او صديقات
واذا اللا اخوات زوجك
فكري تعزمينهم في المغرب عندك عالقهوه وسوالف وكذا
لين يتعودون عليكي

 

[مدام فلمبان]

عفوا عقده في زوجك

 

[^وحشني زماني^]

دانة الشام
كلامك عين العقل

 

[ام ريناف]

اعانك الباري

 

[ديمة الشوووق]

يابعدي انت قدامك مجموعة حلول
اقنعي زوجك بالعلاج
اقنعيه بترك القريه
استقدمي سائق مادمت قادره واحمدي الله على ذلك
وانصحك نصيحه لوجه الله
لا تنتظري معروفا من احد فلست لك حق على الاخرين
واحتسبي عملك للناس واشغلي نفسك عنهم بما ينفعك وينفع زوجك

 

[بنتي غلاتي]

الله يوفقكم جميعا.............

لساني يعجز عن شكركن جميعا بدون استثناء
وماتصدقون وش كثر وسعتو صدري بردودكم واهتمامكم بموضوعي
وماتصدقون لو قلت لكم والله العظيم إن اللي خلاني أحن على زوجي لين شبك النت عندي بالبيت علشان هالمنتدى لأنو كثير من صديقاتي مدحو لي منتدى مملكه بلقيس
وبعد تجربتي الأولى فيه أقول والله إن صديقاتي الله يهديهن ماصدقن بكلامهن لأنه المنتدى أفضل بكثييييير من اللي قالو ووصفو!!!!!!!!!!!!!!
الله يجبر بخواطركم!!!!!!!!!!!
وبالنسبه لاستفسار اختي اللي سالت عن عدم انتباهي لأنه مايسوق لثلاث سنوات
أول سنه زواج كنت موظفه في الرياض ماجاني نقل بسرعه وماكنت أجي الا قليل وكان أخوه يجي معنا بحجة إن عنده شغل في المدينه ومالقى أحد يوديه
القهر في الموضوع إنه زوجي اللي يسوق السياره!!!!!!!!!!!!!! بس لحاله لايمكن!!!!!!!!!!!!!!!!!!!!
وثاني سنه توفت أختي في حادث وأختي الثانيه دخلت غيبوبه وكنت أنا المرافقه معها لمدة تسع شهور لاني كنت حزينه جدا جدا حتى صابتني أمراض من فقد أغلى إثنين في حياتي فجأه فهما أقرب الارواح لروحي وأحمد الله إنه ربط على قلبي ماجنيت
وبعدها ولدت وبعد ست شهور وطلعت مولودتي فيها خلع فاضطريت أجلس عند أهلي طول فترة عملياتها طبعا بطلب منه لان المنطقه اللي إحنا فيها مافيها مستشفى لمثل هالحالات
وحملت مره ثانيه وطلعت بنتي الثانيه فيها خلع كمان فجلست عند أهلي برضه طول فتره عملياته لأنه كان في عائلتهم هذا المرض
والحين الحمد لله قاعدة احضر لطفل أنابيب ثاني لأني سويت مره وفشلت لأني طولت بعد بناتي ماحملت مع إن حملي الأول والثاني بدون علاج ولاشي بس الحمد لله على كل حال

هذا فقط لتوضيح السبب لأني ماانتبهت لزوجي إلا بعد ثلاث سنوات
وارجع أشكركن الشكر الجزيل ياأخواتي الحبيبات

 

[الروح الذائبة]

رفع لمساعدة الاخت

 

[اام صالح]

الله يعينك بصراحه عيشه تقصر العمر

كثري من الاستغفار لعل وعسى يتغير زوجك

 

[شاي بالحبك]

خلاص الحمد لله دام انه موافق تقدمين على سواق
احسن قدميه بااسمك علشان محد يتجرأ بعدين وياخذه منك
واذا تقدرين ادفعي مو مشكله
اسعدي نفسك بنفسك
لانه لو قدم لك هو كل شوي بياخذوه منك وكأنك ماجبتي سواق خاص لك
الله يفرجها عليك يارب
وبالنسبه لااخواته طنشيهم قد ماتقدري لايكون بينكم الا السلام فقط
عزي نفسك ​

 

[حيرني آمرگ]

لا تستقدمين انتي سواق هو الله لايهينه يستقدم ليش المشاوير واجب مين مو الزوج
معليش اذا ماتقدرين خليه هو يستقدم !!

 

[شبح الفراق]

انا اقول دام فلوسك في جيبك استقدمي انتي سواق لنفسك.........واقطعي الطريق على وجع الراس الي ممكن يجيك من خواته اذا هو استقدم السواق
ولاتنتظري منهن شئ.............اشطبيهن من قاموس حياتك

 

[الشتاء الدافئ]

ياحبيبتي مشكلتك الحمدلله بسيطه ..والاخوات ماقصروا وعين العقل كلام الاخت دانة الشام ..حبيت اضيف تخلصي من حساسيتك وقوي ثقتك بنفسك ..واكثري من الاستغفار والصدقه ..الحمدلله انتي موظفه وفي غنى عن الناس متعي نفسك بتعبك ولاتفرطي في مالك وتنثري على الناس فهم لايقدرون ولن يقدروا ..اشغلي نفسك بمشروع او عقار تستثمري فيه مالك وتضمني به مستقبلك بعد الله سبحانه ..استقدمي سائق وانهي مشكلتك مع زوجك ..تذكري ان تميزك ونجاحك هو مايبث الغيره والحسد في قلوب اخوات زوجك ..لاتجتمعي بهن ولا تثيري ادنى مشكله مع زوجك بسببهن فله عينان واذنان ويسمع ويرى ..وله عقل يميز ويعرف على من الخطأ فلا تتحملي الوزر وحدك ..ركزي على امه واكسبيها فهي تكفي لتكسبي رضاه وتكون حليفا لك وقت الحاجه ..
الان اصبح لديك هذا المنتدى الرائع ..صدقيني سيغنيك عن قريتك ومن فيها ..اعرفي نمط زوجك ونمطك لتتعاملي معه كما يجب ..والله يوفقك .

 

[يالبى راشد وبس]

الله يفرج همك انا مع كلام اخواتي