مشكلتي مع أهل زوجي ساعدوني الله يخليكم ..

[زين الورود]

السلام عليكم ورحمة الله وبركاته :
بنات أنا متزوجه لي سنه وشهرين أنا طيبه مع زوجي ومومقصره حتى إذا أحتاج أعطيه فلوس وأعطيته الذهب حقي لأنه محتاج كان وألحين أنا لما أطلبه فلوس يقول اصبري شوي ولما يطلبونه خواته وأخوانه بسرعه يعطيهم ومايعتذر ولما أقول له طلعني المكان الفلاني يعتذر ويقول أبوي مريض وماأقدر ابتعد عنه ولما يطلبونه خواته يطلعهم ومايقول شي وإذا حصل وطلعني يقعد يقول لي أخواتي والله يحبون المكان هذا لازم أوديهم ويجلس يقول أخواتي أخواتي أهلي ..مع العلم أن بعض أخواته متزوجات وأزواجهم مو مقصرين معهم
جاملته جاملته لكن طفشت من يوم تزوجني وهو يمدح في أخواته وبس ..حتى مقاضي العيد حادني أنا وبنتي على مبلغ معين مانزيد عنه وأقول له ماراح يكفيني يقول اختصري وشوي ويقول لي راح أعطي خواتي المبلغ الفلاني عشان يطلعون في العيد كشخه وهو مبلغ كبير استغربت أنا توه يقول مامعاي ويادوب وألحين يقول لي أخواتي مع أن أخواته أبوهم يعطيهم دايما ومايحتاج
بنات لاتفهموا أني أنانيه لاموأنانيه بس أنا اللي كنت أعطيه كل شي حتى تسلفت له مع صاحباتي وأطلبه يعتذر ويطلبونه غيري ويوافق وشرايكم
شخصيته جنوبي شرقي ..
أرجوا تجاوبوني وشكرا ..وإذا من نصائح دكتوره ناعمه حول هذا الموضوع أفيدوني جزاكم الله خير..

 

[أم محمد]

طالبيه بأن يشتري لك ذهبا بدل ذهبك

واقرئي عن النمط الجنوبي وادخلي ملف الجنوبي في قسم الزوج والزواج

وأنت أخطأت ولازلت تخطئين باقتراضك له وتنازلك عن حقك

ولا تنسي أن الجنوبي ملول وكسول ولا يحب النكد ويسهل عليه الفراق وأهله يضعهم في قائمة أولوياته قبل زوجته حتى تتمكن من قلبه وتعكس المعادلة بإذن الله

عليك بالمسايسة والكلمة الطيبة والثناء عليه حتى تحصلي على مبتغاك

ولا بأس بأن تتعلمي من أخطاءك وتتداركيها فكلنا مررنا بنفس الطريق مع الجنوبيين

 

[ايمومي]

كيف انتي تعطينه فلوس وإذا موظفه ليه تطلبيه يعطيك للعيد ؟

 

[زين الورود]

شكرا أم محمد جزاك الله خير
أنا دايما مرتبطه مع أهله أروح معهم وأرجع معهم أسافر لاسافروا وأجلس لاجلسوا وهكذا وحصل مره سافروا وجلست أنا مارحت معهم وأول مره والله مشاني وعشاني برا ووداني السوق ومعايه زي العسل هوطيب بس مشكلته إذا أهله موجودين أحس كأنه يخاف يوديني ويمشيني قدامهم ماأدري انتظر ردكم ياأخواتي والله ماأمل من نصايحكم
موفقين..

 

[زين الورود]

أنا موموظفه بس اللي يعطوني أهلي أعطيه وخايفه لاتوظفت يأخذ فلوسي لأني قلت إذا توظفت راح اشتري لأهلي سياره وزعل وقال لي ممنوع ..

 

[يالوردي]

الغلطه غلطتك خير انشاء الله تاخذين من أهلك وتعطينه هو الي يصرف عليك موانتي تصرفين عليه والرجال اذا مالقى زوجه وعيال ياخذون منه يبدى يصرف على غيرها ماعودته من البدايه تاخذ منه انتي لازم تغيرين واقري عن نمطه وكيفية التعامل معه

 

[أم محمد]

أدخلي ملفات الجنوبي القديمة واستفيدي أيضا من الجديد وستتعلمين بإذن الله كيفية التعامل معه ومع أهله

وبالنسبة للجنوبي لا تخبريه مسبقا بما تنوين فعله

هو شخص يعتمد على المفاجآت ويفضل أن تضعيه دائما اما الأمر الواقع لا يفاجئك

 

[حرم المليونير]

اكبر خطأ سويتيه وخلاه يتمادى عليك انك تعطينه من فلوسك

يا قلبي فلوسك لك ولا حتى المفروض يعرف ان عندك فلوس

حاولي من اليوم انك تبيني له انه فلوسك لك

عارفة مره خالي يقول لي لا تعطي زوجك من فلوسك ترى ما بيحترمك ,, قلت له لو حرمتك تعطيك فلوس شو ردة فعلك ,, قال عادي باخذ منها بس راح احس انها خبلة لان هذا تعبها وحقها وانا اخذه عالجاهز

الله يسهل عليك يا قلبي

 

[دانة الشام]

الآن يفترض أنك تعلمتي من خطأك ... وإلا مالفائدة من التجارب التي تمر بنا؟؟!! لااااا تصرفي عليه هو مسؤول على النفقة عليكي سواء الاساسيات أو الكماليات .. أشعر أن الرجل الذي يبالغ في العطية لأخواته والمتزوجات أيضا في الوقت الذي يضيق الخناق على زوجته هو نوع من استفزاز الزوجة أو لمجرد أنه يريد أن يرى ردة فعلها .. لذلك كوني هااااااادئة جدا وكأن الأمر لايعنيك وبنفس الوقت أصري على طلباتك بذكاء ودلع وإن كان زوجك جنوبي تستطيعي استمالته بسهولة بالرومانسية والاحضان والمديييييييييح عليكي بالمديح المستمر له والشكر والثناء عليه.. لاتيأسي ولاتتهاوني في المطالبة بحقوقك .. حين تكثر عليه المسؤوليات وتصبح عائلتكم أكبر بإذن الله سيتعلم كيف تكون عائلته هي أولوياته .. ربي يختار لك الخير.

 

[am lamo]

ادعي ربك اختي قادر سبحانه يحنن قلبه عليك ادعيه سبحانه
اليك اشكو بثي وحزني .ادعي ربك يصخره لك ويكون كريم وحاولي
اطلبي بيت منفصل عن اهله وصدقيني البار باامه يبر زوجته اذا موالحين بعدين

 

[زين الورود]

شكرا لكم
بس قولوا لي إذا قال لي أنا راح اشتري لأختي كذا وأعطي أخوي كذا أرد عليه بماذا لأني قلت يستاهلون
شي حلو منك إلين طفشت الحين وشاأقول هل الجنوبي اللي أهله من أول اهتماماته تكون نقطة ضعفه هي أهله لأني أنا طيبه مع أخواته بس أخاف أجي مره وأقول يالله خلي البنات يروحون معاي السوق أو يطلعون معاي يصير كذا على طول لأني أنا عندهم وأصلا هو كان يوديني السوق وإياهم إلين زعلت عليه في مره وعصبت وصار يأخذني لحالي ومستحيل يقول أوديك مع خواتي ويابنات يتصرف مع أخوانه وأولا أخوانه كأنه أبوهم مع أنه مو أخوهم الوحيد
شكرا أنتظر ردودكم ..

 

[يالوردي]

لا مايصير كل ماطلعتي لسوق يروحون معك الوحده عندها خصوصيات ولازم تاخذ راحتها وعلى الطلعات لازم فيه طلعات خاصه بينك انتي وزوجك تمشون مع بعض وعادي اذا فيه بعض التمشيات مع اهل زوجك مافيها شي

 

[باونتي66]

ياحياتي انا زوجي جنوبي همكدا يحبو اهلهم بشكل جنونني
طيب انا ايش اقول اخد قرض ووزعه على اهله وسدد دين هدا وطلع سياره للثاني واشترى كنب لاخته ولااعطاااني ولاريال وبيتي عاااادي جدااا اللي بعدها جاني المرض من كثر القهر وانا اللي بعت دهبي علشانه

 

[اسكريم]

الله يعينك

 

[زين الورود]

طيب هما ناس مايحبون أحد يجرحهم في أهلهم كيف نحترم أهلهم وبنفس الوقت نأخذ حقوقنا خصوصا اللي ساكنه عند أهله يعني يوميا تشوفهم ويبغاها تطبخ وتوديهم .. وتفطر معاهم وتسهر معاهم وإذا رجعت بدري قال ليش طفشتي من أهلي .. مازلت أنتظر ردودكم ..

 

[زين الورود]

انتظر ردكم الله يخليكم

 

[$$ألق$$]

شوفي حبوبة
اول شي \
حاجة اسمها تعطيه من فلوسك او فلوس اهلك انتبهي اقطعيها بشويش بدون مايحس انك متعنية
لانو ماعليه قاصر ويصرف ع اهله كتير مو من حقه تصرفي عليه
وانتبهي كمان لو اهلك محتاجين تخبرينه يعني ليه قاتي قلتيله انك بتشرين لهم سيارة يعني لو شريتيها بفلوسك بس مايصير تخبرينه
واهله اذا قالك عطيتهم وكذا عادي خليك عادية لكن طالبي بحقوقك باصرار بس بدلع
وعادي اذا رحتوا السوق معهم بعدها بفترة بسيطة يصيروا مش محتاجين انت قوليله كذا وع بلاطة يالله حبي بنروح السوق اليوم مرة محتاجته واذارحتوا خليك مفرفشة على طول وقوليله مشتهية ناس تعزمني من مطعم كدا وانشالله تنجح معاه ويصير يحس انو فيه شي اسمو خصوصية ومايمنع انو يخدم اهله برضه

اتمنى اكون افدتك ولو حربت خبرينا ردة فعله حتى نشوف ويارب يوفقك واياي لكل خير
فيه ناس لو وش بتسوي مايتغير بس انشالله تنجحي

 

[زين الورود]

بأجرب تصدقون هالأيام بس صايره أتدلع وأسوي نفسي وقاعده أقول أنا حلوه ومايحتاج وأدلع نفسي وأقول أنا مع أهلي كنت مدلعه وكذا وكذا و
ابوي ماكان يقصر علي بشي تصدقون عاد اليوم قاعد والله يقول حبيبتي نفسي ألبي كل طلباتك بس استني شوي ووعدني أنه يعطيني فلوس عشان اشتري فيهم أغراض أنا من زمان طالبتها وقاعده بس أمدح فيه وزي مايقولون الجنوبيين يحبون المدح وبصفه عامه أنا اسمع أن الرجال مايحبون اللي تتفاني عشانهم وتراعيهم بقوه لأنهم يحسون ماعندها شخصيه ومو مهتمه بنفسها عاد أنا هاليومين صرت اهتم بنفسي وفي بعض الحالات أقول أهم شي نفسي وبفضل ثم بنصايحكم تغيرت وصرت أطبق بس زي ماتقولون على خفيف وإن شاء الله ينفع وراح أقول إن شاء الله إذا صار تغيير أكثر ... بس باقي أنه يقول إذا توظفتي خلاص أعطيك مصروف شهري بس عشان نأخذ بيت لحالنا لازم تساعديني ونجمع مع بعض هي كذا الحياه لازم نتكاتف أنا عاد مدري أقول طيب ولا لا لأني أنا انتظر وظيفه هالأيام كنت بأقول له لا البيت مو من مسؤليتي فقلت لا خلي الوظيفه تجي أول بعدين أفكر كمان محتاجه تقولوا لي أساعده ولالا لأنه وعدني أنه يعطيني كل شي أريده في هذي الفتره وبالنسبه للبيت هو من جد يعني راتبه مايكفي يجمع بيت لحاله وإذا جلس يجمع لحاله راح يطول وأنا أريد بيت ملك لي بأقصى سرعه
ردوا الله يخليكم والله استفدت منكم ..

 

[زين الورود]

لا وكمان طلبته اليوم يرجع لي الذهب حقي ويشتري لي غيره بس بدلع زي ماتقولون وقال لي طيب كل شي تبينه راح يصير وقعدت شوي قلت على فكره متى تسدد جوالي وجوالي من زمان مفصول قال أعطيني فلوس وأسدد لك قلت يالله من وين لي أنا كلش معتمده عليك لأنك قدها وقدود فجلس يضحك وقلت اشرايك تسوي لي مفأجأه يوم وتسدد جوالي ابتسم وسكت وشرايكم ... في حركاتي حلوه تنفع
..

 

[امريكيه]

معليش حبيبتي انتي اللي عودتيه وهدا اكبر غلط وشلون تعطيه من فلوسك لا وتتسلفين بعد وش عشانه عشان واحد بدا غيرك عليك وماسك عليك ويعطي اهله ويخليك تراه مايحتررررمك ادا عطيتيه الا يستغبيك ويقول هدي خبله اطلعي خالطي الناس وشوفي وشلون الحررريم يسحبون من رجالهم وانتي الايه منقلبه عندك انتي اللي تصرفين عليه معليش اسمحي لي قمة الغباء هالتصرف الان خلي اللي فااات ادا تبين زوجك يتعدل ويعطيك زي الناس اولا لاتجيبين سيرة اهله او انه يعطيهم بس من جهه ثانيه طلعي عيونه بالطلبات انتي وبنتك كل شي اطلبيه وقولي ضروري ومحتاجه وعوديه من البدايه انك ماتتنازلين عن حقوقك ايا كانت الظروف ولاتخافين بيتصرف وبيعطيك لانك لو مرره تنازلتي بيتعوود عليك واصررررفي قد ماتقدررين طلعات ولبس وتمشيات لاتحنينه ابد والمنتدى مليان من هالحريم اللي يعطون رجالهم روحي وشوفي كل وحده تشتكي وليه وليه وهي اللي تخربه وتشتكي ماشفت والله وحده عطت زوجها وجت تقول انه بين بعينه الا كاسرها ومتزوج عليها وهاينها انا اسفه عالاطاله بس والله من حرتي عليك الله يوفقك ويسهل امورك:5: