مشكلتي هي خطيبي

[انصااااريه وبس]

عزيزتي اهم شي تكوني انتي مقتنعه فيه

مو اخته ولا اهلك واذا كنتي مو مقتنعه فا انتي الأن ع البر قبل ما تتزوجي ويجيكم عيال

شوفي نفسك وانتي ادرى:bigsmile:

 

[آلماسهـ]

حبيبتي محرومه من زوجي

انا اللي قالوه اهلي و اللي سألو عنه انه حريص على الصلاه و أنه عنده حس المسؤوليه

و سالفة المسجات مؤرقتني ما اقدر اكذب عليه مع الوقت اخاف يكشف كذبتي .. فكرت اخبر امي بالسالفه و اقولها اذا صار شي و سألني على اساس اني طلبت المشوره منج ..

على العلم خالاتي و عماتي يصرون دايما انهم يكلمون خواته الكبار و ياخذون رقمه عشان انكلم بعض و امي اذا قلت لها بتتفهم الوضع و جي بس انا ما ادري ليش ما ابا هالشي .. احس بالخوف و بعدين ما اعرف كيف اكلم رجل غريب عني .. اللي فيه الخير ربنا اييسره ..

و ربي يرزقج باللي قلبج يتمناه حبيبتي

 

[آلماسهـ]

انصاريه و بس

ما ادري ليش حبيبتي انا مب مقتنعه للحين .. احس في شي غلط بالسالفه
خاصه اني اسمع دايما المشاكل اللي تصير بين اهل الزوج و الزوجه .. و اخته هاذي دايما تقول لي اذا تزوجتي اخوي لا تغيرينه علينا تراه يموت فينا ما نباه يحبج اكثر عنا .. تقهرني هالعباره ..

و خبرت امي انه من شروطي اذا تزوجت اني ابا ابيت منفصل و في منطقه ثانيه ما ابي اي مشاكل و قالت لي حقج هذا بما انه قادر يبني لي بيت او حتى بيت الايجار .. بس ما اعرف .. الشاب نفسه مو رافضته بس القيل و القال حوالينه خلتني اتردد وايد ..


تسلمين حبيبتي و ربي اييسر لج اللي فيه الخير

 

[Al Shabah]

الظاهر والله العالم ان اخته قالت هذا الكلام لانها مطاقه مع الاخ وهى شكلها حقوووووووود او مريضه نفسيا 00ودها تخرب عليه الخطوبه لانى اعرف كثير من هاااااااااا النوعيه0000000

 

[..قطرت ندى..]

اختي لا تلتفتي لكلام اخته لانها متناقضه وممكن تكون على خلاف معه

ورسالتك له ما كان فيها الى النصح ان عرف انها منك سيبتسم وان لم يعرف سيطنش

 

[آلماسهـ]

Al Shabah
ما ادري عنها والله حبيبتي .. اهي اتقول لي انها وايد وياه و من هالسوالف ..
بس ما ادري عنها والله الله يهديها ..

تسلمين قلبي ربي يرزقج باللي قلبج يتمناه ..



..قطرت ندى..
و الله اتمنى حبيبتي انه اذا درى يبتسم .. ما ينعرفون رياييل هاليومين .. أخاف اييودها علي عقب .. عشان جي ما ابا ازل الحين ولا حتى زله بسيطه ..
و الله يهدي اخته ما اعرف شو فيها والله ..

تسلمين حبيبتي .. رزقج الله باللي قلبج يتمناه ..

 

[أشتاق]

اهلين اختي
انا مقدره الحيرة اللي انتي فيها بس مالك الا الدعاء والاستخاره وربنا مابضيعك ان شاء الله
الله يسرلك امرك

 

[آلماسهـ]

أشتاق
بارك الله فيج حبيبتي و جعله الله في ميزان حسناتج