مشكلتي مع زوجي ....حلوها وسأقبل بحكمكموالله والله والله

[امراءه طيبه]

انا عضوه جديده وابغى تعطوني حل لمشكلتي

انا متزوجه من رجل طيب كريم صاحب دين
المشكله بختصار شديد انه انا ربة بيت استطعت ان اجمع مبلغ من المال من مشروع تجاري بسيط طلبني زوجي سلف فلوس وقال بشتري سياره وفي اقرب فرصه ارد لك فلوسك قلت اوكيه واعطيته وشرى السياره وصار الحين لنا سنه ونص ولا شفت فلوسي وكل ما طلبته قال ابشري وطنش الموضوع بالرغم انه يكون قادر يردها كاقساط
ثانيا-- احيانا يكون زوجي مفلس اذا كنا في سفر او لظرف طارئ وبحاجه للفلوس فاضطر ابيع من ذهبي لاني ما ابغاه يحتاج لأحد ويوعدني يعوضني
انا بصراحه ما احب اضغط عليه
لكن في الفتره الأخيره طلبت فلوسي قال ماعندي فقلت بيع سيارتك اللي مع اخوك وهو يدبر عمره قال استحي منه قلت وانا ليش ماتستحي مني لما تاخذ فلوسي وذهبي قال 000000000000000000
0000000000
000000
000
0انتي بنت الناس وهذولا اهلي لحمي ودمي وافهميها زي ما تبغين
تتخاصمنا واصر انه مايقدر يبيع سيارته اللي مع اخوه لكن قال لما يتوفر معي مبلغ ارد فلوسك وذهبك بعوضك في كل مناسبه اشتري لك قطعه ووافقت
بعد مشكلتنا باسبوع ارسل له شخص مبلغ من المال كان زوجي شريك معه في تجاره
زوجي كان مستلف من اخوه الاخر مبلغ من المال فقال زوجي انا باعطي اخويه الفلوس واسدد الدين اللي له عليه ابغى افرحه
انا زعلت وعصبت وصيحت عليه وقلت ليش انا ماتفرحني زي ماأوقف معك فالشده وترد فلوسي والا زي ما قلت انا بنت الناس تقدر تغيرها واهللك لهم الفضل والشكر وقعدت ادعي عليه بالفقر والذل لأنه
رفض انه يقسم المبلغ بيني انا واخوه
انا مقهوره جدآجدآجدآ لاني اصبر على ظروفه واساعده وقت الشده وهو مايفكر االا في اهله
ملاحضه ----هو ميسور الحال وكريم في بيته وكريم معي في السوق والسفريات والهدايا ولو اني اعرف انه مايقدر يدفع ما كان طلبته

لكن انا الحين زعلانه منه ما اكلمه ومقهوره ليش يقول انتي بنت الناس وليش ما يقدر وقفاتي معه وصبري عليه
لاتقولون انتي زوجته وجيبكم واحد واصبري لا انا انسانه ابغى اتمتع بمالي ماجمعت هذا المال الا لاشياء ابسط نفسي فيها
اعطوني رايكم فالمشكله هل انا ع حق او ان تصرفي غلط واعطوني حل ارجوكم

 

[دمعة الغيمه]

لا طبعا انا ضد اني اعطي زوجي فلوسي او ابيع من ذهبي دامني ربة بيت ومش موظفه
لو اسلفه 100 من اليوم الثاني ازن وابلبل فوق راسه الين يكره ليوم اللي تسلف فيه مني
انا لمن بعت ذهبي عشاني كنت محتاجه اغراض لنفسي مو عشانه والله...
صحيح هو قلبي وروحي واحبه لكن معاشه عنده...

لازم تخلينه يرجع فلوسك حبيبتي بالطيب اولا مافاد معه بالغصب...

 

[{نوتيلا}]

الله يهديلك هوا
بس ما كان المفروض تبيعي دهبك و تعطيه

 

[امراءه طيبه]

دمعة الغيمه شكرآ لك ياغاليه انا ما ابغى اخذها غصب عنه ولا بمشاكل لانه اخذها بطيب نفس مني لكن انا اللي قاهرني انه مايقدر وقفتي معه ووالله لو انه قال خذي فلوسك واخويه بعطيه بعدين كان رفضت وقلت سدد اخوك لكن شسوي



توتيلا شسوي حبيبتي قلبي طيب مره (((((الحب عذااااااب))))))))

 

[نور كندا]

لازم الزوجة لاتعطى فلوسها للزوج الا بالحالات الطارئة متل مرض او عملية غير زلك لا

 

[محبة مكة]

طبعا في البداية انتي غلطي لمن اعطيتي الفلوس
موغلط انو الوحدة تعطي زوجها
لكن الغلط
انو ما يحترمها ويذلها
بس يكون لك درس انو بعد كدة ما تعطيه

 

[سحآبة صيف]

السلام عليكم شوفي ياقلبي انتي اطلبي فلوسك منه مره واثنين الين يمل بس اذا ما رجعها عوضيها باشيا ثانيه تاخذينها منه مثل سفريات اوهدايا او عزايم مطاعم

 

[نردينا]

شوفي خذي منه راتب شهري اقل شي 500 وبكذا تعوضين الي اخذه ويوم الراتب تاخذينهاها مو تستنين كم يوم وتطلبينها لا قبل الراتب بيوم احسن ترجيع ماراح يرجع كل الرجال كذا وماله صلاح بالي يديكي هو قولي مشتركه بجمعيه او اشتري به على طول لاتخلينه قدام عيونه كذا الرجال يحبون فلوس الحرمه

 

[يحق لك]

استغفر الله العظيم

 

[الحب والعطاء]

والله الرجال نكرين لمعروف الزوج ديم جاحد بس من بعد اليوم فتحي عيونك لا يذوق منك ولا قرش خلية يروح لاهلة وعزوتة والشاطر الي يتعلم من غلطتة انتبهي والله مافية طيب في الرجال

 

[زوجه مؤدبه]

ياحليلك اطلبي من ربك العوض وهذا درس قالك انتي بنت الناس فحطيها حلقه بذانك تراه بعد هو ولد الناس واحفظي فلوسك تنفعك باليوم الاسود وخلي الحب على جنب تراه مايوكل عيش .. الله يعوضك ويصلح حالي .

 

[جلكسي999]

اول شي بردعلى الاخت الحب والعطاء هذي جملة زوجي الحريم ناكرات جميل وياحظي من كثر جمايله المهم ياخت امرءه طيبه زني عليه واطلبي نسبه بسيطه من الراتب

 

[$نسايم$]

لا طبعا انا ضد اني اعطي زوجي فلوسي او ابيع من ذهبي دامني ربة بيت ومش موظفه
لو اسلفه 100 من اليوم الثاني ازن وابلبل فوق راسه الين يكره ليوم اللي تسلف فيه مني
انا لمن بعت ذهبي عشاني كنت محتاجه اغراض لنفسي مو عشانه والله...
صحيح هو قلبي وروحي واحبه لكن معاشه عنده...

لازم تخلينه يرجع فلوسك حبيبتي بالطيب اولا مافاد معه بالغصب...

نفس طريقتي مع زوجي بس بدون مااكرهه في اليوم الي تسلف مني:22::20:

 

[الوااااان*]

اعترض على اللي تعطي زوجها مبالغ كبيره دون
اثباااااااااااااات

عشان يعرف انك تعتبريه دين
والا شهود لازم

انا انكويت من مبالغ بسيطه
وتبت
لو احتاج يستلف لانه بيردها لهم اما انا ينسى

لانه ماااعندي
مو شرط يدري كم عندك وكم لا

هدا شي خاص

 

[الــحــلا]

ازعلي عليه الى مايرجع فلوسك هذا شي>ويمكن يرحم اخوه ماله احد يعطيه هذا يمامنع انك تطالينه بفلوسك باسلوب حلوووو
شي اخر لاعاد تطلعين ريال واحد فاهمه!!! الحين الموظفات مايعطون رجالهم تجين انتي تعطينه!!!
ثالث شي الادعيه هذي ردديها ويارب يحبك زوجك كثر مايحب اهله وانا وكل بنت

"اللهم اني اسالك حبك وحب من احبك وحب عمل صالح يقربني الى حبك وان تجعل حبك احب الي من نفسي ومن زوجي ومالي وولدي ومن الماء البارد على الضمأ"
اللهم الف مابين قلبي وقلب زوجي على الايمان والتقوى اللهم اغفر لي ولكافة المسلمات واعف عنا وارحمنا واكتبنا من الصالحين الاخيار اللهم يامسخر القوي للضعيف ومسخر الجن والريح لنبينا سليمان ومسخر الطير والحديد لنبينا داود ومسخر النار لنبينا ابراهيم سخر زوجي بحولك وقوتك وقدرتك لي انت القادر على ذلك وحدك لاشريك لك اللهم ياحنان يامنان ياذا الجلال والاكرام يابديع السماوات والارض ياحي ياقيوم اللهم حنن قلبه علي اللهم بحولك وقوتك تضع مودتي في قلبه انت ولي ذلك والقادر عليه برحمتك ياارحم الراحمين اللهم الف بين قلوبنا واصلح ذات بيننا اللهم اني اشكو اليك ضعف قوتي وقلت حيلتي اللهم اني لاحول ولاقوة لي الا بك يارب العالمين اللهم ارحم ضعفي ياارحم الراحمين اللهم اعطني على الضعف قوه وسخر لي من اقوى مني اللهم يامؤلف القلوب الف بين قلبي وقلب زوجي على محبتك وطاعتك ياارحم الراحمين اللهم انت الله الواحد الاحد الفرد الصمد اسألك اباسمك العظيم ان تهديني وتهدي زوجي وتجعلنا من عبادك الصالحين المتقين المفلحين وان تحسن خاتمتنا وتضلنا تحت ظل عرشك يوم لاضل الا ضلك اللهم لاتجعل لزوجي حضا ومتعة مع النساء غيري اللهم ارزقني وده وحبه وارزقه ودي وحبي اللهم اجعل زوجي حبيبا حليما كريما هينا لينا معي اللهم اجعلني عونا لزوجي على طاعتك واجعله عونا لي والن قلبه وسخره لي اللهم آمين..
"اللهم يامن لا تضيع ودائعه استودعتك زوجي وقلبه وفكره ولسانه وبصره وسائر جوارحه وفرجه وان تحفظه وتصونه وترد عنه كيدهن وتحفظه كما حفظت سيدنا يوسف من كيد امراة العزيز انك ولي ذلك وعلى كل شيء قدير ولا حول ولا قوة الا بك"
"اللهم صب محبتي في قلبه صبا وارني ذلك"
"اللهم سخره لي كما سخرت البحر لسيدنا موسى والن قلبه لي كم النت الحديد لسيدنا داوود فانه لا ينطق الا باذنك ناصيته في قبضتك وقلبه بين يديك تقلبه كيف تشاء " اللهم يا مقلب القلوب والابصار ثبت قلبي على دينك
" اللهم من اراد بي انا وزوجي سوءا او كيدا فرد كيده الى نحره واجعل تدبيره في تدميره اللهم عليك بهم فانهم لا يعجزونك"

"اللهم اني اسالك باني اشهد انك انت الله لا اله الا انت الاحد الصمد الذي لم يلد ولم يولد ولم يكن له كفوا احد انك تفرج همي وتفك كربي يا ارحم الرحمين"

"اللهم اني اسالك حبك وحب من احبك وحب عمل صالح يقربني الا حبك وان تجعل حبك احب الي من نفسي ومن زوجي ومالي وولدي ومن الماء البارد على الضمأ"

"اللهم انك عفو كريم تحب العفو فاعف عني"

"اللهم ملكني قلب من احوجتني اليه يا رب العالمين"

واذا ضايقه فيك الدنيا بالمره

رددي كذا مره (امَن يجيب المضطر اذا دعاه ويكشف السوء ) "اللهم انا المضطره وانت المجيب ثلاث مرات

اللهم رد لي زوجي ردا جميلا

اللهم صب محبتي في قلبه صبا يا ارحم الرحمين

اللهم باعد بين زوجي وبين بنات السوء ورفقاء السوء كما باعدت بين المشرق والمغرب فانهم لا يعجزونك"

"اللهم يامن لا تضيع ودائعه استودعتك زوجي وقلبه وفكره ولسانه وبصره وسائر جوارحه وفرجه وان تحفظه وتصونه وترد عنه كيدهن وتحفظه كما حفظت سيدنا يوسف من كيد امراة العزيز انك ولي ذلك وعلى كل شيء قدير ولا حول ولا قوة الا بك"
(هذا الدعاء ردديه كل ما طلع من البيت)

" اللهم انت اعلم بي من نفسي اللهم اني تركت الحرام لانك امرتني فيه وعفيت نفسي لزوجي اللهم اغنني انا وزوجي بحلالك عن حرامك وبفضلك عمن سواك"

" اللهم اني اريد الاستقرار والهدوء في حياتي لكي احسن عبادتك اللهم اهدني انا وزوجي وعيالي وادخلنا في عبادك الصالحين واحيي بيتنا بذكرك وعبادتك وثبتنا على دينك واجمعنا في الفردوس الاعلى من الجنة"

"اللهم عليك ببنات السوء فانهم لا يعجزونك اللهم انهم استعانوا بالشيطان على زوجي وزينهم في نظره وانا استعنت بك فانصرني عليهم ورد لي زوجي نادما راغبا يا ارحم الرحمين اللهم واستر عنه عيوبي واجعلني نورا بين عينيه واعمه عن غيري من النساء"

"اللهم اجعلني من الحور العين في عين زوجي "

"اللهم اجعلني زوجته وحبيبته الوحيده في الدنيا والآخرة"

"اللهم اجعلني له كما يحب واجعله لي كما احب واجعلنا لك كما تحب وترضى يا رب العالمين"

"اللهم اهد زوجي ورده اليك ردا جميلا وادخله في عبادك الصالحين"

"اللهم اغفر ذنبه وطهر قلبه وحصن فرجه" (ثلاث مرات)

وتختمين بالصلاة على الرسول

 

[جراده شياكه]

طيب هو صادق انتي بنت ناس واخوانه من لحمه ودمه هذا هو الواقع
وهو بعد بالنسبه لك ولد ناس
لاتبيعي اي شي اذا ماعنده فلوس مو لازم تسافروا

 

[wahj]

ياحبيبتي صدق انك امراء ه طيبه انا في سفره جاء قالي ان بطاقته ما تسحب عشان يسدد للفندق وانا بطيبه مني عطيته بطاقتي بعد ماقالي اذا رجعنا بعطيك المبلغ تسددينه طبعا المبلغ 40 الف وبعد اشهر كل ما اطلب منه يعطيني اسدد المبلغ اللي على البطاقه يقول طيب مو الحين عرفت ان ما عنده نيه يرجع لي المبلغ لانه يقول انا صرفت اكثر منه عليكم جاء يوم اعجبني طقم كنب خطييير للمجلس ومجلسي قديم وحابه اغيره خاصة انه بسوي عزيمه كبيره ومهمه قلت له انا شايفه طقم ومومعاي المبلغ كامل اذا ممكن تكمله وعطاني بطاقته واشتريت فيها الميلغ كامل من غير ما احط شي من عندي ولما سالني ليه كل هذا الميلغ قلتله اني كنت مظطره لان بطاقتي ماسحبت طبعا اهو حس انه وحده بوحده عشان كذا ماله وجه بس يقولون من له حيلة فليحتال انت مالك الا الحيله معاه هو ماعنده نيه يرجع افلوسك بدون ما تعبين روحك احتالي عليه واحسن من يصير بينكم مشاكل بسبب الفلوس شوي شوي وفكر زين ولايحس فيك انت ذكيه ولا عاد تعطينه شي ولا تقولين ما بي اعطيك ودي افرج كربك بس من وين ياسره وسع صدرك ولا تدعين عليه اذا صارله شي لا قدر الله انت اول وحده بتتضررين بالتوفي والله معاك

 

[love is true]

خللكي ورااااااه وقوليله اذا ما تقدر كاش فعطيني 500 أو ألف كل شهر

Wahj
ما شاء الله عليكي ذكية وأعجبني تصرفك ههههههههههههههه

 

[معدن أصيل]

أختي تبغين نصيحة من اخت مجربه ؟....الفلوس الي عطيتيها زوجك يخلف الله عليها ...انسيها ولا عاد تفكري فيها واحتسبيها عند رب العالمين ..ولا تكون هي مصدر تعاسة لك في حياتك مع زوجك ..لان زوجك شكله ما راح يردها بسهوله لان عنده اولويات في حياته ماشي عليها،وكلمته الي قالها لك لا تكبريها براسك ..انسيها وتعوذي من الشيطان..المطلوب منك الحين تاخذي درس من الي صار لك ولا عاد تعطينه من فلوسك إذا كنتي تبغينها ترجع وياريت ما تعلمينه برصيدك الحقيقي حتى ما يطلب منك وممكن تساعديه بحالات الضروره الي لا بد منها بس بحدود أما مسألة انها توصل لبيع الذهب اسمحيلي اختي انت غلطانه خاصة إنه زي ما تقولي ميسور الحال.....اتمنى لك حياة موفقه ...

 

[Sقلبي كبيرS]

أختي تبغين نصيحة من اخت مجربه ؟....الفلوس الي عطيتيها زوجك يخلف الله عليها ...انسيها ولا عاد تفكري فيها واحتسبيها عند رب العالمين ..ولا تكون هي مصدر تعاسة لك في حياتك مع زوجك ..لان زوجك شكله ما راح يردها بسهوله لان عنده اولويات في حياته ماشي عليها،وكلمته الي قالها لك لا تكبريها براسك ..انسيها وتعوذي من الشيطان..المطلوب منك الحين تاخذي درس من الي صار لك ولا عاد تعطينه من فلوسك إذا كنتي تبغينها ترجع وياريت ما تعلمينه برصيدك الحقيقي حتى ما يطلب منك وممكن تساعديه بحالات الضروره الي لا بد منها بس بحدود أما مسألة انها توصل لبيع الذهب اسمحيلي اختي انت غلطانه خاصة إنه زي ما تقولي ميسور الحال.....اتمنى لك حياة موفقه ...

فعلا نفس الشئ كنت باقولة