ممكن اقولك احبك

[نور الإسلام]

السلام عليكم ورحمة الله وبركاته
هذي هذي قصه تحكي عن شمعة الأمل اللي تنور ظلام الظروف والأقدار....
وتبيين كيف يكون اشتداد ظلام الليل علامه لطلوع نور الفجر...
اترككم مع (قصة ساره)...


حاضر.. اللي تشوفه ياعمي....
كانت الكلمات تخرج من فمها بطريقه آليه.
قال العم:زين زين..روحي على غرفتك يابنتي.
ارتاحت(ساره)لما امرها عمها تروح غرفتها لأنها كانت على وشك انها تبكي..واول مادخلت غرفتها رمت نفسها على السرير وحضنت مخدتها وبكت من قلبها..
ماتدري تبكي على اختها اللي ماتت ؟
ولا تبكي على حالها ومصيرها؟
كانت محتاجه احد يضمها ويواسيها،محتاجه تتكلم مع احد يفهمها...
سمعت طرق على الباب ، فجلست ومسحت دموعها...
: تفضل..
دخلت زوجة عمها(هند)وناظرت فيها بحنان ، جلست بجنبها ومسكت كتفها وقالت: ساره حبيبتي، لاتحسبين عمك مايحبك ، هو يبي مصلحتك ومصلحة اولاد اختك..وبعدين(مازن) رجال طيب ..
قاطعتها( ساره) :ادري ادري ياعمه..انا بس مشتاقه لأولاد اختي..
ابتسمت(هند) وقالت: ياحبيبتي ياساره سهلتي علي الموضوع لأن عمك اتفق مع مازن إن بكره تكون الملكه، وآخر الأسبوع يكون الزواج..
انتفضت (ساره) من الصدمه: بهذي السرعه..
هند: اولاد اختك وضعهم صعب ويحتاجون احد يرعاهم..
قطع كلامها صوت العم عند الباب : هند خذي -وناولها 500 ريال-وروحي مع (ساره)اشتروا فستان للملكه .
قامت (هند) واخذت المبلغ وشكرته ونادت (ساره) اللي مازالت تحت تأثير الصدمه وغمزتلها -يعني اشكري عمك- قامت (ساره) وسلمت على يد عمها وشكرته..
خرجت (ساره )و(هند )وراحوا السوق واختارت (ساره) فستان عشبي ناعم ومنثور عليه ورود صفراء صغيره ، واشترت جزمه صفراء..رغم اعتراض زوجة عمها اللي كانت تبغاها تشتري فستان وردي منفوش...
وقبل مايروحوا على البيت، اخذتها (هند) لصالون تجميل وحجزتلها موعد بكره لمكياج وتسريحه..
(ساره) معترضه: والله ماكان يحتاج ياعمه..
(هند): كيف يابنتي هذي فرحة عمرك..
دمعت عين (ساره) وهمست: فرحت عمري؟
حاولت هند تتظاهر انها ماسمعتها لأنها خافت تبكي...

 

[نور الإسلام]

جلست (ساره) على طرف سريرها تسترجع شريط حياتها..
لما جاها خبر موت ابوها وامها بحادث سياره..بعدها اخذهم العم هي واختها يعيشوا عنده..
كان عمها (عبدالله)ماعنده الا ولد وبنت متزوجين ،وكان يعيش مع زوجته (هند) الطيبه بكل هدوء بعد تقاعده من العسكريه الى ان جاء خبر وفاة اخوه وزوجته فتفيرت حياته بوجود البنتين ، وأول ما انتهت اختها (احلام) من الثانويه زوجها ل(مازن) عن طريق جاره(ابو محمد) ..
تذكرت اختها(احلام) كانت حلوه وهاديه..تذكرت امنياتها..
احلام: اتمنى اتزوج شاب حلو ورومانسي ياخذني على البحر نمشي ويقولي احبك ياعمري..
ساره: هاهاها...بالله ياأحلام خليك واقعيه، مافي رومانسيه هذي الأيام..
احلام: ياساره خلينا نحلم على الأقل...خلينا نطير بأحلامنا...
ساره: والله اخاف اصحى الآقي نفسي طايحه على راسي ..
احلام: اوووه ..من جد انك فظيعه..

