مــــــــــابي ألبس نقاااااااب !! ادخلوا وحلوا مشكلتي !!!

[صدى صمتي]

السلام عليكم أعضاء مملكة بلقيس ..
بكتب لكم موضوعي ومشكلتي مع خطيبي الجنوبي الشرقي ,, ومع اهله الي احسهم واااايد ( كثير افسر الكلمات باللغة البحرينية يمكن ماتفهموا لها :bigsmile معقدين ومختلفين في افكارهم معي ,,, انا جنوبية غربية او يمكن غربية جنوبية ..

انا عمري 21 سنة وهو عمره 28 سنة يعني الفرق 7 سنوات .. انا واايد رومانسية واحب الهدايا والرومانسية وهو كلششش !! ابد مافي هدايا مافي مسجات مافي شي ويظل في الشغل من 7 الصبح لي 7 بليل ولا يفكر يمرني او يسأل عني وعشت فعلا في حاالة نفسية !!

خطوبتي صار لها الحين 10 اشهر .. من البدااية حسيته ان اول شي مو معجب في شغلي الي يكون في المستشفى واني احس ان شغلك كثير فيه اختلاط وانا ما حب زوجتي تكون في اختلاط .. حسيت ان مايبيني وحسيت فعلا بنقص .. ومرة كنت رايحة بيتهم مسوية له مفاجأة حضني وقااال خلاااص ماراح اتركج !

بعدين صار لي موقف مع امه الي كنت اعزها وااايد واحسها اطيب انسانه في الدنيا .. كنا طالعين وياها انا وزوجي رايحين وياها المستشفى وفي الرجعة فتحت سالفة لسالفة لين ماقالت .. : ذبحنا (( الي هو زوجي )) على ماحصلنا له زوجة كان اول شي ان يقول ان لازم يبي ياخذ وحدة تلبس نقااب وهو الي لبس خواته النقاب وظلينا ندور له وحدة ويقوول لا ماتعجبني انا مابي هذي .. لحد ما كلمته وقلت له ان خذ لك وحدة ماتلبس بعدين لبسها وعطيته امثلة لبنات كانوا مايلبسوا نقاب ولبسوا لما تزوجوا !
انا انصدمت وحسيت انها كانت تنغز لي وقلت لها بس اهو ماقالي من قبل جذي .. لتسألني امه عشان بعدين ترفضينه .. قلت لها لاا يمكن اهو يرفضني اذا قلت له اني مابي البس !

مادري حسيت اني كرهتها:icon28: وحسيت لها انها افعى ومهما صار انها بتكون لي ام مثل ماتخيلت .. لاني فاقدة امي من كنت صغيرة من عمري 7 سنوات !! الام مستحيل تتحصل :tears:

عقب قام يقول ان لازم يبيني البس نقااب .. وانا كلش مو من النوع الي يلبسوا نقاب ولا شغلي يسمح لي وخصوصا احنا اهل البحرين منتشر بينا ان مانلبس .. ومابيك تلبسي هذي العباية الي على الكتف !

كنت كلا اصااارخ واقوله لاتدخل فيني .. هذي حياتي الخاصة .. ساعات اكلمه بهدووء ... انا عصبية كثير لان قصة حياتي الي هي طويلة ماقدر اقولها خلتني واايد حساسة وعصبية ..

بعدين حسيته مو مرتاح لي .. مو مرتاح ان يطلع وياي .. ولا نروح مكان احسه يتلفت يمين ويسار ..
بسبب ان ماعلي نقاب ..

عقب قلت له بلبس خلااص ولبست النقااب .. بس حسيت روحي اكذب على نفسي لاني اصلا مو مقتنعة من هالشي واذا اشوف احد من اهلي او ربعي افصخه لان استحي ان يشوفوني فيه .. تغير كثييييييير وصار يحبني يحبني ويعطيني الي ابيه !!!

وساعات احس روحي اني مقتنعة في هالشي والبسه بكل اقتناع بس بعدين اشوف البناات الي كبري مستانسين في حياتهم وازواجهم مايتحكموا فيهم احس بالنقص احس اني مثل الخيمة الي تمشي ..

بكمل الباقي عقب ماشوف ردودكم وحلولكم .. فديتكم لاتخلوني

 

[ريماس الجنوب]

يابنت الحلال كلنا ما نحب النقاب ولا العبايه على الراس ؟؟؟؟؟؟ بسسسسسسسسسسسسسسسسسسسسسسسسسسس وش نسوي ازواجنا يبغون كذا ؟؟؟؟؟؟؟؟؟؟؟؟؟؟؟؟ البسي النقاب ولا تسببي لك مشكله ,,,,,,,,

 

[جلجامش]

حبيبتي في كثير بنات يلبسون النقاب عن اقتناع وهو ترا جهاد وصعب فعلا
اسألي مجرب
بس شي انتي مو مقتنعه فيه لاتسويه ..وهو لما اخذج اخذج مو منقبه..كان لازم يقول قبل لايملج
وهو اذا يحبج لازم يحبج مثل ماانتي انا هذا رأي الخاص
في نسوان يقولولج اصلا انا مايهمني غير زوجي يشوفني وتلبس عشان ترضيه
بس الحكم واضح فالموضوع ..الوجه واليد مولازم تغطى ..ماله داعي نصعب على نفسنا هالامور
اقعدي معاه على رواقه واتفقي معاه ...واذا مايبي يفهم خلي ابوج يكلمه او اخوج

 

[مسك.]

والله مدري ايش اقوول لك

مااقول الا الله يهدييييييييك ياارب وتلبسين النقااب


مو عشاان زوجك

الا عشااان ربك


لكن الله يسر لك امووورك مع زووجك ويسرك لكل خير ياارب


<<<متنقبه وفي طريقي للبس القفااازات بااذن الله

 

[**دلوعة بابا**]

مدري وش اقلك


بس نفس الكلام اللي قلتية لنا عن النقاب تناقشي فيه ويا زوجك



قليلة ابي راحتك وطاعتك وكذا


بس وش يفيدني النقاب اذا راح ياثرر ع نفسيتي انا ويشعرني بالرياء مع نفسي خصوصا انو مو مقتنعة

يعني حاوووووووووولي يتفهمك

وقليلة متى ما احس خاطري فية بلبسة

واللي يسلمك بعد التزمي بحجاب مو لافت للانظار يمكن يهدا ويكتفي فيه

والله يوفقك لكل خير

 

[شيك ليدي]

حبيبتي لبسي النقاب وسوي اللي هو يبيه وصدقيني راح يحبج ويسويلج اللي تبينه
آنه نفسج فالبداية قالي لازم تلبسين وكنت أرفض بس لين نطلع وماكون لابسة يكون مخيس النفس
ومعصب ومايلبيلي طلباتي ,,بس يوم لبست أشوفه تغير يلبي طلباتي
وحطي فبالج انه ماطلب انج تلبسين الا لأنه يغار عليج ومايبي حد يشوفج
لاتسويين مشاكل بسبب النقاب

 

[مهرة زوجها]

كوني متأكدة مية بالمية ان النقاب لا يبعد السعادة بين الزوجين بل هو دليل حب الزوج لزوجته لانه مايريد احد يشوف زوجته غير هو وهذا حقه.الاهم من ذلك انه عز للمراة ان تغطي نفسها لانها جوهرة لابد ان تخبئ نفسها لكي لا يراها من هب ودب؟؟؟وليس كما وصفتيه انك كالخيمة التي تمشي؟؟؟؟؟

 

[ز هر ة اللوتس]

الله يسعدك ياقلبي ويهديكى
خلى مثل الجوهره قدامك دائما
اذا عندك جوهره ثمينه تتركيها لناس مكشوفه ولا تخبيها عن عيون الناس عشان ماتنسرق !
الجوهره هذه انتى واللى يحميكى حجابك
تعرفين ان غطاء الوجه امر من الله سبحانه وتعالى قبل يكون طلب من زوجك !!
صدقينى ياقلبي لو امتثلتى لامر الله والله العظيم يفتحها لك ويريح بالك وتلقين نفسك مرتاحه نفسيا
بشرط لمن تتنقبي ما تتنقبي عشان زوجك لا عشان ربك واحتسبي الاجر في ذا الشي
الحجاب عبادة من أعظم العبادات وفريضة من أهم الفرائض؛ لأن الله تعالى أمر به في كتابه، ونهى عن ضده وهو التبرج، وأمر به النبي صلى الله عليه و سلم في سنته ونهى عن ضده، وأجمع العلماء قديماً وحديثاً على وجوبه

الدليل الأول : قوله تعالى : { وَقُل للمُؤمِنَاتِ يَغضُضنَ مِن أَبصَارِهِن وَيَحفَظنَ فُرُوجَهُن وَلاَ يُبدِينَ زِينَتَهُن إِلا مَا ظَهَرَ مِنهَا وَليَضرِبنَ بِخُمُرِهِن عَلَى جُيُوبِهِن وَلاَ يُبدِينَ زِينَتَهُن } إلى قوله: { وَلاَ يَضرِبنَ بِأَرجُلِهِن لِيُعلَمَ مَا يُخفِينَ مِن زِينَتِهِن وَتُوبُوا إِلَى اللهِ جَمِيعاً أَيهَا المُؤمِنُونَ لَعَلكُم تُفلِحُونَ} [ النور:30 ] .
الدليل الثاني : قوله تعالى : { وَالقَوَاعِدُ مِنَ النسَاء اللاتي لاَ يَرجُونَ نِكَاحاً فَلَيسَ عَلَيهِن جُنَاحٌ أَن يَضَعنَ ثِيَابَهُن غَيرَ مُتَبَرِّجَاتِ بِزِينَةٍ وَأَن يَستَعفِفنَ خَيرٌ لهُن وَاللهُ سَمِيعٌ عِلِيمٌ } [ النور : 60 ] .
الدليل الثالث : قوله تعالى :{ يأَيهَا النبِي قُل لأزواجِكَ وَبَناَتِكَ وَنِسَاء المُؤمِنِينَ يُدنِينَ عَلَيهِن مِن جَلابِيبِهِن ذلِكَ أَدنَى أَن يُعرَفنَ فَلاَ يُؤذَينَ وَكَانَ اللهُ غَفُوراً رحِيماً } [ الأحزاب : 59 ] .
الدليل الخامس : قوله تعالى : { وَإِذَا سَأَلتُمُوهُن مَتَاعاً فـاسـأَلُوهُن مِن وَرَاء حِجَابٍ ذلِــكُم أَطهَرُ لِقُلُوبِكُم وَقـُلُوبِهِن} [ الأحزاب : 53 ] .

قال ابن عباس رضي الله عنهما : "أمر الله نساء المؤمنين إذا خرجن من بيوتهن في حاجة أن يغطين وجوههن من فوق رءوسهن بالجلاليب" . قال الشيخ ابن عثيمين : "وتفسير الصحابي حجة، بل قال بعض العلماء إنه في حكم المرفوع إلى النبي صلى الله عليه و سلم
هذه آيات القرآن أمامك فاقرئيها.. وهذه أحاديث النبي محمد صلى الله عليه و سلم بين يديكى فادرسيها... وهذا فهم أئمة الإسلام من السلف والخلف يدل على وجوب الحجاب وستر الوجه فاعقليها . فإن كنتم جهلتم هذه الآيات والأحاديث في الماضي فها هي أمامكم، ونحن ننتظر منكم الرجوع إلى الحق وعدم التمادي في الباطل؛ فإن الرجوع إلى الحق فضيلة، والإصرار على الباطل شر ورذيلة .
واقراءِ عن الحجاب الصحيح اللى امرنا به الله كثيرا

اسال الله الكريم ان يحبب اليكى الحجاب الصحيح المرضى لله سبحانه وتعالى
محبتك في الله

 

[انا اعترض]

وساعات احس روحي اني مقتنعة في هالشي والبسه بكل اقتناع بس بعدين اشوف البناات الي كبري مستانسين في حياتهم وازواجهم مايتحكموا فيهم احس بالنقص احس اني مثل الخيمة الي تمشي


اقول لج شي اختي وما تزعلين ؟
انتي ما تستاهلين هالانسان اللي يبي يصونج ويخليج مثل الجوهره مكرمة ومعززه وهو اللي بس يناظر فيها ويتمتع بجمالها و دلالها ..
اذا انتي تحسين روحج خيمه متحركه يوم تمشين في النقاب فالصراحه المشكله مو في الريال المشكله في مدى الوعي والوازع الديني عندج ..
صحيح مو كل العلماء اتفقوا على وجوب النقاب بس للنقاب فوائد كثيره .. محد يكتشفها الا المنقبه ..

صح ريلج مو رومانسي ..
لكنه انسان غيور على عرضه .. وغيور على خطيبته وما يبي حد يشوفها غيره ..

 

[سلام سلام]

الله يسهل امرك ويفتح على قلبك وتطيعين ربك ثم زوجك

 

[إلا صلاتي]

يا حبيبتي الغالية
أنت لما تحكمين على أي امرأة أهي جميلة أو قبيحة لا بد أن تكوني رأيتي وجهها
وهذا السبب في إن ديننا يطلب منا الستر حتى تكوني كاللؤلؤة المصونة لا يراها إلا محارمها و بالأخص زوجها
وأنت لا تعلمين بنفوس الرجال لأنك امرأة
فنصيحتي إليك غاليتي
أن تغطي وجهك وتتستري بكل ما تحمله الكلمة من معنى وليكن هدفك الأول هو رضى ربك ( وسترين كيف يرضيك ويرضي جميع البشر عنك )
والهدف الثاني طاعة زوجك
واحتسبي الأجر في ذلك وليكن عملك خالصا لحبيبنا الله لأن الدنيا مهما طالت فهي قصيرة
فلا تبيعي رضى الله براحة سويعات!!!
أرجو أن لا أكون أطلت عليك
و أتمنى أن تقتنعي بكلماتي لأني والله أحببت لك كل خير و أهديتك هذه الكلمات من قلب محب
أسعدك الله في الدارين.​

 

[AUDI]

الله يهديك ويصلح حالك ويسخرلك زوجك ويرزقكم الذريه الصالحه ,, ويحبب لك الحجاب والنقاب والحياء والحشمه ...

 

[مودعة الحب]

لوكنت امر إحداكن ان تسجد لغير الله لأمرت المرأة ان تسجد لزوجها
واختي اللوتس كفت ووفت
شوفي المكان الرخيص في جسمك وافتشيه والغالي وخطيه رح تلقين انك جوهرة مو من حق الكل يشوفها
تقبلي مروري
رمضان كريم

 

[مشاعر متفائله]

اختي لي عليك بعض العتب ليش تحسي نفسك خيمه تمشي كثير يلبسوا النقاب ولا يحسو بمثل ماتحسي لأن الوحده تستشعر انه امر من الله تعالى
صحيح ان حكم تغطية الوجه امر اختلف فيه العلماء لكن لم يصفه احد بانه خيمه الا ماكان من بعض الكفره عندما وصفوا الحجاب بانه خيمه
اختي الحبيبه البسي النقاب حتى يرضى عليك الله اولا ثم زوجك ولا تلتفتي لمن هم في مثل سنك اذا كانوا على خطأ
خلي ثقتك في نفسك قويه وتقدري تستمتعي بحياتك وانت منقبه ايش المانع
اسأل الله ان يكتب لك الخير ويوفق بينك وبين زوجك .

 

[غربة طموح]

السلام عليكم و رحمة الله وبركاته


أختي الغالية ..... كثير من تجاربج انا مريت فيها و اعرف شنو احساس بالضبط

أتمنى أنج تقرين كلامي و انتي متأكدة اني اكلمج بصدق والله الشاهد

أولاً: بما أنج يتيمة و فاقدة لحنان الأم .... صدقيني لا اتخلين الشيطان يخرب علاقتج مع أمج الجديدة ( أم زوجج)

و دايما فسري كلامها تفسير طيب و لا يوسوس لج الشيطان بالتفسير الخطأ

قال رسول الله ( التمس لأخيك المسلم سبعين عذراً ) عطيها الفرصة مرة و مرتين و ألف .... صدقيني لا تضيع منج الفرصة ان تكون لج أم .... كل الرجال يحبون ان تكون العلاقة بين أمهاتهم و زوجاتهم مثل السمنة عالعسل ...

