مشروع تطوير العلوم والرياضيات ما بين القبول والرفض؟

[ملكه بزوجها]

بسم الله الرحمن الرحيم ​

بعد التحية والسلام "​

أخواتي لا حظتوا جميعاً مناهج العلوم والرياضيات والتطوير الي فيها وبصراحة قبل مانتكلم في اي شي نشكر ونثمن جهود ملكنا الغالي ( اولاً ) بالنهوض بالتعليم في المملكة لمواكبة التطور في البلدان المجاورة وهذا ليس بغريب على ملكنا حفظة الله بالنسبه لي اعجبتني المناهج في المواضيع عالية التفكير والاسلوب الجيد والشكل المشوق ... لكن الشي العجيب ان يقوموا بإحضار مناهج امريكية وتُعرب فقط !!! ولايجوز حذف او إضافة في هذة المناهج لانها منتج خاص لشركة (مايكروهل) ..(ثانياً )عدم وجود الادوات اللازمة للنهوض بهذه المناهج مثل اعداد الطالبات والمعامل وغيرها ...فهل تتناسب مناهج امريكا مع مجتمعنا وبالذات الصف الاول الابتدائي !!! حيث ان الطالبة لاتستطيع ان تقراءوتكتب ! لماذا لم يتم احضار شركة متخصصة في التطوير الى ارض الواقع لكي تدرس طبيعة المملكة من جميع النواحي لاننا من الصعب ان ننتقل من ال أ الى ال ي مباشرة لابد من مراحل للتطور ..
أخواتي وجهت نظركم تهمني جداً جداً​

 

[*مشاعر مكتومة*]

هلا وغلا فيك ..
بالنسبة للمناهج احسها كبيره عليهم والله مااعجبني مررره..

 

[فاقده&ابوها]

انا بنسبه لي حرام اول ابتدائي

انا بنسبه لي ادرس في مدارس تطوير دراستنا على لاب مثل دراستنا القديمه

بس اول ثانوي طورو مناهجهم على الي سمعتها انها انقلش بس ماتاكدت

 

[ملكه بزوجها]

ياهلا وألفين هلا .....بأختي مشاعر مكتومة نورتي موضوعي....أنا معك فيما قلته ولكن هناك جهود جبارة في إعداد المناهج وهذا ما لا نستطيع أن ننكره ....إلا أنه لابد من النظر بالنسبه لمناسبتها للفئه العمريه ؟؟؟

 

[ملكه بزوجها]

أختي فاقده&أبوها..........أشكرك على مرورك.....والله مصيبه لوكان الي قلتيه صحيح ......عادإنجليزي مره وحده........هذا على المقولة ( يا طخه يا أكسر مخه):biggrin::biggrin::biggrin:

 

[أم الشوق]

لا المناهج بالعربي أنا أدرس أول متوسط مطور المنهج الجديد كمية المعلومات كثيرة جدا ولاتناسب مستوى طالباتنا ولاععدهن بالفصل الانشطة والتمارين كثيرة جدا لانستطيع نلحق عليها ومطالبين بإنهاء المنهج بوقت محدد وعدد حصصي 25 فما الحل ؟؟ الله يعين المفروض يحذف فصل كامل من كل كتاب حتى يعقل تدريسه كماهو مطلوب منا

 

[jتوتة حمرا]

السلام عليكم احنا بالكويت بالنسبه للعلوم محتواه جميل والمعلومات الي فيه ممتازه وتناسب التطور والتقدم ، احنا نقول انه عيالنا ما يعرفون وصعب عليهم بس على العكس عيالنا واعيين وحق لعب السوني والبلي ستيشن وغيرها من الالعاب الالكترونيه فالحين فيها،بس المشكله في كميه المعلومات دسمه اما بالنسبه للرياضيات فهو فعلا صعب والكتاب معقد حتى للمعلمه الله يعين الطلبه واولياء الامور

 

[أحلى برنسيسه]

هههههههههههههههههه
والله افتكرت اول ما استلم طفلي كتاب ارياضيات فتحت الصفحه الاولى وانا فرحانه الكتاب شكله الخارجي يفتح النفس جيت لصورة الحمار الوحشي اول صفحه قرات وقرات ومافهمت ولمن ركزت عرفت انهم يبغوا تصنيف الالوان للحمار الوحشي وضحكت على نفسي
انا مو ضد التطور العلمي لكن الكتاب صعب ودروس التصنيف حسيت ولدي مو مستوعبها
لا ولا العلوم كل درس العلماء يقولون العلماء يفعلون مو كده المفروض هم في سن يحتاجون فيه اولا للتاسيس
وبعد كده للتطوير
ان شاء الله يقدروا عيالنا يتستوعبوا الدروس

 

[فلفل هندي]

الحمدلله الدروس كبيره على الاطفال بنسبه لمادة العلوم حدث ولا حرج اجزاء النبته رسم وحفظ التعريف لكل وحده والرياضيات الانماط والتصنيف ولاعندك احد احس ان المناهج كككككككككككككبيره عليهم والله يعين الامهات

 

[ملكه بزوجها]

أم الشوق ... توته حمرا.... أحلى برنسيسه.... فلفل هندي
منورين الموضوع يا عيوني
وما أقدر أقول غير الله يعين معلمات العلوم والرياضيات

 

[ملكه بزوجها]

??????????????????????????????????????????????????????????

 

[شمس عمري11]

بصراحه احسه اكبر من مستوى الطلاب الله يعين

 

[ريحانه المدينه]

ياساتر استر من الرياضيات صعب جدا والعلوم حق الصغار مره مو قدهم اشياء كبيرة عليهم

 

[اليفه]

الكتب الجديده حلوه مره
بس فيها شي غريب ......لما يعطوني سؤال ويبغون نكتب الاجابه ؟؟طيب الاطفال توهم يتعلمو الحروف كيف تكتب الطفله ؟؟

 

[رحالهه]

غير مناسبه جدا لانه الامكانات عندنا ضعيفه وغير توفره مثل وقت الحصة الفروض 90 دقيقه ونحن لدينا 45 دقيقه فهل يعقل ياناس اين التطور لي يتكلموا عنه

 

[ملكه بزوجها]

أشكركن أخواتي على المرور وأعاننا الله وإياكم لما فيه صالح طالباتنا

 

[هنوووودة]

والله المناهج جداً صعبه على الصف الاول المفروض ياخذون راي من هم في الميدان قبل اعتمادها وحتى منهج رابع رياضيات صعب على بناتنا انا اعاني مع الطالبات ولا يكفي وقت الحصة الا نص الدرس او اقل الله المستعان واشكرك اختي على هذا الموضوع

 

[ام اسيل555]

نفسي أكوانم مدرس

 

[ام اسيل555]

الله يعطيك العافي

 

[ام اسيل555]

مشكوررررررررررررررررررررررررررررررررررررررررررررررررررررررررررررررررررين"""