مسكينه (احلام) ماكانت تعرف انه مصيرها زوج ضعف عمرها مايعرف الرومانسيه وماهمه الا انها تجيب اولاد يحملوا اسمه..
تذكرت اختها وهي حامل وتعبانه ..كانت تبكي وتقولها عندي احساس اني حموت ياساره..
ساره: لاتقولي كذا يا أختي ...
احلام: هذا ثالث حمل لي في 5سنوات وولاداتي قيصريه ، والدكتوره قالتلي في خطر على حياتي لو استمريت في الحمل...
ساره: وليش حملتي؟
احلام : مازن كان رافض اني آخذ مانع وكمان رافض فكرة الإجهاض..
ولما وصلت الشهر السابع تعبت ونقلوها على المستشفى وعملت عمليه ولاده قيصريه مبكره لكن صار عندها نزيف شديد وماتت والطفل مازال في الحضان في المستشفى..

 

[نور الإسلام]

ساره...ساره..
فتحت عيونها اللي كانت متورمه من البكاء...
هند: قومي حبيبتي صلي الفجر
ساره: ان شاء الله.
قامت( ساره) توضأت وصلت الفجر وجلست تدعي {يارب اكتبلي الخير حيثما كان ورضني به}
سمعت صوت عمها جاي من بعد الصلاة يسبح ويذكر الله..
قامت ودخلت المطبخ تساعد زوجة عمها في تحضير الفطور لأن عمها كان يفطر بعد الفجر ويخرج للمزرعه اللي اشتراها بعد تقاعده..
على الفطور كان الكل ساكت، وبعد خروج العم قالت (هند): ساره يابنتي روحي نامي وارتاحي لأنك بعد الغدا ماتقدري تنامي لازم تروحي الصالون..
ساره: عادي ياعمه بجلس ارتب وبعدين احضر الغدا..
قاطعتها زوجة عمها : البيت مرتب مايحتاج وعمك بيجيب غدا معاه فلا تشغلي بالك ..
و(سماح )حتجي تساعدني في تجهيز الضيافه..
ابتسمت (ساره) لأن (سماح) بنت عمها طيبه مثل امها وكانت تعاملها هي و(احلام) كأنها اختهم الكبيره بكل محبه وحنان..
ساره: حاضر ياعمه..
قامت (ساره) وساعدت (هند) بغسل الصحون ، ودخلت غرفتها حاولت تنام لكن ماقدرت.. فتحت دولابها وطلَعت فستانه العشبي تتأمله..
لو كان الوضع طبيعي اكيد بتكون سعيده مثل اي بنت لكن وضعها مختلف..فكرت ان الأهم هو مصلحة اولاد اختها لأن مافي احد حيكون احن عليهم منها ، وعشان هي تهتم فيهم ويكونوا مع ابوهم فالحل انها تتزوج (مازن)...
دق الجوال في هذي اللحظه وكان المتصل(امل) اعز صاحباتها..
ساره: مرحبا..هلا والله اموله..
امل: صاحيه؟ خساره كان نفسي انغص عليك نومك..
ساره : يااختي قولي السلام عليكم اول..
امل : السلام عليكم ..معليش بس من جد كنت ابغى اغلس عليك..ها ايش اخبارك؟ وايش اخبار اولاد اختك؟
ساره ؛ الحمدلله ..آخر اخباري اني انخطبت..
امل : مبروك ياسارونه والله وسبقتيني يادبه.. ومين تعيس الحظ اللي امه داعيه عليه وبيقابل وجهك طول العمر..
ساره: مازن زوج اختي..
سكتت (امل) شوي بعدين قالت : وافقتي؟
ساره : ماقدرت اعارض عمي...
امل: عين العقل يا(ساره) لأن مافي احد راح يقدر يكون بمكان امهم الا انتي...
ساره بصوت مخنوق: لكن كيف راح اتقبله وهو كان زوج اختي وكمان هو السبب في موتها ..
امل: سارونه حبيبتي كل وحده نصيبها مكتوب وهي في بطن امها ، كيف حتكون حياتها ومتى حتموت..
و(احلام) الله يرحمها شهيده بإذن الله ، ولو كانت تعرف انها حتموت كان طلبت منك انك تتزوجي مازن عشان تتطمن على اولادها انهم ماراح يعيشوا مع زوجة اب قاسيه..
ساره: (مازن) قال لعمي ان (احلام) قبل تدخل غرفة العمليات وصته انه يتزوجني عشان اولادها..
وبكت (ساره)......
(امل): سارونه حبيبتي (مازن) لو ماكان يحب اختك كان ما اهتم انه ينفذ وصيتها، عشان كذا اكراما لأختك حاولي تعطي نفسك فرصه انك تتقبليه..
ساره: ان شاء الله ...الله يسعدك يا(امل) والله انتي الوحيده اللي احسك زي اختي ارتاح لما اتكلم معاك...
امل: ياقلبي انتي وانا والله ماأشوفك الا اختي...يالله قومي غسلي وجهك وصلي ركعتين وادعي ان ربي ييسر لك اللي فيه الخير..

