ملف خاص لزوجات الجنوبي ((لمن ارادت تغيير حياتها )) لليوميات

[صمت وخجل]

الاستاذه نسيم ماشاء الله بدايه حلووووووووووووووووة يارب تووواصلي على هالاسلوب الحلووووووووووو​

 

[عبير الظهور]

عندي مشكلة وعايزة حد يحلها
حماتي تعبانة ومحجوزة بعيد عن البلد زوجي قال انه هيروح بيت مامته علشان يحرسه وسابني عند اهلي حتى الان لمدة اسبوع واحنا لسه مكملناش اربع شهور قولولي لعمل ايه

 

[اشتاق لك@]

انا صحيت 7الصباح
لقيت الجنوبي صاحي
افطرنا وهو رجع نام
انا جلست على النت شوي
بعدين قمت اخلص شغل بيتي
من غسيل ترتيب مسح سيراميك
شفت رسوم متحركه سالي على سبيستون احبها كثير
بعدها صليت الضحى وجلست استغفر واذكر الله واحمده على نعمه
بنتي ماتفطر اعطيتها حليب وهي نايمه
وصحيتها وبعد شوي بغديها واغدي ابوها
بإذن الله راح اقرأسورة البقره اليوم
بالنسبه للجنوبي لي شهر اطلبه اروح اللسوق جيب اغراض ضروريه
يقول بكره بكره
ومدري متى يجي بكرا الجنوبي
ان شاء الله انه اليوم
راح احاول اطلبه لعله يوافق
وراح اوافيكم بتفاصيل باقي يومي بإذن الله اذا كان حافل
اما اذا مادخلت اعرفو ان الجنوبي قال لي بكره بكره واكون منقهره ومالي خلق

 

[om.saarah]

انا ان شاء الله راح اكون وياكم

ام عبدالعزيز ماشاء الله عليج والله والله يهدي زوجج ويبعده عن بنات الحرام


عيون بو سلطان انا نفسج عيبي العصبيه والصوت العالي المشكله صوتي نبرته عاليه حتى وانا اتكلم شوي شوي

بقول لكم عني بما انها اول مره انا جنوبيه شرقيه وزوجي ج غربي فيه كثير من الصفات الي ذكرتوها

وحاولت وعدلت فيه وايد وراح اذكر لكم كل شي بس المرات الجايه لان الحين مافي بالي شي

عقدتي وياه الحين الفلوس انا من تزوجته قنوعه ولا اطلب منه شي وطبعا عزه نفس ولانه ماكان عنده

الحين الحمدالله راتبه كويس بس ماعنده ترتيب ويعطي اهله وانا ماعندي مشكله بس احاول وياه يحدد مبلغ معين يخصصه لهم

لاني رتبت له راتبه واقنعته بنضام معين ارتاح له وايد كان المفروض هالشهر نروح الشرقيه اشتري ملابس العيد
لكن بما ان اهله مسافرين عطاهم واخوه معتفس وياسيارته عطاه وتاجلت الامور الخاصه فينا

احس اني متخربطه شلون اوصل لكم الوضع لان فيه تفاصيل وايد وانا متحمسه لكن المرات الجايه راح احاول قد ماقدر
واذا فيه اساله علشان تفهمون وضعي اكثر انا حاضره

 

[امل هاني]

مرحبا انا اليوم احس بالوحدة القاتلة

راح زوجي الداوم بالليل وصحاني الصبح الساعة ستة علشان يجيب فطور ..وبعدها فطرنا وقام هو يتفرج شوي تلفزيون وانا بعيوني النوم هههههههههههههه

وبعدها طلع نام وانا معه شوي وصحيت وقمت كملت اشغالي وطبخت الغدا وهو مازال نايم لانة امس صحي من حالة وقلت له كنت بصحيك قال ليه انا ابغى اصحي العصر

انا فكيت عيوني بس سكتت كله علشان داومة سهر بالليل ياحبة للنوم

وللحين اانا لوحدي اهي اهي

والمهم انة بقوم يتغدا وبعدها يجلس يتفرج وهيك روتين مرررررة متعب انا بحاول اني اخرج شوي معه خارج البيت

ودعواتكم

يوم وحيد لامل هاني

 

[capationo]

الأخت أم عبدالعزيز ...
من تجربتي ان الجنوبي غيوووووور على محارمه وزوجته خصوصا ..
اقعدي معه جلسة وذكريه بين فترة والأخرى قولي ليه (( دق~ّة بدق~ّة ولو زدت لزاد السق~ّا )) ذكريه بقصة هذه المقولة (( ان لم تعرفيها اكتبي في قوقل وستظهر لك والا سأكتبها وقت فضاوتي باذن الله )) وقولي له الع~~ِرض يعجل الله بعقوبته في الدنيا قبل الآخره ىحكمة منه سبحانه واللي يدق باب الناس يدقون بابه مهما جرى ومهما صار واحلفي له ،، لما تكلم احد غير محارمك ربي بيسلط احد على محارمك طال الزمن والا قصر تعديت على احد ربي يسلط على محارمك وهكذا .. فك الله كربك وازال همك الله يهديه ياااااااااارب وجميع رجال المسلمين ... ​

 

[دمعة سحاب2]

مرحبااااااااااا يا نساء الجنوبين...

بما إن الجنوبي تبعي مسافر بدورة..انا مخيمة عند اهلي......واعجبني الملف هذا للتجديد والتغيير....
لاني احاول استغل وقتي قدر الامكان واجدد من نفسي وذاتي وشكلي من كل النواحي....فررررصه...

واذا رجع ان شاء الله بنوافيكم بالاخبار..

((للغالية ام عبد العزيز)) لاتواجهي الجنوبي مهما حصل...
فينفر منك...ويقسو عليك....تعالي معاه بطرق ملتوية لتوصلي لغايتك.....
واذا النية لله فتأكدي ان ربي مابيردك خايبة

 

[hmas]

الجنوبي وماأدراك ما الجنوبي
فيه صفات كثير حلوه ولكن ..........
فيه صفات تقهرررررررررررررررر
في بداية زواجي واجهت مشاكل كثيره
كنت أعاني من الأصدقاء بشكل فضيع أصدقاءه هم كل حياته
في البدايه كنت اعصب إذا سفهني وراح لهم وماجاء الا قرب الفجر
لدرجة اليوم اللي خلصت الأربعين جاء يأخذني من بيت أهلي الساعة 2:30
بعد ماخلص من السهره معاهم >>> ومن غبائي رحت معه المفروض اسفهه وأنام
المهم الحمد لله قدرت أغيره بشيء واحد فقط هو .........
التطنييييييييييييييييييييييييش
يوم طنشت سهره وأهماله وصرت أحسسه اني مشغوله مو فاااااضي له
بدأ يقعد >>> بيعرف انا مشغوله بأيش
صدقوني ياحبيباتي
لا تحسسين الجنوبي أنك متضايقه من تعلقه بأصدقاءه أوأهله وصدقيني يبدأيتغير شوي شوي
ولي عوده أكمل

 

[وااااو لوعه]

اما انا بالمره مو مرتبه حالي كلي معفوسه احس تعبت من هالحال ابي اغير وضعي بس ارجع مثل ما انا
انا حامل بالشهور الاولى عشان كذا مالي خاطر بشي ونفس الوقت مابي ريلي يروح من ايدي احس وقتي كله نوم ابي اغير روتيني ومابي اقصر ويا ريلي اتمنى حد يحطلي جدول واستمر عليه

 

[om.saarah]

شوفي يالغلا انا مثلج حامل ومالي خلق بشي واهملت كشختي حيييييل

لكن حاولي تعوضين بالحنان احضنيه دوم وفهميه وضعج كحامل اشرحي له كل شي عن نفسيتج

لاتخلينه جذي لان بعض الرجال مايعرفون او ينسون دوم وانتي في حضنه قولي له حياتي ترى انا خاطري اكون مثل قبل بس الحين تعبانه وتعرف الحمل متعب

ومرات قولي له معليه تسوي لي ريلي وايد تعورني خليه يحس فيج

اول مايجي من الدوام استقبليه بابتسامه سوي له مساج بسيط لريوله وراسه بيستانس حيل

اهتمي فيه بالي تقدرين عليه اهم شي خليه ينكسر خاطره عليج ويرحمج لان الجنوبي حنون

 

[وااااو لوعه]

تسلميلي يا ام ساره بحاول

 

[أنيقة]

من تجاربي ليلة أمس ...

كان فيه برنامج على قناة بداية اسمه ( بوح بنات ) وكان فيه الدكنور خالد الجبير وكم واحد معه ويتكلمون
عن المرأه وانها فتنه واللي تتعطر عطر يفتن الرجل ويشمها رجل غريب زانية وبعدين دخلوا على موضوع فيه اولاد صغار ماكنأهم صغار كأنهم رجال بتفكيرهم يفصلون جسم المرأة ..و و و و ........
والله يابنات بدون مبالغة زوجي متسمر أكلمه في عالم ثااااني انقهرت وراح تفكيري انه قاعد يتخيل ووووو ..
قلت له غيّر القناة مارضي قلت له لو ماغيرت بفصل التلفزيون ولا غيّره وقمت وفصلته ..
هو زعل وقال ليش ايش فيها تراه حتى هو رجال ومعه رجاجيل قلت له البرنامج برنامج حريم انت شتبغى ؟؟
تقيمي لتصرفي <<<< غلط غلط غلط
التصرف الصحيح : المقروض غيرت القناة بشطارة مو بتهور ..​

هذا الموقف البارز ليلة البارح واللي استفدت منه ولالالالالالالالالازم أغير نفسي وبدون تهور (-: ​

مرحبا ^^

انا حابة اعطيج وجهة نظري في موضوعج بناء على خبرتي في التعامل مع الجنوبي..
اول شي.. الشيخ خالد الجبير من اروع واقوى المشايخ في الاسلوب والاقناع بالامور الشرعيه مثل ماتدرين.. وحواره مع اللي كانوا معه اكيد كان جذاب ومؤثر جداً.. المفروض كنتي لما شفتي زوجك مندمج وفي عالم ثاني.. تمسكين الريموت و (تعلين ع الصوت ) مش تغيرين القناة وتهددينه انك تفصلين التلفزيون!!
ابدا زوجك ماكان يتخيل اللي كنتي تظنينه.. كان يتعلم ان اللي يشوفهم بالاسواق متعطرات يعني زانيات.. والمتبرجات مايخافون من الله.. وسخفيات جدا ومالهم اي قيمة لدرجة ان حتى الولد الصغير يفصفص في جسمها.. وبكرة لما هو يصير لها هالشي ويشوف هالاشكال.. ويشم وحده متعطرة يعوفها خاطره بسبب اللي سمعه وتعلمه عن هالفئه من البنات.. يمكن يطالعها لانها لافتة انظار كل الشباب مو بس هو.. لكن في داخله يحتقرها ويعتبرها ارخص من التراب..
هذي كانت ثقافة دينية زوجي وزوجك وكل الأزواج بحاجة لتوعية اسلامية فيها.. المفروض اساعده واعينه بطريقة غير مباشره اللي هي مثلا هالبرنامج! كانت فرصه جميلة انك تعاونينه على الخير.. لكن الحركة اللي سويتيها راح يفسرها زوجك بواحد من الاثنين : اما انه مش فاهم انتي ليش سويتي هالشي.. (او) .. انك تغارين من هالبنات وماعندك ثقة في نفسك!! وفي الحالتين انتي الخسرانه..
المفروض يكون عندنا وعي أكبر.. وفهم أعمق للأمور هذي.. صح يا اختي ؟ ^^

وبس..

