ملف زوجات الجنوبي الغربي الجديد(2) 000000000كلك حركات

[مشاااارق]

كل ماذكرتيه عن الجنوبي صحيح:icon30:
بقي ان نطرح سؤالك المتفرع للنقاش
كيف يحب الجنوبي ان تكون زوجته
واذا كانت موظفه كيف يحب ان تساعده
وكيف يحبها ان تشاركه الحياة؟؟

انا حجاوب على السؤال إذا إفترضت إنه زوجي جنوبي غربي والله أعلم

شوفي...أن موظفة ولديا راتب لكن ما أقدر اجيب أي شئ في البيت إلا بإذنه...

أنا كنت بساعده ماديا في بداية حياتي الزوجية لأني كنت عارفة إنه عنده ديون ... وكان يقدر لي الشئ هذا ..بس انا كنت في البداية اتحسس وماكنت أعرف اتعامل معاه كويس ... يعني كانت تجيني أفكار إنه ممكن يكذب وممكن يحاول يستغلني... بس بعد كدة عرفت إنه صادق...

أساعده ماديا في المصاريف...لكن لما فكر يشتري شقة تمليك...مادخلت نفسي في أقساط معاه...
وحاليا إذا حالته المادية جيدة مايطلب مني مساعدة ...لكن لو كان مزنوق يطلب واعطيه عادي بلا منه أو زعل لانه يتحسس... مرونتي معه مريحته...يهتم بوظيفتي ويهتم إني اكون في منصب جيد...
التعامل مع الزوج بخصوص الراتب يبغى له حذر... يعني لازم تحسسيه إنك واثقة فيه وفي نفس الوقت تكوني حذرة...أنا مثلا مايعرف زوجي كم راتبي الحقيقي..لأنه اول ماينزل راتبي على البنك...بالهاتف المصرفي أحول جزء منه في حساب ثاني ... ولما احتاج أصرف ويوديني الصراف ...ما أقدرأقوله لاتشوف ... لا عادي أخليه يصرف لي حتى...أحس إنه هذا الشئ يكبرني في عينه ويحسسه بالثقة ... ماعرف هل هذا التصرف ينفع مع كل الرجال ولا لأ...


​

 

[أحلى عسل]

مبروووووووووووووك عليناافتتاح ملف الجنوبي الغربي ومبروك عليناالمهاجره الله يعطيها العافيه بصراحه أنا ودي نناقش قضيةالكسل والمماطله عند الجنوبي يعني الحين العيدجاي وانتوعارفين تبغي تغيري شي في البيت كيف نخليهم يتحركولأنه بصراحه أنازوجي أطلب منه الحاجه هذي السنه تجيني السنه الجايه بطلوع الروح أنانفسي ألاقي حل لهاالمشكله والله ولدي المفروض يسجله في المدرسه صف أولى الى الان ماسوى شي والدراسه بتبدأبعد العيد وكل ماأكلمه يقول عادي مدرسه أهليه بروح لهم بأي وقت والله بيقتلني البرود كل شي الاالدراسه بيضيع مستقبل الولد بسبب كسله وبروده حتى ولدي مسكين يحزني كل يوم يسألني ها سجلتوني كل أصحابه سجلو الاهو والله حاله ياليت تفيدوني بتجاربكم كيف أخليه يتحرك ويسجل ولده الله يعيناعلى هاالجنوبي الغربي أحس كل صفاته الحلوه يمحيها البرود والكسل الله يهديهم يارب

 

[قلائد الدر]

هلا وغلا فيك يالمهاجرة نورتي ياقلبي والف الحمدللة على السلامة ويارب اللة يقدرني اتناقش معاكم واطرح مشكلتي بعد مع زوجي الجنوبي لان وقتي ضيق لي عودة يالحبايب :bye1:

 

[مسافرة]

السلام عليكم ورحمة الله وبركاته
كل عام والجمع بألف خير

يسعدني انضم لكم لأن زوجي من هالنمط
بس أتمنى فعلاً أفيدكم مثل ما أنا قاعدة أستفيد ولو إني ما نجحت حتى الآن في التعامل معه رغم مرور سنتين على زواجنا..

تحياتي للجميع

 

[احبه ويحبني]

الحق يقال
حبوبييييييييييييييين
وكسولييييييييييييين

 

[ساكن عيوني]

انا بعد خطيبي جنوبي غربي
مرررررره حبوب و حنون ويحبني وايد ما شاء الله
بس متردد وهالصفة فيه بتجلطني اسم الله علي لوووول

لي عودة ان شاء الله للمناقشة معاكم

 

[شريفة هاشمية]

مبروووووووووووووووك يا زوجات الجنوبي الغربي ع التجمع الجديد وانا معاكم ههههه زوجي جنوبي غربي ونا شمالية شرقية غربية يعني فيه تارجح عندي بين الشرق والغرب كثير ههه و مشكورين المهاجرة و دمايع و بصراحة انا كنت متابعة دقيقة لكم بالملفات السابقة وفادتني كثير الله يجعلها في ميزان حسناتكم في هذا الشهر الفضيل ومكان فيه وقت اقول تجربتي لاني كنت والدة بس ان شاء الله هذي المرة حاحاول اتابع معاكم اكثر بالكتابة و مرة ثانية باهنيكم ع الملف الجديد ان شالله نستفيد و نفيد اكثر خاصة العقد الي زينا احنا الشماليين نصير البعبع بالنسبة للجنوبيين هههههههههههههههه

 

[اسيرة الايام]

ردا عى استفسار الغالية جوجو
حسب معلوماتي الزوجنوبي ما يحبذ زوجته تشتغل
لانه بعتير نفسه رب البيت والمعيل لها لاولادها
ويكون فخور بهالشي!!!

في حال واحدة اذا اشتغلت لحسابهم الشخصي
مثال حي
انه احنا مفكرين نفتح دكان ملابس محجبات
هو وافق اني اشتغل بالمحل ابيع
لكن ما وافق اني اشتغل بنفس المحل لحساب ناس تانية
يعني لازم يكون زيتنا فدقيقنا"

 

[اسيرة الايام]

يا ريت و نطرح موضوع الجنس
لان هالجنوبي راح يجنني احسه احيانا باارد واناااااااااااااننننننننني

 

[سكر زماني]

مبروك اختي المهاجره وجميع المشاركات فتح الملف الرائع واتمنى من الله ان تعم الفايده

 

[أنيقة]

السلام عليكم ..​

شحالكم زوجـــات الجنوبــي الغربــــي الكسول:detective2:؟؟ ​

"المهاجرة"..:cupidarrow: مبروووك عزيزتي المنصب الجديد.. وانتي قدها وقدووووود والله.. أنا أؤيد ترشيحك وبقوووووة للكرسي هذا ...لأنك محللة ممتازة جداً .. فاهمه البوصلة عدل ماشاء الله.. ​

وأشكر نداءاتكم انتي وحبيبتي اسيرة الايام والغالية A7la .. ان شاء الله أكون عند حسن الظن.. ونفيد ونستفيد من الاخوات الكريمات.. أنا هالفترة ما ادخل المنتدى كثير بسبب الحمل:crazy: لكن راح اكون متواصلة بإذن رب العالمين.. ​

بس كأنه الملف مو مرتب .. يعني مو شرط البنات هم يقترحون موضوع معين.. ممكن انتي تختارين نقطة معينة تحسين انها بتفيد اكبر شريحة من زوجات الجنوبي الغربي.. وتطرحينها بالخط الكبير الملون كبداية للموضوع.. والافضل تكون فيه اقتباسات لها علاقة سواء من مقالات ناعمه او من قصة برود ومطر لأنها جداً مفيدة.. بهالطريقة بيكون الموضوع منظم ومفيد للجميع..
واذا تبين أساعدج في هالمهمة.. حااااااااااااضرين للغاليييييين.. بس خبريني النقطة اللي تبون تطرحونها على طاولة التقاش.. في بنات طرحوا موضوع الوظيفة وبدؤا النقاش.. نبدأ بالوظيفة ولا شو؟؟؟

لاااااااااااااازم يكون الموضوع منظم يابنات..

سلام:bye1:​

 

[اسيرة الايام]

سامحوني انا اللي سويت اللبطة بالنسبة لترتيب المواضيع!!!!!!!!!

نبدا بمووع الوظيقة

وبعيد بالجنس
لان هالمشكلة تاعبتني

 

[بااتشي]

مبروك التجمع الجديد وعساكم القوة والله ييسر لنا كلنا ونحقق النصر ف الحرب
هههههههههههههههههههه

 

[المهاجره]

مبروووووووووووووك الافتتاح

والمهاجرة الشخص المناسب في المكان المناسب
وانا :blushing:مدري اقدر انظم لكم ام لا؟؟؟
انا خطيبي جنوبي غربي وزواجنا ما تحدد وخطوبتنا للحين في خطر :sad_1:​

المهاجرة الحمد لله على السلامة وعساج على القوه :clap:​

الله يبارك فيك حلا ويسلمك
وشكرا عالاطراء واخواتي ما بيقصرون
والله يرزقك اللي يستاهلك

 

[زهره غير]

ممكن تقولون لي كيف التعامل مع الجنوبي الشرقي ماشوف احد يكتب عنه عطونا شوي اهتمام

 

[المهاجره]

السلام عليكم ورحمة الله وبركاته ... والله انا إحترت زوجي جنوبي غربي ولا شرقي...​

أنا شايفته ياخذ من جميع الأنماط....بس أنا بدات أعرف من خلال قراءاتي لكم ...بس حابة ​

اتاكد..وبعدين أقرر أتابع ولا لا...​

عزيزتي... هل الجنوبي الغربي شخص عنيف.... يعني زوجي مثلا...دايما أقول له ياسلااااام عليك ​

لماتكون هادي تكون أفضل رجل في العالم... لكن لما يعصب يخوف...يمكن تربيته والظروف اللي مر فيها لها دور...​

كيف أقدر أتعامل مع عنفه وعصبيته..​

قد يكون زواجك متوازن
لانك تقولي ماخذ من كل الانماط
يعني هو يعرف عيوبه ويعالجها
لكن لما يعصب يطلع المستخبي يعني الطبع الاصلي
(الطبع يغلب التطبع)
لكن الجنوبي اذا غضب لايصدر صوتا عاليا كالشمالي او الشرقي
لكنه يظهر افعالا تبين انه غضبان ممكن تتجاوز الحد المعقول
على حسب الحاله يعني الشئ اللي معصب علشانها
زي التكسير في الاثاث او اقرب شئ عنده
وانت قلتي نقطه مهمه وهي التربيه
طريقة انتقام او غضب الزوج فعلا تاخذ من التربيه
فمثلا من كان مسؤول عنه لما كان صغير
ابوه او اخوه او عمه او اي ولي
المهم
انهم لهم اسلوب في العقاب ولابد انه كان يؤلمه
وهنا لما يجي يغضب
فهو يغضب بنفس الاسلوب اللي كان متعود يشوفه
واحيانا يكون العكس
بسبب كرهه لاساليبهم فهو يتجنبه لمن يحبهم
لانه يكره الصوره اللي كان متعود يشوفها فيهم
وهذا الشئ نابع من حساسيته
لكنه سيتبع اسلوبهم عند التطرف:dunno:
طريقة التعامل معه
هو الصمت
لايجب ولا يحبذ النقاش وهو في هذه الحاله
لانه سرعان مايعود لطبيعته الهادئه ويندم

 

[المهاجره]