قفلت من (امل) وقامت صلت الضحى، ووقفت عند التسريحه تتأمل وجهها..
كل شي فيها كان صغير وناعم لكن فمها ممتلئ ..تذكرت اختها : اللي يشوفك يقول نافخه فمك بهالإبر..الحمدلله على العافيه..
ساره: اللي مايطول العنب حامض عنه يقول ...الحمدلله جمالي رباني..
احلام: هههه..بس لاتصدقي نفسك..
صحيح ماكانت بجمال احلام اللي كانت بيضاء وعيونها واسعه...لكنها كانت جذابه وملامحه حلوه وناعمه ...
شعرها كان طويل ودايما كانت تحب ترفعه بشباصه وتخليه مثل ذيل الحصان وتنزل خصله صغيره من قصتها على وجهها..
ابتسامتها ونظرتها الحلوه تخليها تدخل القلب على طول....
انتبهت من افكارها على صوت طرق على باب غرفتها..

 

[نور الإسلام]

ساره: اتفضلي
هند: مانمتي؟!
ساره: لا كنت افكر...إيش عندك ياعمه؟
دخلت هند وبيدها علبه من المخمل الأسود وقدمتها لساره..
هند: هذا طقم ذهب كان للوالده -الله يرحمها-وحبيت اسلمه لك اليوم واعتقد انه مناسب مع لبسك الليله..
ساره:آها ..شكرا ياعمه..
أخذت منها طقم الذهب وتذكرت امها لما كانت تلبسه في المناسبات وهي تترجاها انها تلبسه فتقولها: لما تتزوجي اعطيك اياه ..
دمعت عيونها واتمنت لو كانت امها معاها في هذا اليوم، حست فيها هند وحضنتها...

الساعه 2 الظهر بعد الغداء دق جرس الباب وفتحت (ساره)ل(سماح) اللي دخلت تضحك وتزغرط(تيبب) :كلللللوش..مباركين عرسان اثنين ليلة ربيع ليله قمرا...
ضحكت (ساره) على اسلوب (سماح) ورقصها وهي داخله مع الباب وحضنتها,,,
سماح : مبروك ياعروسه..
والله وكبرتي ياساره...
جات (هند) وسلمت على بنتها وقالت ل(ساره) : ياله يابنتي البسي عشان تروحي مع سماح للكوفيرا..
ساره ك ومين يساعدك ياعمه..
هند : مافي شي يحتاج مساعده ، كلها ثلاجتين قهوه وثلاجتين شاي والشوكلاتات عمك العصر يجيبها ، والعشا من المطعم والفاكهه تجهزها سماح لما ترجعوا..
لبست (ساره) وراحت للكوافيرا اللي عملتلها مكياج ناعم وشعرها رفعتلها اياه رفعه بسيطه وتركته مفرود وزينته بشريطه صفراء...