اذاً اضربي عصفورين بحجر واحد .... رضا و حبة الزوج و أم حنونة و طيبة


ثانياً: أختي ... فكرة النقاب ليست بهذا السوء اللذي تصفينه و صدقني اذا انتي ما اقتنعتي فالنقاب عمرج ماراح ترتاحين فيه

اختي ...

حاولي تحبين النقاب

ضعي أفكار تحببج فيه مثلا ( الأجر و المثوبة - الستر - الاحتشام - الوقار - الاحترام - طاعة الزوج)

اصرار زوجج على النقاب دليل واضح على غيرته و احترامه لج .... احمدي الله على هذه النعمة ( كثير من النساء يشتكين من عدم غيرة الزوج و عدم اهتمامه )


بالنهاية محد عاجبة حالة .... قولي الحمدلله و الشكر على النعمه ... و لا اتكبرين الموضوع يا غالية

كل الافكار السلبية اللي شرحيتها بخصوص النقاب ... تزيد من سلبية حياتج و عصبيتج و مشاكلج مع الزوج

الافكار الايجابية لا تكلف شي و لها تأثير مثل السحر بفضل الباري عز و جل

عزيزتي .... اخذي نصيحة أخت

ادعي الله أن يهدينا و اياك ... و من ترك شئ لله عوضه الله خير منه

اجعلي التزامك باوامر الزوج و الرضا بالنقاب لله و طلبا لمحبة العزيز الجبار

و ثقي بالله أنه لن يخذلك أبدا ما دامت هذه نيتج

اتمنى ما تكونين زعلتي مني

 

[الجواااان]

قمة السخاااااااااااااااااافه اذا شافك احد لابسه نقاب تستحين ليه الاحتشام وستر المراه فيه حياء حبيبتي انتي ماخذه الامور انك اذا لبستي النقاب مو كشخه لا عمري بالعكس انتي بكذا تصونين نفسك وزوجك مالبسك النقاب الا خوفه على محارمه وهذا فعلا رجل بمعنى الكلمه وخاصه انه ملبس اخواته النقاب وبعدين مسالة بنات البحرين مايتنقبون انا كذا مره رحت للبحرين الا مو يتنقبون وبس الا يلبسون عبايه على الراس وقليل اللي تلاقينها كاشفه لاني اشوف ذا الديره كل سنه غير عن قبل من ناحية الحجاب ...اختي صوني نفسك وعفافك قبل لاياخذ روحك ملك الموت وتتندمين

 

[أم ذياب89]

اخواتي ماعرف بعض

 

[أم ذياب89]

خواتي ماعرف ليش بعض الاخوات يسون سالفه ع كل شي


الاخت طلبت رايكم ليش كل هذا تهجم عليها



الاخت ماقالت شي عشان هذا كله



الدين دين يسر


ليش كل شي عندكم تسونها سالفه




الغاليه الواحد يوم يبا يسوي شي يسويه عن قناعه



اهم شي اتكونين محتشمه ف حجابج



خلاص اذا ماتبين تلبسين نقاب البسي الغشوه هذي زينه محتشمه اكثر




حاولي تتأقلمين ويا الوضع شوي شوي




ف وايد بنات مايلبسن نقاب وحجابهن ماشاء الله عليه



اهم شي يكون حجابج ساتر



الله يوفقج الغاليه


يسرج امورج يارب


السموحه منج

 

[دونيا123]

الله يوفقك ويهديكي
بدل هوكويس معاكي ليه ماترضيه؟؟

 

[يعشق هواي]

عندما امد إليك حلاوة مكشوفه وحلاوة بغطاء فأيهم تأخذين بالتأكيد ستختاري المغطاة لأنك ستشعرين انها نظيفة ولم يمسها شئ لاوسخ ولا ذباب ولا غيره


فهمتي ماأقصد

أتمنى ذلك


ولا تنسي ان الحجاب والستر أمر منزل من الله تعالى