ما حد خطبني

[فاطمه محمد]

الله يرزقنا و اياج و البنات ازواج صالحين يتقون الله في السر و العلن و الله يسخرهم لنا..

اختي احيانا يكون التاخر في الزواج نعمه و الحمدلله رب العالمين .,, اصبري و الله مع الصابرين ماتدرين يمكن الي انتي فيه نعمه و ررررحمه و الله ارحم الراحمين
ادعي الله وخاصه في الليل لما الناس نيام و هو كريم جل جلاله ما بيردج

يارب ارزقني واخواتي ازواجا صالحين في دار و زمن كثر فيه البلاء و الفتن .. اللهم آمين

 

[{..ملائكية]

الله يرزقج ويرزقني

انا مثلج = ( بس انا عمري 24 اصغر منج بسنه

والي مضايقني مو استعجالي ع الزواج
بس لان بنات خالتي الي اصغر مني عمرهم من 17 الى 23 متزوجات
ودايم يحسسوني اني عانس = (

وقبل اسبوع بس ولد عمي تكلم انه يبي يتقدم لي ..
على طول الموضوع تفركش ولا جى ولا صار شي
قلت يارب ما يكون احد مسوي لي سحر = (
او احد حسدني لاني ما شاء الله جميله
وفي كم وحده عيونها حارة بعايلتنا : $

وانا ادعي في قيام الليل ان الله يرزقني الزوج الصالح

وان شاء الله ما بنساج وبدعي لج ولكل بنت ما تزوجت للحين~

 

[دلع المدينة]

موكل شي يصير للانسان عين اذا كنتي تتحصني في الصباح والمساء الله حافظ لك ولن يضرك لاسحر ولا عين بس انتي وكلي امرك لله واوصيك بقراءة البقرة كل يوم والاستغفار وتجنبي مجالس الغيبة والقيل والقال وصلي قبل الفجر ركعتين لله واستغفري والله اعرف بنات طبقوا هاالكلام وفي اقل من شهر تزوجوا وتاكدي ان نصيبك لسى ماجاء والله يرزقني واياك الزوج الصالح

 

[*^ ندى الورد ^*]

الحمد لله ما في شئ ناقصني
بس اني اقول الراء غاء
ما اعرف اذا كان هذا عيب او لا...

|من قالك انها مشكلة تمنعك من الزواج بالعكس انا كثير اعرفهم نفس حالتك . وعمتي تقول السين ثين والحمدلله متزوجة وعندها عيال اطول منها ماشاء الله تبارك الرحمن.
بس انصحك تروحين عند اخصائي نطق ممكن عندك عيب في مخارج الحروف.
وغير كذا صدقيني طالما انك الحمدلله مافيك شيء ناقصك فهذا معناه ان ربي مابعد كتب نصيبك (الرزق مكتوب قبل ما يطلع الانسان في الدنيا) فانتي اكثري الاستغفار
هذي هديه مني لك اتمنى تقبلينها
E-Sebha-11

واذا حابة عندي ارقام خاطبات ثقه على الخاص ومابي لك الا الخير

 

[سنية وافتخر]

واااااو حبيتي ليه الشقا والله السعادة ماهي في الزواج ولا المال ولا في منصب والله السعادة في طاعة ربي وبس واكثري دعاء واستغفار

 

[انثى المطر]

الحمد لله ما في شئ ناقصني
بس اني اقول الراء غاء
ما اعرف اذا كان هذا عيب او لا...

ياحبيبتي هذي عمرها ماكانت مشكله , شوفي اكبر دليل ان عندي عايله كللللللها ماتلفظ حرف الراء يعني ورااااثه , وكل البنات متزوجات وعين الله عليهم ومستانسين , عمرهم ماتضايقو من هالعيب اللي فيهم ولا راحو دكتور مختص بمخارج الحروف ربي يحفظهم ويستر عليهم .,
شوفي عندي لج مقطع صوتي رقية شرعيه واستمعي لها عشان تقطعين الشك باليقين
الرقية الشرعية الصوتية MP3: تحميل الرقية الشرعية الصوتية


وخلي عنج هالوساوس
واسأل الله ان يرزقنا واياكي بالزوج الصالح بهالششهر الفضيل وان ماتدور السنه الا واحنا بنوتات المنتدى مخطوبات ومتزوجات
عاجل غير آجل , قولي آمين ,’ =) , ربي يوفقنا ويسسعدنا ويكتب لنا كل خير ويبعد عنا كل ششر , اللهم آمين يارب العالمين ,

 

[*همسة*]

الله يرزقك وبنــآآت المسلمين بالزوج الصالح

اللهم اميييييين

 

[*همسة*]

الله يرزقك وبنات المسلمين بالزوج الصالح

 

[سمتي الوفاء]

الله يرزقنا جميعا الازواج الصالحين يارب

 

[نور الشمس 1]

اللهم فرج كربى وهمى واذهب غمى وارزقنا رضاك ومحبتك وكل اخواتي المسلمات المؤمنات
اللهم اغفر لى ولوالدى وللمسلمين والمسلمات الاحياء منهم والاموات

الله يرزقج ويرزقني الزوج الصالح يارب وجميع بنات المسلمين

 

[vetani]

مشكورين عزيزاتي :shiny:


ما قصرتوا
:icon31:

الله يوفقكم في الدنيا والآخرة

ويفرج همكم

عزيزتي ندى الورود يمكن فعلا اتوقع عندي مشكلة في المخارج
لان كل عيلتنا كلها ينطقون الراء غاء:blush-anim-cl:
لكن خواتي الاثنتين تدربوا لحد ما صاروا ينطقونها صح:icon31:
انا مو خايفة من نفسي بالعكس الحمدلله واثقة
لكن ما اعرف ايش نظرة الناس لي...

مشكورين اللي عطتني الهدية وطبعا رح اقبلها لكن للأسف ما تحمل البرنامج ما ادري ايش مشكلته
ومشكورة اللي عطتني الرقية الشرعية جارت التحميل
مو قادرة احفظ اسمائكم ولا اعرف اسوي اقتباس

على كل حال فيه كثير ناس استعجلوا على الزواج فقط مسمى انهم يكونون متزوجات
والحين هم مرة متندمين وازواجهم مرة قاهرينهم

الحمد لله على كل حال

 

[عاشقة تميم]

الله يرزقج ويرزقنا معاج

كل شيء له سبب ومسبب..ويارب تعرسين قبل ما يطوف رمضان

وهو القادر على ذلك

 

[مجرد الم]

الله يوفقك بالزوج الصالح