 

[نور الإسلام]

مسكت (ساره) القلم ووقعت على دفتر عقد النكاح وقلبها يرجف من الخوف،الآن بدأت مرحله جديده من حياتها، اتمنت ان ربي يساعدها في مسؤليتها تجاه اولاد اختها، ويسهل عليها تقبل (مازن)...
وبعد العشاء وخروج الرجال-لأن الملكه كانت مقتصره على الرجال فقط- ناداها عمها ودخلت على زوجها (مازن) اللي كان نظره في الأرض وكأنه في عالم آخر..
ساره: السلام عليكم..
مازن:....
قالت (ساره)في نفسها شكله ماسمعني، ورفعت صوتها..
السلام عليكم..
مازن: وعليكم السلام..
غريبه حتى ماكلف على نفسه يناظرني..
مشت وجلست على كرسي قريب منه..
مرت خمس دقائق كأنها دهر وهم ساكتين...
بعدها دق عمها الباب ودخل..
وقف (مازن) وقال : مشكور ياابوبدر لكن انا والله محرج...
ابوبدر: ابدا لاإحراج ولاشي ، وش عندك؟
مازن: والله انا كان ودي آخذ ساره معاي الليله مادام كتبنا العقد وصارت زوجتي لأن الأولاد محتاجينها...
ابتسم العم وقال: ايه لكن ماسوينا فرح..
قاطعه مازن: مايحتاج فرح ولاشي ، وانت عارف المرحومه مالها شهرين متوفيه ومو مناسب نسوي فرح..
ابوبدر: لكن البنت ما اشترت ولا قضت..
مازن: والله مايحتاج تقضي بعدين.. اهم شي العيال والله حالتهم صعبه ، والوالده كبيره في السن ومافي غير الشغاله في البيت...
ابوبدر: طيب طيب..روحي جهزي نفسك تروحي مع زوجك ياساره.
انصدمت (ساره)وناظرت في عمها اللي جالس بجنب (مازن)..وقفت ومشت وكأنها تجر رجولها ودخلت الصاله عند زوجة عمها وبنتها اللي وقفوا يزغردولها...ماتمالكت نفسها وجلست تبكي..
حضنتها (سماح) وسألتها: وش فيك ياساره؟!
ساره وهي تبكي: تخ...ي...لي...يبي...يا...خذ..ني..معاه...الل...يله..
هند: كيف؟ وعمك وش قال؟
ساره: قا..لي..روحي...تجهزي..
ناظروا (هند) و(سماح) في بعض وحسوا انه مافي فايده من الكلام، والأفضل انهم يواسوها ويساعدوها في تجهيز اغراضها..
أخذتها (سماح) لغرفتها، و(هند) جابت شنطه ترتب فيها أغراضها...
وبعد توديعها وخروجها مع زوجها..
هند: ليه يا ابوبدر تخليها تروح معاه وهي حتى قميص نوم ماشترت؟!..
ابوبدر: وش تبيني اقول للرجال وهو يقول ابي زوجتي؟
هند: قوله انتظر اسبوع على الأقل..
ابوبدر : الرجال يقول العيال محتاجين احد يرعاهم وتبيني اقوله والله السوق اهم..
سماح: ياعمري عليها والله تكسر الخاطر حتى الفستان الأبيض اللي تحلم فيه كل بنت مافرحت تلبسه..

 

[نور الإسلام]

دخلت (ساره) الشقه وطبعا كانتعارفتها لأنها كانت شقة اختها..
دخل (مازن) وهو شايل الشنطه وقالها :اتفضلي من هنا..
تعجبت انه اتجه لغرفة الأولاد وقال لها: انا اشتريت سؤيؤ لك في غرفة الأولاد عشان تكوني قريبه منهم..
وبعد مادخل الشنطه قالها : البيت بيتك ، انا بنزل عتد الوالده عشان اجيب الأولاد..
جلست على السرير مصدومه من تصرفه واسلوبه الغريب في التعامل معاها..حست انه أخذها مربيه للأولاد ماهو زوجه..
دقايق الا وتسمع صوت اولاد اختها(حسن)3سنوات،(حسين) سنه و4 شهور،اما (حسان) كان في الحضان في المستشفى قرب يتم الشهرين..
دخل (حسن) يجري عليها : خاله..خاله..هيه..هيه..
ضمته وبكت لأنها تذكرت لما كانت تزورهم واختها تقولها: اخذت عقل عيالي مرررره يحبوك..
شوي تسمع صوت (مازن): الوالده ودها تشوفك لكن ماتقدر تطلع عشان الدرج يتعبها..
وقفت وقالت بسرعه: انا بنزلها الحين.
شالت (حسين) ومسكت يد (حسن) ونزلت عند (ام مازن) اللي سلمت عليها وقالتلها: مبروك يابنتي الله يسعدك ويبارك فيك..
طبعا ماأوصيك على العيال..وترى الشغاله كل يوم بتطبخ وترسلكم الغدا ..
ساره :الله يجزاك خير ياخاله لاتكلفون على اتفسكم..
ام مازن : ابد يابنتي حنا طابخين..طابخين لأن العيال يتغدون معاي..
ساره: مشكورين ياخاله..تامرين على شي
ام مازن: لايابنتي تصبحين على خير ليله مبروكه..
ساره -وهي تسلم على راسها- :وانت من اهل الخير

 

[محبة الطاعات]

كملي نور الأسلام

حدي متحمسة ابي اعرف شنو صار بعدين

الصراحة صدمني مازن مع الحركة الي سواها ><"

بالأنتظار​

 

[حلا شرقي]

شدتني القصه كملي عزيزتي بانتظارك .....

 

[قمة الانوثة]

كملي القصة حمستينا

 

[<3عِـيُـونَـه<3]

كَـــمْـــلِـــي طَـــلَـــبْــتــك <3 <3

 

[كــبرياء أنثى]

كملي الله يعافيك ، شدتني القصه .

 

[بنه وهيل]

يسلموووووووووووووووووووووووو

 

[start change]

ليا باك بإذن ربي

 

[نور الإسلام]

هلا حبيباتي وسامحوني على التأخير
لكن جاني احباط حسيت كأني اكتبها لنفسي
لكن والله حمستوني اكملها ان شاء الله

 

[نور الإسلام]

أخذت (ساره) اولاد اختها ونومتهم ، بعدين غيرت ملابسها؛ولبست بجاما قطنيه لونها وردي وابيض ورفعت شعرها بشباصه ورديه وخرجت من الغرفه على المطبخ عشان تشرب مويه..
شافت نور الصاله وسمعت صوت التلفزيون ،ترددت تمر ولا لا؟..
بعدين تشجعت ومشيت للصاله وهي تناظر من تحت لتحت بنص عين شافته جالس على الكنبه وبيده الرموت يتفرج على الأخبار..
قالت في نفسها: قسم بالله مو صاحي تاركني ويتفرج على الأخبار ..يالله يمكن يبيني اتعود على الوضع..
راحت وشربت مويه وهي راجعه كان مقفل التلفزيون ورايح غرفة نومه، وهي دخلت غرفة الأولاد اللي صارت غرفتها كمان ونامت لأنها كانت منهكه وتعبانه..

 

[نور الإسلام]

صحيت الفجر على صوت الآذان لأن المسجد كان قريب من البيت ، وبعد الصلاة جلست عند الشباك تتأمل شروق الشمس..وأثناء استغراقها سمعت صوت من بعيد..
: ياعمري والله كنت مشغول
.....................................
: لالا والله هذا اخوي تزوج البارح
......................................
:إيه اخت زوجته
....................................
: والله ماأدري لكن الظاهر الرجال مستعجل ملَك وأخذها معاه على طول
....................................
: هاهاها ياحليلك وش عشان الأولاد ، الرجال مو قادر يصبر..
...................................
: اموت انا على اللي يستحون ..تدرين ياعمري مابقي غير المطبخ والمجلس وبعدها خلاص تكون الشقه جاهزه ....
...............................
: حنونه والله مشتاقلك خلينا نقدم الزواج ..

قفلت (ساره) الشباك وهي حاسه بالذنب لأنها كانت تسمع لمكالمة (خالد) مع خطيبته (حنان)..
شقة (خالد) مقابل شقة اخوه (مازن) وفي الدور اللي تحت امهم..
جلست (ساره) تتذكر كلام (خالد) : الرجال مو قادر يصبر..
هه موقادر يصبر هذا ما كلف على حاله يناظرني..

 

[كــبرياء أنثى]

كملي .. والله كل شوي افتح على القصه اشوف كتبتي شئ ولا لا ، مع ان عندي اختبارات ومذاكره ..
بس والله شدتني القصه واحس نهايتها سعيده ..:26:

 

[نور الإسلام]

رجعت (ساره) تنام ، وصحيت على صوت (حسان) يبكي.. قامت وغيرت حفاظته وأخذته معاها على المطبخ تجهز الفطور..
سمعت باب الشقه يفتح ،كان (مازن) ،قالت: الفطور جاهز..
(مازن) بدون مايطالعها : انا فطرت عند الوالده..تراني متعود افطر واتغدى مع الوالده..
ساره : آها ..طيب..
راحت وصحت (حسن) وغيرت بيجامته وفطرت معاهم وفتحت لهم التلفزيون على افلام كرتون، ودخلت المطبخ تغسل المواعين..
دق الجوال وردت..
سماح: صباحيه مباركه ياعروسه
ابتسمت (ساره):هه..الله يبارك فيك ياقلبي..
سماح: وش فيه صوتك مو عاجبني؟!..
ساره : ابدا ..لكن مشغوله شوي..أكلمك اذا فضيت..
سماح وهي حاسه انها تصرفها: اوكي انتظرك ..مع السلامه..
ساره: مع السلامه..
قفلت (ساره ) الجوال وجلست تبكي..
غبيه ليش ابكي؟...عشان موحاسه اني عروسه؟..لازم اتذكر دايما اني تزوجت عشان اولاد اختي..
مسحت (ساره) دموعها لما سمعت صوت (مازن) في الصاله يكلم اولاده ، وخرجت تسأله : ابو حسن متى بتجيب (حسين) من المستشفى..
مازن: اليوم ان شاء الله..
وخرج..

 

[نور الإسلام]

قضَت (ساره) النهار بترتيب ملابسها في دولاب اولاد اختها وبعدين جلست تلعب معاهم...
بعد الظهر دق جرس الباب..
ساره: مين؟..
الخادمه: غدا مدام.
فتحت ساره الباب : مرحبا (سوناتي) كيف حالك؟
الخادمه : همدلله مدام..كيف انت؟
ساره : الحمدلله ..شكرا سوناتي على الغدا
الخادمه : افوا مدام..همدلله انت ايجي بزورا بس ابكي ابكى ماما..