 

[وااااو لوعه]

والله مقهوره حيل تعبت من خيانه زوجي والحين متعرف ع وحده قولولي كيف اتصرف تعبت تعبت ومنهاره كل ما يرجع م الدوام يجيه مسج كل يوم كل يوم
وشكيت فيه ماقدرت اصبر قلت لازم اتأكد وتأكد يمه تعبانه دلوني ع الصحيح

 

[الدنيا صعبة]

اليوم صحيت متاخرة الساعة 12 في الظهر ..>x
اول ما صحيت قمت مبتسمة ورحت غسلت وجهي ودخلت الحمام الله يععزكم
بعدين ششربت موية عشان مرة كويسة للبشرة عالريق ..>نفذت رقم واحد
والعنايه بالبشره والشعر
ما شا الله طول ماني اقعدة مبتسمة ..>نفذت رقم اثنين
الواجب هو ان نجعل الابتسامه شعااااارنا
وتنويم الاطفال مبكرا
ما عندي اطفال لسى في الطريق:7:
انا نهتم بتاديه الفروض بااوقاتها وكل يوم قراءه ولو صفحه من القراءن
بصراحة قصرت في ده الواجب وما صليتها في وقتها وبعد شوي بقوم اقرا قران
ان نبدا بنظام غذائي صحي والمشي نص ساعه
مشيت واكلي كلو تمام الحمد لله
وممنووووع منعا باتا تفتيش اي شئ يخص الزوج
الحمد لله طول عمري ما فتشت اغراضو
وممنوع ان تسالو الزوج متى راجع ووين رايح
ما عمري سالتو..
وزياره اهل الزوج بالاسبوع مره ومن تريد ان تزيد
بغيت اسالك ..
انا اهل زوجي ساكنينن فوقي ودايم نقعد سوا في الحوش لازم ازورهم في بيتهم ؟؟
ولا عادي بس المهم نتقابل؟
ويوميا الساعه 9 مساء نرسل رساله للجنوبي (الرساله راح تكون متفق عليها )
ان شا الله رح ارسل الرسالة اللي قلتي عليها..
وبعد شوي بقوم اصلي العصر وادلع نفسي بشور خفيف وبسوي حلى المارس وقهوى
اشوفكم على خير

حبيبتي صمت وخجل اعذريني كتبت يومياتي من بدري لانو احتمال كبير انام بكير اليوم وما اقدر اكتب
فخفت لا تعاقبيني او انحرم من هاللمة الحلوة فقلت خليني اكسبها مدام اني فاضية
بالتوفيق​

 

[صمت وخجل]

انا حابه اذكركن هون لليوميات في ملف ثاني لشكاوي والحلول ارجو منكن الانتباه ​

 

[صمت وخجل]

الدنيا صعبه ماشاء الله عليك ربي يبارك فيك ويخليك دوووووم هيك يارب ...
ننتظرك غدا مع يوم احلى ​

 

[أنيقة]

صباح الخير للحلوات بقولكم ويش صار معي من البارح حتى اليوم طبعا البارح كنت تمام التمام اضحك واتكلم ومبتسمه لحد مادخل زوجي على المسن يكلم عشيقته واقول هذا الكلام ورجاء لاحد تدعي على زوجي بس ادعوله ربي يهديه ويبعدها عنه طبعا انا شلت نفسي وخرجت من الغرفه وشلت اولادي معي واخذت جواله عشان اكلم صديقتي لان جوالي مافيه رصيد ودايما انا اكلم من جواله لاانه فاتوره المهم وزني الشيطان وخلاني افتش فيه وطبعا لقيت الحبيب راسل لها رسايل كثير واتصالات طول اليوم ومهمل شغله هنا جن جنوني وقلت يابنت اسعيذي من الشيطان وقعدت اقر وردي لحد ماخلصت وبعدين دعيت الله انه يلهمني الصواب ورحت لعنده وقلت له دام انك تكلمها براالبيت لاتكلمها وانته في البيت اقلها احترمني وحس فيني انا انسانه عندك وسكت وماقال شي ورحت وخليته بعد شوي جاني ويبغا يحضني قلت له بعد مني الحين باسني وبعد ونام لحد الفجرصحيت متاخر بسبب الاولاد ماخلوني انام قمت اتوضا لقيته جاي وراي ومعه البنت الصغيره انا رحت اصلي وهو توضاء وانا خلصت الصلاه دخل الغرفه وشافني ادعي بعد ماخلصت جاء حضني وقال خلاص لاتزعلي نفسك لايرتفع الضغط عندك حضني ماكلمته الولد الصغير كان يبكي رحت انيمه وهو صلى ونام في مكانه وبعدين صحي وباس الولد وراح وانا كملت نومي صحيت على عشره رحت صليت الضحى وبعدها حطيت قناع في وجهي واسترخيت وبعدها قمت جهزت لي فطور وفطرت صحيو الاولاد فطرتهم ودقيت عليه اساله على شغله واتكلمت معه رسمي وقعد يقول لي انسي الي صار قلت خير وجلست اكتب لكم وانتو شورو علي

اختي انا حابة اقول لج وجهة نظري في قصتك..

زوجك يبغاله كلمة قوية شوي.. مو وحده مجروحه وتتكلم برسمية.. لما تتكلمين برسمية انتي تبينه يحس ع دمه ويتغير.. لكن هو يحس انك متخليه عنه..!
اول شي مو المفروض تقولين له (كلمها بره البيت واحترمني داخل البيت).. معنى كلامك بالنسبة له (كرجل) يعني تكلم وحده وثنتين وعشر ماعندي مشكلة.. ومو فارقة عندي.. مدام انك تكلمهم من وراي.. بس قدامي خلك رجال محترم!

لازم تكون وقفتج اقوى من جذي اختي..

قبل ما تطلبيت منه قطع علاقته فيها نهائياً لازم انتي تجذبينه تجاهك.. اشتغلي على علاقتج فيه.. طهري قلبج من كل الاحقاد ولاتخلين فيه إلا حب الله ورسوله.. وحطي في بالج ان حسن التبعل لزوجج ومحافظتج عليه من باب حبك لله وسعيك لرضاه..
والاخ.. لازم يعرف انج ماترضين وحده ثانية اتشاركج فيه.. وخليه يعرف انك ممكن تسوين اي شي عشان (تقلعيها) من داخل بيتج وعايلتج.. انتي صاحبة هالبيت.. وانتي الملكة فيه.. وانتي زوجة هالرجل.. ومشاعره ملك لج انتي ..حلاله.. مش بنات النت الفاضيات التافهات..
تمسكي في زوجك وحافظي عليه ولا تستسلمين.. ادري ان الموضوع جارح.. والخيانه جرحها مؤلم.. لكن اول شي هو مو فاهم ولا حاس بجرحك.. والانهزام راح يدمر نفسيتك اكثر.. بينما لو كانت لك قوة شخصية وشاف بعينه كيف انتي محافظة عليه وتبغينه فراح تقدرين تأثرين عليه بإذن واحد أحد..

 

[capationo]

الأخت ( أنيقة ) جزاك الله كل خير وجعل ماخطته اناملك في ميزان حسناتك ،،
لم ارى الوجه الذي ذكرتيه في رأيك ، غيرة النساء تغلبت علي (-:
أصابت أنيقة و أخطأت .. جزيت خيرا ..​

 

[om.saarah]

صمت انا كنت حاسه اني مخربطه ممكن ولاعليج امر تعطيني رابط موضوع الشكاوي والنقاش

وان شاء الله احط يومياتي لارجعت من عند اهلي

 

[ام صبا الاموره]

رد لأم عبالعزيز 33

لاتطولي الزعل لان مارح يطول برضاك
بس راح يحس علي دمه ولا راح يبين لك