السلام عليكم ورحمه الله وبركاته
ابي مشورتكم يا بلقيسيات والله لا يحرمكم الأجر ويفرجها علي وعلى كل مكروب.
انا متزوجه من 9سنوات عمري 32 وزوجي 42 سنه زوجي عقيم واجريت عمليات اطفال انابيب كثيره ولم احمل الا مره ولم يستمر .
حياتي كلها مشاكل من اول ليله زواج الى يومنا زوجي يعشق المشاكل ويدورها دواره وما ادري ويش السبب وزعلت كثير عند اهلي ورجعت وهو على قولته يحبني ومايبي يطلقني وانا حقيقه ما اشوف الحب اللي يقوله كلامه دائما جارح واي شيئ اطلبه مايسويه وان سواه جلس يمنه عليه شهور مايصرف علي على الرغم ان راتبه كبير ومو مسئول عن غيري واخوانه كل واحد مستقل بحياته ونادرا ما اشوفهم يعني حياته كله معاي فقط ومع دلك مايحترمني ولا يعبرني و يحرج من العصر لحد 2 بالليل ويرجع ينام ويروح العمل ويرجع ينام ويخرج وانا حابسني بين اربع جدران ومانعني حتى من جاراتي واقاربي وساكنه بمدينه صغيره بعيده عن اهلي واطلبه ننقل لمدينه كبيره علشان نتعالج ورافض مره على الرغم ما عنده شيئ يربطه فيها الا انها ديرته لا اهل يزورهم ويزورونه او بيت ملك ولا يفكر ابد بمستقبلنا وكنت عايشه ببيت كبير من يوم تزوجت وقبل 8 شهور نقلني لشقه صغيره ولا اخد رأيي وسكنتها وانا زعلانه وطلبت منه فلوس ورفض رفض قاطع وبعدها جاء زواج اختي وحلف مايشتري لي شيئ ولا ينزلني السوق اصلا ورحت لأهلي وطلبت من اخوي فلوس واشتريت مع اخواتي وخلص الزواج ببدايه الصيف كان الزواج وبعدها طلبني اجي لبيتي لأنه يبي يعزم ناس من قرايبه وجيت وخلصت العزيمه وما قالي شكرا وطلبته اروح لأهلي وقال تتركيني لوحدي قلت ابي انبسط معاهم ومهمتي معاك انتهت العزيمه وما تعبت نفسك بزواج اختي قال طيب روحي لكن خمس ايام فقط قلت طيب ورحت كان الكلام هدا بنص شعبان وبعده بيومين قالت لي اختي ان زوجي سافر لمدينه كبيره وزعلت وقتها واتصلت عليه وهزأته قدام زوج اختي وهو بعد ما قصر وقفلت الخط وانا مقهوره يسافر وانا اترجاه نسافر نتعالج ويرفض او نتمشى وارسلت له رساله قلت ما ابي منك شيئا لا ورقه طلاقي فقط ,وقبل رمضان بيوم اتصل علي وما رديت عليه وبعدها جاء لبيت اهلي ورديت عليه بأني مو جايه معاه للأبد قال ليش قلت انت تعرف وتعال بعدين علشان تتفاهم مع ابوي . واتصل ببدايه رمضان يبارك لأبوي بالشهر واتصل اخوه الكبير يبارك بالشهر وسافرت مع اهلي وكان يتصل على زوج اختي يشوف الأحبار وانبسطت مره مع اهلي ونسيته على فكره زوجي اهلي كلهم ويحترمهم مره لأنهم اساسا طيبين ويوم العيد كلم ابوي وامي يعيدهم ورابع العيد جاء هو واخوه يعيد وطلب يشوف امي واعطاها عيديه وحلف تأخذها.وكل هذا يمهم طبعا لرجوعي .وانا زعلت كثير عند اهلي لكن كل مره يعتذر فيها ويقولي احبك وما استغنى عنك اصدق وارجع لكن هذي المره غير ابي الطلاق جد كرهت تصرفاته وحياتي معاه لااطفال ولامدينه انا مبسوطه فيها ولا بيت مرتاحه فيه ولا ريق حلو ولا احد يجيني او اروح له ومايمر يوم الا ودمعتي على خدي بصراحه صرت اخاف على نفسي من الأمراض من كثر ما اعصب وازعل والحياه جد ما تستاهل لكن كل همي اني لو تطلقت ممكن اتزوج بسرعه وزوج المستقبل راح يكون كوي ساو ادهى وامر .لكن ربي بيفرجها علي ان شاء اللله ويجيرني بمصيبتي .انا الحين عند اهلي ومتردده من الطلاق رغم اني عفت زوجي وما ادري هل عدم اتخاذي قرار يدل على عدم ثقتي بنفسي ,احب نفسي علشان كذا ابي اتطلق واحب نفسي وما ابي احد يعايرني بطلاقي وابي احصن نفسي والله هذا سبب كبير لعدم طلاقي من اول . لكن والدي قال بشرط عليه شروط نفذها اهلا وسهلا ما نفذها يطلق وخلاص هذي عشره تسع سنين مو سهله وانا اللي صابره على عقمه وبخله وحبسته لي . انا وظيفتي ان شاء الله ببدايه الدراسه وانا ولله الحمد جميله ورشيقه لكني مازلت متردده .بزواج اختي خطبتني وحده لولدها قالو لها متزوجه وجلست اضحك انا واخواتي قالو لو تنتظر شوي بس تطلقين وقلت له قال ايه علشان كذا تبيني اطلقك وانا حقيقه قلت له علشان يعرف اني مازلت مرغوبه .
انا الحمد لله ملتزمه والله اني اجاهد بحجابي وبملابسي لأن كل اللي حولي تبرج واقول دائما الله يثبتني لأني احيانا ارغب بلبس هذي الملابس لأني رشيقه وبيضا والكل يقول كبرتي عمرك بملابسك الطويله على الرغم ان كل ملابسي ذوق وماركات لكن ماصار يعجبهم الا اللي تفسخ حتى خواتي الكبار صارو كذا الا انا وفعلا في هذا الزمن القابض على دينه كالقابض على الجمر, لكن كنت البس كل شيئ عند زوجي وهو شخصيا يدري اني حلوه ومبسوط من اهتمامي برشاقتي ونفسي ولا اتوقع انه يبي يطلقني ابدا لكن يبي يستعبدني .
آسفه حبيباتي طولت عليكم لكن حبيت تدخلون شوي لحياتي وتحطون نفسكم بمكاني ويش راح تسوون بتصرون على الطلاق او بترجعون .
ولكم كل الشكر والأحترام
وشاورهم في الامر فاذا عزمت فتوكل على الله)