: سوناتي وينك؟ انزلي حطي غدانا..
الخادمه : تيب تيب ماما انا ايجي
تغدت (ساره) مع اولاد اختها وتذكرت (سماح) واتصلت عليها تطمنها ، بعدين دقت على صاحبتها (امل)..
ساره: السلام عليكم
امل: وعليكم السلام..وينك ياخايسه
ساره : يختي انتي ماتعرفي تتكلمي من غير ماينقط لسانك عسل..
امل : طلبتك يا ام العسل ..وينك يومين ماتدقين وانتي عارفه ماعندي رصيد عشان ادق عليك..
وش صار على العريس؟ ومتى بتروحين تقضين؟ ومتى حددتوا الزواج؟...
ساره: شوي ..شوي..خذي نفس ماشاءالله عليك..
امل : قل اعوذ برب الفلق..
ساره : قلنا ماشاءالله..
امل : المهم لاتضيعين الموضوع، احكيلي بالتفصيل من ساعة دخلتي عنده لحد ماخرج من عندك...
ساره : وين خرج من عندي ..انا رحت معاه..
امل مصدومه : ايييييييش؟! كيف يعني رحتي معاه؟!
ساره : اقول امل وش رأيك تجين عندي، انتي تعرفين شقة اختي الله يرحمها.
امل : ايه
ساره : انا فيها انتظرك بعد العصر
امل : صاحيه انتي!! وين تبيني اجيك وتوك عروس..
ساره : ياقلبي تعالي بس وانا احكيلك..
امل ذابحها الفضول وماتحتاج احد يقنعها..فوافقت : طيب ساعه ونص وانا عندك ان شاء الله..
ساره : الله يحييك ..يالله مع السلامه
امل : مع السلامه.

 

[نور الإسلام]

دخل (مازن) وسلم على اولاده، وسأل (ساره): ماتحتاجون شي، انا خارج العصر ويمكن اتأخر الليله..
ساره: مشكور ..صديقتي بتجيني بعد العصر
مازن : صديقتك ؟ مين هي؟
ساره : امل الأحمد صديقتي بالمدرسه
مازن : زين ..زين..

دخل غرفته ونام، وبعد صلاة العصر ، جهَزت (ساره) القهوه وتفاجأت ب(مازن) راجع على البيت لكنه اعطاها كيسين وخرج...
فتحت الأكياس لقت واحد فيه شوكلاته والثاني صحن معجنات..
وتذكرت اختها كانت تقول لها: مازن كريم وطيب لكن عنده بخل في المشاعر ومايعرف الرومانسيه وخاصة بعد ماعرف انه مريض بالسكر صارت نفسيته زفت ..وماصار مهتم الا انه يجيب عيال..
دق الجرس وفتحت (ساره) ل (امل) اللي دخلت تحضنها وتغنيلها..
ضحكت (ساره) واخذت عبايتها .. وجلسوا في الصاله يتقهوون..
حكت (ساره) لصديقتها كل شي من يوم وقعت العقد الى لما جاب الأغراض وخرج..
امل : ياقلبي عليك ياساره، انا اعتقد انه حاسس بالذنب لأنه ماسمح لأختك تاخذ مانع ورفض اجهاض الجنين..
ساره: الله يرحمها..
امل : لكن اكيد مابيستمر الوضع كذا وبيتغير مع الوقت..
ساره: امل لاتفهميني غلط انا مو مهتمه انه ..انه..
امل: حبيبتي هذي مايبيلها فهم غلط او صح ..لكن الوضع الطبيعي انه يعاملك كزوجه..
ساره - بعد لحظة صمت- : المهم ياعيوني انا بس كان ودي افضفض..
الحين قوليلي بتقدمين في الجامعه؟
امل: مستحيل اقدم هذي السنه باخذها اجازه عشان اروح زواجات على كيفي، يمكن انخطب..
ساره : الله يعينه اللي بينربط فيك اكيد امه داعيه عليه..
امل : وش ينربط ؟ اسمها يرتبط .. بعدين وش فيني جمال ودلال..
ساره : الا دلال هذي قويه..
امل :طيب ياختي تركنالك الدلال والنعومه..خليلي انا الرجه..
جلست (امل) مع (ساره) لبعد العشاء وانبسطوا، وكانت (ساره) كل شوي تقوم تأكل الأولاد وتغير لهم وتهتم فيهم..