ممكن تقولون لي كيف التعامل مع الجنوبي الشرقي ماشوف احد يكتب عنه عطونا شوي اهتمام

لييييييييييييييه:dunno:
ملف الجنوبي الاول(رابطه موجود في الصفحه الاولى)
كله للجنوبيين الغربي والشرقي
لكن هنا حددوا لنا الغربي
ممكن تراسلين احلا تفتح موضوع تجمع مستقل للجنوبي الشرقي
مع اني ما اشوف فيه داعي التفرقه بينهم بشكل كبير

 

[مشاااارق]

ممكن تقولون لي كيف التعامل مع الجنوبي الشرقي ماشوف احد يكتب عنه عطونا شوي اهتمام

عزيزتي في ملف للأخت صمت الشوق عن الجنوبي الشرقي

 

[المهاجره]

هلا وغلا فيك يالمهاجرة نورتي ياقلبي والف الحمدللة على السلامة ويارب اللة يقدرني اتناقش معاكم واطرح مشكلتي بعد مع زوجي الجنوبي لان وقتي ضيق لي عودة يالحبايب :bye1:

يا هلا بك اختي قلائد والله يسلمك النور منكم حبيبتي
وياهلا بك باي وقت لاتتأخرين علينا
صحيح العيد جاي بس قبل تروحون للسوق مروا هنا وتناقشوا:msn-wink:

 

[المهاجره]

السلام عليكم ..​

شحالكم زوجـــات الجنوبــي الغربــــي الكسول:detective2:؟؟ ​

"المهاجرة"..:cupidarrow: مبروووك عزيزتي المنصب الجديد.. وانتي قدها وقدووووود والله.. أنا أؤيد ترشيحك وبقوووووة للكرسي هذا ...لأنك محللة ممتازة جداً .. فاهمه البوصلة عدل ماشاء الله.. ​

وأشكر نداءاتكم انتي وحبيبتي اسيرة الايام والغالية A7la .. ان شاء الله أكون عند حسن الظن.. ونفيد ونستفيد من الاخوات الكريمات.. أنا هالفترة ما ادخل المنتدى كثير بسبب الحمل:crazy: لكن راح اكون متواصلة بإذن رب العالمين.. ​

بس كأنه الملف مو مرتب .. يعني مو شرط البنات هم يقترحون موضوع معين.. ممكن انتي تختارين نقطة معينة تحسين انها بتفيد اكبر شريحة من زوجات الجنوبي الغربي.. وتطرحينها بالخط الكبير الملون كبداية للموضوع.. والافضل تكون فيه اقتباسات لها علاقة سواء من مقالات ناعمه او من قصة برود ومطر لأنها جداً مفيدة.. بهالطريقة بيكون الموضوع منظم ومفيد للجميع..
واذا تبين أساعدج في هالمهمة.. حااااااااااااضرين للغاليييييين.. بس خبريني النقطة اللي تبون تطرحونها على طاولة التقاش.. في بنات طرحوا موضوع الوظيفة وبدؤا النقاش.. نبدأ بالوظيفة ولا شو؟؟؟​

لاااااااااااااازم يكون الموضوع منظم يابنات.. ​

سلام:bye1:​

يا هلا والله باختي الغاليه دمووووعه
وأخيرا طل القمر
لا لا هذا مو منصب ولا كرسي
انا قلت لكم من البدايه انا مجرد فتحت الموضوع
فلازم كلنا نتشارك
ماابغى يكون فيه تركيز على عضوه معينه
وانت مميزه في ترتيبك وتنظيمك وردودك
واطلب منك وليس امرا
مساعدتي في الملف:shiny:
وانا كنت برتب الاسئله
بس امس نمت والجهاز مفتوح
والا ناويه اجمع الاسئله وانزلها مره وحده وكل وحده تجاوب من خلال تجربتها
بس اذا انا طرحت نقطه اخاف اتأخر عن نقاط اللي البنات يبونها ومتحمسين لها أكثر فيملون
احسن شئ كلهم يساهمون وناخذها حبه حبه:icon30: